𑐳𑑂𑐰𑐪 𑐔𑑂𑐰𑐩𑐶𑐫𑐵 𑐔𑐶𑐧𑐵𑐏𑑄 𑐩𑐸𑑃𑐖𑑂𑐫𑐵

𑐫𑐮- 𑐳𑑅 𑐕𑐐𑐹 𑐦𑐬𑐎 𑐀𑐨𑐶𑐰𑑂𑐫𑐎𑑂𑐟𑐶 𑐣𑐵𑑄𑐫𑐵 𑐳𑐵𑐴𑐶𑐟𑑂𑐫𑐶𑐎 𑐳𑑄𑐳𑑂𑐠𑐵𑐫𑐵 𑐐𑑂𑐰𑐳𑐵𑐮𑐫𑑂 𑐰𑑄𑐐𑐸 𑐱𑐣𑐶𑐰𑐵𑑅 𑐠𑐣𑐫𑐵 𑐂𑐏𑐵𑐮𑐏𑐸 𑐟𑑂𑐰𑐵𑐮𑐫𑑂 𑐳𑑂𑐰𑐪 𑐔𑑂𑐰𑐩𑐶𑐥𑐶𑐣𑐶 𑐩𑑄𑐎𑐵𑑅 𑐔𑐶𑐧𑐵𑐏𑑄 𑐩𑐸𑑃𑐖𑑂𑐫𑐵 𑐖𑐸𑐮 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐡𑐶𑐰𑑂𑐫𑐵 𑐟𑐵𑐩𑑂𑐬𑐵𑐎𑐵𑐬, 𑐬𑐾𑐞𑐸 𑐱𑑂𑐬𑐾𑐲𑑂𑐛 𑐰 𑐖𑑂𑐘𑐵𑐣𑐷𑐬𑐵𑐖𑐵 𑐩𑐵𑐣𑐣𑑂𑐢𑐬𑑄 𑐠𑑅𑐠𑑅𑐐𑐸 𑐔𑐶𑐧𑐵𑐏𑑄 𑐣𑑂𑐫𑑄𑐎𑐵𑐡𑐷𑐐𑐸 𑐏𑑅 𑑋

𑐳𑐵𑐴𑐶𑐟𑑂𑐫𑐎𑐵𑐬 𑐳𑐸𑐢𑐶𑐬 𑐏𑑂𑐰𑐧𑐶𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐤𑑂𑐫𑐵𑑅𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐳𑑂𑐰𑐪𑑄 𑐔𑑂𑐰𑐩𑐶𑑄 𑐠𑑅𑐥𑐶𑐣𑐶𑐐𑐸 𑐣𑑂𑐫𑐵𑐥𑐸 𑐣𑑂𑐫𑐵𑐥𑐸 𑐔𑐶𑐧𑐵𑐏𑑄 𑐧𑑂𑐰𑐣𑐵𑑅 𑐣𑑂𑐫𑑄𑐎𑐵𑐡𑐷𑐐𑐸 𑐏𑑅 𑑋 𑐄𑐐𑐸 𑐔𑐶𑐧𑐵𑐏𑑄 𑐩𑐸𑑃𑐖𑑂𑐫𑐵𑐫𑑂 𑐣𑐾𑐥𑐵𑐮𑐨𑐵𑐲𑐵𑐫𑐵 𑐧𑐵𑐏𑑄 𑐔𑑂𑐰𑐩𑐶 𑐬𑐵𑐖𑐵 𑐱𑐵𑐎𑑂𑐫𑐮𑐶𑐳𑐾𑑄 𑐎𑐰𑐶 𑐨𑐐𑐟𑐡𑐵𑐳 𑐱𑑂𑐬𑐾𑐲𑑂𑐛, 𑐩𑑀𑐎𑑂𑐲𑐧𑐴𑐵𑐡𑐸 𑐀𑐩𑐵𑐟𑑂𑐫, 𑐰𑑄𑐱𑐷𑐢𑐬 𑐰𑐖𑑂𑐬𑐵𑐔𑐵𑐬𑑂‍𑐫, 𑐰𑐶𑐩𑐮𑐥𑑂𑐬𑐨𑐵 𑐰𑐖𑑂𑐬𑐵𑐔𑐵𑐬𑑂‍𑐫 𑐮𑐐𑐵𑐫𑐟𑐫𑐵 𑐳𑐵𑐴𑐶𑐟𑑂𑐫𑐎𑐵𑐬𑐥𑐶𑐣𑐶𑐐𑐸 𑐣𑑄 𑐄𑐥𑐳𑑂𑐠𑐶𑐟𑐶 𑐡𑐸𑐐𑐸 𑐏𑑅 𑑋

𑐔𑐶𑐧𑐵𑐏𑑄 𑐧𑑂𑐰𑐣𑐵𑐡𑐷𑐥𑐶𑑄𑐟 𑐖𑑂𑐫𑐵𑐗𑑂𑐰𑑅𑐫𑐵 𑐳𑐨𑐵𑐥𑐟𑐶 𑐏𑑂𑐰𑐧𑐶𑑄 𑐮𑐸𑐩𑐣𑑂𑐟𑐶 𑐔𑐶𑑄 𑐮𑑅𑐯𑐵𑐣𑐵𑐡𑐷𑐐𑐸 𑐏𑑅𑐳𑐵 𑐧𑑂𑐰𑐟𑐶 𑐎𑐵𑑅𑐥𑐶𑑄 𑐩𑐢𑑂𑐫𑐾 𑐕𑐪𑐾𑐳𑐶𑐟 𑐣𑑄 𑐩𑐟𑐶𑐣𑐵𑐫𑐵 𑐔𑐶𑑄 𑐮𑑅𑐯𑐵𑐫𑐾𑐐𑐸 𑐗𑑂𑐰𑐮𑐫𑑂 𑑙𑑑 𑐡𑑃 𑐡𑐸𑐪 𑐩𑐵𑐫𑐵 𑐩𑐴𑐬𑑂‍𑐖𑐣𑐫𑐵𑐟 𑐩𑐟𑐶𑐣𑐵𑐫𑐵 𑐔𑐶𑑄 𑐮𑑅𑐯𑐵𑑅𑐐𑐸 𑐏𑑅 𑑋