𑐀𑐱𑐶𑐮𑐵-LETS READ

‘𑐩𑐵𑐫𑐵 ! 𑐕𑑄 𑐕𑐸𑐎𑐶𑐫𑐵 𑐎𑐶𑐥𑐵 𑐡𑐫𑐾𑐎𑐵 ? 𑐕𑐎𑑅 𑐳𑑂𑐰𑐫𑐾 𑐳𑐵 !’ 𑐳𑐸𑐢𑐵 𑐩𑐶𑐳𑑄 𑐣𑑂𑐫𑐣𑐵𑐡𑐶𑐮 𑑋 ‘𑐖𑐶𑐩𑐶 𑐎𑐶𑐖𑐵 𑐰 𑐖𑐶𑐐𑐸 𑐎𑐶𑐥𑐵,’ 𑐖𑐶𑑄 𑐢𑐫𑐵 𑑋 ‘𑐐𑐫𑑂 𑐖𑐎 𑐧𑐵𑑄𑐮𑐵𑑅𑐐𑐸 𑐩𑐶𑐏𑐵 𑐡𑐫𑐾𑐎𑐹𑐐𑐸 ! 𑐠𑐸𑐐𑐸 𑐎𑐶𑐥𑐵𑐫𑐵 𑐧𑐵𑐬𑐾 𑐩𑐾𑐩𑐾𑐐𑐸 𑐏𑑃 𑐣𑑄 𑐎𑑃 𑐮𑐾 !’ 𑐳𑐸𑐢𑐵 𑐩𑐶𑐳𑑄 𑐢𑐫𑐵𑐡𑐶𑐮 𑑋 ‘𑐟𑐵𑑅𑐴𑐵𑐎𑐮𑑄 𑐢𑐵𑐫𑐾𑐐𑐸 𑐎𑐶 𑐔𑐶𑐴𑐵𑐎𑐮𑑄 ?’ 𑐖𑐶𑑄 𑐣𑑂𑐫𑐣𑐵 𑑋 ‘𑐟𑐵𑑅𑐴𑐵𑐎𑐮𑑄 𑐴𑐾 𑐢𑐵 𑐮𑐾 𑑋’ 𑐰𑐫𑑂‌𑐎𑐮𑑄 𑐢𑐫𑐵𑐡𑐶𑐮 𑑋

‘𑐠𑑂𑐰 𑐖𑐶𑐐𑐸 𑐧𑐵𑐏𑑄— 𑐔𑐷𑐢𑐶𑐎𑑅𑐩𑑂𑐴 𑐩𑐔𑐵 𑐕𑐩𑑂𑐴 𑐖𑐶𑐩𑐶 𑐩𑐵𑑄𑐫𑐵 𑐥𑑂𑐰𑐵𑐠𑐫𑑂 𑐡𑐸𑐧𑐮𑐫𑑂‌𑐫𑐵𑐐𑐸 𑐏𑑅 𑑋 𑐖𑐶 𑐟𑐳𑐎𑑄 𑐮𑐫𑑂‌𑐟𑐵𑐫𑐵𑐐𑐸 𑐏𑑅 𑑋 𑐖𑐶𑑄 𑐰 𑐩𑐔𑐵𑐣𑐵𑐥 𑐳𑐶𑐩𑐵 𑐐𑐫𑐾𑐐𑐸, 𑐥𑐵𑐔𑐶𑐣𑐾𑐐𑐸, 𑐠𑐷𑐠𑐷 𑐎𑐠𑑄𑐫𑐵 𑐰𑐳𑑅 𑐥𑐸𑐣𑐾𑐐𑐸 𑐰 𑐳𑐵𑐂𑐎𑐮𑐫𑑂 𑐔𑑂𑐰𑐣𑐵𑑅 𑐔𑐵𑑅𑐴𑑂𑐫𑐹 𑐰𑐣𑐾𑐐𑐸 𑐧𑐶𑐔𑐵𑑅 𑐫𑐵𑐣𑐵 𑑋’

