𑐣𑐾𑐥𑐵𑐮𑐫𑑂 𑐥𑑂𑐬𑐔𑐮𑐶𑐟 𑐠𑐷𑐠𑐷 𑐖𑐵𑐟𑐷𑐫 𑐥𑑂𑐬𑐵𑐔𑐷𑐣 𑐊𑐰𑑄 𑐀𑐬𑑂𑐰𑐵𑐔𑐶𑐣 𑐮𑐶𑐥𑐶𑐩𑐢𑑂𑐫𑐾 𑐡𑐬𑑂𑐱𑐣𑐷𑐫 𑐳𑐸𑐬𑐘𑑂𑐖𑐶𑐟 𑐮𑐶𑐥𑐶 𑐢𑐵:𑐳𑐵 ‘𑐬𑐘𑑂𑐖𑐣𑐵’ 𑐮𑐶𑐥𑐶 𑐏: | 𑐠𑑂𑐰 𑐮𑐶𑐥𑐶 𑐣𑐾𑐥𑐵𑐮𑐫𑑂 𑐖𑐎 𑐩𑐏𑐸, 𑐔𑐷𑐣, 𑐖𑐵𑐥𑐵𑐣, 𑐟𑐶𑐧𑑂𑐧𑐟 𑐁𑐡𑐶 𑐩𑐴𑐵𑐫𑐵𑐣𑐷 𑐧𑑁𑐡𑑂𑐢 𑐡𑐾𑐫𑑂 𑐰 𑐠𑑁𑑄𑐎𑐣𑑂𑐴𑐫𑑂 𑐳𑑄𑐫𑑂𑐟𑐫𑑂𑐳𑑄 𑐐𑐞 𑐐𑐣𑐟𑐎 𑐐𑐸𑐩𑑂𑐧𑐵𑐟 𑐡𑐫𑐾𑐎𑐮 𑐀𑐣 𑐀𑐣𑐟𑐎𑑄 𑐥𑑂𑐬𑐔𑐮𑐶𑐟 𑐰 𑐥𑑂𑐬𑐳𑐶𑐡𑑂𑐡𑑂𑐢 𑐖𑐹𑐐𑐸 𑐳𑐸𑐣𑑂𑐡𑐬 𑐮𑐶𑐥𑐶 𑐏: | ‘𑐬𑐘𑑂𑐖𑐣𑐵’ 𑐏𑑃𑐐𑑂𑐰: 𑐬𑐒𑑂𑐐𑐫𑑂 𑐫𑐵𑐫𑐾𑐐𑐸 𑐰𑐵 𑐁𑐣𑐣𑑂𑐡 𑐧𑐷𑐐𑐸 𑐢𑐫𑐵𑐐𑐸 𑐀𑐬𑑂𑐠𑐫𑑂 𑐕𑑂𑐫𑐮𑐷𑐐𑐸 𑐳𑑄𑐳𑑂𑐎𑐺𑐟𑐫𑐵 ‘𑐬𑐘𑑂𑐖’ 𑐢𑐵𑐟𑐸𑑄 𑐡𑐸𑐐𑐸 𑐏: | 𑐠𑑂𑐰 𑐮𑐶𑐥𑐶 𑐟𑐸𑐫𑐹𑐐𑐸 , 𑐩𑑂𑐴𑐵𑐳𑐸𑐐𑐸 , 𑐴𑑂𑐫𑐵𑐐𑐸 𑐰 𑐴𑐵𑐎𑐸𑐐𑐸 𑐩𑐳𑐶 𑐔𑑂𑐰𑐫𑐵𑐟:𑐐𑐸 𑐏𑐣𑐾𑐡𑐸 | 𑐠𑐸𑐎𑐶𑐫𑐵 𑐩𑐣𑑀𑐴𑐬 𑐧𑐣𑐵𑐰𑐚𑑄 𑐮𑐳𑐟𑐵 𑐥𑐶𑐖𑑂𑐰𑐫𑐾𑐎𑐹 | 𑐟𑑂𑐬𑐶𑐎𑑀𑐞𑐵𑐟𑑂𑐩𑐎 𑐟𑐧𑐵𑐮𑐵𑐐𑐸 𑐕𑑂𑐫𑐫𑐵 𑐎𑑂𑐰𑐫𑑂 𑐐𑑀𑐮𑑀𑐥𑐣 𑐔𑑁𑐜𑐵 𑐁𑐏:, 𑐟𑐧𑐮𑐵𑐐𑐸 𑐚𑐵𑑃𑐎𑐵𑐫𑐵 𑐮𑐾𑐏𑐵𑐂 , 𑐖𑐰𑐥𑐵𑐏𑐾 𑐢𑐾𑐔𑐹𑐐𑐸 𑐔𑐶𑐧𑐵𑐮𑐵𑐐𑐸 𑐰 𑐟𑐵:𑐴𑐵𑐎:𑐐𑐸 𑐬𑐾𑐏𑐵𑐣𑑂𑐟, 𑐐𑐸𑐧𑑂𑐮𑐾𑑄 𑐐𑐸𑐧𑑂𑐮𑐾𑑄 𑐔𑐶𑐧𑐵𑐮𑐵𑐐𑐸 𑐢𑑂𑐰𑐮𑑄 𑐩𑐵𑐟𑑂𑐬𑐵–𑐔𑐶𑑄 𑐡𑐂𑐐𑐸 𑐬𑐘𑑂𑐖𑐣𑐵 𑐮𑐶𑐥𑐶𑐫𑐵 𑐩𑐹 𑐧𑐶𑐱𑐾𑐲𑐟𑐵 𑐏: | 𑐠𑐠𑐾 𑐟𑐧𑐮𑐵 𑐰 𑐔𑐶𑐧𑐵𑐮𑐵𑐐𑐸 𑐢𑑂𑐰:𑐫𑐵 𑐳𑑄𑐫𑑀𑐖𑐣 𑐟𑐳𑐎𑑄 𑐁𑐎𑐬𑑂𑐲𑐎 𑐖𑐹 | 𑐏. 𑐳𑑂𑐰𑐬 𑐧𑐬𑑂𑐞 (𑐩𑐵𑑃 𑐁𑐏:)

