𑐣𑐶𑐨𑐵𑑅 𑐖𑑅 𑐩𑐵𑑅 𑐰𑐣𑐵𑑅 – LETS READ

𑐴𑐶𑐳𑐶 𑐟𑑅𑐢𑑄𑐐𑐸 𑐬𑐧𑐬 𑐡𑐫𑐾𑐎𑐶𑐐𑐸 𑐖𑑂𑐫𑐵𑐳𑑅 𑐮𑐶𑐎 𑐔𑑂𑐰𑐣𑐶𑐂 𑑋𑐠𑑁𑑄 𑐎𑐣𑑂𑐴𑐫𑑂 𑐄𑐐𑐸 𑐖𑑂𑐫𑐵𑐳𑑅 𑐖𑑅𑐏𑑅 𑐐𑐵𑐩𑐫𑑂 𑐣𑐶𑐨𑐵𑑅 𑐖𑑅 𑐩𑐰𑐮 𑑋

𑐄𑐎𑐶𑑄 𑐴𑐶𑐳𑐶 𑐐𑐵𑑄𑐫𑐵 𑐠𑐵𑐎𑐸𑐮𑐶 𑐣𑐵𑐥 𑐮𑐵𑐫𑐾𑐟 𑐰𑐣 𑑋 ” 𑐖𑐶𑑄 𑐦𑐫𑑂 𑐏𑑅 𑐡𑐫𑐾𑐎𑐾 𑑋 𑐀𑐮𑐾 𑐳𑐸𑐬𑑂𑐡𑑂𑐫𑑅𑐫𑐵𑐟 𑐣𑐵𑐥 𑐮𑐵𑐣𑐵 𑐰𑐫𑐾 𑑋 𑐣𑐶𑐨𑐵𑑅 𑐖𑑅 𑐕𑐵𑐫𑑂 𑐩𑐏𑑅𑐐𑐸 𑐳𑐶𑐂𑐎𑐾 𑑋 ” 𑐴𑐶𑐳𑐶𑑄 𑐢𑐵𑐮 𑑋
” 𑐕 𑐀𑐥𑐵𑐫𑑂‌𑐔𑐵 𑐢𑐶𑐎𑑅𑐩𑑂𑐴𑑄 𑐩𑐔𑐵 𑐳𑐸𑐬𑑂𑐡𑑂𑐫𑑅𑐫𑐵𑐠𑐵𑐫𑑂 𑐰𑐣𑐾 𑐦𑐂𑐩𑐏𑐸 𑑋 𑐩𑑂𑐰𑐵𑑅𑐮 , 𑐕𑐾𑑃𑐫𑑂 𑐴𑐸𑑃 𑑋” 𑐩𑐸𑐏𑐶𑐫𑐵𑑄 𑐢𑐵𑐮 𑑋

𑐴𑐶𑐳𑐶 𑐐𑐵𑑄𑐫𑐵 𑐮𑐶𑐎 𑐔𑑂𑐰𑑄𑐐𑐸 𑐐𑐸𑑃 𑐔𑑂𑐰𑐎𑐵𑐫𑑂 𑐰𑐣 𑑋 𑐏𑐶𑐄𑑃𑐳𑐾 𑐔𑑂𑐰𑑄𑐐𑐸 𑐐𑐵𑑄 𑐥𑐵𑐏𑐾 𑐳𑑂𑐰𑐮 𑑋 𑐀𑐮𑐾 𑐳𑐬𑑂𑐐𑐟𑐫𑑂 𑐳𑑂𑐰𑐫𑐵𑑅 𑐔𑐶𑐮𑑂𑐮𑐵𑐫𑑂 𑐡𑐣𑐵𑑅 𑐴𑐵𑐮 ” 𑐳𑐸𑐬𑑂𑐡𑑂𑐫𑑅 , 𑐗𑐷 𑐫𑐵𑐎𑐣𑑄 𑐴𑐾 𑐣𑐵𑐥 𑐮𑐵𑐫𑐾 ” 𑑋