𑐕𑐾𑑃𑐫𑑂 𑐩𑐵𑑄𑐫𑐵𑐟 𑐖𑐶𑑄 𑐟𑐳𑐎𑑄 𑐳𑐸𑐳𑐵𑑅𑐎𑐸𑐳𑐵𑑅 𑐫𑐵𑐣𑐵 𑑋 𑐖𑐶𑑄 𑐟𑑂𑐰𑐣𑐾𑐟 𑐮𑑅 𑐴𑐫𑐵𑐧𑐷𑐐𑐸, 𑐗𑑂𑐫𑐵𑐮𑐫𑑂 𑐥𑐬𑑂𑐡𑐵 𑐟𑐫𑐵𑐧𑐷𑐐𑐸 𑐰 𑐩𑐟 𑐳𑑂𑐫𑐵𑐣𑐵 𑐧𑐷𑐐𑐸 𑐖𑑂𑐫𑐵 𑐫𑐵𑐣𑐵 𑐧𑐷𑐐𑐸 𑑋 𑐩𑐵𑑄𑐫𑐵 𑐩𑑂𑐴 𑐣𑑂𑐫𑑅𑐐𑐸 𑐏𑐣𑐵𑑅 𑐔𑐵𑐣𑑂𑐴𑐫𑑂 𑐖𑐶𑐟𑑅 𑐧𑐵𑐏𑑄 𑐎𑐣𑐾𑐩𑑂𑐰𑐵𑑅 𑐢𑐵𑐫𑐾𑐐𑐸 𑑋 𑐕𑐣𑑂𑐴𑐸 𑐖𑐶𑑄 𑐩𑐵𑑄𑐫𑐵𑐟 𑐢𑐫𑐵, ‘𑐫𑐩𑐵𑑄 ! 𑐩𑐔𑐵 𑐳𑐸𑐬𑐸𑐎𑑂𑐎 𑐧𑑃𑐫𑑂 𑐎𑐸𑐟𑐸𑑄𑐰𑐂 𑐀𑐮𑐾 𑐰𑐫𑐵𑐟 𑐳𑑂𑐫𑐵𑐂 𑐣𑐶 !’ 𑐩𑐵𑐩𑑄 𑐢𑐫𑐵𑐡𑐶𑐮, ‘𑐩𑐏𑐸, 𑐀𑐳𑑂𑐥𑐟𑐵𑐮𑐫𑑂 𑐰𑐣𑐾𑐢𑐸𑑄𑐎𑐵𑑅 𑐖𑐎 𑐩𑐔𑐵 𑐧𑐸𑐂 𑐩𑐵𑐫𑐵 ! 𑐩𑐔𑐵 𑐀𑐠𑐾𑑄 𑐥𑐶𑐴𑐵𑑄𑐰𑐂 𑐩𑐏𑐸 𑑋 𑐜𑐵𑐎𑑂𑐚𑐬 𑐰 𑐣𑐬𑑂𑐳𑐟𑐫𑑂‌𑐳𑑄 𑐩𑐔𑐵𑐫𑐵 𑐳𑐸𑐳𑐵𑑅𑐎𑐸𑐳𑐵𑑅 𑐫𑐵𑐂 𑑋’𑐩𑐔𑐵 𑐮𑐸𑐩𑐣𑐷𑐧𑐮𑐫𑑂 𑐖𑐶𑐟𑑅 𑐧𑑂𑐰𑐣𑐾𑐎𑐸𑐠𑐶𑐂 𑐣𑑄 𑐣𑑂𑐴𑑂𑐫𑐂𑐥𑐸𑐳𑐾 𑐔𑑂𑐰𑐣𑐷𑐐𑐸 𑑋 𑐟𑐬 𑐠𑑂𑐰 𑐏𑑃 𑐖𑐶𑑄 𑐥𑐵𑐳𑐵𑐥𑐶𑐣𑑂𑐟 𑐎𑐣𑐾𑐦𑐸𑐐𑐸 𑐩𑐡𑐸𑐣𑐶 𑑋

