đ‘Ŗ𑑂𑐴đ‘ĩđ‘Ĩđ‘ĩ𑑄𑐐𑐸 𑐩𑐔đ‘ĩ 𑐔đ‘ļđ‘Ŗđ‘ĩ𑐏𑑃 𑐰đ‘ĩ𑐔đ‘Ŗ 𑐨đ‘ļ𑐜đ‘ļđ‘Ģ𑑀 đ‘ĸ𑐾đ‘ĸ𑐾𑐧𑐮𑑂𑐮đ‘ĩ 𑐎đ‘ĩđ‘ŗđ‘ĩ 𑐖𑐸𑐂𑐐𑐸


đ‘Ŗ𑑂𑐴đ‘ĩđ‘Ĩđ‘ĩ𑑄𑐐𑐸 𑐩𑐔đ‘ĩ 𑐔đ‘ļđ‘Ŗđ‘ĩ𑐏𑑃 𑐰đ‘ĩ𑐔đ‘Ŗ 𑐨đ‘ļ𑐜đ‘ļđ‘Ģ𑑀 đ‘ĸ𑐾đ‘ĸ𑐾𑐧𑐮𑑂𑐮đ‘ĩ 𑐎đ‘ĩđ‘ŗđ‘ĩ 𑐖𑐸𑐂𑐐𑐸

𑐩𑑀𑐴đ‘Ŗ𑐷đ‘Ģđ‘ĩ 𑐮đ‘ŗ𑐟đ‘ĩđ‘Ģ𑑂 đ‘Ŗ𑐾𑐰đ‘ĩ𑑅 𑐊𑐔 𑐜𑐷 𑐚𑐾𑐮đ‘ļ𑐨đ‘ļ𑐖đ‘Ŗ 𑐰 𑐐𑑂𑐮𑑀𑐧𑐮 đ‘Ŗ𑐾đ‘Ĩđ‘ĩ𑐮 đ‘Ŗ𑐾𑐚𑐰đ‘Ŧ𑑂𑐎 đ‘Ŗ𑐾đ‘Ĩđ‘ĩ𑐮𑐨đ‘ĩ𑐲đ‘ĩ 𑐩𑐔đ‘ĩ 𑐔đ‘ļđ‘Ŗđ‘ĩ𑐏𑑃 𑐰đ‘ĩ𑐔đ‘Ŗ đ‘ĸ𑐾đ‘ĸ𑐾𑐧𑐮𑑂𑐮đ‘ĩ 𑐖𑐸𑐂𑐟𑑂đ‘Ģ𑑄𑐐𑐸 𑐡𑐸 𑑋 𑐩đ‘ŗ𑑂𑐟đ‘Ģ𑐾𑐟 đ‘Ŗ𑐾đ‘Ĩđ‘ĩ𑐮𑐨đ‘ĩ𑐲đ‘ĩđ‘Ģđ‘ĩ 𑐩𑐴𑐟𑑂𑐰 đ‘ŗ𑐷𑐎𑐾𑐐𑐸 𑐁𑐖𑑂𑐖𑐸 đ‘Ŗđ‘ĩđ‘Ĩ𑑄 𑐄𑐐𑐸 𑐎đ‘ĩđ‘ŗđ‘ĩ 𑐖𑐸𑐂𑐟𑑂đ‘Ģ𑑄𑐐𑐸 𑐏𑑅 𑑋 𑐄𑐐𑐸 đ‘ĸ𑐾đ‘ĸ𑐾𑐧𑐮𑑂𑐮đ‘ĩ 𑐴𑐮đ‘ļ𑑄đ‘Ŗ𑑂đ‘Ģ𑑄𑐎𑑄đ‘Ģđ‘ĩ 𑑑𑑓 𑐡𑑃 𑐎𑑂𑐰đ‘Ģ𑑂 𑐟𑐎đ‘Ģđ‘ĩ 𑐩đ‘ŗ𑑂𑐟đ‘Ģ𑐾đ‘ŗ𑑄 