𑐫𑐾𑑃 – 𑐥𑐸𑐮𑐵𑑄𑐪 𑐥𑑂𑐬𑐢𑐵𑐣𑐩𑐣𑑂𑐟𑑂𑐬𑐷 𑐮𑐶𑐳𑐾𑑄 𑐣𑐾𑐎𑐥𑐵 𑐀𑐢𑑂𑐫𑐎𑑂𑐲 𑐥𑐸𑐲𑑂𑐥𑐎𑐩𑐮 𑐡𑐵𑐴𑐵𑐮𑑄 𑐩𑐡𑐸𑐪 𑐩𑐵𑐣𑐰 𑐀𑐢𑐶𑐎𑐵𑐬𑐰𑐵𑐡𑐷 𑐣𑐾𑐟𑐵 𑐥𑐡𑑂𑐩𑐬𑐟𑑂𑐣 𑐟𑐸𑐮𑐵𑐢𑐬𑑄 𑐡𑐾𑐱𑐫𑐵 𑐮𑐵𑐐𑐶𑑄 𑐫𑐵𑐣𑐵𑐡𑐷𑐐𑐸 𑐫𑑀𑐐𑐡𑐵𑐣𑐫𑐵 𑐟𑐸𑐮𑐣𑐵𑐫𑑂 𑐬𑐵𑐖𑑂𑐫𑑄 𑐫𑐵𑐫𑐾𑐩𑐵𑑅𑐐𑐸 𑐳𑐩𑑂𑐩𑐵𑐣 𑐪𑑀 𑐖𑐹𑐐𑐸 𑐏𑑃 𑐎𑐣𑐵𑐡𑐷𑐐𑐸 𑐡𑐸 𑑋 𑐪𑐶𑐐𑑅 𑐔𑑂𑐰𑐩𑐶 𑐖𑐶𑐟𑐾𑐣𑑂𑐡𑑂𑐬 𑐬𑐳𑐶𑐎𑑄 𑐔𑑂𑐰𑐫𑐵𑐡𑐷𑐐𑐸 𑐥𑐡𑑂𑐩𑐬𑐟𑑂𑐣 𑐳𑐩𑑂𑐧𑐣𑑂𑐢𑐷 𑐳𑐦𑐹 ‘𑐳𑐬𑑂𑐰𑐬𑐟𑑂𑐣’ 𑐫𑐵 𑐰𑐶𑐩𑑀𑐔𑐣 𑐫𑐵𑐳𑐾𑑄 𑐰𑐫𑑂𑐎𑐮𑑄 𑐄𑐐𑐸 𑐏𑑃 𑐎𑐣𑐵𑐡𑐷𑐐𑐸 𑐏𑑅 𑑋

𑐰𑐫𑑂𑐎𑐮𑑄 𑐥𑐡𑑂𑐩𑐬𑐟𑑂𑐣 𑐟𑐸𑐮𑐵𑐢𑐬𑐫𑐵 𑐣𑐵𑐩𑐫𑑂 𑐥𑑂𑐬𑐟𑐶𑐲𑑂𑐛𑐵𑐣 𑐡𑐫𑐾𑐎𑐾𑐐𑐸 𑐢𑐎𑐵𑑅 𑐖𑐹𑐐𑐸 𑐎𑐸𑐟𑑅𑐫𑐵𑐟 𑐠𑑅𑐥𑐶𑑄𑐳𑑄 𑐳𑐵𑐬𑑂𑐠𑐎 𑐫𑐵𑐫𑐾𑐐𑐸 𑐧𑐔𑑄 𑐣𑑄 𑐧𑐶𑐫𑐵𑐡𑐶𑐮 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐥𑐸𑐮𑐵𑑄𑐪 𑐳𑐨𑐵𑐩𑐸𑐏 𑐡𑐩𑐣𑐣𑐵𑐠 𑐝𑐸𑑄𑐐𑐵𑐣𑐵, 𑐣𑐾𑐰𑐵𑑅 𑐤𑑂𑐫𑐮𑐸𑐰𑐵 𑐩𑐮𑑂𑐮 𑐎𑐾. 𑐳𑐸𑐣𑑂𑐡𑐬, 𑐁𑐡𑐶𑐰𑐵𑐳𑐷 𑐩𑐶𑐳𑐵 𑐣𑐾𑐟𑐺 𑐳𑑂𑐚𑐾𑐮𑐵 𑐟𑐵𑐩𑐵𑐒, 𑐩𑐵𑐣𑐰 𑐀𑐢𑐶𑐎𑐵𑐬𑐎𑐬𑑂𑐩𑐷 𑐐𑑁𑐬𑐷 𑐥𑑂𑐬𑐢𑐵𑐣𑐥𑐶𑑄𑐳𑑄 𑐨𑐵𑐖𑐸 𑐟𑐸𑐮𑐵𑐢𑐬𑐫𑐵 𑐫𑑀𑐐𑐡𑐵𑐣𑐫𑐵𑐟 𑐬𑐵𑐖𑑂𑐫𑑄 𑐮𑑂𑐰𑑅𑐩𑑄𑐎𑐾 𑐩𑐖𑐶𑐄 𑐢𑐵𑐳𑐾𑑄 𑐰𑐫𑑂𑐎𑑅𑐫𑐵 𑐳𑐩𑑂𑐩𑐵𑐣𑐫𑑂 𑐬𑐵𑐖𑑂𑐫𑐥𑐵𑐏𑐾𑑄 𑐖𑑂𑐫𑐵𑐏𑑃𑐟 𑐫𑐵𑐫𑐾𑐩𑐵𑑅𑐐𑐸 𑐏𑑃 𑐎𑐣𑐵𑐡𑐷𑐐𑐸 𑐏𑑅 𑑋