𑐕𑐣𑑂𑐴𑐸 𑐀𑐧𑐸𑑄 𑐩𑐸𑐮𑐫𑑂 𑐟𑐫𑐵𑑅 𑐖𑐶𑐟𑑅 𑐢𑐵𑐮, ‘𑐩𑐵𑐫𑐵 𑐕𑑄 𑐳𑑂𑐫𑐹 𑐮𑐵 ! 𑐩𑐵𑐩𑑄 𑐩𑑂𑐴𑑂𑐫𑐵𑐫𑑂 𑐧𑐸𑐂𑐎𑐮 𑐢𑐵𑑅𑐳𑐵 𑐰 𑐕 𑐠𑐾𑑄 𑐴𑐾 𑐔𑑂𑐰𑐣𑐷 𑑋 𑐎𑐵𑐫𑑂 𑐧𑐸𑐮 𑐢𑐵𑑅𑐳𑐵 𑐎𑐎𑐵𑐫𑐵 𑐎𑐵𑐫𑑂 𑐣𑐶𑐎𑑀 𑐠𑐾𑑄 𑐔𑑂𑐰𑐣𑐷 𑑋’ 𑐖𑐶𑑄 𑐢𑐫𑐵, ‘𑐩𑐏𑐸 𑐀𑐧𑐸 ! 𑐰 𑐩𑐔𑐵 𑐣𑐶𑐎𑑀 𑐠𑐾𑑄 𑐖𑐸𑐂𑐩𑐏𑐸 𑑋 𑐰 𑐮𑐵 𑐖𑐶 𑐠𑐾𑑄 𑐴𑐾 𑐔𑑂𑐰𑐣𑐷 𑑋 𑐖𑐶𑐥𑐶𑑄 𑐣𑐵𑐥𑑄 𑐳𑐶𑐩𑐵 𑐐𑐫𑐾𑐐𑐸, 𑐥𑐵𑐔𑐶𑐣𑐾𑐐𑐸, 𑐠𑐷𑐠𑐷 𑐎𑐠𑑄𑐫𑐵 𑐰𑐳𑑅 𑐥𑐸𑐣𑐾𑐐𑐸 𑐰 𑐳𑐵𑐂𑐎𑐮𑐫𑑂 𑐔𑐵𑑅𑐴𑑂𑐫𑐹 𑐰𑐣𑐾𑐐𑐸 𑑋’

𑐕𑐣𑑂𑐴𑐸 𑐧𑑂𑐰𑐣𑐾𑐎𑐸𑐠𑐶𑐂 𑐖𑐶𑑄 𑐳𑐎𑐮 𑐥𑐵𑐳𑐵𑐥𑐶𑐣𑑂𑐟 𑐖𑐶𑐩𑐶 𑐎𑐾𑐴𑐾𑑃 𑐧𑐸𑐂𑐐𑐸 𑐏𑑃 𑐎𑐣𑐵 𑑋 𑐄𑐥𑐶𑑄 𑐟𑐳𑐎𑑄 𑐮𑐫𑑂‌𑐟𑐵𑐮 𑑋 𑐄𑐩𑐶𑐳𑑄 𑐢𑐵𑐮, ‘𑐖𑐶𑐩𑐶𑐟 𑐣𑑄 𑐕𑐶𑐩𑐶 𑐎𑐾𑐴𑐾𑑃𑐣𑐵𑐥 𑐩𑑂𑐴𑐶𑐟𑐎𑐾 𑐧𑑂𑐫𑐸 𑐣𑑂𑐴𑐶 !’ 𑐬𑐩𑐵 𑐩𑐶𑐳𑑄 𑐣𑑂𑐫𑐣𑐵𑐡𑐶𑐮, ‘𑐩𑐵𑐫𑐵 ! 𑐕𑐶𑐩𑐶 𑐩𑐵𑐩𑑄 𑐎𑐾𑐴𑐾𑑃 𑐴𑐾 𑐧𑐸𑐂𑐎𑐷 𑐢𑐂𑐐𑐸 𑐏𑑃 𑐕𑑄𑐟 𑐥𑐎𑑂𑐎𑐵 𑐖𑐹 𑐮𑐵 ?’ 𑐥𑐵𑐳𑐵𑐥𑐶𑐣𑑂𑐳𑑄 𑐣𑑂𑐫𑐣, ‘𑐕𑑄 𑐎𑐾𑐴𑐾𑑃𑐫𑐵 𑐣𑐵𑑄 𑐮𑑂𑐫𑐫𑐾 𑐢𑐸𑐣 𑐮𑐵 ?’