𑐧𑑂𑐰𑐟đ‘ļ 𑐎đ‘ĩđ‘Ģ𑑂 𑐡𑐂 đ‘‘‹ã€€đ‘„đ‘đ‘¸ 𑐖𑑂đ‘Ģđ‘ĩ𑐗𑑂𑐰𑐮đ‘Ģ𑑂 𑐧𑑂𑐰𑐟đ‘ļ 𑐎đ‘ĩđ‘Ģ𑐾𑐟 𑐩đ‘ŗ𑑂𑐟đ‘Ģ𑐾đ‘ŗ𑑄 𑐔đ‘ļđ‘Ŗđ‘ĩ𑐏𑑃 𑐰đ‘ĩ𑐔đ‘Ŗ đ‘Ģđ‘ĩđ‘Ŗđ‘ĩ 𑐨đ‘ļ𑐜đ‘ļ𑐌 𑐡𑐾𑐎𑐾𑐩đ‘ĩ 𑑋 𑐠𑐸𑐐𑐸 𑐨đ‘ļ𑐜đ‘ļđ‘Ģ𑑀đ‘Ģđ‘ĩ𑐟 𑐐𑑂𑐰đ‘ŗđ‘ĩ𑑅 𑐏𑐮𑑅 đ‘Ŗ𑐾𑐰đ‘ĩ𑑅 𑐊𑐎𑐟đ‘ĩ 𑐀𑐨đ‘ļđ‘Ģđ‘ĩđ‘Ŗđ‘Ģ𑑂 đ‘ŗ𑐾đ‘Ĩ𑑂𑐚𑐾𑐩𑑂𑐧đ‘Ŧ 𑑓𑑐 𑐡𑐸đ‘Ŗ𑐾 𑐕𑑂𑐰đ‘Ģ𑐾𑐩đ‘ĩ𑑅 𑑋 𑐩đ‘ŗ𑑂𑐟đ‘Ģ𑐾đ‘ŗ𑑄 đ‘Ŗ𑐾𑐰đ‘ĩ𑑅 đ‘ŗ𑑄đ‘ŗ𑑂𑐎đ‘ē𑐟đ‘ļ đ‘Ŗđ‘ĩđ‘Ĩ đ‘ŗ𑑂𑐰đ‘ĩđ‘Ĩ𑐸 𑐡𑐸𑐐𑐸 𑐰đ‘ŗ𑑅 đ‘Ĩ𑐸đ‘Ŗđ‘ĩ đ‘Ŗ𑐾đ‘Ĩđ‘ĩ𑐮𑐨đ‘ĩ𑐲đ‘ĩđ‘Ģđ‘ĩ 𑑓𑑐 đ‘Ŗđ‘ļđ‘ŗ𑐾𑑄 𑑙𑑐 𑐏𑑃𑐐𑑂𑐰 𑐡𑐸𑐐𑐸 đ‘Ŗ𑑂𑐴𑑂đ‘Ģđ‘ĩ𑐐𑐸𑑄 đ‘Ŗ𑐾đ‘Ĩđ‘ĩ𑐮𑐨đ‘ĩ𑐲đ‘ĩđ‘Ģđ‘ĩ 𑐔đ‘ļđ‘Ŗđ‘ĩ𑐏𑑃 𑐰đ‘ĩ𑐔đ‘Ŗ đ‘Ģđ‘ĩđ‘Ŗđ‘ĩ đ‘ĸ𑐾đ‘ĸ𑐾𑐧𑐮𑑂𑐮đ‘ĩ𑐏đ‘Ģ𑑂 𑐧𑑂𑐰𑐟đ‘ļ 𑐎đ‘ĩđ‘Ģ𑐾đ‘Ļ𑐸 𑑋

