𑐳𑐵𑐩𑐸𑐡𑐵𑐫𑐶𑐎 𑐳𑑂𑐎𑐸𑐮𑐫𑑂 𑐣𑑄 𑐧𑐴𑐵𑐮 𑐎𑐬 𑐩𑑂𑐴𑐂𑐐𑐸

𑐫𑐾𑑃 – 𑐫𑐾𑑃 𑐩𑐴𑐵𑐣𑐐𑐬𑐥𑐵𑐮𑐶𑐎𑐵. 𑐳𑐵𑐩𑐸𑐡𑐵𑐫𑐶𑐎 𑐰𑐶𑐡𑑂𑐫𑐵𑐮𑐫𑐥𑐵𑐏𑐾 𑐣𑑄 𑐧𑐴𑐵𑐮 𑐎𑐬 𑐩𑑂𑐴𑐂𑐐𑐸 𑐖𑐹𑐐𑐸 𑐡𑐸 𑑋 𑐳𑐩𑑂𑐥𑐟𑑂𑐟𑐶 𑐧𑐵𑐮𑑄𑐧𑐶𑐫𑐵𑑅 𑐁𑐫 𑐁𑐬𑑂𑐖𑐣 𑐫𑐵𑐣𑐵𑐔𑑂𑐰𑑄𑐐𑐸 𑐳𑐵𑐩𑐸𑐡𑐵𑐫𑐶𑐎 𑐰𑐶𑐡𑑂𑐫𑐵𑐮𑐫𑐫𑐵𑐟 𑑑𑑐 𑐥𑑂𑐬𑐟𑐶𑐱𑐟 𑐥𑐸𑐮𑐾𑐟 𑐫𑐾𑑃𑐩𑐣𑐥𑐵𑑄 𑐂𑐣𑐵𑐥 𑐫𑐵𑑅𑐐𑐸 𑐡𑐸 𑑋 𑐫𑐾𑑃 𑐩𑐴𑐵𑐣𑐐𑐬 𑐡𑐸𑐣𑐾 𑑘𑑙 𑐳𑐵𑐩𑐸𑐡𑐵𑐫𑐶𑐎 𑐰𑐶𑐡𑑂𑐫𑐵𑐮𑐫 𑐡𑐸, 𑐐𑐸𑐎𑐶 𑐩𑐢𑑂𑐫𑐾 𑑕𑑙 𑐩𑐵𑐢𑑂𑐫𑐵𑐩𑐶𑐎 𑐰 𑑓𑑐 𑐁𑐢𑐵𑐬𑐨𑐹𑐟 𑐰𑐶𑐡𑑂𑐫𑐵𑐮𑐫 𑐏𑑅 𑑋

