𑐕𑐸 𑐐𑐸𑐞 𑐡𑐸𑐥𑐶𑑄𑐳𑑄 𑐕𑐸 𑐧𑑂𑐰𑑄𑐳𑐵 𑐧𑐵𑑄𑐮𑐵𑐂

𑐠𑐸𑐥𑐶𑑄 𑐐𑐸𑐞 𑐡𑐸𑐥𑐶𑑄 𑐰𑐶𑐡𑑂𑐫𑐵𑐬𑑂𑐠𑐷𑑄 𑐎𑐩𑐬𑑂𑐳 𑐎𑐫𑐵𑑅 𑐧𑑂𑐰𑑄𑐳𑐵 𑐦𑐮𑐶𑐦𑐵𑐥 𑐖𑐸𑐂 –
𑑑) 𑐳𑑄𑐏𑑂𑐫𑐵 𑐣𑐵𑐥 𑐩𑑂𑐴𑐶𑐟𑐾 𑐣𑑂𑐴𑑂𑐫𑐵𑑅𑐳𑐵 (𑐎𑑂𑐫𑐵𑐮𑐎𑐸𑐮𑐾𑐱𑐣 𑐁𑐡𑐶)

𑑒) 𑐦𑐶𑐖𑐶𑐎𑑂𑐳 𑐎𑐾𑐩𑐾𑐳𑑂𑐚𑑂𑐬𑐷𑐂 𑐂𑐔𑑂𑐕𑐵 𑐴𑐾 𑐩𑐡𑐸𑐳𑐵

𑑓) 𑐎𑐟𑑂𑐟𑐵𑐎𑑂𑐎 𑐖𑑂𑐫𑐵 𑐫𑐵𑐫𑐾𑐐𑐸 𑐧𑐵𑐣𑐷 𑐡𑐸𑐳𑐵

𑑕) 𑐥𑐸𑐔𑑅 𑐣𑐵𑐥 𑐏𑐾𑐮𑐎𑐸𑐡 𑐩𑑂𑐴𑐶𑐟𑐾 𑐫𑑅𑐳𑐵

𑑖) 𑐠𑑅𑐐𑐸 𑐧𑐶𑐔𑐵𑑅 𑐥𑑂𑐬𑐲𑑂𑐚 𑐎𑐠𑑄 𑐩𑐾𑐥𑐶𑐣𑐶 𑐣𑑂𑐴𑑂𑐫𑑅𑐣𑐾 𑐠𑐸𑐂𑐎 𑐟𑐫𑐾𑐦𑐸𑐳𑐵 (𑐎𑑂𑐲𑑂𑐮𑐟𑐨𑐔𑐄𑐨𑐔𑐎𑐫𑐮𑐧 𑐶𑐎𑐥𑐲𑑂𑐶𑐶)