đ‘ĸ𑐾đ‘ĸ𑐾𑐧𑐮𑑂𑐮đ‘ĩ𑐏đ‘Ģ𑑂 𑐧𑑂𑐰𑐟đ‘ļ 𑐎đ‘ĩ𑑅đ‘Ĩđ‘ļđ‘Ŗđ‘ļ𑐐𑐸 𑐮𑑂đ‘Ģđ‘Ģ𑐾𑐖𑑂đ‘Ģđ‘ĩ đ‘Ŗ𑐾đ‘Ĩđ‘ĩ𑐮𑐨đ‘ĩ𑐲đ‘ĩđ‘Ģđ‘ĩ 𑐴đ‘Ŗ𑐾𑐧𑐴đ‘Ĩđ‘ļ𑑄 đ‘Ŗđ‘ļđ‘Ŧ𑑂𑐞đ‘ĩđ‘Ģ𑐎đ‘Ĩđ‘ĩ𑐏𑐾𑑄 𑐖𑐸𑐂𑐐𑐸 𑐐𑑂𑐰đ‘ŗđ‘ĩ𑐏𑐮𑐎𑑄 đ‘Ŗ𑑂𑐴𑑂đ‘Ģ𑐠𑑄𑐐𑐸 𑐡𑐸 𑑋 𑐠𑐸𑐎𑑄𑐠𑑄 đ‘Ŗđ‘ļđ‘Ŧ𑑂𑐞đ‘Ģ 𑐖𑐸đ‘Ģđ‘ĩ 𑐩đ‘ŗ𑑂𑐟đ‘Ģ𑐾𑐟 đ‘Ŗ𑑂𑐴đ‘ĩđ‘Ĩ, 𑐮𑑂đ‘Ģ𑐹, 𑐮đ‘ļđ‘Ģđ‘ĩ𑑄𑐮𑑂đ‘Ģ𑐹 𑐖𑐎 𑐩𑐏𑐸 đ‘Ĩ𑐧𑑂𑐮đ‘ļ𑐎 𑐨𑑀𑐚 𑐎𑐠𑑄 đ‘Ļ𑐾đ‘ŗ𑐧𑐸𑐎 𑐰 đ‘Ģ𑐸𑐟𑑂đ‘Ģ𑐸𑐧đ‘Ģ𑑂 𑐡𑐎𑐮đ‘Ģ𑑂 𑐀đ‘Ĩ𑑂𑐰 đ‘ŗ𑑂𑐰𑑅𑐐𑐸 𑐰 đ‘Ģđ‘Ģ𑐾𑐎𑐸𑐐𑐸 𑐕𑐩𑑂𑐴 𑐕𑐩𑑂𑐴đ‘ŗđ‘ļ𑐟 đ‘ŗđ‘ļđ‘Ŧđ‘Ĩđ‘ĩđ‘Ģđ‘ĩ 𑐧𑑂đ‘Ģ𑐰đ‘ŗ𑑂𑐠đ‘ĩ đ‘Ģđ‘ĩđ‘Ŗđ‘ĩ𑐟𑑅𑐐𑐸 𑐡𑐸 𑑋 đ‘Ŗ𑑂𑐴đ‘ĩđ‘Ĩ 𑐮đ‘ĩ𑐩𑑂𑐴đ‘ŗđ‘ļ𑐟 đ‘Ŗ𑐷𑐡𑑂𑐰 𑐟𑐎đ‘ĩ, 𑐮𑑂đ‘Ģ𑐹 𑐮đ‘ĩ𑐩𑑂𑐴đ‘ŗđ‘ļ𑐟 𑐗đ‘ļđ‘Ŗ𑑂đ‘Ģđ‘ĩ𑐡𑑂𑐰 𑐰 𑐮đ‘ļđ‘Ģđ‘ĩ𑑄𑐮𑑂đ‘Ģ𑐹 𑐮đ‘ĩ𑐩𑑂𑐴đ‘ŗđ‘ļ𑐟 𑐗đ‘ļ𑐡𑑂𑐰 𑐡đ‘ĩ𑑃 