𑐳𑐹𑐬𑑂𑐫𑐩𑐵𑐫𑐵 𑐧𑐸𑐡𑑂𑐢𑐵𑐔𑐵𑐬𑑂𑐫 𑐳𑐩𑑂𑐩𑐵𑐣 𑐖𑐸𑐣𑐸 𑐧𑐵𑐳𑐸𑐎𑐮𑐵𑐫𑐵𑐟

𑐏𑑂𑐰𑐥 – 𑐱𑑂𑐬𑐷 𑐩𑐴𑐵𑐩𑐘𑑂𑐖𑐸𑐱𑑂𑐬𑐷 𑐐𑐸𑐠𑐶𑑄 𑐡𑑃𑐫𑑂𑐡𑐳𑑄 𑐧𑐷𑐐𑐸 𑐫𑐵𑐣𑐵 𑐰𑐫𑐵𑐔𑑂𑐰𑑄𑐐𑐸 𑐳𑐹𑐬𑑂𑐫𑐩𑐵𑐫𑐵 𑐧𑐸𑐡𑑂𑐢𑐵𑐔𑐵𑐬𑑂𑐫 𑐳𑑂𑐩𑐺𑐟𑐶 𑐳𑐩𑑂𑐩𑐵𑐣 𑐜𑐵. 𑐖𑐸𑐣𑐸 𑐧𑐵𑐳𑐸𑐎𑐮𑐵 𑐬𑑄𑐖𑐶𑐟𑐎𑐵𑐬𑐫𑐵𑐟 𑐮𑑅𑐮𑑂𑐴𑐵𑑅𑐐𑐸 𑐡𑐸 𑑋
𑐠𑐣𑐫𑐵 𑐔𑐵𑑃𑐐𑐸𑐣𑐵𑐬𑐵𑐫𑐞 𑐣𑐐𑐬𑐥𑐵𑐮𑐶𑐎𑐵𑐫𑐵 𑐩𑐴𑐵𑐩𑐞𑑂𑐜𑐥 𑐠𑐵𑐎𑐮𑐩𑐵𑐠𑐳𑑂𑐠𑐶𑐟 𑐮𑑂𑐴𑐵𑐥𑐵𑐥𑐵𑐎𑑂𑐰 𑐳𑐳𑐸𑐩𑐵𑑄 𑐡𑐾𑐐𑑅𑐫𑐵 𑐰𑐵𑐬𑑂𑐲𑐶𑐎𑑀𑐟𑑂𑐳𑐰𑐫𑐵 𑐮𑐳𑐟𑐵𑐫𑑂 𑐡𑐾𑐐𑑅 𑐥𑐬𑐶𑐳𑐬𑐫𑑂 𑐴𑐾 𑐖𑐹𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐣𑐾𑐥𑐵𑑅𑐫𑐵 𑐧𑑁𑐡𑑂𑐢 𑐀𑐢𑑂𑐫𑐫 𑐎𑑂𑐲𑐾𑐟𑑂𑐬𑐫𑐵 𑐀𑐢𑑂𑐫𑐵𑐥𑐎 𑐮𑐶𑐳𑐾𑑄 𑐀𑐣𑐸𑐳𑐣𑑂𑐢𑐵𑐟𑐵 𑐰𑐫𑑂𑐎𑑅𑐫𑐵𑐟 𑐳𑐩𑑂𑐩𑐵𑐣𑐮𑐶𑐳𑐾𑑄 𑐣𑐐𑐡 𑐳𑐶𑐬𑐥𑐵𑑅 𑐣𑑄 𑐮𑑅𑐮𑑂𑐴𑐵𑑅𑐐𑐸 𑐏𑑅 𑑋

𑐖𑑂𑐫𑐵𑐗𑑂𑐰𑑅𑐫𑐵 𑐩𑐹𑐥𑐵𑐴𑐵𑑄 𑐥𑐸𑐮𑐵𑑄𑐩𑑂𑐴 𑐩𑐣𑑂𑐟𑑂𑐬𑐷𑐮𑐶𑐳𑐾𑑄 𑐧𑑁𑐡𑑂𑐢𑐰𑐶𑐡𑑂𑐰𑐵𑐣 𑐜𑐵. 𑐎𑐾𑐱𑐰𑐩𑐵𑐣 𑐱𑐵𑐎𑑂𑐫𑑄 𑐳𑐩𑑂𑐩𑐵𑐣𑐥𑐟𑑂𑐬𑐮𑐶𑐳𑐾𑑄 𑐗𑐶𑐡𑑂𑐰𑑅 𑐰 𑐕𑐟𑐎𑐵 𑐡𑐵𑑄𑐫𑐵 𑐄𑐐𑐸 𑐳𑐶𑐬𑐥𑐵𑑅 𑐮𑑅𑐮𑑂𑐴𑐵𑐣𑐵𑐡𑐷𑐐𑐸 𑐏𑑅 𑑋
𑐏𑑂𑐰𑐥𑐫𑐵 𑐧𑑁𑐡𑑂𑐢 𑐰𑐶𑐡𑑂𑐰𑐵𑐣 𑐥𑐡𑑂𑐩𑐳𑐸𑐣𑑂𑐡𑐬 𑐱𑐵𑐎𑑂𑐫𑑄 𑐠𑑅 𑐩𑐵𑑄𑐫𑐵 𑐣𑐵𑐩𑐫𑑂 𑐄𑐐𑐸 𑐳𑐶𑐬𑐥𑐵𑑅 𑐣𑐷𑐳𑑂𑐰𑐣𑐵𑐡𑐷𑐐𑐸 𑐏𑑅 𑑋 𑐴𑐬𑑂𑐲𑐬𑐟𑑂𑐣 𑐱𑐵𑐎𑑂𑐫𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐖𑐹𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐏𑑂𑐰𑐥𑐫𑐵 𑐳𑑂𑐰𑑄𑐐𑐹 𑐰𑐶𑐡𑑂𑐫𑐵𑐮𑐫𑐫𑐵 𑐔𑑂𑐫𑐵𑐩𑑂𑐴 𑐰𑐶𑐡𑑂𑐫𑐵𑐬𑑂𑐠𑐷𑐫𑐵𑐟 𑐣𑐶𑐡𑑂𑐰𑑅 𑐟𑐎𑐵 𑐡𑐵𑑄𑐮𑐶𑐳𑐾𑑄 𑐕𑐵𑐟𑑂𑐬𑐰𑐺𑐟𑑂𑐟𑐶 𑐣𑑄 𑐮𑑅𑐮𑑂𑐴𑐵𑑅𑐐𑐸 𑐏𑑅 𑑋