𑐴𑐶𑐳𑐶 𑐬𑐧𑐬 𑐖𑑂𑐫𑐵𑐳𑐮𑐫𑑂 𑐡𑐸𑐴𑐵𑑄𑐰𑐣 𑑋 𑐰𑑄 𑐦𑐫𑑂 𑐏𑑅 𑐡𑐫𑐾𑐎𑐾𑐟 𑐩𑐵𑑅𑐐𑐸 𑐴𑐮𑑄𑐖𑑂𑐰𑐮𑑄 𑐩𑐵𑐮 𑑋 𑐦𑐫𑑂‌𑐮𑐶𑑄, 𑐳𑐶𑐏𑑅, 𑐥𑐥𑐹 𑐰 𑐩𑐵𑐎𑑂𑐰 𑐎𑐵𑐥𑑅 𑐩𑐸𑐣 𑑋

𑐴𑐶𑐳𑐶𑑄 𑐩𑐡𑐶𑐎 𑐖𑑂𑐫𑐵 𑐳𑐣𑐵𑑅 𑐦𑐫𑑂 𑐏𑑅 𑐡𑐫𑐾𑐎𑐮 𑑋 𑐦𑐫𑑂 𑐏𑑅 𑐳𑐵𑐮𑐵𑑅 𑐐𑐸𑑃 𑐔𑑂𑐰𑐎𑐵𑐫𑑂 𑐰𑐣 𑑋 𑐴𑐶𑐳𑐶𑑄 𑐠𑑅𑐩𑑂𑐴𑑄 𑐡𑐫𑐾𑐎𑐸𑐐𑐸 𑐦𑐫𑑂‌𑐏𑑅 𑐧𑑂𑐰𑐫𑐾𑐎𑐾𑐐𑐸 𑐎𑐸𑐟𑑅 𑐫𑐵𑐟 𑑋 𑐦𑐫𑑂‌𑐏𑑅 𑐔𑐵𑑅𑐔𑐵𑑅 𑐴𑐶𑐮𑐵𑑅 𑐎𑐸𑐟𑐸𑑄 𑐰𑐣𑐵𑑅 𑐳𑐶𑐩𑐵𑐫𑑂 𑐖𑐸𑐟 𑑋 𑐦𑐫𑑂 𑐏𑑅 𑐳𑑂𑐫𑐣 𑑋

𑐴𑐶𑐳𑐶 𑐠𑐸𑐐𑐸 𑐖𑑂𑐫𑐵𑑄 𑐮𑐶𑐩𑐔𑐶𑐄𑐳𑐾 𑐴𑐵𑐎𑐣𑑄 𑐣𑑂𑐴𑐹𑐐𑐸 𑐦𑐫𑑂‌𑐏𑑅 𑐡𑐫𑐾𑐎𑐮 𑑋

𑐴𑐶𑐳𑐶𑑄 𑐴𑐵𑐎𑐣𑑄 𑐦𑐫𑑂 𑐏𑑅 𑐡𑐫𑐾𑐎𑐸𑐐𑐸 𑐏𑑃 𑐐𑐵𑐩𑐫𑑂 𑐧𑐫𑑂‌𑐧𑐫𑑂‌ 𑐖𑐸𑐮 𑑋 𑐐𑐵𑑄𑐫𑐵 𑐠𑐵𑐎𑐸𑐮𑐶 𑐰 𑐩𑐾𑐩𑐾𑐥𑐶𑑄𑐳𑑄 𑐣𑑄 𑐦𑐫𑑂‌𑐏𑑅 𑐧𑑂𑐰𑐫𑐾𑐎𑐾𑐟 𑐐𑑂𑐰𑐵𑐴𑐵𑐮𑐶 𑐫𑐵𑐟𑑋
𑐐𑐵𑑄 𑐠𑐵𑐎𑐸𑐮𑐶 𑐟𑐳𑐎𑑄 𑐮𑐫𑑂‌𑐟𑐵𑐮 𑑋
” 𑐣𑐵! 𑐣𑐶𑐨𑐵𑐮𑑄 𑐩𑐏𑐫𑐾𑐎𑐾𑐟 𑐠𑑂𑐰 𑐟𑐥𑐸𑐮𑐶 𑐥𑐸 𑐀𑐮𑐾 𑐰𑐳𑑅 𑐥𑐸𑑃 𑑋 𑐳𑐸𑐬𑑂𑐡𑑂𑐫𑑅 𑐟𑐳𑐎𑑄 𑐥𑐹 𑑋” 𑐠𑐵𑐎𑐸𑐮𑐶𑑄 𑐢𑐵𑐮 𑑋