𑐕𑐾𑑃𑐫𑑂 𑐩𑐵𑐩𑑄 𑐢𑐫𑐵𑐡𑐶𑐮, ‘𑐗𑐷𑐳𑑄 𑐣𑐶𑐐𑐹 𑐣𑐵𑑄 𑐮𑑂𑐫𑐫𑐾𑐩𑐵𑑅 𑐩𑐵𑐫𑐵 ! 𑐕𑐐𑐹 𑐩𑑂𑐴𑑂𑐫𑐵𑐫𑑂‌𑐫𑐵 𑐣𑐶𑑄𑐟𑐶𑑄 𑐩𑐾𑐐𑐸 𑐎𑐵𑐫𑑂‌𑐫𑐵 𑐣𑐶𑑄𑐟𑐶𑑄 𑑋 𑐎𑐶𑐖𑐵 𑐧𑐹𑐳𑐵𑑄 𑐎𑐾𑐴𑐾𑑃 𑐧𑐹𑐳𑐵𑑄 𑐣𑑄 𑐗𑐷𑐎𑐾 𑐣𑐶𑐐𑐹 𑐣𑐵𑑄 𑐡𑐂 𑑋’ 𑐖𑐶𑑄 𑐢𑐫𑐵, ‘𑐩𑐏𑐸 𑐩𑐵𑑄 ! 𑐖𑐶𑐟𑑅 𑐮𑐵 𑐎𑐾𑐴𑐾𑑃 𑐴𑐾 𑐡𑐂𑐐𑐸 𑐖𑐸𑐂 𑑋 𑐖𑐶𑐥𑐶𑑄 𑐣𑐵𑐥𑑄 𑐳𑐶𑐩𑐵 𑐐𑐫𑐾𑐐𑐸, 𑐥𑐵𑐔𑐶𑐣𑐾𑐐𑐸, 𑐠𑐷𑐠𑐷 𑐎𑐠𑑄𑐫𑐵 𑐰𑐳𑑅 𑐥𑐸𑐣𑐾𑐐𑐸 𑐰 𑐳𑐵𑐂𑐎𑐮𑐫𑑂 𑐔𑐵𑑅𑐴𑑂𑐫𑐹 𑐰𑐣𑐾𑐐𑐸 𑑋’

𑐧𑑂𑐰𑐣𑐾𑐎𑐸𑐠𑐶𑐂 𑐖𑐶𑑄 𑐥𑐵𑐳𑐵𑐥𑐶𑐣𑑂𑐟 𑐢𑐫𑐵, ‘𑐖𑐶𑑄 𑐠𑑅 𑐎𑐾𑐴𑐾𑑃𑐫𑐵 𑐣𑐶𑑄𑐟𑐶𑑄 𑐣𑐵𑑄 𑐮𑑂𑐫𑐫𑐵 𑐣𑐶 𑑋 𑐀𑐱𑐶𑐮𑐵 𑑋’ 𑐄𑐩𑐶𑐳𑑄 𑐢𑐵𑐮, ‘𑐐𑐸𑐮𑐶 𑐧𑐵𑑄𑐮𑐵𑑅𑐐𑐸 𑐣𑐵𑑄, 𑐀𑐱𑐶𑐮𑐵 !’

𑐩𑐔𑐵 𑐧𑐸𑐂𑐎𑐸𑐣𑑂𑐴𑐸 𑐀𑐳𑑂𑐥𑐟𑐵𑐮𑐫𑑂 𑐰𑐣𑐵𑑅 𑐎𑐾𑐴𑐾𑑃𑐫𑐵𑐟 𑐳𑑂𑐰𑐫𑐾𑐟 𑐖𑐶 𑐟𑐳𑐎𑑄 𑐴𑐠𑐵𑐫𑑂 𑐔𑐵𑐮 𑑋 𑐟𑐬 𑐀𑐧𑐸𑑄 𑐢𑐫𑐵𑐡𑐶𑐮, ‘𑐩𑐔𑐵 𑐮𑐵 𑐎𑐾𑐴𑐾𑑃 𑐩𑐏𑐸 𑐏𑐣𑐷𑐳𑐵 𑐣𑐵𑐣𑐸 !’ 𑐖𑐶𑑄 𑐩𑐔𑐵𑐫𑐵𑐟 𑐳𑑂𑐰𑐫𑐵 𑑋 𑐎𑐶𑐖𑐵 𑐢𑐎𑐵𑑅 𑐮𑐵𑐣𑐵𑐔𑑂𑐰𑐣 ! 𑐖𑐶𑐟𑑅 𑐰 𑐫𑑅 𑐴𑐾 𑐩𑐫𑐮 𑑋 𑐖𑐶 𑐡𑐶𑐎𑑂𑐎 𑐔𑐵𑐮 𑑋 𑐟𑑄 𑐣𑑄 𑐥𑐶𑐴𑐵𑑄𑐰𑐮 𑑋 𑐀𑐮𑐾 𑐖𑐶 𑐏𑑂𑐰𑐫𑐵 𑑋 𑐖𑐶𑑄 𑐎𑐶𑐖𑐵𑐫𑐵𑐟 𑐐𑐠𑐾 𑐩𑐵𑐫𑐵 𑐫𑐵𑐫𑐾𑐦𑐂 !

