𑐳𑐶𑑄𑐴𑐮𑐱𑐵𑐬𑑂𑐠𑐧𑐵𑐴𑐵 𑐁𑐖𑐸 𑐮𑑂𑐴𑐵𑐳𑐵 𑐩𑐏𑐸𑐳𑐾𑑄 𑐱𑑂𑐬𑐷𑐮𑐒𑑂𑐎𑐵 𑐧𑐶𑐖𑑂𑐫𑐵𑐐𑐸 ?

𑐖𑐬𑑂𑐩𑐣 𑐧𑐶𑐱𑑂𑐬𑑂𑐰𑐧𑐶𑐡𑑂𑐫𑐵𑐮𑐫𑐫𑐵𑐩𑑂𑐴 𑐧𑐶𑐡𑑂𑐰𑐵𑐣 𑐥𑑂𑐬𑑀𑐦𑐾𑐳𑐬 𑐜𑐵. 𑐮𑐶𑐣𑐴𑐵𑐬𑑂𑐚𑐖𑐸𑑄 (Prof. Dr. Lienhart) 𑐖𑐬𑑂𑐩𑐣𑐷 𑐖𑐸𑐐𑐸 𑐕𑐐𑐸 𑐀𑐣𑑂𑐟𑐬𑐬𑐵𑐳𑑂𑐟𑑂𑐬𑐷𑐫 𑐳𑐩𑑂𑐩𑐾𑐮𑐣𑐮𑐾 (𑐃𑐳𑑂𑐰𑐷 𑐳𑐩𑑂𑐧𑐟 𑑑𑑙𑑘𑑕) 𑐖𑐬𑑂𑐩𑐣𑐷𑐫𑐵𑐐𑐸 𑐕𑐐𑐸 𑐩𑑂𑐫𑐸𑐖𑐷𑐫𑐩 (Museum of Indian Art, Berlin) 𑐫𑐵𑐐𑐸 𑐳𑑃𑐎𑐮𑐣 𑐥𑐵𑐏𑐾 𑐡𑐸𑐐𑐸 𑐥𑐸𑐮𑐵𑑄𑐐𑐸 𑐟𑐵𑐴𑐵𑐎𑐐𑐸 𑐥𑑁𑐨𑐵 𑐀𑐢𑑂𑐫𑐫𑐣 𑐫𑐵𑐣𑐵𑐡𑐶𑐫𑐵 𑐳𑐶𑑄𑐴𑐮𑐱𑐵𑐬𑑂𑐠𑐧𑐵𑐴𑐵𑐫𑐵 𑐧𑐵𑐏𑑄 𑐣𑑂𑐴𑐾𑐧𑑂𑐫𑐫𑐵 𑐡𑐶𑐐𑐸𑐏:𑑋 𑐠𑑂𑐰𑑀 𑐥𑑁𑐨𑐵𑐫𑐵 𑐴𑐵𑐎 𑑑𑑑.𑑔𑑐 𑐩𑐶𑐟𑐬 𑐰: 𑐧𑑂𑐫𑐵 𑑐.𑑕𑑕 𑐩𑐶𑐟𑐬 𑐡𑐸𑐐𑐸 𑐀𑐮𑑂𑐫𑐾 𑑘𑑐 𑐔𑐫𑐐𑐸 𑐮𑑂𑐫𑐵𑐡𑐸𑐐𑐸 𑐔𑐶𑐟𑑂𑐬𑐫𑐵 𑐎𑑀𑐳𑑂𑐳𑑄 𑐣𑐾𑐰𑐵𑐨𑐵𑐳𑑄 𑐔𑑂𑐰𑑀𑐫𑐵𑐟𑐐𑐸 𑐧𑐵𑐏𑑂𑑄𑐫𑐵 𑐁𑐏𑐐𑑂𑐰 𑐔𑑄𑐐𑐸𑐖𑐸𑐫𑐵𑐣𑐶𑐟𑐷𑑄 𑐐𑐸𑐧𑐮𑑂𑐫𑐫 𑐡𑐫𑐎𑐸𑐐𑐸 𑐥𑑂𑐬𑐲𑑂𑐚 𑐠𑐸𑐃𑐎𑐾 𑐩𑐦𑐸 (𑐧𑐵𑑄𑐮𑐵𑐎𑑂𑐎𑑂 𑐳𑐶𑐫𑐩𑐡𑐸), 𑐧𑐵𑐏𑑄𑐣𑑄 𑐧𑐵𑑄𑐮𑐵𑐎𑑂𑐎𑑂 𑐠𑐸𑐃𑐎𑐾 𑐩𑐦𑐸:𑑋 𑐨𑐵𑐖𑐸 𑐮𑐶𑐣𑐴𑐵𑐬𑑂𑐚𑐖𑐸𑑄 𑐣𑐾𑐰𑐵𑐨𑐵𑐳𑑄 𑐔𑑂𑐰𑐫𑐵𑐟𑐐𑐸 𑐧𑐵𑐏𑑄 𑐫𑐵𑐟 𑐀𑑄𑐐𑑂𑐬𑐾𑐖𑐷𑑄 𑐁𑐏𑐮𑑄 𑐴𑐶𑐫𑐎𑐵 (Unicode Devanagari) 𑐖𑐬𑑂𑐩𑐣 𑐨𑐵𑐲𑐵𑐣𑑂𑑄 𑐃𑐳𑑂𑐰𑐷 𑐳𑐩𑑂𑐧𑐟 𑑑𑑙𑑘𑑕 𑐳𑑄 𑐩𑑂𑐫𑐸𑐖𑐷𑐫𑐩𑐥𑐵𑐏𑐾𑑄 𑐳𑐶𑑄𑐴𑐮𑐱𑐵𑐬𑑂𑐠𑐧𑐵𑐴𑐵𑐫𑐵 𑐧𑐵𑐏𑑄 𑐕𑐵𑐥𑐫𑐫𑐵𑐣𑐵 𑐥𑐶𑐎𑐵𑐐𑐸 𑐏:𑑋 𑐨𑐵𑐖𑐸 𑐮𑐶𑐣𑐴𑐵𑐬𑑂𑐚𑐖𑐸𑑄 𑐮𑑂𑐴𑐵𑐟𑑄 𑐔𑑂𑐰𑑀𑐫𑐵𑐟𑐐𑐸 𑐀𑐣𑐾𑐎 𑐐𑑂𑐬𑐣𑑂𑐠 𑐀𑐢𑑂𑐫𑐫𑐣 𑐫𑐵𑐣𑐵 𑐡𑐶𑐐𑐸 𑐡𑐸𑐳𑐵 𑐰𑐫𑐎𑐮𑑄 𑐣𑐾𑐰𑐵 𑐨𑐵𑐫: 𑐰 𑐳𑑄𑐳𑑂𑐎𑐺𑐟𑐷 𑐫𑐵 𑐣𑐶𑐟𑐶𑑄 𑐮𑐐𑐨𑐐 𑑕𑑐 𑐣𑑂𑐫𑐾𑐡𑑄 𑐫𑑀𑐐𑐡𑐵𑐣 𑐧𑐶𑐫𑐵 𑐡𑐶𑐐𑐸 𑐏𑑅𑑋 𑐨𑐵𑐖𑐸 𑐮𑐶𑐣𑐴𑐵𑐬𑑂𑐚𑐖𑐸𑑄 𑐖𑐬𑑂𑐩𑐣 𑐳𑐬𑐎𑐵𑐬 𑐥𑐵𑐏𑐾𑑄𑐫𑐵 𑐐𑑀𑐳𑐵𑐮𑐾 𑐖𑐸𑐐𑐸 𑐴𑐳𑑂𑐟𑐮𑐶𑐏𑐶𑐟 𑐐𑑂𑐬𑐣𑑂𑐠 𑐧𑑂𑐫𑐧𑐳𑑂𑐠𑐵𑐥𑐣 𑐰𑑅 𑐩𑐵𑐃𑐎𑑂𑐬𑑀𑐦𑐶𑐮𑑂𑐩𑐶𑐒 𑐥𑑂𑐬𑑀𑐖𑐾𑐎𑑂𑐚 (Nepal German Project for Manuscript Preservation and Microfilming) 𑐫𑐵 𑐣𑐵𑐫𑑀 𑐖𑐸𑐫𑐵 𑐃𑐳𑑂𑐰𑐷 𑐳𑐩𑑂𑐧𑐟 𑑑𑑙𑑘𑑒 𑐳𑑄 𑐣𑐾𑐥𑐵 𑐗𑐵𑐫𑐵 𑐡𑐶𑐐𑐸𑐏:𑑋 𑐨𑐵𑐖𑐸 𑐮𑐶𑐣𑐴𑐵𑐬𑑂𑐚𑐖𑐸𑑄 𑐣𑑂𑐴𑐠𑐣𑐵𑐡𑐶𑐐𑐸 𑐖𑐬𑑂𑐩𑐣𑐷𑐫𑐵𑐐𑐸 𑐅𑐐𑐸 𑐩𑑂𑐫𑐸𑐖𑐷𑐫𑐩 𑐩𑐾𑐐𑐸 𑐩𑑂𑐫𑐸𑐖𑐷𑐫𑐩𑐣𑐵𑐥 𑐐𑐵𑐨𑑂𑐫 𑐖𑐸𑐐𑐸 𑐰𑑅 𑐥𑑁𑐨𑐵 𑐖𑐶𑐬𑑂𑐞 𑐖𑐸𑐐𑐸 𑐖𑐸𑐫𑐵 𑐧𑑂𑐫𑐫𑐐𑐸 𑐩𑐫𑐵𑐳𑑂𑐳𑐾𑑄 𑐝𑐸𑐎𑐸𑐟𑐷 𑐳𑑂𑐰𑐠𑐣𑐵 𑐟𑐐𑐸𑐖𑐸𑐫𑐩𑐵 𑐢𑐫𑐵𑐐𑐸 𑐢𑐵𑐥𑐸 𑐏𑐣𑑂𑐫𑐡𑐟𑑋 𑐫𑐾𑑄𑐫𑐵 𑐀𑑄𑐐𑑂𑐬𑐾𑐖 𑐬𑐵𑐖𑐡𑐸𑐟𑐵𑐰𑐵𑐳𑐫𑐵 𑐕𑐩𑑂𑐴 𑐀𑐢𑐶𑐎𑐵𑐬𑐷 𑐨𑐵𑐖𑐸 𑐴𑐡𑐳𑐣𑐖𑐸 𑐣𑐾𑐥𑐵𑐮𑑄 (𑐃𑐳𑑂𑐰𑐷 𑐳𑐩𑑂𑐧𑐟 𑑑𑑙𑑘𑑕) 𑐅𑐐𑐸 𑐟𑐵𑐴𑐵𑐎𑐐𑐸 𑐥𑑁𑐨𑐵 (𑐫𑐾𑑄𑐡𑑂𑐫𑐾𑐫𑐵 𑐠𑑄𑐰𑐴𑐷𑐫𑐵 𑐥𑐸𑐮𑐵𑑄𑐐𑐸 𑐥𑑁𑐨𑐵 𑐠𑑂𑐰𑐴𑐾 𑐖𑐸𑐃𑐩𑐵) 𑐰𑑅 𑐀𑐣𑐾𑐎 𑐴𑐳𑑂𑐟𑐮𑐶𑐏𑐶𑐟 𑐐𑑂𑐬𑐣𑑂𑐠𑐟𑑅 𑐫𑐸𑐬𑑀𑐥 𑐮𑑂𑐴𑐫𑐵 𑐫𑑄𑐎𑐵 𑐡𑐶𑐐𑐸 𑐏𑐣𑑂𑐫𑐡𑐸:𑑋
𑐠𑐸𑐎𑐠𑑄 𑐔𑑂𑐰𑐫𑐵 𑐟𑐐𑐸 𑐥𑐸𑐮𑐵𑑄𑐐𑐸 𑐥𑑁𑐨𑐵𑐫𑐵 (𑑑𑑑.𑑔𑑐 𑐩𑐶𑐟𑐬 𑐟𑐵𑐴𑐵𑐎𑐐𑐸 𑑐.𑑕𑑕 𑐩𑐶𑐟𑐬 𑐧𑑂𑐫𑐵) 𑐧𑐵𑐏𑑄 𑐀𑐢𑑂𑐫𑐫𑐣 𑐫𑐵𑐫𑐧𑐮𑑂𑐫𑐾 𑐳𑐶𑑄𑐴𑐮𑐎𑐮𑑂𑐥 𑐣𑐐𑐬𑐫𑐵 𑐳𑐶𑑄𑐴𑐱𑐵𑐴𑐸 𑐩𑐴𑐵𑐖𑐣𑐫𑐵 𑐎𑐵𑐫 𑐳𑐶𑑄𑐴𑐮 𑐣𑑂𑐫𑐵𑐳 𑐰𑐘𑑂𑐖𑐵𑐮𑐫𑐵 𑐣𑐵𑐫𑑀 𑐖𑐸𑐫𑐵 𑐧𑑂𑐫𑐵𑐥𑐵𑐬 (𑐧𑐘𑑂𑐖𑐵 𑐌𑐣𑐾𑐫𑐵𑐟) 𑐬𑐟𑑂𑐣𑐵𑐎𑐬𑐳𑐩𑐸𑐡𑑂𑐬𑐳𑑄 𑐕𑐶𑐣𑐵𑐰 𑐟𑐵𑐩𑑂𑐬𑐰𑑂𑐡𑐶𑐥 𑐢𑐫𑐵𑐐𑐸 𑐡𑐾𑐱𑐳𑑄 (𑐧𑐘𑑂𑐖𑐵 𑐧𑑂𑐫𑐵𑐥𑐵𑐮) 𑐧𑐶𑐖𑑂𑐫𑐵𑐐𑐸 𑐢𑐫𑐵𑐐𑐸 𑐳𑐶𑐃𑐡𑐟𑑂 𑑋 ( 𑐰𑐘𑑂𑐖𑐵𑐮𑐫𑐵 𑐣𑐵𑐫𑑀𑐫𑐵𑐟 𑐱𑐵𑐬𑑂𑐠𑐧𑐵𑐴𑐵 𑐢𑐵𑐫𑐷𑐐𑐸 𑐖𑐸𑐫𑐵𑐣𑐶𑐟𑐶𑑄 𑐣𑑂𑐴𑐸𑐐𑐸𑐣𑐵𑑄 𑐳𑐶𑑄𑐴𑐮𑐱𑐵𑐬𑑂𑐠𑐧𑐵𑐴𑐵 – 𑐳𑐶𑑄𑐴𑐮 𑐰𑐘𑑂𑐖𑐵𑐮𑐫𑐵 𑐣𑐵𑐫𑑀 𑐖𑐸𑐮𑑂:)
𑐟𑐵𑐩𑑂𑐬𑐰𑑂𑐡𑐶𑐥 𑐢𑐵𑐫𑐰𑑄 𑐱𑑂𑐬𑐷𑐮𑑄𑐎𑐵 𑐀𑐮𑑂𑐫𑐾 𑐱𑑂𑐬𑐷𑐮𑑄𑐎𑐵 𑐰𑐣𑑂𑐣𑐾𑐟𑑅 𑐳𑐩𑐸𑐡𑑂𑐬 𑐥𑐵𑐬𑐫𑐵𑐫𑐾𑐩𑐵𑐐𑐸 𑐏𑑄 𑐮𑐶𑐳𑑂𑐳𑐾𑑄 𑐱𑑂𑐬𑐷𑐮𑑄𑐎𑐵𑐫𑐵 𑐃𑐟𑐶𑐴𑐵𑐳𑐫𑐵 𑐀𑐢𑑂𑐫𑐫𑐣 𑐫𑐵𑐫𑐾𑐰𑐮𑐾 𑐮𑐳𑑂𑐳𑐶𑑄𑐟𑐫𑐐𑐸 𑐡𑑂𑐫𑐾 𑐰 𑐟𑐵𑑅𑐣𑑂𑐴𑐰𑐣𑐶𑐳𑑂𑐫𑐾𑑄 𑐬𑐟𑑂𑐣𑐫𑐵 𑐧𑑂𑐫𑐵𑐥𑐵𑐬𑐷𑐟 𑐰𑐫𑐵𑐔𑑂𑐰𑑄𑐐𑐸 𑐟𑐠𑑂𑐫𑐟 𑐥𑑂𑐬𑐩𑐵𑐞𑐷𑐟 𑐖𑐸𑑅 𑑋 𑐧𑐶𑐡𑑂𑐰𑐵𑐣 𑐨𑐵𑐖𑐸 𑐮𑐶𑐣𑐴𑐵𑐬𑑂𑐚𑐖𑐸𑐫𑐵𑐐𑐸 𑐢𑐵𑐥𑐸𑐎𑐠𑑄 𑐳𑐶𑑄𑐴𑐮𑐱𑐵𑐬𑑂𑐠𑐧𑐵𑐴𑐵 𑐁𑐖𑐸 𑐮𑑂𑐴𑐵𑐳𑐵 𑐩𑐏𑐸𑐳𑐾𑑄 𑐱𑑂𑐬𑐷𑐮𑐒𑑂𑐎𑐵 𑐧𑐶𑐖𑑂𑐫𑐵𑐐𑐸 𑐏𑐣𑐾𑐡𑐫𑐵𑐰𑐮 𑑋
(𑐁𑐏𑑅 𑐐𑑂𑐰: 𑐥𑑂𑐬𑐲𑑂𑐚 𑐩𑐖𑐸𑐠𑐵𑐫 … 𑐟𑐫𑐵𑐟𑐐𑐸 𑐏𑑅)
𑑑) 𑐱𑑂𑐬𑐷 𑐧𑐖𑑂𑐬𑐳𑐟𑑂𑐰 𑑋𑑋

