𑐎𑑂𑐫𑐵𑐩𑑂𑐥𑐳𑐫𑑂‌ 𑐰𑐶𑐡𑑂𑐫𑐵𑐬𑑂𑐠𑐷 𑐨𑐬𑑂𑐣𑐵: 𑐄𑐟𑑂𑐟𑐬𑐡𑐵𑐫𑐷 𑐳𑐸 ?

𑐣𑐾𑐥𑐵𑐮𑐨𑐵𑐲𑐵 𑐳𑑂𑐣𑐵𑐟𑐎𑑀𑐟𑑂𑐟𑐬 𑐟𑐴 𑐰 𑐥𑐷.𑐊𑐔.𑐜𑐷. 𑐟𑐎𑐫𑐵 𑐀𑐢𑑂𑐫𑐫𑐣 𑐫𑐵𑐫𑐾𑐐𑐸 𑐀𑐰𑐳𑐬 𑐟𑑂𑐬𑐶.𑐰𑐶. 𑐥𑐵𑐏𑐾
𑐡𑐸𑐐𑐸 𑐕𑐐𑐹 𑐮𑐳𑐟𑐵𑐫𑐵 𑐏𑐾𑑃 𑐡𑐸 𑐠𑐾 𑐎𑑂𑐫𑐵𑐩𑑂𑐥𑐳 𑐎𑑂𑐫𑐵𑐩𑑂𑐥𑐳𑐫𑑂‌ 𑐣𑐾𑐥𑐵𑐮𑐨𑐵𑐲𑐵𑐫𑐵 𑐰𑐶𑐡𑑂𑐫𑐵𑐬𑑂𑐠𑐷 𑐥𑐶𑐣𑐶𑐐𑐸 𑐮𑑂𑐫𑐵𑐏𑑂𑐫𑑂‌
𑐡𑑃𑐫𑑂‌-𑐡𑐳 𑐩𑑂𑐴𑑀 𑐖𑐸𑐫𑐵𑐰𑐣𑐵𑐔𑑂𑐰𑐐𑐸 𑐡𑐸:𑐏𑐫𑐵 𑐏𑑃 𑐣𑑄 𑐡𑐸 𑑋 𑐠𑐣𑐠𑐵𑐫𑑂‌ 𑐮𑐵𑐎𑑂𑐎 𑐨𑐷 𑐎𑐰𑐶 𑐰𑐸𑐡𑑂𑐢 𑐳𑐵𑐫𑐹𑐩𑐶𑐫𑐵
“𑐥𑑂𑐫𑐵𑐫𑑂𑐔𑐵:𑐐𑐸 𑐧𑐵𑐐𑐩𑐟𑐶’ 𑐎𑐰𑐶𑐟𑐵 𑐗𑐮𑐗𑐮 𑐮𑐸𑐩𑐣𑐵𑐔𑑂𑐰𑐣𑐷 𑑋

𑐧𑐵𑐐𑐩𑐟𑐶𑐫𑐵 𑐠𑑁𑑄𑐫𑐵𑐐𑐸 𑐡𑐸𑐬𑑂𑐡𑐱𑐵 𑐠𑐾 𑐟𑐸 𑐎𑑂𑐫𑐵𑐩𑑂𑐥𑐳-𑐎𑑂𑐫𑐵𑐩𑑂𑐥𑐳𑐫𑑂‌ 𑐣𑐾𑐥𑐵𑐮𑐨𑐵𑐲𑐵𑐫𑐵 𑐰𑐶𑐡𑑂𑐫𑐵𑐬𑑂𑐠𑐷𑐥𑐶𑐣𑐶𑐐𑐸
𑐨𑐬𑑂𑐣𑐵𑐫𑐵 𑐀𑐰𑐳𑑂𑐠𑐵 𑐳𑑂𑐰𑐫𑐾𑐧𑐮𑐫𑑂‌ 𑐣𑐾𑐥𑐵:𑐫𑐵 𑐄𑐔𑑂𑐔 𑐱𑐶𑐎𑑂𑐲𑐵𑐫𑑂‌ 𑐣𑐾𑐥𑐵𑐮𑐨𑐵𑐲𑐵 𑐧𑑂𑐰𑐣𑐾𑐐𑐸 𑐧𑑂𑐰𑐎𑐾𑐐𑐸 𑐖𑑂𑐫𑐵 𑐣𑑄
‘𑐁: 𑐡𑐷 𑐮𑐵 𑐀𑐮𑐾 𑐡𑐷 𑐮𑐵’ 𑐰𑐿𑐠𑐾 𑐀𑐣𑐸𑐨𑐰 𑐖𑐸𑐂𑐢𑐸𑑄𑐎𑑂𑐐𑐸 𑐡𑐸 𑑋 𑐕𑐐𑐹 𑐣𑐶𑐐𑐹 𑐩𑑂𑐫𑐵𑐩𑑂𑐥𑐳𑐫𑑂‌ 𑐣𑐾𑐥𑐵𑐮𑐨𑐵𑐲𑐵