𑐀𑐧𑐸𑑄 𑐖𑐶𑐟𑑅 𑐑𑐫𑐾𑐥𑐸𑐣𑐵𑐡𑐶𑐮 𑑋 𑐟𑐵𑐄𑐟 𑐖𑐵𑐫𑑂‌𑐎𑐵𑑅 𑐖𑐶 𑐰𑐫𑑂‌𑐎𑑅𑐫𑐵 𑐴𑐾 𑐩𑐸𑐮𑐫𑑂 𑐡𑑂𑐫𑐣𑐵 𑑋

𑐎𑐣𑑂𑐴𑐫𑑂 𑐎𑐸𑐣𑑂𑐴𑐸 𑐣𑑄 𑐖𑐶𑐟𑑅 𑐩𑑂𑐴𑐵𑐂𑐥𑐸𑐮 𑑋 𑐖𑐶𑑄 𑐢𑐫𑐵, “𑐀𑐧𑐸 ! 𑐖𑐶𑐟𑑅 𑐀𑐱𑐶𑐮𑐵 𑐢𑐂𑐩𑑂𑐴 𑐎𑐾𑐴𑐾𑑃 𑐴𑐾 𑐩𑐵𑑅𑐐𑐸 𑑋 𑐖𑐶𑐥𑐶𑑄 𑐣𑐵𑐥𑑄 𑐳𑐶𑐩𑐵 𑐐𑐫𑐾𑐐𑐸, 𑐥𑐵𑐔𑐶𑐣𑐾𑐐𑐸, 𑐠𑐷𑐠𑐷 𑐎𑐠𑑄𑐫𑐵 𑐰𑐳𑑅

𑐥𑐸𑐣𑐾𑐐𑐸 𑐰 𑐳𑐵𑐂𑐎𑐮 𑐐𑐫𑐵𑑅 𑐔𑐵𑑅𑐴𑐶𑐮𑐾 𑐢𑐫𑐵𑐐𑐸 𑑋’𑐎𑐣𑑂𑐴𑐫𑑂 𑐎𑐸𑐣𑑂𑐴𑐸 𑐧𑑂𑐰𑐣𑐾𑐎𑐸𑐠𑐶𑐂 𑐰𑐣𑐵𑐧𑐮𑐫𑑂 𑐥𑐵𑐳𑐵𑐥𑐶𑑄𑐳𑑄 𑐖𑐶𑐎𑐾 𑐣𑑂𑐫𑐣, ‘𑐕𑑄 𑐕𑐶𑐩𑐶 𑐎𑐾𑐴𑐾𑑃𑐫𑐵𑐟 𑐏𑐣 𑐮𑐵 ?’ 𑐖𑐶𑑄 𑐏𑑂𑐰𑐏𑑂𑐰𑑄 𑐢𑐫𑐵, ‘𑐖𑐶𑐩𑐶 𑐮𑐵 𑐎𑐶𑐖𑐵 𑐢𑐎𑐵𑑅𑐳𑐵 𑐧𑐸𑐮 !’ 𑐀𑐮𑐾 𑐖𑐶𑑄 𑐬𑐩𑐵 𑐩𑐶𑐳𑐫𑐵𑐟 𑐢𑐫𑐵, ‘𑐖𑐶𑐟𑑅 𑐮𑐵 𑐎𑐶𑐖𑐵𑐫𑐵𑐐𑐸 𑐩𑐵𑐫𑐵 𑐴𑐾 𑐩𑐰𑑄 𑑋’