đ‘ŗđ‘ļđ‘Ŧđ‘Ĩđ‘ĩđ‘Ģđ‘ĩ 𑐑𑑀𑐲𑐞đ‘ĩ 𑐖𑐹𑐐𑐸 𑐡𑐸 𑑋 𑐀𑐠𑐾𑐴𑐾 đ‘Ļ𑐾đ‘ŗ𑐧𑐸𑐎 𑐰 đ‘Ģ𑐸𑐟𑑂đ‘Ģ𑐸𑐧đ‘Ģ𑑂 𑐄𑐟𑑂𑐎đ‘ē𑐲𑑂𑐛 đ‘Ŗđ‘ļ𑐩𑑂𑐴đ‘ŗđ‘ļ𑐟 𑐩𑑂𑐴𑐟đ‘ļ𑑄 𑐗đ‘ļ𑐡𑑂𑐰 𑐟𑐎đ‘ĩ 𑐧𑐷𑐐𑐸 𑐐𑑂𑐰đ‘ŗđ‘ĩ 𑐐𑑂𑐰đ‘Ģđ‘ĩ𑐟𑑅𑐐𑐸 𑐡𑐸 𑑋

𑐠𑐸𑐎đ‘ļ 𑐧đ‘ĩ𑑄𑐧đ‘ĩ𑐮đ‘ĩ𑐐𑐸 𑐔đ‘ļđ‘Ŗđ‘ĩ𑐏𑑃 𑐰đ‘ĩ𑐔đ‘Ŗ 𑐨đ‘ļ𑐜đ‘ļ𑐌 đ‘Ŗ𑐾𑐰đ‘ĩ𑑅 𑐊𑐔 𑐜𑐷 𑐚𑐾𑐮đ‘ļ𑐨đ‘ļ𑐖đ‘Ŗđ‘Ĩđ‘ĩ𑐏𑐾𑑄 𑐟𑐎𑑄 đ‘Ĩ𑑂đ‘Ŧ𑐱đ‘ĩđ‘Ŧ𑐞 đ‘Ģđ‘ĩđ‘Ģ𑐾𑐐𑐸 𑐐𑑂𑐰đ‘ŗđ‘ĩ 𑐡𑐸 𑑋

𑐠𑐸𑐐𑐸 𑐖𑑂đ‘Ģđ‘ĩ𑐗𑑂𑐰đ‘Ģđ‘ĩ đ‘ŗ𑑄đ‘Ģ𑑀𑐖đ‘Ŗ đ‘Ĩ𑑂đ‘Ŧ𑐖𑑂𑐰𑐮 𑐱đ‘ĩ𑐎𑑂đ‘Ģ đ‘Ŗđ‘ĩđ‘Ĩ𑑄 đ‘Ŗ𑐾𑐰đ‘ĩ𑑅 𑐊𑐔𑐜𑐷 𑐚𑐾𑐮đ‘ļ𑐨đ‘ļ𑐖đ‘Ŗ 𑐰 𑐐𑑂𑐮𑑀𑐧𑐮 đ‘Ŗ𑐾đ‘Ĩđ‘ĩ𑐮 đ‘Ŗ𑐾𑐚𑐰đ‘Ŧ𑑂𑐎 đ‘Ĩ𑐸𑐔𑐮𑑄 đ‘Ģđ‘ĩđ‘Ģ𑐾𑐟𑑂đ‘Ģ𑑄𑐐𑐸 𑐡𑐸 𑑋

𑐠đ‘Ĩ 𑐖đ‘ĩđ‘Ŗ𑐎đ‘ĩđ‘Ŧ𑐷đ‘Ģđ‘ĩ đ‘Ŗđ‘ļ𑐟đ‘ļ𑑄 𑐠đ‘Ŗ 𑐎𑑂𑐮đ‘ļ𑐎 đ‘Ģđ‘ĩđ‘Ŗđ‘ĩ𑐡đ‘ļđ‘ŗ𑑃