𑑒) 𑐱𑑂𑐬𑐷 𑐁𑐬𑑂𑐫𑐵𑐧𑐮𑑀𑐎𑐶𑐟𑐾𑐱𑑂𑐬𑑂𑐰𑐬‍ 𑑋𑑋

𑑓) 𑐠𑐣 𑐱𑑂𑐬𑐷 𑑓 𑐱𑐵𑐎𑑂𑐫 𑐳𑐶𑑄𑐴 𑐨𑐐𑐰𑐵𑐣 … … 𑐩𑐴𑐷𑐩𑐵𑐏𑑅 … … 𑐮𑑂𑐴𑐵𑐟 𑐖𑐸𑐮𑑂: 𑑋𑑋
𑑔) 𑐳𑐶𑑄𑐴𑐮𑐎𑐮𑑂𑐥𑐣𑐐𑐬𑐳𑑄 (𑐳𑐶𑑄𑐴𑐳𑐵𑐴𑐸 𑐩𑐴𑐵𑐖𑐣𑑄) 𑐠𑐌 𑐩𑑂𑐴𑐌𑐔𑑀 𑐠𑐌 𑐥𑐸𑐟𑑂𑐬 𑐳𑐶𑑄𑐴𑐮𑐱𑐵𑐬𑑂𑐠𑐧𑐵𑐴𑐵 𑐠𑐌 𑐃𑐴𑐷𑐩𑑀𑐔𑐵 𑐠𑐌 𑐧𑐣𑐷𑐖𑑂𑐫𑐵𑐮 𑐳𑐎𑐮𑑂𑐫𑐩𑐴𑑂 𑐩𑐸𑐣𑐵𑐌 … 𑐎𑐸𑐮𑐢𑐬𑑂𑐩𑑂𑐩 … 𑐮𑑂𑐴𑐵𑐳𑐵𑐫𑐩𑑂 𑐔𑑂𑐰𑐣 𑐖𑐸𑐮𑑂: 𑑋𑑋

𑑕) 𑐠𑐣 𑐳𑐶𑑄𑐴𑐮𑐱𑐵𑐬𑑂𑐠𑐧𑐵𑐴𑐵 𑐠𑐰𑑀 𑐧𑐸𑐧𑐵 𑐩𑐵𑐴𑐵𑐖𑐣𑐫𑐵𑐎𑐾 𑐩𑐵𑐴𑑂𑐩𑐫𑐵𑐎𑐾 𑐟𑐵𑐩𑑂𑐬𑐰𑑂𑐡𑐶𑐥 𑐢𑐫𑐵𑐐𑐸 𑐡𑐾𑐱𑐳𑑄 𑐧𑐘𑑂𑐖𑐵 𑐧𑑂𑐫𑐵𑐥𑐵𑐮 𑐌𑐣𑐾 𑐢𑐎𑐩𑐴𑑂 𑐧𑐶𑐩𑐟𑐷 𑐫𑐵𑐣𑐵𑐰𑑀 𑐔𑑂𑐰𑐣 𑐖𑐸𑐮𑑂: 𑑋𑑋
𑑖) 𑐠𑐣 𑐳𑐶𑑄𑐴𑐮𑐱𑐵𑐬𑑂𑐠𑐧𑐵𑐴𑐵𑐣 𑐧𑐸𑐧𑐵 𑐩𑐵𑐩𑐣𑑂 𑐧𑐾𑐮𑐵 𑐩 𑐧𑐶𑐫𑐵𑐎𑐩𑑂 … 𑐧𑐾𑐮𑐵 𑐦𑑀𑐣𑐵𑐰𑑀 … 𑐠𑑂𑐰𑐰𑐾𑐮𑐵𑐳𑑄 𑐩𑐵𑐩 𑐧𑐵𑐧𑐵 (𑐣𑑄) 𑐰𑐾𑐮𑐵𑐧𑐶𑐮 … (𑐫𑐵) 𑐣𑐵𑐌 𑐔𑑂𑐰𑐣 𑐖𑐸𑐮𑑂: 𑑋𑑋

𑑗) 𑐠𑐣 𑐳𑐶𑑄𑐴𑐮𑐱𑐵𑐬𑑂𑐠𑐧𑐵𑐴𑐵𑐣 𑐠𑐰𑑀 𑐕𑐾𑑄𑐣 𑐥𑐶𑐴𑐵𑑄 𑐌𑐫𑐵𑐌 𑐠𑐰𑑀 𑐥𑐵𑐳𑐵𑐥𑐣𑐶𑐳𑐟𑑄 𑐑𑐣𑑂𑐚 𑐠𑐵𑐣𑐵𑐌 𑐔𑑂𑐰𑐫𑐎𑐵𑐰𑑂 𑐔𑑂𑐰𑐣 𑐖𑐸𑐮𑑂: 𑑋𑑋

𑑘) 𑐠𑐣 𑐣𑑂𑐫𑐵𑐳𑐮 𑐰𑐘𑑂𑐖𑐵𑐮 𑐳𑐎𑐮𑑂𑐫𑐵𑐩𑐴𑑂 𑐩𑐸𑐣𑐵 𑐌𑐫𑐵𑐰 𑐳𑐶𑑄𑐴𑐮𑐱𑐵𑐬𑑂𑐠𑐧𑐵𑐴𑐵𑐫𑐵𑐎𑐾 𑐧𑐶𑐣𑐟𑐷 𑐫𑐵𑐟𑐩𑑂 𑐖𑐶𑐥𑐣𑐷 𑐳𑐎𑐮𑑂𑐫𑐩𑑂 𑐬𑐟𑑂𑐣𑐵𑐎𑐬𑐳𑐩𑐸𑐡𑑂𑐬𑐳 𑐧𑐘𑑂𑐖𑐵 𑐌𑐣𑐾𑐫𑐵𑐟 … 𑐌𑐫 𑐢𑐸𑐣 𑐢𑐎𑐩 𑐠𑐶𑐠𑐶𑐩𑑂𑐴 𑐏𑐣𑑂 𑐮𑑂𑐴𑐵𑐟: 𑑋𑑋

𑑙) 𑐠𑐣 𑐳𑐶𑑄𑐴𑐮𑐱𑐵𑐬𑑂𑐠𑐧𑐵𑐴𑐵 𑐁𑐡𑐶𑐩 𑐣𑑂𑐫𑐵𑐳𑐮 𑐰𑐘𑑂𑐖𑐵𑐮𑐥𑐣𑐷 𑐀𑐣𑐾𑐐 𑐢𑐣 𑐡𑑂𑐬𑐧𑑂𑐫 𑐧𑐳𑑂𑐟𑐸 𑐖𑑀𑐣𑐵𑐰𑑀 𑐳𑐮 𑐎𑐶𑐳𑐷 𑐀𑐳𑑂𑐟𑑂𑐬 𑐐𑑂𑐬𑐩𑐢𑐸 (𑐐𑐩𑐢𑐸) … 𑐫𑐵𑐳𑑂𑐫𑐩𑐴𑑂 𑐀𑐣𑐾𑐐 𑐧𑐵𑐡𑑂𑐫 𑐠𑐵𑐎𑐎𑐩 𑐖𑐵𑐟𑑂𑐬𑐵 𑐫𑐵𑐳𑑂𑐫𑐩 𑐬𑐟𑑂𑐣𑐵𑐎𑐬𑐳𑐩𑐸𑐡𑑂𑐬𑐳 𑐌𑐣𑐵 𑐖𑐸𑐮𑑅 𑑋𑑋

𑑑𑑐) 𑐠𑐣 𑐩𑐵𑐩 𑐧𑐵𑐧𑐵𑐫𑐵 𑐧𑐔𑐣 𑐩𑐰𑐫𑐵𑐎𑐩 (?) … 𑐠𑑂𑐰𑑀 𑐡𑑀𑐱𑐣 (𑐡𑑀𑐲) 𑐳𑐶𑑄𑐴𑐮 𑐱𑐵𑐬𑑂𑐠𑐧𑐵𑐴𑐵 𑐁𑐡𑐶𑐥𑐩𑑂 𑐣𑑂𑐫𑐵𑐳𑐮 𑐰𑐘𑑂𑐖𑐵𑐮𑐫𑐵 𑐨𑐵𑐐𑑂𑐫 𑐎𑐵𑐫𑐵𑐰 (?) 𑐱𑐣𑐶𑐱𑑂𑐬𑑂𑐔𑐬 … 𑐖𑐸𑐮𑑅 𑑋𑑋