𑐰𑐶𑐡𑑂𑐫𑐵𑐬𑑂𑐠𑐷 𑐨𑐬𑑂𑐣𑐵 𑐥𑐹𑐬𑑂𑐞 𑐬𑐹𑐥॑ 𑐧𑐣𑑂𑐡 𑐖𑐹𑐐𑐸𑐮𑐶𑑄 𑐀𑐣𑐫𑐵𑐥𑐶 𑐥𑑂𑐬𑐵𑐢𑑂𑐫𑐵𑐥𑐎𑐥𑐶𑐳 𑐴𑐵𑐖𑐶𑐬 𑐖𑐎 𑐫𑐵𑐣𑐵 𑐟𑐮𑐧 𑐥𑑂𑐔𑐾
𑐫𑐵𑐣𑐵𑐔𑑂𑐰𑐣𑐾𑐩𑐵:𑐐𑐸 𑐡𑐸𑑅𑐏𑐡𑑂‌ 𑐀𑐰𑐳𑑂𑐠𑐵 𑐕𑐸 𑐡𑐿 𑐣𑑂𑐴𑐫𑑀𑐣𑐶𑐳𑐾𑑃 𑐧𑑂𑐰𑐮𑐣𑐾 𑐢𑐸𑐎𑑂𑐐𑐸 𑐡𑐸 𑑋 𑐠𑐖𑐵𑑅𑐐𑐸 𑐣𑑂𑐧𑐫𑑂‌ 𑐩𑐿𑐩𑐾𑐐𑐸
𑐎𑑂𑐫𑐵𑐩𑑂𑐥𑐳𑐫𑑂‌ 𑐣𑑄 𑐥𑐸𑐣𑐵𑐰𑐫𑐵𑐔𑑂𑐰𑑄𑐐𑐸 𑐡𑐸 𑑋 𑐣𑐾𑐥𑐵𑐮𑐨𑐵𑐲𑐵𑐫𑐵 𑐰𑐶𑐡𑑂𑐫𑐵𑐬𑑂𑐠𑐷𑐟 𑐕𑐩𑑂𑐴-𑐣𑐶𑐩𑑂𑐴 𑐖𑐎 𑐟𑐫𑐵: 𑐎𑐎𑑂𑐲𑐵
𑐎𑐫𑐵𑐔𑑂𑐰𑐣𑐾𑐩𑐵:𑐐𑐸 𑐩𑐕𑐵𑐮𑐵𑐥𑐸𑐐𑐸 (𑐰𑐵 𑐥𑑂𑐬𑐵𑐢𑑂𑐫𑐵𑐥𑐎𑐟𑐫𑑂‌ 𑐣𑐶𑐩𑑂𑐟𑐶 𑐀:𑐥𑐸𑐐𑐸 ?) 𑐀𑐰𑐳𑑂𑐠𑐵 𑐡𑐸 𑑋 𑐁𑐏𑐶𑐬 𑐠𑐠𑐾
𑐖𑐸𑐮 𑐕𑐵𑐫𑑂‌ ? 𑐠𑑂𑐰 𑐳𑐩𑐳𑑂𑐫𑐵 𑐢𑐿𑐐𑐸 𑐳𑐸𑐫𑐵𑐐𑐸 ? 𑐠𑑂𑐰 𑐳𑐩𑐳𑑂𑐫𑐵 𑐳𑐩𑐵𑐢𑐵𑐣𑐫𑐵 𑐣𑐶𑐩𑑂𑐟𑐶 𑐐𑐧𑐮𑐾𑑄 𑐣𑑄 𑐗𑐷
𑐳𑐴𑐮𑐴 𑐖𑐹𑐐𑐸 𑐡𑐸𑐮𑐵 ? 𑐳𑐴𑐮𑐴𑐫𑐵 𑐐𑑂𑐰𑐳𑐵: 𑐐𑑂𑐰𑐫𑐾𑐩𑐵:𑐐𑐸 𑐳𑐸𑐣𑐵 ? 𑐣𑐾𑐥𑐵𑐮𑐨𑐵𑐲𑐵𑐫𑐵 𑐎𑐾𑐣𑑂𑐡𑑂𑐬𑐷𑐫 𑐱𑐶𑐎𑑂𑐲𑐞
𑐰𑐶𑐨𑐵𑐐𑑄 𑐀𑐠𑐰𑐵 𑐠𑐷𑐠𑐷 𑐣𑐾𑐥𑐵𑐮𑐨𑐵𑐲𑐵𑐫𑐵 𑐳𑑄𑐑-𑐳𑑄𑐳𑑂𑐠𑐵𑐟𑐫𑐹𑐳𑑄 𑐀𑐠𑐰𑐵 𑐩𑐿𑐥𑐶𑐣𑑂𑐳 ?