𑑗) 𑐠𑑅𑐟 𑐧𑐶𑐄𑐐𑐸 𑐖𑑂𑐫𑐵 𑐖𑐶𑐩𑑂𑐩𑐵 𑐎𑐫𑐵𑑅 𑐫𑐵𑐎𑐣𑑄 𑐰 𑐧𑐵𑑄𑐮𑐵𑐎 𑐫𑐵𑐫𑐾𑐐𑐸 𑐧𑐵𑐣𑐷 𑐡𑐸𑐳𑐵

𑑘) 𑐥𑐸𑐔𑑅 𑐣𑐵𑐥 𑐖𑑂𑐫𑐵 𑐫𑐵𑐫𑐾𑐧𑐮𑐫𑑂 𑐩𑐾𑐥𑐶𑑄𑐟 𑐣𑑄 𑐥𑑂𑐬𑑀𑐟𑑂𑐳𑐵𑐴𑐣 𑐧𑐶𑐫𑐵𑑅 𑐖𑑂𑐫𑐵 𑐫𑐵𑐎𑐾 𑐰 𑐫𑐵𑐎𑐾𑐦𑐸𑐳𑐵 𑑋

𑐠𑐸𑐥𑐶𑑄 𑐐𑐸𑐞 𑐡𑐸𑐥𑐶𑑄 𑐰𑐶𑐡𑑂𑐫𑐵𑐬𑑂𑐠𑐷𑑄 𑐁𑐬𑑂𑐚 𑐧𑑂𑐰𑑄𑐳𑐵 𑐦𑐮𑐶𑐦𑐵𑐥 𑐖𑐸𑐂
𑑑) 𑐕𑐸𑑄 𑐣𑑄 𑐳𑐦𑐹 𑐧𑐸𑐏𑑃 𑐧𑑂𑐰𑐣𑐾𑐐𑐸 𑐩𑐣 𑐡𑐸𑐳𑐵

𑑒) 𑐠𑐷𑐠𑐷 𑐳𑐵𑐴𑐶𑐟𑑂𑐫𑐶𑐎 𑐎𑐶𑐟𑐵𑐧, 𑐣𑑀𑐧𑐮 𑐰𑐵 𑐦𑐶𑐔𑐬𑑂𑐳 𑐳𑐦𑐹 𑐧𑑂𑐰𑐣𑐾 𑐩𑐵𑐳𑑂𑐟𑐶 𑐰𑑅𑐳𑐵

𑑓) 𑐣𑐾𑐥𑐵𑐮𑐷, 𑐩𑐵𑐟𑐺𑐨𑐵𑐲𑐵 𑐰𑐵 𑐀𑑄𑐐𑑂𑐬𑐾𑐖𑐷 𑐨𑐵𑐳𑐫𑑂 𑐡𑐏𑑂𑐏𑐮 𑐡𑐸𑐳𑐵

𑑔) 𑐳𑐺𑐖𑐣𑐵𑐟𑑂𑐩𑐎 𑐖𑑂𑐫𑐵𑐏𑑃 𑐫𑐵𑐣𑐵𑐔𑑂𑐰𑐣𑐾 𑐩𑐵𑐳𑑂𑐟𑐶 𑐰𑑅𑐳𑐵

𑑕) 𑐎𑐰𑐶𑐟𑐵, 𑐧𑐵𑐏𑑄, 𑐣𑐶𑐧𑐣𑑂𑐢, 𑐣𑐶𑐫𑐵𑐟𑑂𑐬𑐵 𑐔𑑂𑐰𑐫𑐾𑐐𑐸 𑐂𑐔𑑂𑐕𑐵 𑐡𑐸𑐳𑐵

𑑖) 𑐳𑐵𑐩𑐵𑐣𑑂𑐫 𑐖𑑂𑐘𑐵𑐣 𑐰 𑐳𑐩𑐳𑐵𑐩𑐫𑐶𑐎 𑐑𑐚𑐣𑐵𑐫𑑂 𑐂𑐔𑑂𑐕𑐵 𑐡𑐸𑐳𑐵

𑑗) 𑐁𑐏𑑅 𑐧𑑂𑐰𑐣𑐾𑐐𑐸 𑐧𑐵𑐴𑐾𑐎 𑐣𑑂𑐰𑐰𑐵𑐫𑐾𑐐𑐸, 𑐣𑑂𑐴𑐶𑐂𑐎𑐾𑐐𑐸, 𑐔𑐶𑐟𑑂𑐬𑐎𑐮𑐵, 𑐩𑑂𑐫𑐾𑑃 𑐴𑐵𑐮𑐾𑐐𑐸, 𑐥𑑂𑐫𑐵𑐏𑑄 𑐴𑐸𑐮𑐾𑐐𑐸 𑐂𑐔𑑂𑐕𑐵 𑐡𑐸𑐳𑐵

𑑘) 𑐳𑐩𑐵𑐖𑐫𑐵𑐟 𑐕𑐸𑑄 𑐎𑐶 𑐕𑐸𑑄 𑐫𑐵𑐣𑐵𑑅𑐎𑑂𑐫𑐣𑐾𑐐𑐸, 𑐳𑐩𑐵𑐖𑐫𑑂 𑐕𑐸𑑄 𑐣𑑄 𑐎𑐠𑑄𑐫𑐵 𑐳𑐎𑐵𑐬𑐵𑐟𑑂𑐩𑐎 𑐥𑐬𑐶𑐰𑐬𑑂𑐟𑐣 𑐴𑐫𑐾𑐐𑐸 𑐂𑐔𑑂𑐕𑐵 𑐡𑐸𑐳𑐵