𑐴𑐶𑐳𑐶𑑄 𑐦𑐫𑑂 𑐏𑑅 𑐧𑑂𑐰𑐫𑐾𑐎𑐾𑐟 𑐦𑐫𑑂‌𑐮𑐶𑑄𑐔𑐵 𑐔𑐵𑑅𑐴𑐶𑐂𑐎𑐮 𑑋 𑐄𑐑𑑂𑐬𑐶𑐩𑑄 𑐦𑐫𑑂‌𑐏𑑅 𑐧𑑂𑐰𑐫𑐵𑑅 𑐐𑐸𑑃𑐔𑑂𑐰𑐎𑐵𑑄 𑐔𑑂𑐰𑐫𑑂 𑐠𑑂𑐫𑐣 𑑋
𑐩𑐸𑐳𑐸𑐎𑑂𑐎 𑐣𑑂𑐴𑐶𑐮𑐵𑑅 𑐴𑐶𑐳𑐶𑑄 𑐮𑐫𑑂‌𑐮𑐫𑑂 𑐟𑐵𑐫𑐵𑑅 𑐢𑐵𑐮 ” 𑐖𑐶 𑐧𑑂𑐰𑐫𑐾 𑐦𑐟 𑑋 “

𑐴𑐶𑐳𑐶 𑐳𑐸𑐬𑑂𑐡𑑂𑐫𑑅 𑐫𑐵𑐠𑐵𑐫𑑂 𑐧𑑂𑐰𑐫𑐵 𑐰𑐣 𑑋
𑐟𑐵𑐬𑐾𑐩𑐵𑐩 𑐳𑐸𑐬𑑂𑐡𑑂𑐫𑑅! 𑐠𑑁𑑄 𑐎𑐣𑑂𑐴𑐫𑑂 𑐕𑑅𑐥𑐶𑑄 𑐖𑐶𑐩𑐶𑐐𑐸 𑐐𑐵𑐩𑐫𑑂 𑐕𑐵𑐫𑑂 𑐩𑐏𑐫𑐵𑐐𑐸 ? ” 𑐴𑐶𑐳𑐶𑑄 𑐣𑑂𑐫𑐣 𑑋
“𑐕𑐸 𑐫𑐵𑐫𑐾, 𑐕𑐶𑐩𑐶𑐐𑐸 𑐐𑐵𑑄𑐫𑐵 𑐦𑐳𑐫𑑂 𑐢𑐹 𑐰 𑐎𑐸𑑃 𑐏𑑂𑐰𑐵𑐟𑑂𑐟𑐸𑐎 𑐡𑐸𑐐𑐸𑐮𑐶𑑄 𑐖𑐶 𑐏𑐫𑐾 𑐩𑐦𑐸𑐐𑐸 𑐏𑑅 “, 𑐳𑐸𑐬𑑂𑐡𑑂𑐫𑐰𑑄 𑐮𑐶𑐳𑑅 𑐧𑐶𑐮 𑑋
𑐀𑐫𑑂 𑐄𑐎𑐶𑑄 𑐮𑐵 ? 𑐁𑐥𑐵𑐮𑑄 𑐳𑐸𑐨𑐵𑐫𑑂 𑐳𑐸𑐬𑑂𑐡𑑂𑐫𑑅 𑑋𑐠𑑂𑐰 𑐏𑑃 𑐖𑐶𑑄 𑐳𑐎𑐳𑐶𑐟𑑄 𑐢𑐵𑐫𑐾 𑑋 𑐀𑐮𑐾 𑐳𑐎𑐮𑐾𑑄 𑐖𑐵𑐣𑐵𑑅 𑐠𑐸𑐐𑐸 𑐥𑑄𑐐𑑅 𑐔𑐶𑐂𑐎𑐵 𑐕𑑂𑐰𑐫𑐾 ” 𑐴𑐶𑐳𑐶𑑄 𑐢𑐵𑐮 𑑋
“𑐟𑐳𑐎𑑄 𑐧𑐵𑑄𑐮𑐵𑑅 , 𑐨𑐶𑑄𑐟𑐸𑐣𑐵 𑐡𑐸 𑑋 𑐕𑑄 𑐫𑐵𑐎𑐣 𑐖𑑂𑐫𑑄𑐎𑐶𑐐𑐸 𑐮𑑃𑐥𑐸 𑐩𑐵𑐮𑐵𑑅 𑐗𑐷 𑐴𑐵𑐎𑐣𑑄 𑐫𑐵𑐎𑐣𑑄 𑐣𑐵𑐥 𑐮𑐵𑐫𑐾 𑑋 ” 𑐳𑐸𑐬𑑂𑐡𑑂𑐫𑐰𑑄 𑐢𑐵𑐮 𑑋
𑐴𑐶𑐳𑐶 𑐮𑐶𑐴𑐵𑑃 𑐰𑐮 𑑋