𑐄𑐔𑑂𑐔 𑐱𑐶𑐎𑑂𑐲𑐵𑐫𑑂‌ 𑐣𑐾𑐥𑐵𑐮𑐨𑐵𑐲𑐵𑐫𑐵 𑐧𑑂𑐰𑐣𑐾 𑐧𑑂𑐰𑑄𑐎𑐾𑐐𑐸 𑐀𑐰𑐳𑑂𑐠𑐵 𑐔𑐹𑐮𑐵𑐎𑐾𑐐𑐸 𑐀𑐰𑐳𑑂𑐠𑐵 𑐳𑐶𑐬𑑂𑐖𑐣𑐵𑐫𑐵 𑐣𑐶𑐩𑑂𑐟𑐶
𑐀𑐧𑐮𑐾𑐫𑐵 𑐣𑐾𑐰𑐵: 𑐳𑐵𑐴𑐶𑐟𑑂𑐫𑐶𑐎𑐥𑐶𑑄 𑐐𑐸𑐎𑑂𑐠𑑄 𑐣𑑂𑐴𑑂𑐵𑐔𑐶𑐮, 𑐰 𑐨𑐷𑐐𑐸 𑐣𑑂𑐴𑐫𑑀𑐣𑐾 𑐂𑐟𑐶𑐴𑐵𑐳 𑐡𑐸 𑑋 𑐀𑐧𑐮𑐾 𑐠𑑁𑐠𑐢𑐾
𑐣 𑐠𑐸𑐮𑐶𑐩𑐔𑑂𑐕𑐶 𑐣𑐾𑐰𑐵𑑅 𑐧𑑁𑐡𑑂𑐢𑐶𑐎 𑐣𑐾𑐟𑐵𑐟 𑐡𑐸, 𑐣 𑐣𑐾𑐥𑐵𑐮𑐨𑐵𑐲𑐵𑐫𑐵 𑐴𑐾 𑐜𑐵𑐎𑑂𑐚𑐬 𑐥𑑂𑐬𑑀𑐦𑐾𑐳𑐬 𑐖𑐫𑐵;
𑐬𑐶𑐜𑐬- 𑐮𑐾𑐎𑐔𑐬𑐬 𑐖𑐸𑐫𑐵; 𑐩𑑂𑐴𑐶𑐟𑐾 𑐠𑐾 𑐎𑐎𑑂𑐲𑐵 𑐎𑑂𑐫𑐵: 𑐟𑐮𑐧 𑐣𑐫𑐾𑐐𑐸 𑐀𑐰𑐳𑐬 𑐴𑐾 𑐡𑐸 𑑋 𑐟𑐬 𑐠𑑁𑑄
𑐣𑐾𑐥𑐵𑐮𑐨𑐵𑐲𑐵𑐫𑐵 𑐥𑑂𑐬𑑀𑐦𑐾𑐳𑐬, 𑐬𑐶𑐜𑐬, 𑐮𑐾𑐎𑐔𑐬𑐬𑐟 𑐡𑐫𑐵:𑐣𑑄, 𑐣𑐾𑐟𑐵𑐟 𑐡𑐫𑐵: 𑐣𑑄 𑐥𑐟𑑂𑐬-𑐥𑐟𑑂𑐬𑐶𑐎𑐵𑐟 𑐡𑐫𑐵: 𑐣
𑐠𑐸𑐐𑐸 𑐳𑑄𑐎𑐚𑐫𑐵 𑐳𑑂𑐠𑐶𑐟𑐶𑐥𑑂𑐬𑐟𑐶 𑐳𑐸 𑐰𑑂𑐫𑐎𑑂𑐟𑐶 𑐔𑑂𑐫𑐹𑐟𑐵𑑅 𑐟:𑐐𑐸 𑐩𑐏𑐣𑐷𑐐𑐸𑐫𑐵 𑐎𑐵𑐬𑐞 𑐕𑐸 ? 𑐟𑐟:𑐢𑑄𑐐𑐸 𑐥𑐡𑐫𑑂‌