𑑙) 𑐠𑑅𑐩𑑂𑐴𑑄 𑐫𑐵𑐣𑐵𑐔𑑂𑐰𑐣𑐵𑐐𑐸 𑐖𑑂𑐫𑐵𑐫𑑂 𑐠𑑅𑐎𑐾 𑐎𑐣𑑂𑐦𑐶𑐜𑐾𑐣𑑂𑐳 𑐡𑐸, 𑐂𑐮𑐫𑑂 𑐳𑐶𑐢𑐫𑐾𑐎𑐾 𑐦𑐸 𑐢𑐫𑐵𑐐𑐸 𑐁𑐟𑑂𑐩𑐰𑐶𑐱𑑂𑐰𑐵𑐳 𑐡𑐸𑐳𑐵

𑑑𑑐) 𑐢𑐿𑐬𑑂𑐫𑐟𑐵 𑐡𑐸𑐳𑐵, 𑐕𑐸𑑄 𑐣𑑄 𑐖𑑂𑐫𑐵 𑐫𑐵𑐫𑐾𑐧𑐮𑐫𑑂 𑐳𑑂𑐫𑑄𑐳𑐵𑑄, 𑐨𑐶𑑄𑐳𑐵𑑄, 𑐟𑐵𑑅𑐩𑐮𑐵𑑅𑐳𑐵𑑄, 𑐫𑐵𑐎𑐣𑑄 𑐖𑑂𑐫𑐵 𑐩𑐖𑐹𑐳𑐵𑑄 𑐢𑐿𑐬𑑂𑐫 𑐖𑐸𑐫𑐵𑑅 𑐖𑑂𑐫𑐵 𑐫𑐵𑐫𑐾𑐦𑐸𑐳𑐵 𑑋

𑐠𑐸𑐥𑐶𑑄 𑐐𑐸𑐞 𑐡𑐸𑐥𑐶𑑄 𑐰𑐶𑐡𑑂𑐫𑐵𑐬𑑂𑐠𑐷𑑄 𑐳𑐵𑐂𑐣𑑂𑐳 𑐎𑐫𑐵𑑅 𑐧𑑂𑐰𑑄𑐳𑐵 𑐦𑐮𑐶𑐦𑐵𑐥 𑐖𑐸𑐂
𑑑) 𑐁𑐏𑑅 𑐧𑑂𑐰𑐣𑐾𑐐𑐸𑐮𑐶𑐂 𑐢𑑂𑐫𑐵𑐣 𑐰 𑐩𑐣 𑐡𑐸𑐳𑐵, 𑑑 𑐑𑐞𑑂𑐚𑐵 𑑒 𑐑𑐞𑑂𑐚𑐵 𑐁𑐏𑑅 𑐧𑑂𑐰𑐣𑐵𑑅 𑐩𑑂𑐴𑐵𑐮𑑄𑐎𑐵 𑐢𑐵𑐫𑐾𑐐𑐸 𑐧𑐵𑐣𑐷 𑐩𑐡𑐸𑐳𑐵