𑑑𑑑) 𑐠𑐣 𑐳𑐶𑑄𑐴𑐮𑐱𑐵𑐬𑑂𑐠𑐧𑐵𑐴𑐵 𑐁𑐡𑐶𑐥𑐩𑑂 𑐣𑑂𑐫𑐵𑐳𑐮 𑐰𑐘𑑂𑐖𑐵𑐮𑐥𑐣𑐷 𑐳𑐎𑐮𑑂𑐫𑐩𑑂 𑐎𑐠𑐩𑑂 𑐠𑑂𑐰𑑀 𑐩𑐴𑐵𑐳𑐩𑐸𑐡𑑂𑐬𑐫 𑐟𑐶𑐬𑐳𑑄 𑐠𑑂𑐫𑐣 𑐖𑐸𑐮𑑅 𑑋 𑐠𑑂𑐰𑑀 𑐧𑐾𑐮𑐳 𑐳𑐶𑑄𑐴𑐮𑐱𑐵𑐬𑑂𑐠𑐧𑐵𑐴𑐵 𑐩𑐵𑐗𑐶𑐎 𑐳𑐬𑐟𑐵𑐰𑑀 𑐢𑐵𑐮 𑑋 𑐠𑑂𑐰𑑀 𑐩𑐴𑐵𑐳𑐩𑐸𑐡𑑂𑐬𑐣 𑐖𑐶𑐥𑐣𑐶𑐳𑐟 𑐥𑐵𑐬 𑐫𑐵𑐟𑐎𑐶 𑐢𑐎𑐩𑑂 𑐠𑐣𑐩𑑂 𑐮𑐶 𑐩𑐵𑐗𑐶𑐎𑐣 𑐖𑐸𑐮𑐳𑑂𑐩𑑂 𑐖𑐶𑐰 𑐠𑑂𑐰𑑀 𑐳𑐩𑐸𑐡𑑂𑐬𑐳 𑐥𑐵𑐬 (𑐫𑐵𑐫𑐶) 𑐖𑐸𑐮𑑂: 𑐢𑐎𑐩𑑂 𑐨𑐮𑑀𑐳𑐵 𑐧𑐶𑐫𑐵𑐰 𑐧𑐶𑐣𑐟𑐶 𑐫𑐵𑐳𑑂𑐫𑐩𑑂 𑐔𑑂𑐰𑐣 𑐖𑐸𑐮𑑂: 𑑋𑑋
𑑑𑑒) 𑐠𑐣 𑐩𑐵𑐗𑐶𑐎𑐣 𑐳𑐶𑐩𑑂𑐴𑐮𑐳𑐵𑐬𑑂𑐠𑐧𑐵𑐴𑐵 𑐀𑐡𑐶𑐥𑐩 𑐣𑑂𑐫𑐳𑐮𑐵 𑐰𑐘𑑂𑐖𑐵𑐮𑐥𑐣𑐷 𑐳𑐎𑐮𑑂𑐫𑐩 𑐡𑑀𑐒𑐐𑐵𑐳𑑄 𑐟𑐳𑑂𑐫𑐩𑑂 𑐠𑑂𑐰𑑀 𑐩𑐴𑐵𑐳𑐩𑐸𑐡𑑂𑐬𑐣 𑐥𑐵𑐬 𑐫𑐵𑐟𑐎𑐵𑐰𑑀 𑐔𑑂𑐰𑐣 𑐖𑐸𑐮𑑂: 𑑋𑑋

𑑑𑑓) 𑐠𑐣 𑐀𑐎𑐳𑐩𑐵𑐟𑑂𑐬𑐣 (𑐀𑐎𑐳𑐩𑐵𑐬𑑂𑐐𑐣𑑂𑑄) 𑐎𑐵(𑐮) 𑐧𑐵𑐫𑐸 𑐰𑑀𑐫𑐰𑑀 𑐡𑑀𑐒𑐐𑐵 𑐦𑐵𑐟 𑐥𑐸𑐮𑐵𑐌 𑐳𑐶𑐩𑑂𑐴𑐮𑐳𑐵𑐬𑑂𑐠𑐧𑐵𑐴𑐵 𑐥𑑂𑐬𑐩𑐸𑐏𑐣 𑐣𑑂𑐫𑐵𑐳𑐮 𑐰𑐘𑑂𑐖𑐵𑐮 … 𑐫𑐵𑐣 𑐖𑐸𑐮𑑂: 𑑋𑑋

𑑑𑑔) 𑐠𑐣 𑐣𑑂𑐫𑐵𑐳𑐮 𑐮𑐳𑐶 (𑐩𑑂𑐴𑑂)𑐣𑐶𑐟𑐵 𑐳𑐎𑐮𑑂𑐫𑐩𑑂 𑐳𑐸𑐣𑑂𑐡𑐬𑐷𑐫𑐵𑐐𑐸 𑐬𑐸𑐥 𑐖𑐸𑐳𑑂𑐫𑐩𑑂 𑐰𑑀𑐫𑐰𑑀 𑐳𑐶𑐩𑑂𑐴𑐮𑐳𑐵𑐬𑑂𑐠𑐧𑐵𑐴𑐵 𑐁𑐡𑐶𑐥𑐩 𑐣𑑂𑐫𑐵𑐳𑐮 𑐰𑐘𑑂𑐖𑐵𑐮 𑐳𑐎𑐮𑑂𑐫𑐩 𑐠𑑂𑐰𑑀 𑐩𑐴𑐵𑐳𑐩𑐸𑐡𑑂𑐬𑐣 𑐠𑐟 𑐎𑐫𑐵𑐰𑑀 𑐔𑑂𑐰𑐣 𑐖𑐸𑐮𑑂: 𑑋𑑋

𑑑𑑕) 𑐠𑐣 𑐳𑐶𑐩𑑂𑐴𑐮𑐳𑐵𑐬𑑂𑐠𑐧𑐵𑐴𑐵 𑐥𑑂𑐬𑐩𑐸𑐏𑐌 𑐣𑑂𑐫𑐵𑐳𑐮 𑐰𑐘𑑂𑐖𑐵𑐮 𑐥𑐣𑐶𑐳𑐟 𑐣𑑂𑐫𑐵𑐳𑐮 𑐳𑐸𑐣𑑂𑐡𑐬𑐷 𑐥𑐣𑐶𑐳𑐣 𑐀𑐣𑐾𑐐 𑐌𑐳𑐟 𑐥𑐶𑐟 𑐧𑐶𑐫𑐵𑐌 𑐧𑑀𑐢 𑐧𑐶𑐳𑑂𑐫𑐩𑑂 𑐠𑐶𑐠𑐶𑐩𑑂𑐴 𑐏𑑂𑑄 𑐮𑑂𑐴𑐵𑐣𑐵𑐰𑑀 𑐔𑑂𑐰𑐣 𑐖𑐸𑐮𑑂: 𑑋𑑋
𑑑𑑖) 𑐠𑐣 𑐳𑐶𑐩𑑂𑐴𑐮𑐳𑐵𑐬𑑂𑐠𑐧𑐵𑐴𑐵 𑐥𑑂𑐬𑐩𑐸𑐏 𑐣𑑂𑐫𑐵𑐳𑐮 𑐰𑐘𑑂𑐖𑐵𑐮𑐥𑐣𑐶𑐳𑐟 𑐣𑑂𑐫𑐵𑐳𑐮 𑐳𑐸𑐣𑑂𑐡𑐬𑐷 𑐥𑐣𑐶𑐳𑑂𑐫𑐣 𑐩𑑂𑐴𑐟𑐶𑐩𑑂𑐴 𑐕𑐩𑑂𑐴 𑐕𑐩𑑂𑐴 𑐥𑐸𑐬𑐸𑐲 𑐣𑐵𑐮𑐵𑐰𑑀 𑐩𑐴𑐵𑐴𑐬𑑂𑐲𑐩𑐵𑐣 𑐫𑐵𑐳𑑂𑐫𑐩𑑂 𑐠𑐰𑑀 𑐠𑐰𑑀 𑐕𑐾𑑄𑐳𑐣𑑂𑑄 𑐧𑑀𑐣𑐵𑐰𑑀 𑐫𑐣𑐎𑐵𑐰𑑀 𑐔𑑂𑐰𑐣 𑐖𑐸𑐮𑑂: 𑑋𑑋
𑑑𑑗) 𑐠𑐣 𑐳𑐶𑐩𑑂𑐴𑐮𑐳𑐵𑐬𑑂𑐠𑐧𑐵𑐴𑐵𑐫𑐵𑐟 𑐳𑐸𑐣𑑂𑐡𑐬𑐷𑐣 𑐎𑑂𑐰𑑀𑐠𑐵𑐳𑑄 𑐟𑐫𑐵𑐰𑑀 𑐀𑐣𑐾𑐐 𑐨𑑀𑐖𑐣 𑐫𑐵𑐟𑐎𑐵𑐰𑑀 𑐣𑐵𑐣𑐵 𑐬𑐳𑐫𑐵 𑐏𑑂𑑄 𑐮𑑂𑐴𑐵𑐣𑐵𑐰𑑀 𑐔𑑂𑐰𑐣 𑐖𑐸𑐮𑑂: 𑑋𑑋
𑑑𑑘) 𑐠𑐣 𑐳𑐶𑐩𑑂𑐴𑐮𑐳𑐵𑐬𑑂𑐠𑐧𑐵𑐴𑐵 𑐰𑑀(𑐌) 𑐳𑐸𑐣𑑂𑐡𑐬𑐷𑐰 𑐣𑐶𑐩𑑂𑐴𑐳𑑂𑐫𑐵 … 𑐫𑐵𑐳𑑂𑐫𑐩 𑐎𑑂𑐬𑐶𑐜𑐵 𑐫𑐵𑐣𑐰𑑀 (𑐁𑐣𑐣𑑂𑐡𑐣) 𑐔𑑂𑐰𑐣 𑐖𑐸𑐮𑑂: 𑑋𑑋
𑑑𑑙) 𑐠𑐣 𑐳𑐸𑐣𑑂𑐡𑐬𑐶𑐫𑐵 𑐣𑑂𑐴𑑂𑐮 𑐌𑐫𑐎𑐩 𑐡𑐾𑐣𑐵𑐰𑑀 𑐔𑑀𑐣𑐵 𑐧𑐾𑐮𑐳 𑐟𑑂𑐰𑐵𑐡𑐾𑐧𑐵𑐳 𑐔𑑀𑐣𑐵 𑐩𑐟𑐳 𑐱𑑂𑐬𑐷 𑐎𑐬𑐸𑐞𑐵𑐩𑐫 𑐧𑐶𑐖𑑂𑐫𑐵𑐣𑐵𑐌 𑐳𑐶𑐩𑑂𑐴𑐮𑐳𑐵𑐬𑑂𑐠𑐧𑐵𑐴𑐵𑐫𑐵𑐟 𑐁𑐖𑑂𑐘𑐵 𑐖𑐸𑐮𑐩 𑐁𑐩𑑀 𑐩𑐶𑐳𑐵 𑐳𑐸𑐣𑑂𑐡𑐬𑐷 𑐩𑐏𑐸 𑐮𑐳𑐶𑑄(𑐩𑑂𑐴𑑂)𑐣𑐶𑐩𑑂𑐴𑑂 … 𑐴𑐾𑐫𑐾𑐎𑐸 𑐖𑐸𑐮𑑂: 𑑋𑑋

𑑒𑑐) 𑐠𑐣 𑐳𑐶𑐩𑑂𑐴𑐮𑐳𑐵𑐬𑑂𑐠𑐧𑐵𑐴𑐵𑐣 𑐮𑐳𑐶𑑄𑐩𑑂𑐴𑑂𑐟 … 𑐳𑐾 𑐩𑐏𑐸 𑐳𑑀𑐫𑐎𑐵 𑐠𑐌𑐐𑐸 𑐔𑐣𑑂𑐡𑑂𑐬𑐴𑐵𑐳 𑐏𑐜𑐐 𑐖𑑀𑐣𑐵𑐰𑑀 𑐬𑐵𑐟𑑂𑐬𑐷𑐳 𑐡𑐎𑑂𑐲𑐶𑐞𑐡𑐶𑐳𑐵 𑐳𑑀𑐳𑑂𑐫𑐩 𑐫𑐵𑐎𑐟𑐣𑐩𑑂 𑐌𑐣𑑂 𑐖𑐸𑐮𑑂: 𑑋𑑋

𑑒𑑑) 𑐠𑐣 𑐳𑐶𑐩𑑂𑐴𑐮𑐳𑐵𑐬𑑂𑐠𑐧𑐵𑐴𑐵 𑐣𑐫𑐵 𑐎𑑂𑐰𑑀𑐠𑐵 𑐠𑐾𑐣𑐎𑐵𑐌 𑐕𑐰𑐵 𑐳𑐶𑐩𑐵 𑐐𑐫𑐵𑐰𑑀 𑐳𑑀𑐫𑐵 (?) 𑐧𑐾𑐮𑐳 𑐎𑑂𑐰𑑀𑐠𑐵𑐳 𑐔𑑀𑐣𑐵 𑐮𑑀𑐎𑐣𑑂𑑄 𑐢𑐵𑐮𑐩𑑂 𑐁𑐩 𑐳𑐸𑐣𑑂(𑐡)𑐬𑐶 𑐩𑐏𑐸 (?) 𑑋 𑐮𑐳𑐶𑑄𑐣𑐶𑐥𑐶𑐩𑑂𑐴 𑐠𑑂𑐰𑑀(?) 𑐳𑐟𑑂𑐫𑐣𑐩 𑐏𑐌 𑐠𑐣 𑐔𑑀𑐣𑐵(𑐥𑐣𑐶) 𑐳𑑂𑐫𑐣𑐵 … (𑐥𑐸)𑐮𑐷 𑐳𑑂𑐰𑑀𑐴𑐸𑐣𑐶 𑐢𑐎𑐩𑑂 𑐢𑐵𑐮 𑐖𑐸𑐮𑑂: 𑑋𑑋

