𑐫𑐮𑐫𑑂 𑐣𑐾𑐥𑐵𑐮 𑐮𑐶𑐥𑐶 𑐰 𑐣𑐾𑐥𑐵𑐮𑐨𑐵𑐲𑐵 𑐳𑐵𑐴𑐶𑐟𑑂𑐫 𑐥𑑂𑐬𑐱𑐶𑐎𑑂𑐲𑐞

𑐣𑐾𑐥𑐵𑐮𑐨𑐵𑐲𑐵 𑐩𑑄𑐎𑐵𑑅 𑐏𑐮𑑅, 𑐫𑐮𑐫𑐵 𑐐𑑂𑐰𑐳𑐵𑐮𑐫𑑂 𑐰 𑐫𑐮 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑐫𑐵 𑐁𑐬𑑂𑐠𑐶𑐎 𑐐𑑂𑐰𑐵𑐴𑐵𑐮𑐶𑐂 𑐣𑐾𑐥𑐵𑐮 𑐮𑐶𑐥𑐶, 𑐳𑐵𑐴𑐶𑐟𑑂𑐫 𑐰 𑐳𑑄𑐳𑑂𑐎𑐺𑐟𑐶𑐫𑐵 𑐥𑑂𑐬𑐱𑐶𑐎𑑂𑐲𑐞 𑐎𑑂𑐰𑐔𑐵𑑅𑐐𑐸 𑐡𑐸 𑑋 𑐣𑐾𑐳𑑄 𑑑𑑑𑑓𑑙 𑐟𑐕𑐮𑐵𑐐𑐵 𑐟𑐺𑐟𑐶𑐫𑐵 (𑐀𑐳𑐵𑐬 𑑕) 𑐣𑐶𑐳𑐾𑑄 𑐡𑐶𑐮𑑂𑐮𑐵𑐠𑑂𑐰 𑐳𑐥𑑂𑐟𑐩𑐷 (𑐀𑐳𑐵𑐬 𑑒𑑔) 𑐟𑐎 𑐣𑐷𑐣𑑂𑐴𑐸𑐟𑐎 𑑑𑑖 𑐩𑑂𑐴 𑐰𑐶𑐡𑑂𑐫𑐵𑐬𑑂𑐠𑐷𑐥𑐶𑑄𑐟 𑐣𑐾𑐥𑐵𑐮 𑐮𑐶𑐥𑐶, 𑐣𑐾𑐥𑐵𑐮𑐨𑐵𑐲𑐵𑐫𑐵 𑐳𑐵𑐴𑐶𑐟𑑂𑐫 𑐰 𑐳𑑄𑐳𑑂𑐎𑐺𑐟𑐶𑐧𑐵𑐬𑐾 𑐥𑑂𑐬𑐱𑐶𑐎𑑂𑐲𑐞 𑐧𑑂𑐫𑐹𑐐𑐸 𑐏𑑅 𑑋 𑐥𑑂𑐬𑐱𑐶𑐎𑑂𑐲𑐞𑐮𑐶𑐥𑐵 𑐀𑐳𑐵𑐬 𑑒𑑕 𑐏𑐸𑐣𑐸 𑐕𑐐𑐹 𑐖𑑂𑐫𑐵𑐗𑑂𑐰𑑅𑐫𑐵𑐡𑐠𑐸𑐂 𑐥𑑂𑐬𑐱𑐶𑐎𑑂𑐲𑐵𑐬𑑂𑐠𑐷𑐥𑐶𑑄𑐟 𑐡𑐳𑐶𑐥𑑁 𑐮𑑅𑐮𑑂𑐴𑐵𑑅𑐐𑐸 𑐡𑐸 𑑋