𑐩𑐶𑐳𑑄 𑐣𑑂𑐫𑐣, ‘𑐩𑐳𑑂𑐟 ! 𑐕𑐶𑐥𑐶𑑄 𑐩𑐢𑑂𑐫𑐾 𑐐𑑂𑐰𑑅𑐩𑑂𑐴𑐾𑐳𑑂𑐫𑐵 𑐎𑐾𑐴𑐾𑑃 𑐡𑐸 𑑋’ 𑐳𑑂𑐰𑐩𑑂𑐴 𑐩𑐶𑐖𑑄𑐩𑐳𑑂𑐟𑐳𑐾𑑄 𑐮𑑂𑐴𑐵𑑅 𑐮𑑂𑐴𑑂𑐰𑐣 𑑋 ‘𑐕𑐶𑐩𑐶𑐟 𑐕𑐶𑐩𑐶 𑐎𑐾𑐴𑐾𑑃𑐫𑐵 𑐩𑐵𑐫𑐵 𑐰𑑄 𑐮𑐵 ?’ 𑐩𑐶𑐳𑑄 𑐣𑑂𑐫𑐣 𑑋 𑐳𑑂𑐰𑐩𑑂𑐴𑑄 𑐩𑐶𑐖𑑄𑐩𑐳𑑂𑐟𑐳𑐾𑑄 𑐕𑐐𑐹 𑐴𑐾 𑐳𑐮𑑄 𑐢𑐵𑐮, ‘𑐩𑐵𑐫𑐵 𑐰𑑄 !’

𑐖𑐶𑑄 𑐢𑐫𑐵, ‘𑐖𑐶𑐟𑑅 𑐣𑑄 𑐎𑐾𑐴𑐾𑑃 𑐡𑐸𑐐𑐸 𑐖𑐹𑐳𑐵 𑐮𑐵 𑐩𑐵𑐫𑐵 𑐰𑐣𑐷 𑐣𑐶 ! 𑐖𑐶𑐥𑐶𑑄 𑐣𑐵𑐥𑑄 𑐳𑐶𑐩𑐵 𑐐𑐫𑐾𑐐𑐸, 𑐥𑐵𑐔𑐶𑐣𑐾𑐐𑐸, 𑐠𑐷𑐠𑐷 𑐎𑐠𑑄𑐫𑐵 𑐰𑐳𑑅 𑐥𑐸𑐣𑐾𑐐𑐸 𑐰 𑐳𑐵𑐂𑐎𑐮 𑐐𑐫𑐵𑑅 𑐔𑐵𑑅𑐴𑑂𑐫𑐹 𑐰𑐣𑐾 𑐢𑐫𑐵𑐐𑐸 !’

𑐰𑐫𑐵𑑄 𑐮𑐶𑐥𑐵 𑐬𑐩𑐵 𑐩𑐶𑐳𑑄 𑐩𑐶𑐳𑐵𑐩𑐳𑑂𑐟𑐫𑑂‌𑐎𑐾 𑐣𑑂𑐫𑐣, ‘𑐩𑐳𑑂𑐟 ! 𑐕𑐶𑐥𑐶𑑄 𑐩𑐢𑑂𑐫𑐾 𑐐𑑂𑐰𑑅𑐩𑑂𑐴𑐾𑐳𑐶𑐫𑐵 𑐎𑐶𑐖𑐵 𑐡𑐸 ?’ 𑐥𑑂𑐫𑐩𑑂𑐴𑐾𑐳𑑂𑐫𑐵𑑄 𑐮𑑂𑐴𑐵𑑅 𑐮𑑂𑐴𑑂𑐰𑐣 𑑋 𑐂𑐬𑐵𑑄 𑐢𑐵𑐮, ‘𑐖𑐶𑑄 𑐖𑐶𑐩𑐶 𑐎𑐶𑐖𑐵𑐫𑐵𑐟 𑐐𑐸𑐮𑐶 𑐩𑐵𑐫𑐵 𑐫𑐵𑐣𑐵 𑑋 𑐰𑑄 𑐥𑐵𑐔𑐶𑐣𑐷𑐐𑐸 𑐐𑐸𑐮𑐶 𑐫𑐂𑐥𑐸𑐳𑐾 𑐔𑑂𑐰𑑄 !’ 𑐖𑐶𑑄 𑐢𑐫𑐵, ‘𑐖𑐶𑐩𑐶 𑐎𑐶𑐖𑐵𑑄 𑐮𑐵 𑐖𑐶𑐟𑑅 𑐥𑐵 𑐴𑐾 𑐔𑐶𑐣𑐶𑐂 𑐩𑐏𑐸 !’ 𑐂𑐬𑐵𑑄 𑐢𑐵𑐮, ‘𑐟𑑅𑐢𑐶𑐎𑑅 𑐖𑐸𑐮𑐎𑐶 𑐥𑐵 𑐴𑐾 𑐔𑐶𑐂 𑐣𑐶 𑐩𑐵𑐫𑐵 !’