𑑒𑑒) 𑐠𑐣 𑐳𑐶𑐩𑑂𑐴𑐮𑐳𑐵𑐬𑑂𑐠𑐧𑐵𑐴𑐵 𑐥𑐟𑑂𑐫𑐵𑐬 𑐖𑐸𑐳𑑂𑐫𑐩𑑂 𑐮𑐶𑐴𑐵 𑐌𑐫𑐵𑐌 (?) 𑐠𑐌 𑐎𑑂𑐰𑑀𑐠𑐵𑐳𑐣 𑐟𑑂𑐰𑐵𑐡𑐾𑐰𑐵𑐳 𑐧𑐶𑐖𑑂𑐫𑐵𑐎 𑐱𑑂𑐬𑐷 𑐎𑐬𑐸𑐞𑐵𑐩𑐫𑐫𑐵𑐎𑐾 𑐧𑐶𑐩𑐟𑐷 𑐫𑐵𑐎 𑐠𑑂𑐰𑑀 𑐧𑐾𑐮𑐳 𑐎𑐬𑐸𑐞𑐵𑐩𑐫𑐣𑐩𑑂𑐴 𑐄𑐥𑐡𑐾𑐳 𑐧𑐶𑐫𑐵𑐌 𑐀𑐣𑑂𑐟𑐬𑐢𑑂𑐫𑐵𑐣 𑐖𑐸𑐮𑑂: 𑑋𑑋

𑑒𑑓) 𑐠𑐣 𑐮𑐳𑐶𑑄(𑐩𑑂)𑐣𑐶𑐫 𑐣𑑂𑐴𑐾𑐮𑑂𑑄 𑐔𑐵𑐫𑐌 𑐳𑐸𑐣𑑂𑐡𑐬𑐷 𑐖𑐸𑐳𑑂𑐫𑐩𑑂 𑐠𑐰𑑀 𑐳𑑂𑐰𑐵𑐩𑐷 𑐳𑐶𑐩𑑂𑐴𑐮𑐳𑐵𑐬𑑂𑐠𑐧𑐵𑐴𑐵𑐫𑐵𑐎𑐾 𑐧𑐶𑐩𑐟𑐷 𑐫𑐵𑐟𑐩𑑂 𑐠𑐣𑐶𑐫 𑐬𑐵𑐟𑑂𑐬𑐷𑐳𑑂𑑄 𑐐𑐣 𑐗𑐵𑐫𑐵 𑐢𑐎𑐩𑑂 𑐠𑑂𑐰𑑀 𑐧𑐾𑐮𑐳 𑐳𑐶𑐩𑑂𑐴𑐮𑐳𑐵𑐬𑑂𑐠𑐧𑐵𑐴𑐵 …(𑐩𑐮 𑐩𑐸𑐟𑑂𑐬) 𑐟𑑂𑐫𑐵𑐐…(𑐢𑐎𑐩𑑂 𑐢𑐵𑐮) 𑐖𑐸𑐮𑑂: 𑑋𑑋

𑑒𑑔) 𑐠𑐣 𑐳𑐶𑐩𑑂𑐴𑐮𑐳𑐵𑐬𑑂𑐠𑐧𑐵𑐴𑐵𑐣 𑐣𑑂𑐫𑐵 𑐳𑐣𑐾𑐌 𑐠𑐌 𑐎𑑀𑐠𑐵𑐣 𑐥𑐶𑐴𑐵 𑐌𑐫𑐌 𑐠𑐌 𑐰𑐘𑑂𑐖𑐵𑐮𑐥𑐣𑐶𑐳𑑂𑐟 … 𑐳𑐮𑐵𑐟𑐌 𑐠𑐌 𑐠𑐌 𑐩𑑂𑐴𑑀𑐔𑑀𑐫𑐵𑐐𑐸 𑐀𑐣𑐾𑐐 𑐏𑑂𑐫𑐵𑐮 … 𑐫𑐵𑐣𑐐𑐸 𑐏 .. . 𑐳𑑂𑐫𑐩𑑂 𑐔𑑂𑐰𑐣 𑐖𑐸𑐮𑑂: 𑑋𑑋

𑑒𑑕) 𑐠𑐣 𑐳𑐶𑐩𑑂𑐴𑐮𑐳𑐵𑐬𑑂𑐠𑐧𑐵𑐴𑐵𑐣 𑐠𑐌 𑐣𑑂𑐫𑐵𑐳𑐮𑐵 𑐰𑐘𑑂𑐖𑐵𑐮 𑐥𑐣𑐶𑐳𑑂𑐟 𑐳𑐟𑐫 𑐫𑐵 … 𑐳𑐎𑐳𑑂𑐫𑐩𑑂 𑐩𑑂𑐴𑑀𑐎𑑀 𑐳𑐸𑐣𑑂𑐡𑐬𑐷 𑐩𑐏𑐸 𑐣𑑂𑐫𑐵𑐳𑐮𑐩𑑂𑐴𑑂𑐩 𑐮𑐳𑐶𑑄𑐩𑑂𑐴 𑐩𑐣𑐸𑐎𑑂𑐲𑐫𑐵 𑐮𑐵 𑐴𑐶 𑐣𑐫𑐵 𑐟𑑀𑐣𑐵𑐌 𑐔𑑀𑐣𑐶𑐥𑐶𑐩𑑂𑐴 𑐳𑐟𑑂𑐫𑐾𑐣 𑐏𑐌 𑐢𑐎𑐩𑑂 𑐣𑑂𑐫𑐵𑐳𑐮 𑐰𑐘𑑂𑐖𑐵𑐮𑐫𑐵 𑐖𑐶𑐰 𑐩𑑂𑐴𑑀𑐔𑐹 𑐠𑐶𑐠𑐶𑐩𑑂𑐴 𑐩𑐟 𑐫𑐵𑐣𑐵𑐌 𑐔𑑂𑐰𑐣 𑐖𑐸𑐮𑑂: 𑑋𑑋
𑑒𑑖) 𑐠𑐣 𑐳𑐶𑐩𑑂𑐴𑐮𑐳𑐵𑐬𑑂𑐠𑐧𑐵𑐴𑐵 𑐁𑐡𑐶𑐩 𑐣𑑂𑐫𑐵𑐳𑐮 𑐰𑐘𑑂𑐖𑐵𑐮𑐥𑐣𑐷 𑐳𑐎𑐮𑑂𑐫𑐩𑑂 𑐠𑐌 𑐠𑐌 𑐩𑑂𑐴𑑀𑐔𑑀𑐫 𑐎𑑀𑐠𑐵𑐳 𑐣𑐫𑐐𑐸 𑐩𑐣 𑐟𑐳𑑂𑐫𑐩𑑂 … 𑐎𑑀 … 𑐔𑑂𑐰𑑀𑐣 … 𑐠𑑂𑐰𑑀 𑐧𑐾𑐮𑐵𑐳 𑐮𑐳𑐶𑑄𑐩𑑂𑐴𑐣 𑐧𑑀𑐢 𑐧𑐶𑐫𑐵𑐌 𑐔𑑂𑐰𑐣 𑐖𑐸𑐮𑑂: 𑑋𑑋

𑑒𑑗) 𑐠𑐣 𑐣𑑂𑐫𑐳𑐮𑐵 𑐮𑐳𑐶𑑄(𑐩𑑂𑐴)𑐣𑐷𑐟 𑐩𑐸𑐣𑐵𑐌 𑐠𑐶𑐠𑐶 𑐏𑑄 𑐮𑑂𑐴𑐵𑐟𑐩𑑂 𑐳𑐶𑐩𑑂𑐴𑐮 𑐳𑐵𑐬𑑂𑐠𑐧𑐵𑐴𑐵𑐣 … 𑐳𑐶𑐫𑐎𑐮𑐩 𑐠𑑂𑐰𑑀 … 𑐠𑐣𑐶𑐩 𑐥𑑂𑐫𑐣𑑂𑐴𑐸 𑐦𑐸𑐎𑑂𑐎 … 𑐖𑐸𑐮𑑂: 𑐢𑐎𑐩𑑂 … (𑐢𑐵𑐮) 𑐖𑐸𑐮𑑂: 𑑋𑑋

𑑒𑑘) 𑐠𑐣 𑐳𑐶𑐩𑑂𑐴𑐮𑐳𑐵𑐬𑑂𑐠𑐧𑐵𑐴𑐵 𑐁𑐡𑐶𑐩𑑂𑐴 𑐣𑑂𑐫𑐵𑐳𑐮 𑐰𑐘𑑂𑐖𑐵𑐮 𑐳𑐎𑐮𑑂𑐫𑐩𑑂 𑐩𑐸𑐣𑐵𑐰𑑀 𑐀𑐣𑐾𑐐 𑐳𑐵𑐩𑐵𑐐𑑂𑐬𑐷 𑐖𑑀𑐣𑐵𑐰𑑀 𑐟𑐵𑐩𑑂𑐩𑑂𑐬𑐰𑑂𑐡𑐶𑐥 𑐢𑐫𑐵𑐐𑐸 𑐡𑐾𑐱𑐣 𑐴𑐠𑐵𑐳𑐣 𑐥𑐶𑐴𑐵 𑐌𑐣 𑐖𑐸𑐮𑑂: 𑑋𑑋

𑑒𑑙) 𑐠𑐣 𑐧𑐵𑐬𑐵𑐴𑐵𑐎 𑐢𑐫𑐵𑐩𑑂𑐴 𑐀𑐱𑑂𑐬𑑂𑐰𑐬𑐵𑐖𑐵 𑐮𑐸𑑄𑐫𑐵 𑐦𑐶𑐳𑐮𑐳 𑐩𑑂𑐴 𑐧𑐸𑐮𑐵𑐌 𑐔𑑀𑐣𑐩𑑂𑐴 𑐫𑐵𑐎𑐾 𑐳𑐶𑐩𑑂𑐴𑐮𑐳𑐵𑐬𑑂𑐠𑐧𑐵𑐴𑐵 𑐥𑑂𑐬𑐩𑐸𑐏𑐣𑑂 𑐣𑑂𑐫𑐵𑐳𑐮𑐵 𑐰𑐘𑑂𑐖𑐵𑐮𑐥𑐣𑐶𑐳𑐣 𑐠𑑂𑐰𑑀 𑐩𑐴𑐵𑐳𑐩𑐸𑐡𑑂𑐬𑑂𑐣 𑐥𑐵𑐬 𑐫𑐵𑐟𑐎𑐷 𑐢𑐎𑐩𑑂 𑐧𑐶𑐩𑐟𑐷 𑐫𑐵𑐳𑑂𑐫𑐩 𑐔𑑂𑐰𑐣 𑐖𑐸𑐮𑑂: 𑑋𑑋
𑑓𑑐) 𑐠𑐣 𑐧𑐵𑐬𑐵𑐴𑐵𑐎 𑐀𑐱𑑂𑐬𑑂𑐰𑐬𑐵𑐖𑐵 𑐡𑐣𑐵𑐰𑑀 𑐳𑐶𑐩𑑂𑐴𑐮𑐳𑐵𑐬𑑂𑐠𑐧𑐵𑐴𑐵 𑐁𑐡𑐶𑐥𑐩𑑂 𑐣𑑂𑐫𑐵𑐳𑐮 𑐰𑐘𑑂𑐖𑐵𑐮 𑐳𑐎𑐮𑐥𑐣𑐶𑐳𑑂𑐟 𑐁𑐖𑑂𑐘𑐵 𑐖𑐸𑐮𑐩𑑂 𑐕𑐥𑐣𑐷 𑐡𑐎𑑂𑐎𑐩𑑂 𑐠𑑂𑐰𑑀 𑐩𑐴𑐵𑐳𑐩𑐸𑐡𑑂𑐬𑐣 𑐖𑐶𑐣 𑐥𑐵𑐬 𑐫𑐵𑐟𑐎𑐾 𑐕𑐥𑐣𑐷 𑐳𑐸𑐣𑑂𑐴𑐵𑐣𑑂𑑄 𑐮𑐶𑐦𑐟 𑐳𑑂𑐰𑐫 𑐩𑐡𑐸 𑐢𑐎𑐩𑑂 𑐧𑑀𑐢 𑐧𑐶𑐫𑐵𑐌 𑐔𑑂𑐰𑐣 𑐖𑐸𑐮𑑂: 𑑋𑑋
𑑓𑑑) 𑐠𑐣 𑐧𑐵𑐬𑐵𑐴𑐵𑐎 𑐀𑐱𑑂𑐬𑑂𑐰𑐬𑐵𑐖𑐵𑐣 𑐠𑐰𑑀 𑐟𑐌𑐢𑐶𑐎 𑐖𑐸𑐳𑑂𑐫𑐩𑑂𑐴 𑐳𑐶𑐩𑑂𑐴𑐮𑐳𑐵𑐬𑑂𑐠𑐧𑐵𑐴𑐵 𑐁𑐡𑐶𑐥𑐩 𑐣𑑂𑐫𑐵𑐳𑐮 𑐧𑐣𑑂𑐖𑐵𑐮 (𑐥𑐣𑐶) 𑐩𑑂𑐴𑐳𑑄 𑐐𑐫𑐎𑐵𑐌 𑐠𑑂𑐰𑑀 𑐩𑐴𑐵𑐳𑐩𑐸𑐡𑑂𑐬 … 𑐎𑐩 𑐧𑐾𑐐𑐣𑐩𑑂𑐴 𑐧𑑀𑐳𑑂𑐫 𑐌𑐣𑐵 𑐖𑐸𑐮𑑂: 𑑋𑑋
𑑓𑑒) 𑐠𑐣 𑐣𑑂𑐫𑐵𑐳𑐮 𑐰𑐘𑑂𑐖𑐵𑐮𑐥𑐣𑐷 𑐳𑐎𑐮𑑂𑐫𑐩𑑂 𑐮𑐶𑐦𑐟 𑐳𑑀𑐎𑐵 … 𑐠𑐩𑑂𑐴 𑐖𑑀𑐣𑐵 𑐴𑐫𑐵𑐌 𑐮𑐳𑐶𑑄𑐩𑑂𑐴 … 𑐮𑐵 𑐣𑐫𑐵 𑐴𑐶 𑐟𑑀𑐣𑐵𑐌 𑐔𑑂𑐰𑐣 𑐖𑐸𑐮𑑂: 𑑋𑑋

