𑐣𑑂𑐴𑐹𑐐𑐸 𑐥𑐸𑐳𑑂𑐟𑐵𑐫𑐵𑐟 𑐎𑐮𑐵 𑐳𑑄𑐳𑑂𑐎𑐺𑐟𑐶 𑐳𑑂𑐫𑐣𑐾𑐖𑑂𑐫𑐵𑐫𑑂 𑐣𑐾𑐰𑐵𑑅 𑐳𑐩𑐸𑐡𑐵𑐫𑐫𑐵 𑐣𑑂𑐴𑑂𑐫𑐮𑐸𑐰𑐵𑑅𑐟

𑐠𑐣 𑐧𑐬𑑂𑐡𑐑𑐵𑐚 𑐳𑐸𑐳𑑂𑐟𑐵 𑐮𑐶𑐎𑑂𑐎 𑐮𑐵𑑅𑐐𑐸 𑐎𑐵𑐰𑐵𑐳𑑀𑐟𑐶𑐫𑐵 𑐣𑐾𑐰𑐵𑑅 𑐳𑐩𑐸𑐡𑐵𑐫𑑄 𑐠𑑅𑐐𑐸 𑐥𑐬𑐩𑑂𑐥𑐬𑐵𑐐𑐟 𑐎𑐮𑐵 𑐰 𑐳𑑄𑐳𑑂𑐎𑐺𑐟𑐶 𑐣𑑂𑐴𑐹𑐐𑐸 𑐥𑐸𑐳𑑂𑐟𑐵𑐫𑐵𑐟 𑐳𑑂𑐫𑐣𑐾𑐐𑐸 𑐖𑑂𑐫𑐵 𑐣𑑂𑐴𑑂𑐫𑐵𑐎𑐹𑐐𑐸 𑐡𑐸 𑑋 𑐠𑐣𑐫𑐵 𑐣𑑂𑐴𑑂𑐫𑐮𑐸𑐰𑐵𑑅𑐥𑐶𑑄𑐳𑑄 𑐟𑐵𑐮𑐶𑐩 𑐳𑑄𑐔𑐵𑐮𑐣
𑐫𑐵𑐣𑐵𑑅 𑐳𑐩𑐸𑐡𑐵𑐫𑐫𑐵 𑐳𑑄𑐳𑑂𑐎𑐺𑐟𑐶 𑐰 𑐎𑐮𑐵𑐫𑐵 𑐧𑐵𑐬𑐾 𑐣𑑂𑐴𑐹 𑐥𑐸𑐳𑑂𑐟𑐵𑐫𑐵𑐟 𑐳𑑂𑐫𑐣𑐵 𑐰𑐫𑐵𑐔𑑂𑐰𑑄𑐐𑐸 𑐡𑐸 𑑋

𑐳𑐷𑐎𑐵 𑐣𑐾𑐰𑐵𑑅 𑐐𑐸𑐠𑐶𑐫𑐵 𑐣𑐵𑐫𑑅 𑐬𑐵𑐩𑐔𑐣𑑂𑐡𑑂𑐬 𑐱𑑂𑐬𑐾𑐲𑑂𑐛𑐫𑐵 𑐎𑐠𑑄 𑐩𑐳𑑂𑐟 𑐰 𑐮𑑂𑐫𑐵𑐫𑑂𑐩𑑂𑐴𑐟𑐫𑑂𑐎𑐾 𑐎𑐮𑐵 𑐰 𑐳𑑄𑐳𑑂𑐎𑐺𑐟𑐶 𑐧𑐵𑐬𑐾 𑐔𑐾𑐟𑐣𑐵 𑐧𑑂𑐰𑐮𑑄𑐎𑐾𑐟 𑐐𑐸𑐠𑐶𑑄 𑐮𑐵𑐏𑐾 𑐥𑑂𑐫𑐵𑐏𑑄, 𑐢𑐶𑐩𑐾𑐧𑐵𑐖𑑄, 𑐩𑐵𑐡𑐮 𑐰 𑐗𑑂𑐫𑐵𑐮𑐶 𑐳𑑄𑐬𑐎𑑂𑐲𑐞 𑐀𑐨𑐶𑐫𑐵𑐣 𑐣𑑂𑐴𑑂𑐫𑐵𑐎𑐹𑐐𑐸 𑐡𑐸 𑑋 𑐮𑐵𑐏𑐾 𑐥𑑂𑐫𑐵𑐏𑑄, 𑐢𑐶𑐩𑐾𑐧𑐵𑐖𑑄 𑐣𑐾𑐰𑐵𑑅 𑐳𑐩𑐸𑐡𑐵𑐫𑐫𑐵 𑐥𑐬𑐩𑑂𑐥𑐬𑐵𑐐𑐟 𑐳𑐵𑑄𑐳𑑂𑐎𑐺𑐟𑐶𑐎 𑐩𑐴𑐟𑑂𑐰 𑐣𑐵𑐥 𑐳𑑂𑐰𑐵𑐣𑐵𑐔𑑂𑐰𑑄𑐐𑐸 𑐡𑐸, 𑐟𑐬 𑐣𑑂𑐴𑐹𑐐𑐸 𑐥𑐸𑐳𑑂𑐟𑐵𑑄 𑐁𑐢𑐸𑐣𑐶𑐎𑐟𑐵 𑐣𑐵𑐥𑑄 𑐠𑐖𑑂𑐫𑐵𑑅𑐐𑐸 𑐳𑑄𑐳𑑂𑐎𑐺𑐟𑐶 𑐮𑑂𑐰𑑅𑐩𑑄𑐎𑐾𑐐𑐸 𑐫𑐵𑐣𑐵𑐴𑑅𑐐𑐸𑐮𑐶𑑄 𑐳𑑄𑐬𑐎𑑂𑐲𑐞 𑐀𑐨𑐶𑐫𑐵𑐣 𑐣𑑂𑐴𑑂𑐫𑐵𑐎𑐹𑐐𑐸 𑐡𑐸 𑑋

