𑐳𑑂𑐰𑐩𑑂𑐴 𑐫𑐸𑐰𑐵 𑐨𑐵𑐲𑐵 𑐰𑐿𑐖𑑂𑐘𑐵𑐣𑐶𑐎𑐟 𑐥𑐸𑐬𑐳𑑂𑐎𑐺𑐟

𑐨𑐵𑐲𑐵 𑐰𑐶𑐖𑑂𑐘𑐵𑐣 𑐣𑐾𑐥𑐵𑑅𑐫𑐵 𑑔𑑕 𑐎𑑂𑐰𑐐𑐸 𑐀𑐣𑑂𑐟𑐬𑑂𑐬𑐵𑐲𑑂𑐚𑑂𑐬𑐶𑐫 𑐳𑐩𑑂𑐩𑐾𑐮𑐣𑐫𑑂 𑐳𑑂𑐰𑐩𑑂𑐴 𑐧𑑂𑐰𑐣𑐵𑐩𑐶𑐟𑐫𑑂𑐟 ‘𑐫𑐸𑐰𑐵 𑐨𑐵𑐲𑐵 𑐰𑐿𑐖𑑂𑐘𑐵𑐣𑐶𑐎 𑐳𑐶𑐬𑐥𑐵𑑄𑑅’ 𑐕𑐵𑐫𑐾𑐥𑐶𑐄𑐐𑐸 𑐡𑐸 𑑋

𑐡𑐬𑑂𑐱𑐣𑐵𑐔𑐵𑐬𑑂𑐫–𑐰𑐶𑐡𑑂𑐫𑐵𑐰𑐵𑐬𑐶𑐢𑐷 𑑙𑐊𑐩𑐦𑐶𑐮–𑐥𑐶𑐊𑐔𑐜𑐷𑑐𑐫𑑂 𑐧𑑂𑐰𑐣𑐵𑐔𑑂𑐰𑑄𑐥𑐶 𑐫𑐸𑐰𑐵 𑐨𑐵𑐲𑐵 𑐰𑐿𑐖𑑂𑐘𑐵𑐣𑐶𑐎𑐟 𑐩𑑀𑐴𑐣 𑐐𑐸𑐬𑐸𑐒, 𑐳𑐶𑐬𑑂𑐖𑐣𑐵 𑐑𑐶𑐩𑐶𑐬𑐾 𑐬 𑐣𑐾𑐴 𑐐𑐬𑑂𑐐𑐫𑐵𑐟 ‘𑐫𑐸𑐰𑐵 𑐨𑐵𑐲𑐵 𑐰𑐿𑐖𑑂𑐘𑐵𑐣𑐶𑐎 𑐳𑐶𑐬𑐥𑐵𑑅 𑑒𑑐𑑘𑑑’ 𑐮𑑅𑐮𑑂𑐴𑐵𑑅𑐐𑐸 𑐏𑑅 𑑋 𑐐𑐸𑐬𑐸𑐒 𑐬 𑐑𑐶𑐩𑐶𑐬𑐾 𑐟𑑂𑐬𑐶𑐨𑐸𑐰𑐣 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫, 𑐨𑐵𑐲𑐵 𑐰𑐶𑐖𑑂𑐘𑐵𑐣 𑐎𑐾𑐣𑑂𑐡𑑂𑐬𑐷𑐫 𑐰𑐶𑐨𑐵𑐐 𑐬 𑐐𑐬𑑂𑐐 𑐧𑐣𑐵𑐬𑐳 𑐴𑐶𑐣𑑂𑐡𑐸 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫𑐫𑐵 𑐧𑑂𑐰𑐣𑐵𑐩𑐶 𑐏𑑅 𑑋 𑐠𑑂𑐰𑐴𑐾 𑐩𑐒𑑂𑐳𑐶𑐬 𑑑𑑑 𑐬 𑑑𑑒 𑐐𑐟𑐾 𑐫𑐾𑑃 𑐖𑐹𑐐𑐸 𑐳𑐩𑑂𑐩𑐾𑐮𑐣𑐫𑑂 𑐀𑐣𑐸𑐳𑐣𑑂𑐢𑐵𑐣 𑐮𑐾𑐏𑐣 𑐬 𑐥𑑂𑐬𑐳𑑂𑐟𑐸𑐟𑐶𑐎𑐬𑐞𑐎𑑀 𑐮𑐶𑐢𑑄𑐳𑐵𑐫𑑂 𑐰𑐫𑐎𑑅𑐥𑐶𑐣𑑂𑐟 𑐩𑑂𑐴𑐟𑐶𑑄 𑑑𑑐 𑐡𑑂𑐰𑑅 𑐟𑐎𑐵 𑐰 𑐡𑐳𑐶𑐥𑑁 𑐮𑑅𑐮𑑂𑐴𑐵𑑅𑐐𑐸 𑐏𑑅 𑑋

