𑐬𑐘𑑂𑐖𑐣𑐵 𑐮𑐶𑐥𑐶𑐫𑐵 𑐰𑐬𑑂‍𑐞𑐩𑐵𑐮𑐵 𑐥𑐶𑐟𑐧𑑂𑐰𑐖𑑂𑐫𑐵

𑐣𑐾𑐰𑐵: 𑐀𑐣𑐮𑐵𑐂𑐣 𑐣𑑂𑐫𑐸𑐖 – 𑐣𑐶𑐱𑑂𑐔𑐮 | 𑑒𑑐𑑗𑑕 𑐔𑐿𑐟𑑂𑐬 𑑑𑑐, 𑐁𑐂𑐟𑐧𑐵𑐬 𑑑𑑐:𑑑𑑔:𑑔𑑗

𑐣𑐾𑐥𑐵𑐮 𑐮𑐶𑐥𑐶 𑐐𑐸𑐠𑐶𑐫𑐵 𑐐𑑂𑐰𑐳𑐵𑐮𑐫𑑂 𑐣𑐶𑐬𑐘𑑂𑐖𑐣 𑐬𑐟𑑂𑐣𑐫𑐵 𑐣𑐵𑐫𑑅𑐳𑐸𑐂 𑐩𑐴𑐾𑐱𑐩𑐵𑐣 𑐮𑑃𑐖𑐸𑐰𑐵𑐮𑑄 𑐤𑑂𑐫𑐵𑐎𑐵𑐡𑐷𑐐𑐸 𑐄𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐩𑐹𑐥𑐵𑐴𑐵𑑃 𑐫𑐾𑑃 𑐩𑐴𑐵𑐣𑐐𑐬 𑐥𑐵𑐮𑐶𑐎𑐵𑐫𑐵 𑐩𑐾𑐫𑐬 𑐰𑐶𑐡𑑂𑐫𑐵𑐳𑐸𑐣𑑂𑐡𑐬 𑐱𑐵𑐎𑑂𑐫𑑄 𑐱𑐣𑐶𑐰𑐵𑑅 𑐏𑐸𑐳𑐶𑐧𑐸𑑃, 𑐫𑐾𑑃 𑐬𑐘𑑂𑐖𑐣𑐵 𑐮𑐶𑐥𑐶 𑐧𑐬𑑂‍𑐞𑐩𑐵𑐮𑐵 𑐥𑐶𑐟𑐧𑑂𑐰𑐖𑑂𑐫𑐵 𑐫𑐵𑐣𑐵𑐡𑐷𑐐𑐸 𑐡𑐸 𑑋

𑐁𑐢𑐸𑐣𑐶𑐎 𑐫𑐸𑐐𑐫𑐵 𑐥𑑂𑐬𑐰𑐶𑐢𑐶𑐫𑐵𑐟 𑐣𑐵𑐮𑐵𑐎𑐵𑐳𑐾 𑐴𑐮𑐶𑑄 𑐣𑑂𑐫𑑄𑐎 𑐮𑐶𑐥𑐶 𑐕𑑂𑐫𑐮𑐵𑑅 𑐃𑐎𑐠𑑄 𑐤𑑂𑐫𑐵𑑅𑐰𑐣𑐾𑐩𑐵𑑅𑐐𑐸 𑐰𑐵𑑅𑐔𑐵𑐫𑐾𑐎𑐵 𑐣𑐾𑐥𑐵𑐮 𑐮𑐶𑐥𑐶 𑐐𑐸𑐠𑐶𑑄 𑐰𑐶𑐎𑐵𑐳 𑐫𑐵𑑅𑐐𑐸 𑐬𑐘𑑂𑐖𑐣𑐵 𑐮𑐶𑐥𑐶𑐫𑐵 𑐁𑐫𑑂𑐥𑑂𑐳 𑐰𑐶𑐱𑐾𑐲 𑐥𑐵𑐴𑐵𑑃 𑐖𑐣𑐎𑐰𑐶 𑐡𑐸𑐬𑑂‍𑐐𑐵𑐮𑐵𑐮 𑐱𑑂𑐬𑐾𑐲𑑂𑐛𑑄 𑐳𑐵𑐬𑑂‍𑐰𑐖𑐣𑐶𑐎 𑐫𑐵𑐣𑐵𑐡𑐷𑐐𑐸 𑐏𑑅 𑑋