𑑒) 𑐦𑐶𑐖𑐶𑐎𑑂𑐳, 𑐎𑐾𑐩𑐾𑐳𑑂𑐚𑑂𑐬𑐷, 𑐧𑐵𑐫𑑀𑐮𑑀𑐖𑐷, 𑐧𑑀𑐚𑐣𑐷 𑐰𑐶𑐲𑐫 𑐧𑑂𑐰𑐣𑐾𑐐𑐸 𑐟𑐷𑐰𑑂𑐬 𑐂𑐔𑑂𑐕𑐵 𑐡𑐸𑐳𑐵

𑑓) 𑐩𑑂𑐫𑐵𑐠𑐩𑑂𑐫𑐵𑐚𑐶𑐎𑑂𑐳 𑐰𑐶𑐲𑐫𑐫𑑂 𑐩𑐾𑐥𑐶𑑄 𑐳𑐶𑐧𑐾𑑄 𑐀𑐥𑑂𑐰𑑅 𑐖𑑂𑐘𑐵𑐣 𑐡𑐸𑐳𑐵, 𑐴𑐶𑐳𑐵𑐧 𑐫𑐵𑐣𑐵𑑄 𑐟𑐸𑑄 𑐔𑑂𑐰𑐣𑐾𑐐𑐸 𑐂𑐔𑑂𑐕𑐵 𑐡𑐸𑐳𑐵

𑑔) 𑐁𑐰𑐶𑐲𑑂𑐎𑐵𑐬 𑐫𑐵𑐫𑐾𑐐𑐸, 𑐣𑑂𑐴𑐹𑐣𑑂𑐴𑐹𑐐𑐸 𑐥𑑂𑐬𑐰𑐶𑐢𑐶𑐫𑐵𑐟 𑐁𑐟𑑂𑐩𑐳𑐵𑐟 𑐫𑐵𑐫𑐾𑐐𑐸 𑐧𑐵𑐣𑐷 𑐡𑐸𑐳𑐵

𑑕) 𑐎𑐜𑐵 𑐩𑐾𑐴𑐣𑐟 𑐫𑐵𑐫𑐾𑐐𑐸 𑐂𑐔𑑂𑐕𑐵 𑐰 𑐧𑐵𑐣𑐷 𑐡𑐸𑐳𑐵

𑑖) 𑐡𑐾𑐱 𑐰𑐶𑐡𑐾𑐱𑐫𑑂 𑐰𑐶𑐖𑑂𑐘𑐵𑐣 𑐰 𑐥𑑂𑐬𑐰𑐶𑐢𑐶𑐫𑐵 𑐏𑑂𑐫𑐮𑐫𑑂 𑐖𑐸𑐫𑐵𑐔𑑂𑐰𑑄𑐐𑐸 𑐐𑐟𑐶𑐰𑐶𑐢𑐶 𑐳𑐷𑐎𑐾𑐐𑐸 𑐂𑐔𑑂𑐕𑐵 𑐡𑐸𑐳𑐵 𑐰𑐵 𑐠𑑅𑐐𑐸 𑐰𑐶𑐲𑐫𑐣𑐵𑐥 𑐳𑑂𑐰𑐵𑑅𑐐𑐸 𑐖𑑂𑐫𑐵 𑐐𑐣 𑐖𑐸𑐫𑐵𑐔𑑂𑐰𑑄𑐐𑐸 𑐡𑐸 𑐢𑐫𑐵𑐐𑐸 𑐳𑐷𑐎𑐾𑐐𑐸 𑐂𑐔𑑂𑐕𑐵 𑐡𑐸𑐳𑐵 𑑋