𑑓𑑓) 𑐠𑐣 𑐟𑐵𑐩𑑂𑐩𑑂𑐬𑐰𑑂𑐡𑐶𑐥𑐳𑐣 𑐣𑑂𑐫𑐵𑐳𑐮𑐩𑑂𑐴 𑐮𑐳𑐶𑑄(𑐩𑑂𑐴)𑐣𑐷𑐟 𑐁𑐎𑐳𑐣 𑐧𑑀𑐳𑑂𑐫 𑐌𑐫𑐵𑐰𑑀 𑐣𑑂𑐫𑐵𑐳𑐮 𑐰𑐘𑑂𑐖𑐵𑐮𑐫𑐵 𑐮𑐶𑐄𑐣𑐾 𑐔𑑂𑐰𑑀𑐣𑐵𑐌 𑐀𑐣𑐾𑐐 𑐮𑑂𑐴𑐵𑐥 𑐫𑐵𑐟𑐩𑑂 𑐠𑐣𑐩𑑂𑐮𑐷 𑐮𑐳𑐶𑑄𑐩𑑂𑐴𑑂𑐣𑐶𑐥𑐣𑐶𑐐𑐸 𑐩𑐵𑐫𑐵𑐣 𑐮𑐶𑐦𑐟 𑐳𑑂𑐰𑐩𑑂𑐴 𑐮𑐳𑐶𑑄𑐩𑑂𑐴𑑂𑐣 𑐖𑑀𑐣𑐵 𑐫𑐣 𑐖𑐸𑐮𑑂: 𑑋𑑋

𑑓𑑔) 𑐠𑐣 𑐳𑐶𑐩𑑂𑐴𑐮𑐳𑐵𑐬𑑂𑐠𑐧𑐵𑐴𑐵 … 𑐫𑐵𑐎𑐵𑐟𑐣(?) 𑐩𑐴𑐵𑐳𑐩𑐸𑐡𑑂𑐬𑐥𑐵𑐬𑐳𑐵 𑐠𑑂𑐰𑑀 𑐧𑐵𑐬𑐵𑐴𑐵𑐎 𑐀𑐱𑑂𑐬𑑂𑐰𑐬𑐵𑐖𑐵𑐫𑐵𑐎𑐾 𑐧𑐶𑐩𑐟𑐷 𑐫𑐵𑐣𑐵𑐌 𑐣𑐩𑐳𑑂𑐎𑐵𑐬 𑐫𑐵𑐟𑐩𑑂𑐴 𑐠𑑂𑐰𑑀 𑐧𑐾𑐮𑐳𑐵 𑐀𑐱𑑂𑐬𑑂𑐰𑐬𑐵𑐖𑐵𑐣 … 𑑋𑑋

𑑓𑑕) 𑐠𑐣 𑐳𑐶𑐩𑑂𑐴𑐮𑐳𑐵𑐬𑑂𑐠𑐧𑐵𑐴𑐵 𑐊𑐎𑐩𑐵𑐟𑐬 𑐔𑐣𑑂𑐡𑑂𑐬𑐥𑑂𑐬𑐨𑐵 𑐏𑐡𑑂𑐐 𑐖𑑀𑐣𑐵𑐌 𑐠𑑂𑐰𑑀 𑐡𑐾𑐳𑐣 𑐮𑐶𑐴𑐵𑐣 𑐌𑐣 𑐠𑑂𑐰𑑀 𑐧𑐾𑐮𑐳 𑐮𑐳𑐶𑑄𑐩𑑂𑐴 𑐕𑐩𑑂𑐴 𑐁𑐎𑐵𑐳𑐣 𑐧𑑀𑐳𑑂𑐫 𑐌𑐫𑐵𑐌 𑐡𑐸𑐎𑑂𑐏 𑐧𑐶𑐮𑐩 𑐠𑑂𑐰𑑀 𑐮𑐳𑐶𑐩𑑂𑐴 𑐳𑐶𑐩𑑂𑐴𑐮𑐳𑐵𑐬𑑂𑐠𑐧𑐵𑐴𑐵𑐣 … 𑐔𑐣𑑂𑐡𑑂𑐬𑐥𑑂𑐬𑐨𑐵 𑐏𑐡𑐐 𑐖𑑀𑐣𑐵𑐌 … 𑐏𑑂𑐫𑐵𑐣𑐌 𑐕𑑀𑐟 𑐖𑐸𑐮𑑂: 𑑋𑑋

𑑓𑑖) 𑐠𑐣 𑐮𑐳𑐶𑑄(𑐩𑑂𑐴)𑐣𑐷 𑐳𑐸𑐬𑑂𑐣𑑂𑐡𑐬𑐶𑐬𑐸𑐥 𑐖𑐸𑐳𑑂𑐫𑐩𑑂 𑐩𑐵𑐫𑐵𑐣 𑐕𑐩𑑂𑐴 𑐧𑐵𑐮𑐏 𑐡𑐫𑐎𑐵𑐌 𑐩𑐾𑐧 𑐧𑐣𑐶𑐫𑐵 𑐣𑐶𑐩𑑂𑐴𑐳𑑂𑐫𑐵𑐎𑐾 𑐖𑐶 𑐳𑑂𑐰𑐵𑐩𑐷 𑐧𑐸𑐗𑐫 𑐫𑐵𑐣𑐵𑐰𑑀 𑐧𑐶𑐌 𑐢𑐎𑐩𑑂 𑐧𑐶𑐩𑐟𑐷 𑐫𑐵𑐣𑐵𑐰𑑀 𑐔𑑂𑐰𑐣 𑐖𑐸𑐮𑑂: 𑑋𑑋

𑑓𑑗) 𑐠𑐣 𑐩𑐾𑐧 𑐰𑐘𑑂𑐖𑐵𑐮𑐣𑐩𑑂𑐴 𑐧𑐵𑐮𑐏 𑐳𑐸𑐣𑑂𑐡𑐬𑐷 … 𑐣𑐫𑐵𑐌 𑐊𑐎𑐩𑐵𑐟𑐬 𑐰𑑀𑐫𑐵 (𑐌𑐫𑐵) 𑐢𑐎𑐩𑑂 𑐢𑐵𑐳𑑂𑐫𑐩𑑂 … 𑐳𑐶𑐩𑑂𑐴𑐮𑐳𑐵𑐬𑑂𑐠𑐧𑐵𑐴𑐵 𑐢𑐵𑐮 𑐠𑑂𑐰𑑀 𑐩𑐶𑐳𑐵 𑐳𑐸𑐣𑑂𑐡𑐬𑐷 𑐩𑐏𑐸 𑐮𑐳𑐶𑑄𑐩𑑂𑐴 𑐏𑐌 𑐖𑐶𑐟 𑐨𑐎𑑂𑐲𑑂𑐫 𑐫𑐵𑐫𑐸 𑐢𑐵𑐮𑑋𑑋

𑑓𑑘) 𑐠𑐣 𑐳𑐶𑐩𑑂𑐴𑐮𑐳𑐵𑐬𑑂𑐠𑐧𑐵𑐴𑐵 𑐩𑐾𑐧 𑐧𑐣𑐶𑐫𑐵 𑐠𑑂𑐰𑐥𑐣𑐷 𑐳𑑀𑐩𑑂𑐴𑐩 𑐠𑐌 𑐡𑐾𑐱𑐳 𑐮𑐶𑐴𑐵 𑐌𑐣𑐵 𑐔𑑂𑐰𑐣 𑐖𑐸𑐮𑑂: 𑑋𑑋

𑑓𑑙) 𑐠𑐣 𑐳𑐶𑐩𑑂𑐴𑐳𑐵𑐴𑐸 𑐌𑐫 𑐩𑑂𑐴𑑀𑐎𑑀 𑐰𑐘𑑂𑐖𑐵𑐮𑐥𑐣𑐶 𑐳𑐎𑐮𑑂𑐫 𑐩𑐸𑐣𑐵𑐌 𑐠𑐌 𑐥𑐸𑐟𑑂𑐬 𑐳𑐶𑐩𑑂𑐴𑐮𑐳𑐵𑐬𑑂𑐠𑐧𑐵𑐴𑐵 𑐐𑐧𑐮𑐾 𑐠𑑂𑐫𑐣 𑐢𑐎𑐩𑑂 (𑐧𑐶𑐩𑐟𑐶) 𑐫𑐵𑐳𑑂𑐫𑐩𑑂 𑐧𑐶𑐔𑐵𑐬 𑐫𑐵𑐣𑐵𑐰𑑀 𑐔𑑂𑐰𑐣 𑐖𑐸𑐮𑑂: 𑑋𑑋

𑑔𑑐) 𑐠𑐣 𑐧𑑂𑐬𑐵𑐩𑑂𑐴𑐞 𑐣𑐶𑐩𑑂𑐴𑐳𑑂𑐫𑐵𑐣 𑐠𑑂𑐰 𑐧𑐵𑐮𑐏 𑐳𑐸𑐣𑑂𑐡𑐬𑐷 … (𑐣𑐶𑐩𑑂𑐴) 𑐧𑑀𑐣𑐵 𑐫𑐣𑐎𑐷 𑐢𑐎𑐩𑑂 𑐢𑐵𑐰𑐣𑐮𑐷 𑐳𑐶𑐩𑑂𑐴𑐮𑐳𑐵𑐬𑑂𑐠𑐧𑐵𑐴𑐵𑐣 𑐢𑐵𑐮 𑐠𑑂𑐰𑑀 𑐧𑐵𑐮𑐏 𑐳𑐸𑐣𑑂𑐡𑐬𑐷 𑐩𑐏𑐸 … 𑐩𑐶𑐳𑐵 𑐮𑐳𑐶𑑄𑐩𑑂𑐴 𑐠𑐸𑐎 𑐢𑐎𑐵 𑐄𑐟𑑂𑐟𑐬 𑐧𑐶𑐳𑑂𑐫𑐩𑑂 𑐌𑐣 𑐖𑐸𑐮𑑂: 𑑋𑑋

𑑔𑑑) 𑐠𑐣 𑐳𑐶𑑄𑐴 𑐢𑐵𑐫𑐵𑐐𑐸 𑐡𑐾𑐱𑐳𑑄 𑐳𑐶𑐩𑑂𑐴𑐳𑐵𑐴𑐸 𑐣𑐶𑐩𑑂𑐴 𑐳𑑂𑐟𑑂𑐬𑐷𑐥𑐸𑐬𑐸𑐲𑐫𑐵 𑐠𑐵𑐳 𑐳𑐶𑐩𑑂𑐴𑐮𑐳𑐵𑐬𑑂𑐠𑐧𑐵𑐴𑐵 𑐠𑑂𑐫𑐣𑐎𑐮𑐵 𑐠𑐌 𑐧𑐵𑐧𑐵 𑐩𑐵𑐩𑐵𑐫𑐵𑐟 𑐨𑑀𑐎𑐵 𑐥𑐸𑐳𑑂𑐫𑐩 𑐔𑑂𑐰𑐣 𑐖𑐸𑐮𑑂: 𑑋𑑋

𑑔𑑒) 𑐠𑐣 𑐳𑐶𑐩𑑂𑐴𑐳𑐵𑐴𑐸 𑐳𑐶𑐩𑑂𑐴𑐮𑐳𑐵𑐬𑑂𑐠𑐧𑐵𑐴𑐵 𑐎𑐵𑐫 𑐧𑐵𑐧𑐵 𑐣𑐶𑐩𑑂𑐴𑐳𑑂𑐫𑐵𑐣 𑐠𑐶𑐠𑐶𑐩𑑂 𑐡𑐸𑐎𑑂𑐏 𑐳𑐸𑐏𑐫𑐵 𑐏𑑄 𑐎𑐣𑐵𑐌 𑐧𑐶𑐔𑐵𑐬 𑐫𑐵𑐣𑐵𑐰𑑀 𑐔𑑂𑐰𑐣 𑐖𑐸𑐮𑑂: 𑑋𑑋

𑑔𑑓) 𑐠𑐣 𑐳𑐶𑐩𑑂𑐴𑐮𑐳𑐵𑐬𑑂𑐠𑐧𑐵𑐴𑐵 𑐣𑑂𑐫𑐵𑐳𑐮𑐵 𑐧𑐣𑑂𑐖𑐵𑐮𑐫𑐵 𑐧𑐵𑐧𑐵𑐫𑐵 𑐦𑐸𑐎𑐶𑐖𑑂: … 𑐳𑐎𑐮𑑂𑐫𑐩 𑐌𑐫𑐵𑐌 … 𑐠𑐶𑐠𑐶𑐩 … 𑐏𑑄 𑐮𑑂𑐴𑐵𑐳𑑂𑐫𑐩 𑐔𑑂𑐰𑐣 𑐖𑐸𑐮𑑂: 𑑋𑑋