𑐫𑐾𑑃𑐫𑐵 𑐁𑐥𑐵𑐮𑑄 𑐢𑐫𑐵𑐠𑐾𑑄 𑐩𑐹 𑐳𑐟𑐎𑐫𑑂 𑐔𑑂𑐰𑑄𑐐𑐸 𑐰𑐶𑐡𑑂𑐫𑐵𑐮𑐫𑑄 𑐧𑐵𑐮𑑄𑐧𑐶𑐫𑐵𑑅 𑐁𑐩𑑂𑐡𑐵𑐣𑐷 𑐫𑐵𑐣𑐵𑐔𑑂𑐰𑑄𑐐𑐸 𑐏𑐣𑐾𑐡𑐸𑐐𑐸𑐮𑐶𑑄 𑐫𑐾𑑃 𑐩𑐣𑐥𑐵𑑄 𑐧𑐴𑐵𑐮 𑐎𑐬 𑐩𑑂𑐴𑐫𑐾𑐐𑐸 𑐟𑐫𑐵𑐬𑐷 𑐫𑐵𑑅𑐐𑐸 𑐏𑑅 𑑋 𑐫𑐾𑑃𑐫𑐵 𑐠𑑃𑐧𑐴𑐷 𑐔𑑂𑐰𑑄𑐐𑐸 𑐖𑐸𑐡𑑂𑐢𑑀𑐡𑐫 𑐩𑐵𑐰𑐶, 𑐮𑐿𑐣𑐔𑑁𑐬𑐫𑐵 𑐱𑐵𑐣𑑂𑐟𑐶𑐐𑐺𑐴 𑐩𑐵𑐰𑐶, 𑐧𑐵𑑃𑐳𑐧𑐵𑐬𑐷𑐫𑐵 𑐧𑐵𑐳𑐧𑐵𑐬𑐷 𑐩𑐵𑐰𑐶, 𑐥𑑂𑐬𑐡𑐬𑑂𑐱𑐣𑐷 𑐩𑐵𑐬𑑂𑐐𑐫𑑂 𑐔𑑂𑐰𑑄𑐐𑐸 𑐥𑐡𑑂𑐩𑑀𑐡𑐫 𑐩𑐵𑐰𑐶, 𑐜𑐶𑐮𑑂𑐮𑐷𑐧𑐖𑐵𑐬𑐫𑐵 𑐎𑐣𑑂𑐫𑐵 𑐩𑐵𑐰𑐶𑐮𑐐𑐵𑐫𑐟 𑐰𑐶𑐡𑑂𑐫𑐵𑐮𑐫𑑄 𑐳𑐟𑐎𑐫𑑂 𑐮𑐵𑑅𑐐𑐸 𑐥𑐳𑑅 𑐧𑐵𑐮𑑄 𑐧𑐶𑐫𑐵𑐔𑑂𑐰𑑄𑐐𑐸 𑐏𑐣𑐾𑐡𑐫𑐾𑐰𑑄 𑐫𑐾𑑃 𑐩𑐣𑐥𑐵𑑄 𑐧𑐴𑐵𑐮 𑐎𑐬 𑐩𑑂𑐴𑐫𑐾𑐐𑐸 𑐖𑑂𑐫𑐵 𑐣𑑂𑐴𑑂𑐫𑐵𑐎𑐾𑐟𑑂𑐫𑑄𑐐𑐸 𑐏𑑅 𑑋

𑐄𑐎𑐠𑑄 𑐴𑐾 𑐕𑐸𑑄 𑐕𑐸𑑄 𑐳𑐬𑐎𑐵𑐬𑐷 𑐎𑐮𑐾𑐖𑑄 𑐣𑑄 𑐧𑐵𑐮𑑄𑐧𑐶𑐫𑐵𑐟𑑅𑐐𑐸 𑐡𑐸𑐳𑐵 𑐄𑐩𑐶𑐟 𑐣𑑄 𑐧𑐴𑐵𑐮 𑐎𑐬 𑐥𑐸𑐮𑐾𑐟 𑐫𑐾𑑃 𑐩𑐣𑐥𑐵𑑄 𑐂𑐣𑐵𑐥 𑐫𑐵𑑅𑐐𑐸 𑐡𑐸 𑑋 𑐟𑐬 𑐫𑐾𑑃 𑐩𑐣𑐥𑐵𑐫𑐵𑐎𑐾 𑐐𑐸𑐮𑐶𑑄 𑐰𑐶𑐡𑑂𑐫𑐵𑐮𑐫𑑄 𑐧𑐵𑐮𑑄 𑐧𑐶𑐫𑐵𑐟𑑅𑐐𑐸 𑐟𑐠𑑂𑐫𑐵𑑄𑐎 𑐩𑐡𑐸𑐐𑐸𑐮𑐶𑑄 𑐣𑑂𑐴𑐵𑐥𑐵𑑄 𑐟𑐠𑑂𑐫𑐵𑑄𑐎 𑐎𑐵𑐫𑐾𑐐𑐸 𑐖𑑂𑐫𑐵 𑐣𑑂𑐴𑑂𑐫𑐵𑐎𑐷𑐐𑐸 𑐖𑐹𑐐𑐸 𑐡𑐸 𑑋