𑐮𑐶𑐥𑐶 𑐰𑐶𑐎𑐵𑐳 𑐎𑑂𑐬𑐩𑐎𑐠𑑄 𑐠𑑂𑐰 𑐮𑐶𑐥𑐶 𑐗𑐶𑑄𑐕𑐐𑐹𑐐𑐸 𑐱𑐟𑐵𑐧𑑂𑐡𑐷𑐣𑐶𑐳𑐾𑑄 𑐗𑐶𑑄𑐔𑑂𑐫𑐵𑐐𑐐𑐹𑐐𑐸 𑐱𑐟𑐵𑐧𑑂𑐡𑐷𑐟𑐎 𑐰 𑐠𑑁𑑄𑐎𑐣𑑂𑐴𑐫𑑂 𑐣𑑄 𑐕𑑂𑐫𑐮𑐵𑐧𑐸𑐮𑐵𑐫𑑂 𑐰𑐫𑐵𑐔𑑂𑐰𑑄𑐐𑐸 𑐡𑐸 | 𑐀𑐣𑑂𑐟𑐬𑑂𑐬𑐵𑐲𑑂𑐚𑑂𑐬𑐶𑐫 𑐮𑐶𑐥𑐶
𑐥𑑂𑐬𑐡𑐬𑑂𑐱𑐣𑐷𑐂 𑐔𑐶𑐣𑐶𑐫𑐵 𑐮𑐶𑐥𑐶 𑐢𑐸𑑄𑐎𑐵: 𑐰𑐶𑐱𑑂𑐰𑐫𑑂 𑐡𑐎𑐮𑐫𑑂 𑐧𑐵𑑄𑐮𑐵:𑐐𑐸 𑐣𑐶𑐐𑐹𑐐𑐸 𑐮𑐶𑐥𑐶𑐎𑐠𑑄 𑐔𑐬𑑂𑐔𑐶𑐟 𑐠𑑂𑐰 𑐮𑐶𑐥𑐶𑐫𑐵 𑐮𑐾𑐏𑐣𑐫𑑂 𑐮𑐸𑑃–𑐰𑐴: 𑐠𑐾𑑄 𑐖𑐵:𑐐𑐸 𑐩𑐸𑐮𑑂𑐫𑐰𑐵𑐣𑑂 𑐢𑐵𑐟𑐸 𑐟𑐫𑐵: 𑐡𑐫𑐾𑐎𑐵𑐟:𑐐𑐸 𑐩𑐳𑐶𑐫𑐵 𑐄𑐥𑐫𑑀𑐐 𑐫𑐵𑐣𑐵𑐟:𑐐𑐸 𑐣𑑄 𑐕𑐐𑐹 𑐧𑐶𑐱𑐾𑐲𑐟𑐵 𑐏:𑐳𑐵 𑐣𑐾𑐥𑐵: 𑐳𑐫𑐸𑑄𑐎𑑂𑐟 𑐬𑐵𑐲𑑂𑐚𑑂𑐬 𑐳𑑄𑐑𑐫𑑂 𑐡𑐸𑐖: 𑐖𑐸𑐂𑐟 𑐕𑑂𑐫:𑐐𑐸 𑐣𑑄 𑐠𑑂𑐰 𑐴𑐾 𑐮𑐶𑐥𑐶 𑐏: 𑐢𑐎𑐵: 𑐄𑐟𑐶𑐎𑑄 𑐰𑐫𑑂 𑐰𑐫𑑂 𑐖𑐹 |