𑑔𑑔) 𑐠𑐣 𑐳𑐶𑐩𑑂𑐴𑐳𑐵𑐴𑐸𑐫𑐵 𑐠𑐵𑐳 𑐮𑐳𑐶𑑄(𑐩𑑂𑐴)𑐣𑐷 𑐳𑐸𑐣𑑂𑐡𑐬𑐶𑐬𑐸𑐥𑐣 𑐧𑐵𑐮𑐏 𑐕𑐩𑑂𑐴 𑐧𑐸𑐫𑐵𑐌 𑐩𑐶𑐏𑐵𑐣 𑐏𑑂𑐰𑑀𑐧𑐷 𑐴𑐵𑐫𑐎𑐵𑐰𑑀 𑐩𑐴𑐵𑐡𑐸𑐎𑑂𑐏 𑐣 𑐧𑐶𑐩𑐟𑐷 𑐫𑐵𑐟𑐩𑑂 𑐠𑑂𑐰𑑀 𑐧𑐵𑐮𑐏 𑐕𑐷 𑐕𑐫𑐔𑐵 𑐏𑐰𑑀 𑐢𑐎𑐩𑑂 𑐮:𑐮𑑂𑐴𑐵𑐣𑐵𑐌 𑐔𑑂𑐰𑐣 𑐖𑐸𑐮𑑂: 𑑋𑑋

𑑔𑑕) 𑐠𑐣 𑐳𑐶𑐩𑑂𑐴𑐳𑐵𑐴𑐸 𑐠𑐰𑑀 𑐩𑑂𑐴𑑀𑐔𑑀 𑐨𑐮𑐶𑐔𑐵 … 𑐴𑐬𑑂𑐲𑐩𑐵𑐣 𑐫𑐵𑐳𑑂𑐫𑐩 𑐔𑑀𑐣𑐵 𑐔𑑀𑐣 𑐠𑑂𑐰𑑀 𑐧𑐾𑐮𑐳𑑄 𑐳𑐶𑐩𑑂𑐴𑐮𑐳𑐵𑐬𑑂𑐠𑐧𑐵𑐴𑐵𑐣 𑐏𑐣𑐵𑐰𑑀 𑐟𑐩𑑄 𑐔𑐵𑐫𑐵𑐰𑑀 𑐠𑐌 𑐕𑐾𑑄𑐣 𑐥𑐶𑐴𑐵 𑐰𑑀𑐣 𑐖𑐸𑐮𑑂: 𑑋𑑋

𑑔𑑖) 𑐠𑐣 … 𑐳𑐶𑐩𑑂𑐴𑐳𑐵𑐴𑐸𑐫𑐵 … 𑐩𑐶𑐳𑐵 𑐖𑐶 … 𑐮𑐳𑐶𑑄𑐣𑑂 𑐠𑐸𑐎(𑐠𑐸𑐎𑐵) 𑐠𑑂𑐰𑑀 … 𑑋𑑋
𑑔𑑗) 𑐠𑐣 𑐱𑐶𑑄𑐩𑑂𑐴𑐡𑐾𑐱𑐫𑐵 𑐱𑐶𑑄𑐴𑐎𑐾𑐱𑐬𑐷 𑐬𑐵𑐖𑐵 𑐩𑐣𑑂𑐟𑐬𑐷 𑐎𑐵𑐖𑐷 𑐳𑐶𑐥𑐵𑐴𑐷 𑐀𑐣𑐾𑐐 𑐬𑐵𑐖𑐥𑐸𑐬𑐸𑐲 𑐳𑐎𑐮𑑂𑐫𑐩𑑂 𑐩𑐸𑐣𑐵𑐰𑑀 𑐀𑐴𑐮 𑐩𑑂𑐴𑐶𑐟𑐮 𑐌𑐣𑐵 𑐌 𑐠𑑂𑐰 𑐧𑐾𑐮𑐳𑑄 𑐠𑑂𑐰 𑐮𑐳𑐶𑑄𑐩𑑂𑐴𑐫𑐵 𑐬𑐸𑐥𑐷 𑐳𑐸𑐣𑑂𑐡𑐬𑐷 𑐖𑐸𑐳𑑂𑐫𑑄 𑐳𑐶𑐩𑑂𑐴𑐮𑐳𑐵𑐬𑑂𑐠𑐧𑐵𑐴𑐫𑐵 𑐕𑐾𑑄𑐳𑑄 (𑐕𑐾𑐳𑐵) 𑐎𑐵 … 𑐳𑑂𑐰𑐫𑐵𑐌 𑐔𑑂𑐰𑑀𑐣𑑂 𑐖𑐸𑐮 𑐠𑑂𑐰 𑐧𑐾𑐮𑐳𑐵 𑐱𑐶𑑄𑐴𑐎𑐾𑐱𑐬𑐷 (𑐎𑐾𑐱𑐬𑐷) 𑐬𑐵𑐖𑐵𑐣𑑄 𑐠𑑂𑐰 𑐳𑐸𑐣𑑂𑐡𑐬𑐷 𑐏𑐣𑐾𑐌𑑄 𑐧𑐶𑐔𑐵𑐮 𑐫𑐵𑐎 𑐖𑐸𑐮𑑂: 𑑋𑑋
𑑔𑑘) 𑐠𑐣 𑐱𑐶𑑄𑐩𑑂𑐴𑐳𑐵𑐴𑐸𑐣𑑄 … 𑐳𑐶𑐩𑑂𑐴𑐮𑐳𑐵𑐬𑑂𑐠𑐧𑐵𑐴𑐵 … 𑐠𑑂𑐰 𑐳𑐸𑐣𑑂𑐡𑐬𑐷𑐬𑐸𑐥𑐷 𑐮𑐳𑐶𑑄(𑐩𑑂𑐴)𑐣𑐷 … 𑐔𑑂𑐰𑑀𑐣𑑂 𑐖𑐸𑐮𑑂: 𑑋𑑋

𑑔𑑙) 𑐠𑐣 𑐱𑐶𑑄𑐴𑐎𑐾𑐱𑐬𑐷 (𑐎𑐾𑐱𑐬𑐷) 𑐬𑐵𑐖𑐵 𑐩𑐣𑑂𑐟𑐬𑐷 𑐬𑐵𑐖𑐥𑐸𑐬𑐸𑐲 𑐩𑐸𑐣𑐵𑐰𑑀 𑐔𑑀𑐣𑐵 𑐠𑐵𑐳 𑐠𑑂𑐰𑑀 𑐳𑐸𑐣𑑂𑐡𑐬𑐶𑐬𑐸𑐥𑐶 𑐮𑐳𑐶𑑄(𑐩𑑂𑐴𑑂) 𑐧𑐵𑐮𑐏 𑐧𑐸𑐳𑑂𑐫𑐣𑑂 𑐱𑐶𑑄𑐴𑐎𑐾𑐱𑐬𑐷 (𑐎𑐾𑐱𑐬𑐷) 𑐬𑐵𑐖𑐵𑐫𑐵𑐎𑐾 𑐧𑐶𑐩𑐟𑐷 𑐫𑐵𑐟 𑐴𑐾 ! 𑐩𑐴𑐵𑐬𑐵𑐖 𑐖𑐶 𑐳𑑂𑐰𑐵𑐩𑐷 𑐳𑐶𑐩𑑂𑐴𑐮𑐳𑐵𑐬𑑂𑐠𑐧𑐵𑐴𑐵𑐣 𑐧𑐶𑐣𑐵(𑐳) 𑐎𑐵𑐬𑐞 𑐖𑐶𑐟 𑐠𑐶𑐣𑐵𑐰𑑀 𑐴𑐮 𑐧𑐸𑐗𑐫𑐵 𑐫𑐵𑐣𑐵𑐰𑑀 𑐧𑐶𑐌 𑐢𑐎𑐩𑑂 𑐧𑐶𑐩𑐟𑐷 𑐫𑐵𑐎 𑐖𑐸𑐮𑑂: 𑑋𑑋

𑑕𑑐) 𑐠𑐣 𑐱𑐶𑑄𑐴𑐎𑐾𑐱𑐬𑐷 (𑐎𑐾𑐱𑐬𑐷) 𑐬𑐵𑐖𑐵𑐫𑐵𑐐𑐸 … 𑐰𑐣𑐵 𑐳𑐶𑐩𑑂𑐴𑐮𑐳𑐵𑐬𑑂𑐠𑐧𑐵𑐴𑐵𑐫𑐵𑐎𑐾 … 𑐁𑐖𑑂𑐘𑐵 𑐖𑐸𑐮 … 𑐠(𑐠𑑂𑐰𑑀) … 𑐫 𑐩𑐵 … 𑐢𑐎𑐩𑑂 𑐧𑐶𑐩𑐟𑐷 𑐫𑐵𑐎 𑐖𑐸𑐮𑑂: 𑑋𑑋

𑑕𑑑) 𑐠𑐣 𑐱𑐶𑑄𑐴𑐎𑐾𑐱𑐬𑐷 (𑐎𑐾𑐱𑐬𑐷) 𑐬𑐵𑐖𑐵𑐣 𑐳𑐶𑐩𑑂𑐴𑐮𑐳𑐵𑐬𑑂𑐠𑐧𑐵𑐴𑐵𑐫𑐵𑐟 𑐠𑑂𑐰𑑀 𑐳𑐸𑐣𑑂𑐡𑐬𑐷 … 𑐧𑐵𑐮𑐏 𑐕𑐵𑐫 𑐥𑐶𑐟𑐷𑐣𑐵𑐰𑑀 … 𑐫𑐣𑐎𑐷 𑐢𑐎𑐩𑑂 𑐁𑐖𑑂𑐘𑐵 … 𑐳𑐶𑐩𑑂𑐴𑐮𑐳𑐵𑐬𑑂𑐠𑐧𑐵𑐴𑐵𑐣 𑐠𑑂𑐰 𑐳𑐸𑐣𑑂𑐡𑐬𑐷 𑐩𑐏𑐸 𑐧𑐵𑐮𑐏 (𑐩𑐏𑐸) 𑐢𑐎𑐩𑑂 𑐧𑐶𑐩𑐟𑐷 𑐫𑐵𑐳𑑂𑐫𑐩𑑂 … 𑑋𑑋

𑑕𑑒) 𑐠𑐣 𑐱𑐶𑑄𑐴𑐎𑐾𑐱𑐬𑐷 (𑐎𑐾𑐱𑐬𑐷) 𑐬𑐵𑐖𑐵𑐣 𑐠𑑂𑐰𑑀 𑐳𑐸𑐣𑑂𑐡𑐬𑐷𑐫𑐵𑐎𑐾 𑐩𑐵𑐫𑐵 𑐔𑐵𑐳𑑂𑐫𑐩𑑂 𑐀𑐣𑑂𑐟𑐥𑐸𑐬𑐳 𑐧𑑀𑐣𑐵𑐰𑑀 𑐫𑐣 𑐖𑐸𑐮𑑂: 𑑋𑑋

𑑕𑑓) 𑐠𑐣 𑐀𑐣𑑂𑐟𑐥𑐸𑐬𑐳 𑐱𑐶𑑄𑐴𑐎𑐾𑐱𑐬𑐷 (𑐎𑐾𑐱𑐬𑐷) 𑐬𑐵𑐖𑐵𑐌 𑐳𑐸𑐣𑑂𑐡𑐬𑐶𑐬𑐸𑐥𑐷 𑐮𑐳𑐶𑑄(𑐩𑑂𑐴)𑐣𑐷 𑐌 𑐣𑐶𑐩𑑂𑐴𑐳𑑂𑐫𑐵 𑐀𑐣𑐾𑐐 𑐏𑑂𑐫𑐵𑐮 𑐳𑐬𑐩𑐐𑐬𑐵 𑐫𑐵𑐳𑑂𑐫𑐩𑑂 𑐔𑑂𑐰𑐣 𑐖𑐸𑐮𑑂: 𑑋𑑋

𑑕𑑔) 𑐠𑐣 𑐬𑐵𑐘𑐶𑐳𑑄 𑐱𑐶𑑄𑐴𑐎𑐾𑐱𑐬𑐷 (𑐎𑐾𑐱𑐬𑐷) 𑐬𑐵𑐖𑐵 … 𑐮𑐳𑐶𑑄(𑐩𑑂𑐴)𑐣𑐷 … 𑑋𑑋

𑑕𑑕) 𑐠𑐣 𑐄𑐏𑐸𑐣𑐸 𑐬𑐵𑐘𑐶𑐳𑑄 𑐱𑐶𑑄𑐴𑐎𑐾𑐱𑐬𑐷 (𑐎𑐾𑐱𑐬𑐷) … 𑐮𑐳𑐶𑑄(𑐩𑑂𑐴)𑐣𑐷 … 𑑋𑑋

𑑕𑑖) 𑐠𑐣 𑐩𑐣𑑂𑐟𑐬𑐷 𑐬𑐵𑐖𑐵𑐥𑐸𑐬𑐸𑐲𑐴𑐥𑐣𑐷 𑐳𑐎𑐮𑑂𑐫𑐩 𑐬𑐵𑐖𑐎𑐸𑐮𑐳 𑐢𑑂𑐰𑐵𑐎𑐵 𑐩𑐔𑐵𑐫𑐌 𑐩𑐶𑐏𑐵𑐳 𑐏𑑀𑐧𑐷 𑐟𑐳𑑂𑐫𑐩 𑐀𑐬𑐨𑐸𑐟 𑐔𑐵𑐫𑐵𑐌 𑐔𑑂𑐰𑐣 𑐖𑐸𑐮𑑂: 𑑋𑑋