‘𑐐𑐞𑑂𑐜𑐎𑐷 𑐎𑑂𑐲𑐾𑐟𑑂𑐬𑐫𑐵 𑐛𑐵𑐜𑑀 𑐨𑐵𑐎𑐵𑑅 𑐳𑐩𑐵𑐖 𑐨𑐵𑐲𑐶𑐎 𑐀𑐢𑑂𑐫𑐫𑐣’ 𑐰𑐶𑐲𑐫𑐎𑐫𑑂 𑐀𑐣𑐸𑐳𑐣𑑂𑐢𑐵𑐣 𑐮𑐾𑐏𑐣 𑐣𑐵𑐥𑑄 𑐥𑑂𑐬𑐳𑑂𑐟𑐸𑐟𑐷𑐎𑐬𑐞𑐫𑐵 𑐮𑐶𑐢𑑄𑐳𑐵𑐫𑑂 𑐐𑐸𑐬𑐸𑐒𑐫𑐵𑐟 𑐄𑐐𑐸 𑐳𑐶𑐬𑐥𑐵𑑅 𑐧𑑂𑐫𑐹𑐐𑐸 𑐏𑑅 𑑋 𑐀𑐠𑐾𑐴𑐾 ‘𑐧𑐴𑐸𑐨𑐵𑐲𑐶𑐎 𑐎𑐎𑑂𑐲𑐵𑐎𑑀𑐛𑐵𑐫𑑂 𑐳𑑂𑐫𑐣𑐾𑐖𑑂𑐫𑐵𑐫𑑂 𑐎𑐛𑐶𑐣𑐵𑐃’ 𑐰𑐶𑐲𑐫𑐎𑐫𑑂 𑐑𑐶𑐩𑐶𑐬𑐾𑐫𑐵𑐟 𑐰 ‘𑐩𑐿𑐠𑐶𑐮𑐷𑐫𑐵 𑐱𑐵𑐧𑑂𑐡𑐶𑐎, 𑐬𑐸𑐥𑐵𑐟𑑂𑐩𑐎 𑐰 𑐰𑐬𑑂𑐞𑐣𑐵𑐟𑑂𑐩𑐎 𑐥𑑂𑐬𑐾𑐬𑐞𑐵𑐬𑑂𑐠𑐎 𑐳𑐒𑑂𑐎𑐾𑐟𑐣𑑅 𑐟𑐸𑐮𑐣𑐵𑐟𑑂𑐩𑐎 𑐀𑐢𑑂𑐫𑐫𑐣’ 𑐰𑐶𑐲𑐫𑐎𑐫𑑂 𑐏𑑀𑐖, 𑐮𑐾𑐏𑐣 𑐬 𑐥𑑂𑐬𑐳𑑂𑐟𑐸𑐟𑐶𑐎𑐬𑐞𑐫𑐵 𑐮𑐶𑐢𑑄𑐳𑐵𑐫𑑂 𑐐𑐬𑑂𑐐𑐫𑐵𑐟 𑐳𑐶𑐬𑐥𑐵𑑄𑑅 𑐕𑐵𑐫𑐾𑐥𑐶𑐄𑐐𑐸 𑐨𑐵𑐲𑐵 𑐰𑐶𑐖𑑂𑐘𑐵𑐣 𑐳𑐩𑐵𑐖 𑐣𑐾𑐥𑐵𑑅𑐫𑐵 𑐩𑐴𑐵𑐳𑐔𑐶𑐰 𑐜𑐵 𑐟𑐵𑐬𑐵𑐩𑐞𑐷 𑐬𑐵𑐃𑐖𑐸𑑄 𑐎𑐣𑐵𑐡𑐶𑐮 𑑋