𑐫𑐮𑐫𑐵𑐟 𑐴𑐳𑑂𑐟𑐎𑐮𑐵 𑐣𑐐𑐬 𑐡𑐫𑐾𑐎𑐷𑐐𑐸

𑐫𑐾𑑃 – 𑐫𑐮 𑐩𑐴𑐵𑐣𑐐𑐬𑐫𑐵𑐟 𑐴𑐳𑑂𑐟𑐎𑐮𑐵 𑐣𑐐𑐬 𑐎𑐠𑑄 𑐰𑐶𑐎𑐵𑐳 𑐫𑐵𑐫𑐾𑐐𑐸 𑐣𑐶𑑄𑐟𑐶𑑄 𑐰𑐶𑐱𑐾𑐲 𑐫𑑀𑐖𑐣𑐵 𑐡𑐫𑐾𑐎𑐵𑐔𑑂𑐰𑑄𑐐𑐸 𑐏𑑃 𑐳𑐷𑐡𑐸𑐐𑐸 𑐡𑐸 𑑋 𑐫𑐮 𑐩𑐣𑐥𑐵𑐫𑐵 𑐥𑑂𑐬𑐰𑐎𑑂𑐟𑐵 𑐬𑐵𑐖𑐸 𑐩𑐴𑐬𑑂‍𑐖𑐣𑑄 ‘𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳’ 𑐫𑐵𑐟 𑐠𑑂𑐰 𑐖𑐵𑐣𑐎𑐵𑐬𑐷 𑐧𑐶𑐫𑐵𑐡𑐷𑐐𑐸 𑐏𑑅 𑑋

𑐫𑐮𑐫𑐵𑐟 𑐴𑐳𑑂𑐟𑐎𑐮𑐵 𑐣𑐐𑐬𑐷 𑐡𑐫𑐾𑐎𑐾𑐟 𑐴𑐳𑑂𑐟𑐎𑐮𑐵 𑐰𑐶𑐎𑐵𑐳 𑐳𑐩𑐶𑐟𑐶 𑐐𑐛𑐣 𑐖𑐸𑐂𑐢𑐸𑑄𑐎𑐹𑐐𑐸 𑐏𑑃 𑐎𑑃𑐳𑐾𑑄 𑐰𑐫𑑂𑐎𑐮𑑄 𑐄𑐐𑐸 𑐳𑐩𑐶𑐟𑐶𑐫𑐵𑐟 𑐩𑐴𑐵𑐱𑐵𑐏𑐵𑐫𑐵 𑐬𑐸𑐥𑐫𑑂 𑐰𑐶𑐎𑐵𑐳 𑐫𑐵𑐣𑐵 𑐫𑑄𑐎𑐾𑐐𑐸 𑐖𑐵𑐣𑐎𑐵𑐬𑐷 𑐧𑐶𑐫𑐵𑐡𑐶𑐮 𑑋 𑐰𑑄𑐐𑐸 𑐕𑐸𑑄 𑐩𑐴𑐶𑐣𑐵 𑐤𑑂𑐫𑑅 𑐖𑐎 𑐰𑐶𑐱𑑂𑐰 𑐎𑐮𑐵 𑐥𑐬𑐶𑐲𑐡𑑄 𑐫𑐮 𑐣𑐐𑐬𑐫𑐵𑐟 𑐴𑐳𑑂𑐟𑐎𑐮𑐵 𑐣𑐐𑐬𑐷𑐫𑐵 𑐄𑐥𑐵𑐢𑐷 𑐧𑐶𑐄𑐐𑐸 𑐏𑑅 𑑋
𑐣𑐾𑐰𑐵𑑅𑐟𑐫𑑂 𑐳𑑄𑐳𑑂𑐎𑐺𑐟𑐶 𑐳𑐩𑑂𑐥𑐡𑐵 𑐮𑑂𑐫𑑄𑐎𑐾𑐐𑐸 𑐣𑐶𑑄𑐟𑐶𑑄 𑐳𑐵𑑄𑐳𑑂𑐎𑐺𑐟𑐶𑐎 𑐩𑐴𑐵𑐱𑐵𑐏𑐵𑐫𑐵 𑐬𑐸𑐥𑐫𑑂 𑐰𑐶𑐎𑐵𑐳 𑐳𑐩𑐶𑐟𑐶𑐫𑐵𑐟 𑐫𑑄𑐎𑐾𑐐𑐸 𑐰 𑐄𑐐𑐸 𑐴𑐾 𑐳𑐩𑐶𑐟𑐶 𑐩𑐵𑐬𑑂‍𑐦𑐟 𑐫𑐮𑐫𑐵 𑐳𑐩𑑂𑐥𑐡𑐵 𑐳𑑄𑐬𑐎𑑂𑐲𑐞 𑐫𑐵𑐫𑐾𑐐𑐸 𑐫𑑀𑐖𑐣𑐵 𑐎𑐠𑑄 𑐖𑑂𑐫𑐵 𑐖𑐸𑐫𑐵𑐔𑑂𑐰𑑄𑐐𑐸 𑐖𑐵𑐣𑐎𑐵𑐬𑐷 𑐣𑑄 𑐰𑐫𑑂𑐎𑐮𑑄 𑐧𑐶𑐫𑐵𑐡𑐶𑐮 𑑋

𑐀𑐠𑐾𑐴𑐾 𑐫𑐮𑐫𑐵 𑐎𑐸𑐥𑐣𑑂𑐜𑑀𑐮𑑄𑐣𑐶𑐳𑐾𑑄 𑐖𑐵𑐴𑑂𑐰𑐮𑐵𑐏𑑂𑐫𑑅 𑐟𑐎 𑐳𑐵𑐂𑐎𑐮 𑐮𑐾𑐣 𑐡𑐫𑐾𑐎𑐾𑐐𑐸 𑐣𑐶𑑄𑐟𑐶𑑄 𑐚𑐾𑐣𑑂𑐜𑐬 𑐁𑐴𑑂𑐰𑐵𑐣 𑐖𑐸𑐂𑐢𑐸𑑄𑐎𑐹𑐐𑐸 𑐖𑐵𑐣𑐎𑐵𑐬𑐷 𑐣𑑄 𑐰𑐫𑑂𑐎𑐮𑑄 𑐧𑐶𑐫𑐵𑐡𑐶𑐮 𑑋 𑐀𑐠𑐾 𑐴𑐾 𑐩𑑄𑐐𑑅𑐣𑐶𑐳𑐾𑑄 𑐥𑐹𑐔𑑂𑐰 𑐟𑐎 𑐣𑑄 𑐳𑐵𑐂𑐎𑐮 𑐮𑐾𑐣 𑐡𑐫𑐾𑐎𑐾𑐐𑐸 𑐎𑐠𑑄 𑐖𑑂𑐫𑐵 𑐖𑐸𑐫𑐵𑐔𑑂𑐰𑑄𑐐𑐸 𑐏𑑃 𑐰𑐫𑑂𑐎𑐮𑑄 𑐎𑐣𑐵𑐡𑐷𑐐𑐸 𑐡𑐸 𑑋