𑑕𑑗) 𑐠𑐣 𑐩𑐣𑑂𑐟𑐬𑐷 𑐠𑐩𑐣𑐩𑑂 𑐌𑐣𑐵𑐰𑑀 𑐳𑐶𑐩𑑂𑐴𑐮𑐳𑐵𑐬𑑂𑐠𑐧𑐵𑐴𑐵𑐫𑐵𑐎𑐾 𑐬𑐵𑐖𑐎𑐸𑐮𑐳 𑐢𑑂𑐰𑐵𑐎𑐵 𑐩𑐔𑐵𑐫𑐵𑐰𑑀 𑐔𑑀𑐣 𑐐𑐠𑐾 𑐫𑐵𑐫 𑐢𑐎𑐩𑑂 𑐧𑐶𑐣𑐟𑐷 𑐫𑐵𑐳𑑂𑐫𑐩𑑂 𑐔𑑂𑐰𑐣 𑐖𑐸𑐮𑑂: 𑑋𑑋

𑑕𑑘) 𑐠𑐣 𑐳𑐶𑐩𑑂𑐴𑐮𑐳𑐵𑐬𑑂𑐠𑐧𑐵𑐴𑐵𑐫𑐵𑐣 𑐁𑐌 … 𑐏𑐡𑐐 𑐖𑑀𑐣𑐵𑐌 𑐩(𑐣𑑂)𑐟𑐬𑐶𑐌 𑐮𑐶𑐳𑑂𑐫𑐩 𑐴𑐟𑐵𑐳𑐣 … 𑐎𑐁𑐌 (𑐎𑐵𑐰𑑀) 𑐳𑐶𑐩𑑂𑐴𑐮𑐳𑐵𑐬𑑂𑐠𑐧𑐵𑐴𑐵𑐣 𑐎𑐸𑐟𑐵 𑐠𑐣𑐵𑐌 … 𑐳𑐶𑐳𑐵 𑐎𑑀𑐳𑑂𑐫𑐩𑑂 𑐴𑐟𑐎𑐮𑐩𑑂 𑐠𑑂𑐰𑑀 𑐧𑐾𑐮𑐳𑑂𑑄 𑐣𑑂𑐫𑐵𑐳𑐮𑐩𑑂𑐴 𑐮𑐳𑐶𑑄(𑐩𑑂𑐴)𑐣𑐷 … 𑑋𑑋

𑑕𑑙) 𑐠𑐣 … 𑑋𑑋

𑑖𑑐) 𑐠𑐣 𑐣𑑂𑐫𑐵𑐳𑐮𑐩𑑂𑐴 𑐮𑐳𑐶𑑄(𑐩𑑂𑐴)𑐣𑐷 𑐳𑐎𑐮𑑂𑐫𑐩𑑂 𑐎𑐵𑐧𑐸 𑐖𑐸𑐫𑐵𑐌 𑐨𑑀 𑐳𑑂𑐰𑐵𑐩𑐷 𑐖𑐶𑐩𑐶𑐐𑐸 𑐀𑐥𑐬𑐵𑐢 𑐎𑑂𑐲𑐩𑐵 𑐫𑐵𑐳𑑂𑐫𑐩 𑐧𑐶𑐖𑑂𑐫𑐵𑐫 𑐩𑐵𑐮 𑐢𑐎𑐩𑑂 𑐧𑐶𑐣𑐟𑐷 𑐫𑐵𑐟𑐩𑑂 𑐠𑑂𑐰𑑀 𑐧𑐾𑐮𑐳 𑐳𑐶𑐩𑑂𑐴𑐮𑐳𑐵𑐬𑑂𑐠𑐧𑐵𑐴𑐵𑐣 𑐁𑐖𑑂𑐘𑐵 𑐖𑐸𑐮𑐩𑑂 𑐴𑐾 𑐥𑐵𑐥𑐶𑐳𑑂𑐟𑑂(𑐴𑑂) 𑐮𑐳𑐶𑑄(𑐩𑑂𑐴)𑐣𑐷 𑐕𑐥𑐣𑐷 𑐕𑐩𑑂𑐴 𑐠𑐣 𑐔𑑂𑐰𑐣𑐾 𑐩𑐡𑐸 𑐠𑐌 𑐡𑐾𑐱𑐳𑑂𑑄 𑐔𑑂𑐰𑐣𑐵 𑐴𑐸𑐣𑐶 𑐢𑐎𑐩𑑂 𑐁𑐖𑑂𑐘𑐵 𑐖𑐸𑐮𑐩𑑂 𑐠𑐣𑐩𑑂𑐴𑐮𑐶 𑐣𑑂𑐫𑐵𑐳𑐮𑐩𑑂𑐴𑑂𑐩 𑐮𑐳𑐶𑑄(𑐩𑑂𑐴)𑐣𑐷 𑐁𑐎𑐵𑐳𑐣𑑂 𑐧𑑀𑐫𑐵𑐌 𑐮𑐶𑐴𑐵𑐣 𑐌𑐣 𑐖𑐸𑐮𑑂: 𑑋𑑋

𑑖𑑑) 𑐠𑐣 𑐬𑐵𑐖𑐵 𑐬𑐵𑐣𑐷 …𑐬𑐸𑐥 …𑐳𑐶𑐩𑑂𑐴𑐮𑐳𑐵𑐬𑑂𑐠𑐧𑐵𑐴𑐵𑐫𑐵𑐟 𑐬𑐵𑐖𑐵 𑐫𑐵𑐫 𑐢𑐎𑐩𑑂 𑐳𑐵𑐴𑐸𑐟𑐷 𑐫𑐵𑐎𑑀 … 𑑋𑑋

𑑖𑑒) 𑐠𑐣 … 𑐳𑐶𑐩𑑂𑐴𑐮𑐳𑐵𑐬𑑂𑐠𑐧𑐵𑐴𑐵𑐫𑐵𑐎𑐾 𑐧𑐶𑐩𑐟𑐷 𑐫𑐵𑐟 𑑋𑑋

𑑖𑑓) 𑐠𑐣 𑐳𑐶𑐩𑑂𑐴𑐮𑐳𑐵𑐬𑑂𑐠𑐧𑐵𑐴𑐵 𑐟𑐫𑐵𑐬 𑐖𑐸𑐫𑐵𑐌 𑐩𑐣𑑂𑐟𑐬𑐷 𑐣𑐶𑐩𑑂𑐴𑐩𑑂 𑐖𑐖𑑂𑐘𑐳𑐵𑐮𑐵𑐳𑑂𑑄 (𑐫𑐖𑑂𑐘𑐳𑐵𑐮𑐵𑐳) 𑐧𑐶𑐖𑑂𑐫𑐵𑐣𑐵𑐌 𑐔𑑂𑐰𑐣 𑐖𑐸𑐮𑑂: 𑑋𑑋

𑑖𑑔) 𑐠𑐣 𑐥𑐸𑐬𑑀𑐴𑐶𑐟 𑐧𑐖𑑂𑐬𑐵𑐔𑐵𑐬𑑂𑐫𑐣 𑐀𑐣𑐾𑐐 𑐧𑐶𑐢𑐶𑐎𑐬𑑂𑐩𑐩𑑂 𑐫𑐵𑐳𑑂𑐫𑐩 𑐳𑐶𑐩𑑂𑐴𑐮𑐳𑐵𑐬𑑂𑐠𑐧𑐵𑐴𑐵𑐫𑐵𑐟 𑐬𑐵𑐖𑑂𑐫𑐵(𑐀)𑐨𑐶𑐲𑐾𑐎 𑐧𑐶𑐫𑐫𑐵𑐟 𑐴𑑀𑐩𑐫𑐖𑑂𑐘 𑐣 𑐫𑐵𑐣𑐵𑐌 𑐔𑑂𑐰𑐣 𑐖𑐸𑐮𑑂: 𑑋𑑋

𑑖𑑕) 𑐠𑐣 𑐨𑐶𑐣𑑂𑐫𑐐𑐸 𑐮𑐐𑐣𑐳 𑐨𑐶𑐣𑐐𑐸 𑐧𑐾𑐮𑐳𑑂𑑄 … 𑐧𑐶𑐫𑐵𑐰𑑀 𑐎𑐮𑐳𑐣 𑐩𑑂𑐴 𑐮𑐸𑐳𑑂𑐫𑐩𑑂 … 𑐳𑐶𑐩𑑂𑐴𑐮𑐬𑐵𑐖𑐵 𑐢𑐎𑐵 𑐣𑐵𑐩 𑐥𑑂𑐬𑐟𑐶𑐳𑑂𑐠𑐵 (𑐥𑑂𑐬𑐟𑐶𑐠𑐵) 𑐫𑐵𑐣𑐵 𑐔𑑂𑐰𑐣 𑐖𑐸𑐮𑑂: 𑑋𑑋

𑑖𑑖) 𑐠𑐣 𑐳𑐶𑐩𑑂𑐴𑐮𑐬𑐵𑐖𑐵 … 𑐧𑐶𑐖𑑂𑐫𑐵𑐎 𑐠𑑂𑐰 𑐧𑐾𑐮𑐳𑑂𑑄 𑐀𑐣𑐾𑐐 𑐧𑐵𑐡𑑂𑐫 𑐠𑐵𑐎𑐵𑐌 𑐥𑑂𑐫𑐵𑐏 𑐣 𑐴𑐸𑐫𑐵 (𑐎𑐵𑐰𑑀) … 𑐬𑐵𑐖𑐵 𑐏𑐸𑐱𑐷 𑐫𑐵𑐎𑐵 𑐖𑐸𑐮𑑂: 𑑋𑑋

𑑖𑑗) 𑐠𑐣 𑐳𑐶𑐩𑑂𑐴𑐮𑐬𑐵𑐖𑐵 𑐩𑐣𑑂𑐟𑐬𑐷 𑐎𑐵𑐖𑐷 𑐳𑐬𑐡𑐵𑐬 𑐎𑑂𑐰𑐟𑐰𑐵𑐬 𑐬𑐵𑐖𑐥𑐸𑐬𑐸𑐲 𑐳𑐎𑐮𑑂𑐫𑐩𑑂 𑐩𑐸𑐣𑐵𑐰𑑀 𑐟𑐵𑐩𑑂𑐩𑑂𑐬𑐰𑑂𑐡𑐶𑐥 𑐢𑐫𑐵𑐐𑐸 𑐡𑐾𑐱𑐳𑑂𑑄 𑐮𑐳𑐶𑑄(𑐩𑑂𑐴)𑐣𑐷 𑐠𑐵𑐳𑑂𑑄 𑐴𑐟𑐵𑐮 𑐰𑑀𑐣𑐾 𑐢𑐎𑐩𑑂 𑐳𑐵𑐴𑐸𑐟𑐷 𑐫𑐵𑐳𑑂𑐫𑐩𑑂 𑐔𑑂𑐰𑐣 𑐖𑐸𑐮𑑂: 𑑋𑑋

𑑖𑑘) 𑐠𑐣 … 𑐎𑐶𑐳𑐷 𑐐𑐫𑐵𑐰𑑀 𑐳𑐮 𑐐𑐫𑐵𑐰𑑀 … 𑐴𑐟𑐵𑐮 𑐮𑐰𑐵𑐫 𑐢𑐎𑐩𑑂𑐴 𑐃𑐎𑑂𑐲𑑂𑐫𑐵 … 𑑋𑑋

𑑖𑑙) 𑐠𑐣 𑐳𑐶𑐩𑑂𑐴𑐮𑐬𑐵𑐖𑐵𑐫𑐵 𑐬(𑐮)𑐳𑐎𑐬 𑐩𑐣𑑂𑐟𑐬𑐷 𑐎𑐵𑐖𑐷 𑐳𑐶𑐥𑐵𑐴𑐶 𑐳𑐎𑐮𑑂𑐫𑐩 𑐣𑑂𑐴𑑂𑐫𑐰𑑀𑐣𑐾 𑐔𑑂𑐰𑐣𑐵𑐰𑑀 𑐟𑐸𑐥𑐵𑐚𑐣 𑐎𑐫𑐎𑐵𑐰𑑀 𑐮𑐳𑐶𑑄(𑐩𑑂𑐴)𑐣𑐷𑐳𑐵 𑐣𑐵𑐥 (𑐟𑐌) 𑐫𑐸𑐡𑑂𑐢 𑐫𑐵𑐎 𑐠𑑂𑐰 𑐧𑐾𑐮𑐳𑑂𑑄 𑐟𑐵𑐩𑑂𑐩𑑂𑐬𑐰𑑂𑐡𑐶𑐥 … 𑐁𑐎𑐵𑐳𑐣 𑐧𑐾𑐐𑐣 𑐧𑑀𑐳𑑂𑐫𑐩𑑂𑑄 𑐌𑐫𑐵𑐌 𑐮𑑀𑐴𑐟𑐎𑐔𑐶𑐩𑑂𑐴 𑐡𑐵𑐫𑐵𑐰𑑀 𑐀𑐣𑐾𑐐 𑐩𑐣𑑂𑐟𑑂𑐬𑐵𑐞𑐵 … 𑑋𑑋

𑑗𑑐 ( … … … )