𑑗) 𑐥𑑂𑐬𑐰𑐶𑐢𑐶 𑐣𑐵𑐥 𑐜𑐶𑐖𑐶𑐚𑐮 𑐳𑑄𑐳𑐵𑐬𑐫𑐵 𑐧𑐵𑐬𑐾 𑐖𑑂𑐘𑐵𑐣 𑐎𑐵𑐮𑐧𑐶𑐮 𑐫𑐵𑐫𑐾𑐐𑐸 𑐂𑐔𑑂𑐕𑐵 𑐡𑐸𑐳𑐵

𑐡𑐎𑐮𑐫𑑂 𑐮𑐶𑐥𑐵, 𑐳𑐵𑐂𑐣𑑂𑐳, 𑐎𑐩𑐬𑑂𑐳, 𑐁𑐬𑑂𑐚𑐳 𑐠𑐸𑐥𑐶𑑄 𑐳𑑂𑐰𑐟𑐵𑑄 𑐳𑑄𑐎𑐵𑐫 𑐳𑐸𑑄 𑐳𑑂𑐰𑐫𑐵𑑄 𑐳𑐸𑑄 𑐎𑐩 𑐩𑐖𑐹, 𑐄𑐮𑐶 𑐴𑐾 𑐳𑑂𑐥𑐾𑐳 𑐡𑐸 𑑋 𑐳𑑂𑐰𑐟𑐵 𑐩𑐢𑑂𑐫𑐾 𑐣𑑂𑐴𑑂𑐫𑐵𑐐𑐸 𑐳𑑄𑐎𑐵𑐫𑐥𑐵𑐏𑐾𑑄 𑐣𑑄 𑐠𑑅𑐐𑐸 𑐰𑑂𑐫𑐎𑑂𑐟𑐶𑐟𑑂𑐰 𑐰𑐶𑐎𑐵𑐳 𑐫𑐵𑐫𑐾𑐦𑐸, 𑐩𑐵𑐟𑑂𑐬 𑐠𑐸𑐮𑐶 𑐎𑐶 𑐠𑑅𑐟 𑐠𑑅𑐩𑑂𑐴𑑄 𑐩𑑂𑐴𑐳𑐷𑐎𑐵𑑅 𑐖𑐎 𑐧𑑂𑐰𑐣𑐾𑐐𑐸 𑐫𑐵𑐫𑐾𑐩𑐵𑑅 𑑋 𑐠𑑅𑐎𑐾 𑐰 𑐰𑐶𑐲𑐫 𑐧𑑂𑐰𑐣𑐾𑐐𑐸 𑐣𑐶𑑄𑐟𑐶𑑄 𑐳𑑂𑐰𑐟𑐵 𑐐𑐸𑐞 𑐡𑐸 𑐎𑐶 𑐩𑐡𑐸, 𑐰 𑐣𑐶𑑄 𑐳𑑂𑐰𑐫𑐾𑐩𑐵𑑅 𑑋

𑐳𑑂𑐰𑐟𑐵 𑐐𑐸𑐞 – 𑐎𑑂𑐲𑐩𑐟𑐵 (Ability), Interest (𑐂𑐔𑑂𑐕𑐵) 𑐰 skills (𑐡𑐎𑑂𑐲𑐟𑐵) 𑑋 𑐠𑐸𑐮𑐶 𑐐𑐸𑐞 𑐧𑐵𑐬𑐾 𑐠𑑅𑐩𑑂𑐴𑑄 𑐴𑐾 𑐧𑐶𑐔𑐵𑑅 𑐫𑐵𑐣𑐵𑑅 𑐠𑑅𑐐𑐸 𑐫𑐵𑐟𑑂𑐬𑐵 𑐣𑑂𑐴𑑂𑐫𑐵𑐎𑐵𑐡𑐶𑐳𑑃, 𑐕𑐶𑐐𑐸 𑐳𑐦𑐮𑐟𑐵 𑐕𑐶𑐐𑐸 𑐴𑐾 𑐮𑑂𑐴𑐵𑐟𑐫𑑂 𑐡𑐸 𑑋 𑐕𑐶𑐟𑑅 𑐨𑐰𑐶𑐲𑑂𑐫𑐫𑐵𑐩𑑂𑐴 𑐳𑑂𑐫𑐮𑑂𑐮𑐵𑑅𑐩𑑂𑐴 𑐐𑐟𑐶𑐮𑐵𑑅𑐩𑑂𑐴 𑐰 𑐖𑑂𑐫𑐵𑐏𑑂𑐫𑐮𑐫𑑂 𑐡𑐸𑐩𑑂𑐴 𑐰𑑂𑐫𑐎𑑂𑐟𑐶𑐟𑑂𑐰 𑐎𑐠𑑄 𑐳𑑂𑐰𑐫𑐾 𑐡𑐫𑐾𑐩𑐵, 𑐣𑐵𑐥𑐮𑐵𑐫𑐾 𑐡𑐫𑐾𑐩𑐵, 𑐠𑑂𑐰 𑐴𑐾 𑐨𑐶𑑄𑐟𑐸𑐣𑐵 𑑋