𑐏𑑂𑐰𑐥 – 𑐏𑑂𑐰𑐥 𑐎𑐮𑐾𑐖 𑐰 𑐱𑐵𑐬𑐡𑐵 𑐎𑑂𑐫𑐵𑐩𑑂𑐥𑐳𑐫𑐵 𑑘𑑐 𑐪 𑐐𑐬𑐶𑐧 𑐰 𑐖𑐾𑐴𑐾𑐣𑑂𑐡𑐵𑐬 𑐰𑐶𑐡𑑂𑐫𑐵𑐬𑑂𑐠𑐷𑐫𑐵𑐟 𑐕𑐵𑐟𑑂𑐬𑐰𑐺𑐟𑑂𑐟𑐶 𑐮𑑅𑐯𑐵𑑅𑐐𑐸 𑐡𑐸 𑑋 𑐣𑐶𑐐𑐸𑐮𑐶𑑄 𑐎𑐮𑐾𑐖𑐫𑐵 𑐳𑑂𑐣𑐵𑐟𑐎 𑐟𑐴𑐫𑐵 𑐤𑐵𑐥𑐵𑑄𑐐𑐸 𑐰 𑐣𑐶𑐐𑐹𑐐𑐸 𑐡𑑃, 𑐧𑐷𑐧𑐷𑐊𑐩 𑐤𑐵𑐥𑐵𑑄𑐐𑐸 𑐳𑐾𑐩𑐾𑐲𑑂𑐚𑐬 𑐰 𑐳𑑂𑐣𑐵𑐟𑐎𑑀𑐟𑑂𑐟𑐬 𑐟𑐴 𑐣𑐶𑐐𑐹𑐐𑐸 𑐳𑐾𑐩𑐾𑐲𑑂𑐚𑐬𑐫𑑂 𑐀𑐢𑑂𑐫𑐫𑐣 𑐫𑐵𑐣𑐵𑐔𑑂𑐰𑑄𑐥𑐶𑑄 𑐐𑐬𑐶𑐧 𑐰 𑐖𑐾𑐴𑐾𑐣𑑂𑐡𑐵𑐬 𑐰𑐶𑐡𑑂𑐫𑐵𑐬𑑂𑐠𑐷𑐫𑐵𑐟 𑐕𑐵𑐟𑑂𑐬𑐰𑐺𑐟𑑂𑐟𑐶 𑐮𑑅𑐯𑐵𑑅𑐐𑐸 𑐏𑑅 𑑋

𑐕𑐵𑐟𑑂𑐬𑐰𑐺𑐟𑑂𑐟𑐶 𑐮𑑅𑐯𑐵𑐫𑐾𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐎𑐮𑐾𑐖 𑐳𑑄𑐔𑐵𑐮𑐎 𑐳𑐩𑐶𑐟𑐶𑐫𑐵 𑐀𑐢𑑂𑐫𑐎𑑂𑐲 𑐣𑐵𑐥𑑄 𑐏𑑂𑐰𑐥 𑐣𑐐𑐬𑐥𑐵𑐮𑐶𑐎𑐵𑐫𑐵 𑐥𑑂𑐬𑐩𑐸𑐏 𑐳𑐸𑐣𑐷𑐮 𑐥𑑂𑐬𑐖𑐵𑐥𑐟𑐶𑑄 𑐁𑐬𑑂𑐠𑐶𑐎 𑐀𑐰𑐳𑑂𑐠𑐵 𑐎𑐩𑐖𑑀𑐬 𑐖𑐸𑐫𑐵𑑅 𑐡𑐠𑐸𑐂 𑐴𑐾 𑐁𑐏𑑅 𑐧𑑂𑐰𑐣𑐾𑐐𑐸 𑐟𑑂𑐰𑑅𑐟𑐾 𑐩𑑂𑐰𑐵𑑅𑐮𑐾𑐩𑐵 𑐢𑐂𑐐𑐸 𑐄𑐡𑑂𑐡𑐾𑐱𑑂𑐫𑑄 