𑑗𑑑) 𑐠𑐣 𑐣𑑂𑐫𑐵𑐳𑐮𑐩𑑂𑐴 𑐮𑐳𑐶𑑄(𑐩𑑂𑐴)𑐣𑐷 𑐖𑐸𑐡𑑂𑐢 𑐫𑐵𑐫 𑐩𑐦𑐫𑐵𑐌 𑐎𑐵𑐧𑐸 𑐖𑐸𑐫𑐵𑐌 𑐳𑐶𑐩𑑂𑐴𑐮 𑐬𑐵𑐖𑐵𑐫𑐵𑐎𑐾 𑐧𑐶𑐣𑐟𑐷 𑐫𑐵𑐟𑐩𑑂 𑐕𑐮𑐥𑑀𑐮𑐫𑐵 𑐬𑐵𑐖𑑂𑐫 𑐖𑐸𑐮𑐩𑑂 𑐖𑐶𑐥𑐣𑐷 𑐀𑐥𑐬𑐵𑐢 𑐎𑐳𑑂𑐫𑐩𑑂 𑐎𑑂𑐲𑐩𑐵 𑐫𑐵𑐳𑑂𑐫𑐩𑑂 𑐧𑐶𑐖𑑂𑐫𑐵𑐫 𑐩𑐵𑐮 𑐢𑐎𑐩𑑂 𑐧𑐶𑐣𑐟𑐷 𑐫𑐵𑐎 𑐠𑑂𑐰 𑐧𑐾𑐮𑐳𑑂𑑄 𑐳𑐶𑐩𑑂𑐴𑐮𑐬𑐵𑐖𑐵𑐣 𑐕𑐥𑐣𑐷 𑐣𑑂𑐫𑐵𑐳𑐮𑐩𑑂𑐴 𑐮𑐳𑐶𑑄(𑐩𑑂𑐴)𑐣𑐷𑐟 𑐩𑐣𑐸𑐎𑑂𑐲𑐫𑐵 𑐮𑐵 𑐴𑐶 𑐣𑐫𑐩𑐡𑐸 𑐱𑑂𑐬𑐷 𑐱𑑂𑐬𑐷 𑐱𑑂𑐬𑐷 𑐎𑐬𑐸𑐞𑐵𑐩𑐫𑐫𑐵𑐐𑐸 𑐀𑐳𑑂𑐚𑐩𑐷 𑐧𑑂𑐬𑐟 𑐫𑐵𑐣𑐵𑐰𑑀 𑐢𑐬𑑂𑐩𑑂𑐩𑐳𑑂𑑄 𑐔𑑀𑐣𑐾 𑐩𑐵𑐮 𑐢𑐎𑐩𑑂 𑐁𑐖𑑂𑐘𑐵 𑐡𑐫𑐎𑐸 𑐖𑐸𑐮𑑂: 𑑋𑑋

𑑗𑑒) 𑐠𑐣 𑐱𑑂𑐬𑐷-𑐱𑑂𑐬𑐷 𑐱𑑂𑐬𑐷 𑐎𑐬𑐸𑐞𑐵𑐩𑐫𑐫𑐵 𑐀𑐳𑑂𑐚𑐩𑐷𑐧𑑂𑐬𑐟…𑐮𑐳𑐶𑑄𑐩𑑂𑐴𑐣𑐷 𑐳𑐎𑐳𑑂𑐫 (𑐩𑑂𑐴𑑂) 𑐣… 𑑋𑑋

𑑗𑑓) 𑐠𑐣 … 𑐣𑑂𑐫𑐁𑐌 𑐳𑐶𑐩𑑂𑐴𑐮𑐰𑑂𑐡𑐶(𑐰𑑂)𑐥 (𑐱𑐶𑑄𑐩𑑂𑐴𑐮𑐰𑑂𑐡𑐶𑐥𑑂) 𑐢𑐎𑐩𑑂 𑐣𑐵𑐩 (𑐡𑐾𑐱𑐣𑑂) … 𑐎𑐵𑐖𑐷 𑐳𑐬𑐡𑐵𑐬 𑐥𑑂𑐬𑐖𑐵𑐥𑐣𑐷 𑐳𑐎(𑐮 𑐮𑐶𑐴𑐵𑐣𑑂) 𑐧𑐶𑐖𑑂𑐫𑐵𑐎 𑐖𑐸𑐮𑑂: 𑑋𑑋

𑑗𑑔) 𑐠𑐣 𑐳𑐶𑐩𑑂𑐴𑐮𑐬𑐵𑐖𑐵 𑐮𑐶𑐴𑐵: 𑐧𑐶𑐖𑑂𑐫𑐵𑐎 𑐐𑐸 𑐳𑐩𑐵𑐔𑐵𑐬 𑐳𑐶𑐫𑐵𑐰𑑀 𑐀𑐣𑐾𑐐 𑐬𑐵𑐖𑐥𑐸𑐬𑐸𑐲 𑐥𑐶𑐣𑑂𑑄 𑐌𑐫𑐵𑐰𑑀 𑐀𑐣𑐾𑐐 𑐩𑑄𑐐𑐮𑐧𑐵𑐡𑑂𑐫 𑐠𑐵𑐎𑑂𑐎𑐩 𑐮 𑐳𑑂𑐰𑐳𑑂𑐫𑐩𑑂 𑐡𑐾𑐱𑐳𑑄 𑐡𑐸𑐴𑐵𑐣 𑐧𑐶𑐖𑑂𑐫𑐵𑐎𑐸 𑐖𑐸𑐮𑑂: 𑑋𑑋

𑑗𑑕) 𑐠𑐣 𑐳𑐶𑐩𑑂𑐴𑐮𑐬𑐵𑐖𑐵𑐫𑐵𑐟 𑐟𑐸𑐟𑐶𑐥𑐵𑐮𑐷 𑐔𑐵𑐫𑐎𑐵(𑐌) 𑐬𑐵𑐖𑐎𑐸𑐮𑐳𑑄 𑐡𑐸𑐴𑐵 𑐧𑐶𑐖𑑂𑐫𑐵𑐎𑐸 𑐖𑐸𑐮𑑂: 𑑋𑑋

𑑗𑑖) 𑐠𑐣 … 𑐳𑐶𑐩𑑂(𑐴𑐮𑐬𑐵𑐖𑐵) … 𑐬𑐵𑐖𑐥𑐸𑐬𑐸𑐲𑐥𑐣𑐷 𑐠𑐶𑐠𑐶𑐩 𑐀𑐣𑐾𑐐 𑐖𑑂𑐘𑐵𑐣𑐐𑐸𑐣𑐫𑐵(𑐐𑐸𑐞𑐫𑐵) 𑐏𑑄 𑐎𑐣𑐵𑐌 … 𑐧𑐶𑐖𑑂𑐫𑐵𑐣𑐵 𑐌 𑐔𑑂𑐰𑐣 𑐖𑐸𑐮𑑂: 𑑋𑑋

𑑗𑑗) 𑐠𑐣 … 𑐀𑐳𑑂𑐚𑐩𑐷 (𑐧𑑂𑐬𑐟) 𑐢𑐬𑑂𑐩𑑂𑐩 𑐫𑐵𑐫𑐐𑐸 𑐳𑐵𑐴𑐸𑐟𑐷 𑐫𑐵𑐣𑐵(𑐌) 𑐔𑑂𑐰𑑀𑐣 𑐖𑐸𑐮𑑂: 𑑋𑑋

 

𑑗𑑘) 𑐠𑐣 𑐱𑑂𑐬𑐷 𑐱𑑂𑐬𑐷 𑐱𑑂𑐬𑐷 𑐁𑐬𑑂𑐫𑐵𑐧𑐮𑑀𑐎𑐶𑐟𑐾𑐱𑑂𑐬𑑂𑐰𑐬‍ 𑐠𑐵𑐳 𑐳𑐶𑐩𑑂𑐴𑐮𑐬𑐵𑐖𑐵 𑐬𑐵𑐣𑐷 𑐩𑐣𑑂𑐟𑐬𑐷 𑐎𑐵𑐖𑐷 𑐳𑐎𑐳𑑂𑐫𑐣𑐩𑑂 𑐊𑐎𑐔𑐶𑐟𑑂𑐟 𑐫𑐵𑐣𑐵𑐰𑑀 𑐱𑐸𑐎𑑂𑐮 𑐀𑐳𑑂𑐚𑐩𑐷𑐧𑑂𑐬𑐟 𑐢𑐬𑑂𑐩𑑂𑐩 𑐫𑐵𑐣𑐵𑐰𑑀 𑐔𑑂𑐰𑑀𑐣 𑐠𑑂𑐰𑑀 𑐏𑐸𑐣𑐸 𑐣𑐶𑐳𑑂𑐫𑐩 𑐠𑑂𑐰 𑐡𑐾𑐱𑐳𑑂𑑄 𑐳𑐡𑐵𑐣𑑂𑑄 𑐳𑐸𑐨𑐶𑐎𑑂𑐲𑐵 𑐖𑐸𑐫𑐵𑐰𑑀 …𑐖𑐸𑐫𑐵𑐰𑑀 𑐔𑑂𑐰𑐣 𑐖𑐸𑐮𑑂: 𑑋𑑋

𑑗𑑙) 𑐱𑑂𑐬𑐷 𑐧𑐸𑐒𑐩𑐾𑐱𑑂𑐬𑑂𑐰𑐬‍𑐩 𑐨𑐵 … 𑐳𑐣𑐩 𑐥𑐡𑑂𑐩𑐴𑐳𑑂𑐟𑐩 … 𑑋𑑋

𑑘𑑐) 𑑉 𑐣𑐩: … 𑐁𑐡𑐶𑐟𑑂𑐫𑐧𑐵𑐬 𑐠𑑂𑐰 𑐏𑐸𑐣𑑂𑐴𑐸 … 𑐩𑐴𑐵𑐣𑐐𑐬𑐾 𑐠𑐵𑐎𑐸(𑐬) … 𑐥𑐸𑐟𑑂𑐬 … 𑐔𑐣𑑂𑐡𑑂𑐬 … (𑐟𑐵) 𑐴𑐬𑑂𑐱𑐠𑐎𑐸𑐩𑑂𑐴 𑐠𑐵𑐫𑐥𑐵𑐖𑐸 … 𑐄𑐟𑑂𑐳𑐵𑐴 𑐖𑐸𑐫𑐵𑐌 𑐠𑑂𑐰 𑐳𑐶𑐩𑑂𑐴𑐮 𑐳𑐵𑐬𑑂𑐠𑐧𑐵𑐴𑐵 𑐌 𑐣𑑂𑐫𑐵𑐳𑐮 𑐧𑐣𑐶𑐫𑐵𑐫𑐵𑐐𑐸 (𑐏𑐣𑑂) … 𑐖𑐐𑐟 𑐳𑐣𑑂𑐳𑐵𑐬 𑐳𑐟𑑂𑐰𑑀𑐥𑑂𑐬𑐵𑐞𑐷 …… 𑑋𑑋
( 𑐁𑐏𑑅 𑐐𑑂𑐰: 𑐥𑑂𑐬𑐲𑑂𑐚 𑐳𑐶𑐫𑐩𑐡𑐸 𑐠𑐵𑐫𑑂 … 𑐟𑐫𑐵𑐟𑐐𑐸 𑐏𑑅 )
𑐳𑐶𑐩𑑂𑐴𑐮𑐳𑐵𑐬𑑂𑐠𑐧𑐵𑐴𑐵 𑐰𑑀 𑐣𑑂𑐫𑐵𑐳𑐮 𑐧𑐣𑐶𑐫𑐵𑐫𑐵𑐐𑐸 𑐧𑐵𑐏𑑄 𑐡𑐸𑐐𑐸 𑐠𑑂𑐰𑑀 𑐥𑑁𑐨𑐵 𑐠𑐎𑐵𑐮𑐷 (𑐠𑐵𑐫𑐥𑐵𑐖𑐸) 𑐴𑐬𑑂𑐱𑐠𑐎𑐸 𑐄𑐟𑑂𑐳𑐵𑐴 𑐖𑐸𑐫𑐵 𑐖𑐐𑐟 𑐳𑐣𑑂𑐳𑐵𑐬 𑐳𑐟𑑂𑐰𑑀𑐥𑑂𑐬𑐵𑐞𑐷𑐫𑐵 𑐄𑐡𑑂𑐢𑐵𑐬 𑐖𑐸𑐫𑐩𑐵 𑐢𑐎𑐵 𑐡𑐾𑐕𑐵𑐐𑐸 𑐖𑐎𑐳𑐶𑐡𑐸, 𑐐𑐸𑐧𑐮𑐫 𑐡𑐫𑐎𑐸𑐐𑐸, 𑐳𑐸𑐣𑐵𑑄 𑐡𑐫𑐎𑐸𑐐𑐸, 𑐨𑐵𑐖𑐸 𑐴𑐬𑑂𑐱𑐠𑐎𑐸 𑐐𑐸𑐐𑐸 𑐡𑐾𑐱𑐩𑑂𑐴 𑐠𑐵𑐫𑐥𑐵𑐖𑐸 𑐏: 𑐢𑐵𑐫𑐐𑐸 𑐕𑐸𑐣𑑂𑐴𑑂𑑄 𑐳𑐶𑐫𑐩𑐡𑐸 𑑋
( 𑐥𑑁𑐨𑐵 𑐥𑐸𑐮𑐵𑑄𑐐𑐸 𑐖𑐸𑐫𑐵 𑐎𑐵𑐥𑐔𑐣𑐵𑑄 𑐁𑐏𑐐𑑀: 𑐳𑐶𑐫𑐩𑐡𑐸𑐐𑐸 𑐏:𑑋 )

𑐧𑐵𑐏𑑃