𑐬𑐘𑑂𑐖𑐣𑐵 𑐮𑐶𑐥𑐶𑐫𑐵 𑐰𑐶𑐎𑐵𑐳 𑐎𑑂𑐬𑐩𑐫𑐵 𑐥𑐬𑐩𑑂𑐥𑐬𑐵𑐫𑑂 ‘𑐎𑐸𑐚𑐵𑐎𑑂𑐲𑐬’ 𑐫𑐵 𑐣𑐵𑑄 𑐣𑑄 𑐣𑑂𑐴𑑂𑐫𑐩𑐠𑑃𑐳𑐾𑑄 𑐩𑐐𑐵: | 𑐏𑐵𑐳 𑐫𑐵𑐣𑐵: 𑐠𑑂𑐰 𑐁𑐏: 𑐟𑐣𑑂𑐟𑑂𑐬 𑐧𑐖𑑂𑐬𑐫𑐵𑐣𑐫𑐵 𑐬𑐴𑐳𑑂𑐫𑐰𑐵𑐡 𑐥𑑂𑐬𑐔𑐵𑐬 𑐖𑐸𑐂𑐢𑐸𑑄𑐎𑐵: 𑐳𑐺𑐖𑐣𑐵 𑐖𑐸𑐮 | 𑐐𑐸𑐩𑑂𑐴𑑄 𑐁𑐬𑐵𑐢𑑂𑐫 𑐡𑑂𑐫𑑀:𑐫𑐵 𑐰 𑐳𑐵𑐢𑐣𑐵 𑐧𑐶𑐲𑐫𑐫𑐵 𑐩𑐣𑑂𑐟𑑂𑐬 𑐐𑑀𑐥𑑂𑐫 𑐫𑐵𑐫𑐾𑐐𑐸 𑐮𑐵𑐐𑐶 𑐰 𑐴𑐾 𑐩𑐣𑑂𑐟𑑂𑐬𑐫𑐵 𑐁𑐏: 𑐫𑐵 𑐕𑐐: 𑐴𑐾 𑐁𑐏: 𑐫𑐵 𑐁𑐎𑐵𑐬 𑐥𑑂𑐬𑐎𑐵𑐬𑐫𑑂 𑐔𑑂𑐰𑐫𑐾𑐐𑐸 𑐔𑐮𑐣 𑐰𑐮 |
𑐠𑐸𑐎𑐠𑑄 𑐟𑐣𑑂𑐟𑑂𑐬𑐩𑑄𑐣𑑂𑐟𑑂𑐬𑐫𑐵 𑐬𑐴𑐳𑑂𑐫𑐩𑐫 𑐏𑑃𑐥𑐸 𑐕𑐐: 𑐴𑐾 𑐁𑐏: 𑐠𑐾𑑄 𑐩𑐶𑐮𑐫𑑂𑐫𑐵𑐣𑐵: 𑐔𑑂𑐰𑐫𑐾𑐐𑐸 𑐟𑐬𑐶𑐎𑐵𑐫𑐵𑐟 𑐴𑐾 𑐎𑐸𑐚𑐵𑐎𑑂𑐲𑐬 (𑐩𑐣𑑀𑐐𑑂𑐬𑐵𑐩) 𑐢𑐫𑐵𑐐𑐸 𑐣𑐵𑑄 𑐧𑐶𑐮 |

𑐎.𑐧𑐵𑐐𑐷𑐱𑑂𑐰𑐬 𑐳𑑂𑐩𑐬𑐞𑑀𑐔𑑂𑐔𑐵𑐬𑐞𑐩𑑂

𑐏. 𑐳𑑂𑐰𑐬 𑐧𑐬𑑂𑐞 (𑐩𑐵𑑃 𑐁𑐏:)

𑐐. 𑐧𑑂𑐫𑐘𑑂𑐖𑐣 𑐰𑐬𑑂𑐞 (𑐧𑐵 𑐁𑐏:)

𑐑. 𑐳𑑄𑐏𑑂𑐫𑐵 𑐰𑐬𑑂𑐞 (𑐮𑑂𑐫𑐵: 𑐁𑐏:)