𑐣𑐐𑐬𑐥𑐵𑐮𑐶𑐎𑐵𑑄 𑐰𑐶𑐡𑑂𑐫𑐵𑐬𑑂𑐠𑐷𑐟𑐫𑑂 𑐱𑐿𑐎𑑂𑐲𑐶𑐎 𑐥𑑂𑐬𑐩𑐵𑐞𑐥𑐟𑑂𑐬 𑐧¥𑐴𑑅 𑐎𑐫𑐵𑑅 𑐣𑑂𑐫𑐵𑐐𑐹 𑐮𑐵𑐏 𑐟𑐎 𑐳𑐴𑐸𑐮𑐶𑐫𑐟 𑐧𑑂𑐫𑐵𑐖𑐡𑐬𑐫𑑂 𑐟𑑂𑐫𑐵 𑐎𑐵𑐫𑐾 𑐦𑐂𑐐𑐸 𑐰𑑂𑐫𑐰𑐳𑑂𑐠𑐵 𑐫𑐵𑐣𑐵𑐐𑐸 𑐖𑐵𑐣𑐎𑐵𑐬𑐷 𑐧𑐶𑐫𑐵𑐡𑐶𑐮 𑑋

‘𑐣𑐐𑐬𑐥𑐵𑐮𑐶𑐎𑐵𑑄 𑐳𑐴𑐸𑐮𑐶𑐫𑐟 𑐱𑐿𑐎𑑂𑐲𑐶𑐎 𑐟𑑂𑐫𑐵𑐳𑐵 𑐥𑑂𑐬𑐰𑐵𑐴 𑐳𑐩𑑂𑐧𑐣𑑂𑐢𑐫𑑂 𑐎𑐵𑐬𑑂𑐫𑐰𑐶𑐢𑐶 𑐡𑐫𑐾𑐎𑐵𑑅 𑐎𑐵𑐬𑑂𑐫𑐵𑐣𑑂𑐰𑐫𑐣𑐫𑑂 𑐴𑐫𑐾 𑐢𑐸𑑄𑐎𑐹𑐐𑐸 𑐡𑐸’, 𑐥𑑂𑐬𑐩𑐸𑐏 𑐥𑑂𑐬𑐖𑐵𑐥𑐟𑐶𑑄 𑐢𑐫𑐵𑐡𑐶𑐮 𑑋
𑐀𑐠𑐾 𑐴𑐾 𑐐𑐬𑐶𑐧 𑐰 𑐖𑐾𑐴𑐾𑐣𑑂𑐡𑐵𑐬 𑐰𑐶𑐡𑑂𑐫𑐵𑐬𑑂𑐠𑐷𑐫𑐵 𑐟𑐎𑑄 𑐄𑐔𑑂𑐔 𑐱𑐶𑐎𑑂𑐲𑐵𑐫𑑂 𑐥𑐴𑐸𑑃𑐔 𑐡𑐫𑐾𑐩𑐵 𑐢𑐂𑐐𑐸 𑐮𑑂𑐫𑐵𑐏𑑄 𑐣𑐐𑐬𑐥𑐵𑐮𑐶𑐎𑐵𑑄 𑐎𑐮𑐾𑐖 𑐳𑑄𑐔𑐵𑐮𑐣 𑐫𑐵𑐣𑐵𑐔𑑂𑐰𑑄𑐐𑐸 𑐢𑐵𑐳𑐾𑑄 𑐣𑐐𑐬𑐥𑐵𑐮𑐶𑐎𑐵𑐫𑐵 𑐀𑐣𑐸𑐩𑐟𑐶𑐂 𑐀𑐣𑐸𑐳𑐣𑑂𑐢𑐵𑐣 𑐰 𑐬𑐶𑐥𑑀𑐬𑑂𑐚 𑐟𑐫𑐵𑐬 𑐫𑐵𑐂𑐥𑐶𑑄 𑐰𑐶𑐡𑑂𑐫𑐵𑐬𑑂𑐠𑐷𑐫𑐵𑐟 𑐣𑐐𑐬𑐥𑐵𑐮𑐶𑐎𑐵𑑄 𑐁𑐬𑑂𑐠𑐶𑐎 𑐐𑑂𑐰𑐵𑐴𑐵𑐮𑐶 𑐣𑑄 𑐧𑐷𑐐𑐸 𑐰𑑂𑐫𑐰𑐳𑑂𑐠𑐵 𑐫𑐵𑐣𑐵𑐐𑐸 𑐰𑐫𑑂𑐎𑐮𑑄 𑐢𑐫𑐵𑐡𑐶𑐮 𑑋