𑐴𑐶𑐳𑐶 𑐐𑐵𑐩𑐫𑑂 𑐮𑐶𑐠𑑂𑐫𑐣 𑑋 𑐀𑐮𑐾 𑐠𑑅𑐩𑑂𑐴𑑄 𑐳𑐶𑐂𑐎𑐵𑐐𑐸 𑐏𑑃 𑐎𑐣 𑑋
” 𑐗𑐷𑐳𑑄 𑐖𑑂𑐫𑐵𑐳𑐮𑑄 𑐥𑐶𑐴𑐵𑑃 𑐰𑐂𑐐𑐸 𑐢𑐹 𑐰 𑐎𑐸𑑃 𑐩𑑂𑐴𑑂𑐰 𑐫𑐵𑐫𑐾 𑐴𑐾 𑐩𑐵𑑅 𑑋 𑐗𑐷𑐳𑑄 𑐳𑐶𑐩𑐵 𑐥𑐶𑐟 𑐢𑐵𑑅𑐳𑐵 𑐦𑐳𑐫𑑂 𑐡𑐸𑐐𑐸 𑐢𑐹 𑐰 𑐎𑐸𑑃 𑐩𑑂𑐴𑑂𑐰 𑐫𑐵𑐫𑐾𑐟 𑐐𑑂𑐰𑐵𑐴𑐵𑐮𑐶 𑐫𑐵𑐂 𑑋 𑐄𑐎𑐶𑑄 𑐗𑐷𑐳𑑄 𑐫𑐎𑑂𑐰 𑐳𑐶𑐩𑐵 𑐥𑐶𑐂𑐩𑐵𑐮 ” 𑐴𑐶𑐳𑐶𑑄 𑐢𑐵𑐮 𑑋

𑐴𑐶𑐳𑐶𑐫𑐵 𑐐𑐵𑐩𑐫𑑂 𑐣𑐶𑐨𑐵𑑅 𑐖𑑅 𑐴𑐵𑐎𑐣𑑄 𑐏𑐮 𑑋 𑐐𑐵𑑄𑐫𑐵𑐥𑐶𑑄𑐳𑑄 𑐴𑐶𑐳𑐶𑐫𑐵𑐟 𑐳𑐸𑐨𑐵𑐫𑑂 𑐧𑐶𑐮 𑑋 𑐄𑐥𑐶𑑄 𑐳𑐎𑐮𑐾𑑄 𑐮𑐫𑑂‌𑐟𑐵𑐮 𑑋

𑐠𑑁𑑄 𑐎𑐣𑑂𑐴𑐫𑑂 𑐴𑐶𑐳𑐶𑑄 𑐩𑐾𑐐𑐸 𑐦𑐫𑑂‌𑐏𑑅 𑐡𑐫𑐾𑐎𑐵 𑐔𑑂𑐰𑐣 𑑋 𑐁𑑅𑐴𑐶𑐳𑐶𑑄 𑐠𑑂𑐰 𑐳𑐶𑐧𑐫𑑂 𑐟𑑅𑐖𑐶𑐐𑐸 𑐖𑑂𑐫𑐵 𑐫𑐵𑐣𑐵 𑐎𑑂𑐫𑐣𑐾 𑐟𑑂𑐫𑑄𑐐𑐸 𑐡𑐸 𑑋

Brought to you by

Let’s Read! is an initiative of The Asia Foundation’s Books for Asia program that fosters young readers in Asia. booksforasia.org
To read more books like this and get further information about this book, visit letsreadasia.org
Original Story
េបសកកម្មែស្វងរកពន្លឺ, Released under CC BY-NC 4.0.
This work is a modified version of the original story. © The Asia Foundation, 2019. Some rights reserved. Released under CC BY-NC 4.0.

For full terms of use and attribution, http://creativecommons.org/licenses/by-nc/4.0/
Contributing translators: Anil Sthapit, Madhav Shrestha, Pabitra
Kasa, and Niranjan Tamrakar