𑐥𑐬𑐶𑐫𑐟𑑂𑐟𑐶𑐂 𑐟𑐵𑑅𑐮𑐵𑑅𑐥𑐶𑑄𑐟 𑐡𑐳𑐶𑐥𑑁 𑐰 𑐳𑐶𑐬𑐥𑐵𑑅

𑐫𑐾𑑃 – 𑐖𑐐𑐟𑐳𑐸𑐣𑑂𑐡𑐬 𑐥𑐬𑐶𑐫𑐟𑑂𑐟𑐶 𑐎𑐾𑐣𑑂𑐡𑑂𑐬𑐫𑐵 𑐐𑑂𑐰𑐳𑐵𑐮𑐫𑑂 𑐰𑑄𑐐𑐸 𑐱𑐸𑐎𑑂𑐬𑐰𑐵𑑅 𑐎𑐾𑐣𑑂𑐡𑑂𑐬𑐥𑐵𑐏𑐾𑑄 𑐥𑐬𑐶𑐫𑐟𑑂𑐟𑐶 𑐱𑐶𑐎𑑂𑐲𑐵𑐫𑑂 𑐟𑐵𑑅𑐮𑐵𑑅𑐥𑐶𑑄 𑐧𑑂𑐰𑐣𑐵𑐩𑐶𑐥𑐶𑑄𑐟 𑐡𑐳𑐶𑐥𑑁 𑐰 𑐳𑐶𑐬𑐥𑐵𑑅 𑐮𑑅𑐯𑐵𑐟 𑑋
𑐧𑐸.𑐳𑑄. 𑑒𑑕𑑖𑑒 𑐡𑑃𑐫𑐵 𑐥𑐬𑐶𑐫𑐟𑑂𑐟𑐶 𑐱𑐶𑐎𑑂𑐲𑐵𑐫𑑂 𑐟𑐵𑑅𑐮𑐵𑑅𑐥𑐶𑑄𑐟 𑐳𑐶𑐬𑐥𑐵𑑅 𑐰 𑐡𑐳𑐶𑐥𑑁 𑐮𑑅𑐯𑐵𑑅𑐐𑐸 𑐏𑑅 𑑋 𑐩𑐹𑐥𑐵𑐴𑐵𑑄𑐫𑐵 𑐠𑐵𑐳𑑄 𑐖𑐵𑐥𑐵𑐣𑑄 𑐗𑐵𑐫𑐵𑐡𑐷𑐪 𑐳𑐵𑐟𑑀𑐳𑐶 𑐔𑐶𑐫𑐵𑐣𑑀𑑄 𑐖𑐵𑐥𑐵𑐣 𑐣𑑄 𑐕𑐐𑐹 𑐧𑑁𑐡𑑂𑐢 𑐡𑐾𑐫𑑂 𑐏𑑅 𑐢𑐵𑐳𑐾𑑄 𑐠𑑅 𑐣𑑄 𑐧𑐸𑐡𑑂𑐢 𑐢𑐬𑑂𑐩𑐥𑑂𑐬𑐟𑐶 𑐱𑑂𑐬𑐡𑑂𑐢𑐵 𑐡𑐸𑐪 𑐄𑐎𑐶𑐳𑐣𑑄 𑐠𑐸𑐎𑐠𑑄𑐫𑐵 𑐖𑑂𑐫𑐵𑐗𑑂𑐰𑐮𑐫𑑂 𑐧𑑂𑐰𑐟𑐶 𑐎𑐵𑐫𑐾 𑐏𑑄𑐐𑐸 𑐠𑑅𑐐𑐸 𑐣𑐶𑑄𑐟𑐶𑑄 𑐟𑐳𑐎𑑄 𑐮𑐳𑐟𑐵𑐫𑐵 𑐏𑑃 𑐏𑑅 𑐢𑐫𑐵𑐡𑐶𑐮 𑑋

𑐖𑑂𑐫𑐵𑐗𑑂𑐰𑐮𑐫𑑂 𑐥𑐵𑐴𑐵𑑄𑐎𑐠𑑄 𑐗𑐵𑐫𑐵𑐡𑐷𑐪 𑐖𑐐𑐟𑐳𑐸𑐣𑑂𑐡𑐬 𑐥𑐬𑐶𑐫𑐟𑑂𑐟𑐶 𑐎𑐾𑐣𑑂𑐡𑑂𑐬𑐫𑐵 𑐳𑐮𑑂𑐮𑐵𑐴𑐵𑐬 𑐜𑐵. 𑐟𑑂𑐬𑐶𑐬𑐟𑑂𑐣 𑐩𑐵𑐣𑐣𑑂𑐢𑐬𑑄 𑐧𑐸𑐡𑑂𑐢 𑐱𑐶𑐎𑑂𑐲𑐵 𑐠𑐸𑐂𑐎𑐾 𑐦𑐟 𑐢𑐵𑑅𑐳𑐵 𑐴𑐾 𑐖𑐎 𑐕𑐸𑑄 𑐎𑐠𑑄𑐫𑐵 𑐡𑐸𑑅𑐏 𑐩𑐡𑐂𑐐𑐸 𑐰 𑐡𑐸𑑅𑐏 𑐰 𑐴𑐾 𑐰𑑅𑐳𑐵𑑄 𑐄𑐎𑐶𑐫𑐵𑐟 𑐩𑐡𑐫𑐾𑐎𑐵𑐕𑑂𑐰𑐫𑐾𑐐𑐸 𑐮𑑃 𑐪𑐳𑐷𑐎𑐾 𑐦𑐂 𑐢𑐫𑐵𑐡𑐶𑐮 𑑋 𑐥𑐬𑐶𑐫𑐟𑑂𑐟𑐶 𑐎𑐾𑐣𑑂𑐡𑑂𑐬𑐫𑐵 𑐣𑐵𑐫𑑅 𑐬𑐵𑐖𑐨𑐵𑐃 𑐖𑐎𑑅𑐩𑐶𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐖𑐹𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐥𑐬𑐶𑐫𑐟𑑂𑐟𑐶 𑐎𑐾𑐣𑑂𑐡𑑂𑐬𑐫𑐵 𑐎𑐾𑐣𑑂𑐡𑑂𑐬𑐵𑐢𑑂𑐫𑐎𑑂𑐲 𑐩𑐵𑐫𑐵 𑐩𑐵𑐣𑐣𑑂𑐢𑐬𑑄 𑐮𑐳𑐎𑐸𑐳 𑐫𑐵𑐣𑐵𑐡𑐷𑐐𑐸 𑐏𑑅 𑑋