𑐣𑐾𑐥𑐵𑐮 𑐮𑐶𑐥𑐶 𑐐𑐸𑐠𑐶𑐫𑐵 𑐣𑑂𑐰𑐎𑐹 𑐀𑐣𑐶𑐮 𑐳𑑂𑐠𑐵𑐥𑐶𑐟𑑄 𑐮𑐳𑐎𑐸𑐳 𑐣𑑂𑐰𑐔𑐸 𑐟𑐫𑐵𑐡𑐷𑐐𑐸 𑐖𑑂𑐫𑐵𑐗𑑂𑑂𑐰𑐮𑐫𑑂 𑐰𑐫𑑂𑐎𑐮𑑄 𑐬𑐘𑑂𑐖𑐣𑐵 𑐮𑐶𑐥𑐶𑐫𑐵 𑐰𑐶𑐎𑐵𑐳 𑐣𑑂𑐫𑐵𑐐𑐹𑐐𑐸 𑐱𑐟𑐵𑐧𑑂𑐡𑐷 𑐥𑐵𑐏𑐾 𑐴𑐾 𑐖𑐹𑐐𑐸 𑐖𑐵𑐣𑐎𑐵𑐬𑐷 𑐧𑐶𑐫𑐵𑐡𑐷𑐐𑐸 𑐏𑑅 𑑋 𑐣𑐸𑐐𑑅 𑐏𑑃 𑐟𑐫𑐾𑐐𑐸 𑐗𑑂𑐰𑐮𑐫𑑂 𑐣𑐾𑐰𑐵𑑅 𑐤𑑂𑐫𑐮𑐸𑐰𑐵𑑅 𑐩𑐵𑐣𑐰 𑐀𑐢𑐶𑐎𑐵𑐬𑐰𑐵𑐡𑐷 𑐩𑐮𑑂𑐮 𑐎𑐾 𑐳𑐸𑐣𑑂𑐡𑐬𑑄 𑐬𑐘𑑂𑐖𑐣𑐵 𑐮𑐶𑐥𑐶𑐫𑐵 𑐩𑐴𑐟𑑂𑐰 𑐰 𑐄𑐎𑐶𑐫𑐵 𑐠𑐥𑐹𑐫𑐵 𑐣𑐶𑐟𑐶𑑄 𑐟𑑂𑐰𑐵𑑅 𑐧𑐴𑐵𑑅, 𑐧𑐴𑐷 𑐣𑐣𑐷 𑐔𑐸𑐎𑐠𑐾𑑄 𑐖𑐵𑑅𑐐𑐸 𑐠𑐵𑐫𑑂𑐧𑐵𑐫𑑂𑐫𑐵 𑐣𑐵𑑄 𑐰 𑐥𑐳𑑅, 𑐖𑑂𑐫𑐵𑐎𑐹, 𑐎𑐩𑑂𑐥𑐣𑐷𑐫𑐵 𑐳𑐵𑐂𑐣𑐧𑑀𑐬𑑂‍𑐜 𑐬𑐘𑑂𑐖𑐣𑐵 𑐮𑐶𑐥𑐶𑑄 𑐟𑐮𑐢𑐵𑑅𑐳𑐵 𑐟𑐵𑑅 𑐃𑐟𑐎𑑂𑐎 𑐄𑐐𑐸 𑐮𑐶𑐥𑐶𑐫𑐵 𑐳𑑄𑐬𑐎𑑂𑐲𑐞 𑐰 𑐳𑑄𑐰𑐡𑑂𑐬𑑂‍𑐢𑐣 𑐖𑐸𑐂𑐐𑐸𑐠𑐾𑑄 𑐖𑐵𑑅𑐐𑐸 𑐠𑐷𑐠𑐷 𑐥𑐎𑑂𑐲𑐫𑐵𑐟 𑐎𑐫𑐵𑑅 𑐠𑑅𑐐𑐸 𑐢𑐵𑐬𑐞𑐵 𑐟𑐫𑐵𑐡𑐷𑐐𑐸 𑐏𑑅 𑑋

𑐖𑑂𑐫𑐵𑐗𑑂𑐰𑐮𑐫𑑂 𑐣𑐾𑐥𑐵𑐮𑐨𑐵𑐲𑐵𑐫𑐵 𑐁𑐥𑐵𑐮𑑄 𑐨𑐵𑐲𑐵𑐳𑐾𑐰𑐷 𑐰 𑐳𑐵𑐴𑐶𑐟𑑂𑐫𑐎𑐵𑐬, 𑐳𑑄𑐐𑐷𑐟𑐎𑐵𑐬, 𑐥𑐟𑑂𑐬𑐎𑐵𑐬𑐥𑐶𑐣𑐶𑐐𑐸 𑐧𑑂𑐰𑐟𑐶 𑐡𑐸𑐐𑐸 𑐏𑑅 𑑋 𑐠𑐸𑐐𑐸 𑐖𑑂𑐫𑐵𑐗𑑂𑐰𑑅 𑐣𑐾𑐥𑐵𑐮 𑐮𑐶𑐥𑐶 𑐐𑐸𑐠𑐶 𑐰 𑐫𑐾𑑃 𑐩𑐴𑐵𑐣𑐐𑐬 𑐥𑐵𑐮𑐶𑐎𑐵𑐫𑐵 𑐐𑑂𑐰𑐳𑐵𑐮𑐫𑑂 𑐖𑐹𑐐𑐸 𑐏𑑅𑐳𑐵 𑐳𑐦𑐹𑑄 𑐣𑐾𑐥𑐵𑐮𑐮𑐶𑐥𑐶 𑐐𑐸𑐠𑐶𑑄 𑐥𑐶𑐠𑑄𑐐𑐸 𑐏𑑅 𑑋 𑐳𑐦𑐹𑐫𑐵 𑐩𑐹 𑐣𑐶𑐳𑑅𑐟𑑂𑐫𑐵 𑐟𑐫𑐵𑐟𑑅𑐐𑐸 𑐡𑐸 𑑋 𑐠𑐸𑐐𑐸 𑐳𑐦𑐸𑐟𑐶𑐂 𑐠𑐷𑐠𑐷 𑐮𑐶𑐥𑐶 𑐰𑐶𑐖𑑂𑐘𑐥𑐶𑐣𑐶𑐐𑐸 𑐔𑑂𑐰𑐳𑐸 𑐡𑐸𑐠𑑂𑐫𑐵𑐎𑐵 𑐟𑑅𑐐𑐸 𑐡𑐸 𑐐𑑂𑐰𑐳𑐵𑑅 𑐏𑐮𑐎𑑄 𑐖𑐵𑐣𑐎𑐵𑐬𑐷 𑐧𑐶𑐫𑐵𑐡𑐷𑐐𑐸 𑐏𑑅 𑑋