𑐫𑐮 𑐩𑐴𑐵𑐣𑐐𑐬𑐥𑐵𑐮𑐶𑐎𑐵, 𑐳𑐵𑐩𑐵𑐖𑐶𑐎 𑐰𑐶𑐎𑐵𑐳 𑐳𑐩𑐶𑐟𑐶𑐫𑐵 𑐳𑑄𑐫𑑀𑐖𑐎 𑐡𑐶𑐣𑐾𑐱 𑐎𑐵𑐬𑑂𑐎𑐷 𑐩𑐹 𑐥𑐵𑐴𑐵𑑄 𑐖𑐸𑐫𑐵𑐡𑐷𑐐𑐸 𑐳𑐩𑐵𑐥𑐣 𑐖𑑂𑐫𑐵𑐗𑑂𑐰𑐮𑐫𑑂 𑐫𑐮 𑐩𑐴𑐵𑐣𑐐𑐬𑐥𑐵𑐮𑐶𑐎𑐵 𑐳𑐩𑐵𑐖 𑐎𑐮𑑂𑐫𑐵𑐞 𑐩𑐴𑐵𑐱𑐵𑐏𑐵 𑐥𑑂𑐬𑐩𑐸𑐏 𑐧𑐵𑐧𑐸𑐬𑐵𑐖𑐵 𑐩𑐴𑐬𑑂𑐖𑐣 𑐰 𑐫𑐮 𑑒𑑗 𑐰𑐜𑐵𑐫𑐵 𑐰𑐜𑐵𑐢𑑂𑐫𑐎𑑂𑐲 𑐧𑐵𑐧𑐸𑐬𑐵𑐖 𑐩𑐴𑐬𑑂𑐖𑐣𑐥𑐶𑑄 𑐥𑐵𑐴𑐵𑑄𑐎𑐠𑑄 𑐗𑐵𑐫𑐵𑐡𑐷𑐐𑐸 𑐏𑑅 𑑋 𑐣𑐾𑐥𑐵𑐮𑐨𑐵𑐲𑐵 𑐩𑑄𑐎𑐵𑑅 𑐏𑐮𑑅 𑐫𑐮𑐫𑐵 𑐣𑐵𑐫𑑅 𑐆𑐲𑐶𑐥𑑂𑐬𑐳𑐵𑐡 𑐱𑑂𑐬𑐾𑐲𑑂𑐛𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐖𑑂𑐫𑐵𑐗𑑂𑐰𑑅 𑐎𑑂𑐰𑐔𑐵𑑅𑐐𑐸 𑐏𑑅 𑑋 𑐫𑐮𑐫𑐵 𑐣𑐾𑐥𑐵𑐮𑐨𑐵𑐲𑐵 𑐩𑑄𑐎𑐵𑑅 𑐏𑐮𑑅𑐫𑐵 𑐖𑑂𑐫𑐵𑐎𑐸𑐠𑐶𑐂 𑐖𑐹𑐐𑐸 𑐥𑑂𑐬𑐱𑐶𑐎𑑂𑐲𑐞 𑐖𑑂𑐫𑐵𑐗𑑂𑐰𑑅𑐫𑐵 𑐩𑐹 𑐳𑑄𑐫𑑀𑐖𑐎 𑐳𑐴𑐥𑑂𑐬𑐵 𑐟𑐸𑐮𑑂𑐳𑐷𑐮𑐵𑐮 𑐳𑐶𑑄 𑐖𑐸𑐫𑐵𑐡𑐷𑐐𑐸 𑐏𑑅𑐳𑐵 𑐬𑐵𑐎𑐾𑐱 𑐩𑐴𑐬𑑂𑐖𑐣 𑐰 𑐎𑐶𑐬𑐞 𑐱𑐵𑐎𑑂𑐫𑐥𑐶𑑄𑐳𑑄 𑐥𑑂𑐬𑐱𑐶𑐎𑑂𑐲𑐞 𑐧𑐶𑐫𑐵𑐡𑐷𑐐𑐸 𑐏𑑅 𑑋

𑐊𑐮𑐶𑐣𑐵 𑐩𑐴𑐬𑑂𑐖𑐣, 𑐱𑐎𑑂𑐟𑐶 𑐩𑐴𑐬𑑂𑐖𑐣, 𑐣𑐰𑐷𑐣 𑐩𑐴𑐬𑑂𑐖𑐣, 𑐬𑐩𑐶𑐟𑐵 𑐩𑐴𑐬𑑂𑐖𑐣, 𑐬𑐵𑐖𑐾𑐣𑑂𑐡𑑂𑐬 𑐩𑐴𑐬𑑂𑐖𑐣, 𑐬𑑀𑐖𑐷 𑐩𑐴𑐬𑑂𑐖𑐣, 𑐣𑑂𑐴𑐸𑐔𑑂𑐕𑐾𑐮𑐵𑐮 𑐩𑐴𑐬𑑂𑐖𑐣, 𑐣𑑂𑐴𑐸𑐔𑑂𑐕𑐾𑐧𑐴𑐵𑐡𑐸𑐬 𑐩𑐴𑐬𑑂𑐖𑐣, 𑐣𑑂𑐴𑐸𑐔𑑂𑐕𑐾𑐮𑐵𑐮 𑐩𑐴𑐬𑑂𑐖𑐣, 𑐥𑐸𑐣𑐸 𑐀𑐰𑐵𑐮𑐾, 𑐀𑐩𑐷𑐬𑐔𑐣𑑂𑐡𑑂𑐬 𑐩𑐴𑐬𑑂𑐖𑐣, 𑐱𑐿𑐮𑐾𑐱 𑐥𑑂𑐬𑐢𑐵𑐣, 𑐖𑑂𑐘𑐵𑐣𑐷 𑐩𑐴𑐬𑑂𑐖𑐣, 𑐣𑐶𑐱𑐵 𑐥𑑂𑐬𑐢𑐵𑐣 (𑐳𑐶𑐎𑑂𑐎𑐶𑐩), 𑐧𑐾𑐏𑐵 𑐟𑐵𑐩𑑂𑐬𑐵𑐎𑐵𑐬 𑐰 𑐖𑑂𑐘𑐵𑐣𑐧𑐴𑐵𑐡𑐸𑐬 𑐩𑐴𑐬𑑂𑐖𑐣𑐥𑐶𑑄𑐳𑑄 𑐥𑑂𑐬𑐱𑐶𑐎𑑂𑐲𑐞𑐫𑑂 𑐧𑑂𑐰𑐟𑐶 𑐎𑐫𑐵𑐡𑐷𑐐𑐸 𑐏𑑅 𑑋

𑐣𑐾𑐥𑐵𑐮𑐨𑐵𑐲𑐵(NepalBhasa)