𑐔𑑂𑐰𑐣𑐾𑐐𑐸 𑐢𑐿𑐐𑐸 𑐕𑐸 ! 𑐀𑐣𑐸𑐟𑑂𑐟𑐬𑐡𑐵𑐫𑐷 𑐖𑐸𑐫𑐵 𑐖𑑂𑐫𑐵 𑐫𑐵𑐫𑐾𑐐𑐸 ! 𑐢𑐾𑐧𑐵 𑐎𑐩𑐵𑐫𑐾 𑐫𑐵𑐫𑐾𑐐𑐸, 𑐩𑑀𑐚𑐬 𑐐𑐫𑐾𑐐𑐸,
𑐧𑑄𑐐𑐮𑐵 𑐡𑐫𑐾𑐎𑐾𑐐𑐸 𑐖𑐎 𑐏:𑐮𑐵 !? 𑐠𑑁𑑄𑐫𑐵 𑐱𑐶𑐎𑑂𑐲𑐵𑐫𑐵 𑐄𑐡𑑂𑐡𑐾𑐱𑑂𑐫 𑐔𑐿𑐐𑐸 𑐴𑐾 𑐥𑐡𑐷𑐫 𑐡𑐵𑐫𑐶𑐟𑑂𑐰 𑐥𑐹𑐩𑐰𑐎𑐹𑐳𑐾 𑐠:𑐐𑐸
𑐣𑐶𑐖𑐷 𑐳𑑂𑐰𑐵𑐬𑑂𑐠 𑐖𑐎 𑐥𑐹𑐬𑑂𑐰𑐎𑐾𑐐𑐸 𑐏:𑐮𑐵 ? 𑐠𑐸𑐎𑐶𑐫𑐵 𑐮𑐶𑐳: 𑐧𑐶𑐂𑐐𑐸 𑐳𑐸𑐣𑐵𑑄 ? 𑐄𑐟𑑂𑐟𑐬𑐡𑐵𑐫𑐷 𑐳𑐸 !
𑐥𑑂𑐬𑐡𑐫𑑂‌ 𑐔𑑂𑐰𑐣𑐵 𑐠𑐾𑑄 𑐥𑐡 𑐎𑐠𑐫𑐵𑐐𑐸 𑐂𑐖𑑂𑐖𑐟 𑐐𑑁𑐬𑐰 𑐥𑑂𑐬𑐵𑐥𑑂𑐟𑐶𑐫𑐵 𑐣𑐶𑐩𑑂𑐟𑐶 𑐥𑐡 𑐀𑐣𑐸𑐳𑐵𑐬𑐫𑐵 𑐡𑐵𑐫𑐶𑐟𑑂𑐰 𑐣
𑐴𑐬𑐾𑐎𑐳𑐶𑐣𑑄 𑐥𑐹𑐬𑑂𑐰𑐎𑐾 𑐦𑐫𑐾𑐩𑐵; 𑑋 𑐥𑐺𑐡 𑐀𑐣𑐸𑐳𑐵𑐬𑐫𑐵 𑐖𑑂𑐫𑐵 𑐥𑐹𑐬𑐰𑐾𑐎𑐾 𑐩𑐦𑐸𑐳𑐵 𑐥𑐡 𑐬𑐵𑐖𑐷𑐣𑐵𑐩𑐵 𑐧𑐶𑐂𑐩𑐵:, 𑐧𑐶𑐂
𑐦𑐫𑐿𑐩𑐵: 𑑋 𑐫𑐡𑐶 𑐕𑐸𑑃 𑐣𑐶𑐬𑑂𑐞𑐫 𑐫𑐵𑐣𑐵 𑐖𑑂𑐫𑐵 𑐫𑐵𑐫𑐾 𑐩𑐦𑐸𑐳𑐵 𑐕𑐸 𑐖𑐸𑐂 𑐢𑐿𑐐𑐸 𑐁𑐱𑐵 𑐴𑐾 𑐐𑐸𑐎𑐲𑑄 𑐫𑐵𑐫𑐾𑐦𑐿 ?
𑐕.” _(𑐮𑑂𑐫𑐵: 5𑑒)