𑐳𑐷𑐎𑐵 𑐣𑐾𑐰𑐵𑑅 𑐐𑐸𑐠𑐶𑑄 𑐣𑐾𑐰𑐵𑑅 𑐎𑐮𑐵, 𑐳𑑄𑐳𑑂𑐎𑐺𑐟𑐶 𑐰 𑐳𑐷𑐥 𑐮𑑂𑐫𑑄𑐎𑐾𑐟 𑐰𑑄𑐐𑐸 𑐡𑑃𑐫𑑂 𑐮𑐟𑑂𑐫𑐵𑐫𑑄𑐎𑑄 𑐢𑐶𑐩𑐾 𑐧𑐵𑐖𑑄 𑐳𑑂𑐫𑐾𑐣𑐖𑑂𑐫𑐵 𑐣𑑂𑐴𑑂𑐫𑐵𑐎𑐹𑐐𑐸 𑐏𑑅 𑑋 𑐀𑐢𑑂𑐫𑐎𑑂𑐲 𑐱𑑂𑐬𑐾𑐲𑑂𑐛𑑄 𑐰𑑄𑐐𑐸 𑐡𑑃𑐫𑐵 𑐥𑑂𑐬𑐱𑐶𑐎𑑂𑐲𑐞𑑄 𑐳𑐎𑐵𑐬𑐵𑐟𑑂𑐩𑐎 𑐮𑐶𑐔𑑂𑐰𑑅 𑐮𑐵𑑅𑐐𑐸𑐮𑐶𑑄 𑐠𑐸𑐐𑐸𑐳𑐷 𑐣𑑄 𑐮𑐵𑐏𑐾 𑐥𑑂𑐫𑐵𑐏𑑄 𑐳𑐴𑐶𑐟𑐫𑐵 𑐥𑑂𑐬𑐱𑐶𑐎𑑂𑐲𑐞 𑐣𑑂𑐴𑑂𑐫𑐵𑐎𑐹𑐐𑐸 𑐖𑐵𑐣𑐎𑐵𑐬𑐷 𑐧𑐶𑐫𑐵𑐡𑐶𑐮 𑑋 𑐰𑐫𑑂𑐎𑐮𑑄 𑐢𑐫𑐵𑐡𑐶𑐮, “𑐳𑐵𑐥𑐵𑐬𑐸𑐧𑐮𑐫𑑂 𑐠𑐵𑐫𑐾𑐐𑐸 𑐢𑐶𑐩𑐾𑐧𑐵𑐖𑑄, 𑐩𑐵𑐡𑐮, 𑐗𑑂𑐫𑐵𑐮𑐷𑐫𑐵 𑐰𑑂𑐫𑐵𑐰𑐴𑐵𑐬𑐶𑐎 𑐥𑑂𑐬𑐱𑐶𑐎𑑂𑐲𑐞 𑐣𑑂𑐴𑐹𑐐𑐸 𑐥𑐸𑐳𑑂𑐟𑐵𑐫𑐵𑐟 𑐧𑐶𑐫𑐵𑐔𑑂𑐰𑐣𑐵𑐐𑐸 𑐡𑐸, 𑐥𑐸𑐮𑐵𑑄𑐐𑐸 𑐥𑐸𑐳𑑂𑐟𑐵𑑄 𑐧𑐸𑐮𑐸𑐴𑐸𑑄 𑐮𑑅𑐮𑑂𑐴𑐵𑐣𑐵𑐔𑑂𑐰𑐣𑐵𑐐𑐸 𑐡𑐸 𑑋’

𑐐𑐸𑐠𑐶𑐫𑐵 𑐳𑐮𑑂𑐮𑐵𑐴𑐎𑐵𑐬 𑐗𑐎𑐣𑐵𑐬𑐵𑐫𑐞 𑐱𑑂𑐬𑐾𑐲𑑂𑐛𑑄 𑐩𑐳𑑂𑐟𑐫𑑂𑐳𑑄 𑐧𑐵𑐖𑑄 𑐰 𑐥𑐬𑐩𑑂𑐥𑐬𑐵𑐐𑐟 𑐥𑑂𑐫𑐵𑐏𑑄𑐫𑐵 𑐱𑐷𑐥 𑐳𑐫𑐾𑐎𑐾𑐧𑐮𑐫𑑂 𑐫𑐵𑐎𑐣𑑄 𑐳𑐫𑐾𑐎𑐷, 𑐄𑐎𑐶𑑄 𑐣𑑂𑐴𑐹 𑐥𑐸𑐳𑑂𑐟𑐵𑐥𑐵𑐏𑐾𑑄 𑐥𑐬𑐩𑑂𑐥𑐬𑐵 𑐳𑑄𑐬𑐎𑑂𑐲𑐞 𑐀𑐨𑐶𑐫𑐵𑐣 𑐣𑑂𑐴𑑂𑐫𑐵𑐎𑐹𑐐𑐸 𑐏𑑃 𑐎𑐣𑐵𑐡𑐶𑐮 𑑋