𑐰𑐎𑐸𑐣𑑂𑐴𑐸 𑐕𑐾𑑃𑐫𑑂 𑐠𑑂𑐫𑐣𑐾𑐰𑑄 𑐧𑑂𑐰𑐵𑑃𑐫𑑂 𑐰𑐣𑐵𑑅 𑐖𑐶𑑄 𑐠𑑅 𑐎𑐶𑐖𑐵𑐫𑐵𑐟 𑐳𑑂𑐰𑑅𑐰𑐣𑐵 𑑋 𑐰 𑐟𑐳𑐎𑑄 𑐔𑐷𑐢𑐶𑐎𑑅 𑑋 𑐖𑐶𑐟𑑅 𑐫𑑅 𑐟𑐵𑐮 𑑋 𑐰𑐫𑐵𑐐𑐸 𑐔𑐶𑐔𑐶𑐥𑐵𑐐𑐸 𑐮𑑂𑐴𑐵𑐟𑑄 𑐖𑐶𑐟𑑅 𑐥𑐵𑐔𑐶𑐣𑐾𑐟 𑐳𑑂𑐰𑑅𑐐𑐸 𑐠𑐾𑑄 𑐟𑐵𑐮 𑑋

𑐩𑐵𑑄 𑐎𑑂𑐰𑐠𑐵𑐫𑑂 𑐡𑐸𑐴𑐵𑑄 𑐗𑐵𑐮 𑑋 𑐳𑐸𑑄𑐎 𑐖𑐶𑐩𑐶𑐟 𑐳𑑂𑐰𑐫𑐵𑐔𑑂𑐰𑐣 𑑋 𑐀𑐮𑐾 𑐎𑐶𑐖𑐵𑐫𑐵𑐟 𑐧𑐸𑐫𑐵𑑅 𑐖𑐶𑐐𑐸 𑐩𑐸𑐮𑐫𑑂 𑐟𑐫𑐵𑐧𑐶𑐮 𑑋 𑐎𑐶𑐖𑐵𑐫𑐵𑐟 𑐮𑐶𑐎𑑂𑐎𑑄 𑐳𑑂𑐰𑐫𑐵𑐧𑐮𑐫𑑂 𑐰 𑐖𑐶 𑐣𑐵𑐥 𑐣𑑂𑐴𑐶𑐄𑐐𑐸 𑐠𑐾𑑄 𑐟𑐵𑐮 𑑋𑐰𑐫𑐵𑐟 𑐟𑐵𑐄𑐟 𑐟𑐎 𑐳𑑂𑐰𑐫𑐵𑑅 𑐢𑐫𑐵, ‘𑐗𑐷𑐥𑐶𑑄 𑐣𑐵𑐥𑑄 𑐳𑐶𑐩𑐵 𑐐𑐫𑐾𑐐𑐸, 𑐥𑐵𑐔𑐶𑐣𑐾𑐐𑐸, 𑐠𑐷𑐠𑐷 𑐎𑐠𑑄𑐫𑐵 𑐰𑐳𑑅 𑐥𑐸𑐣𑐾𑐐𑐸 𑐰 𑐳𑐵𑐂𑐎𑐮 𑐐𑐫𑐵𑑅 𑐔𑐵𑑅𑐴𑑂𑐫𑐹 𑐰𑐣𑐾𑐐𑐸 𑐣𑑂𑐴𑐶 𑐧𑐵𑐧𑐸 !’

𑐠𑑁𑑄𑐎𑐣𑑂𑐴𑐫𑑂 𑐖𑐶𑐩𑐶 𑐔𑐷𑐢𑐶𑐎𑑅𑐩𑑂𑐴 𑐎𑐶𑐖𑐵 𑐳𑑂𑐰𑐡𑑃 𑐡𑐟 𑑋 𑐖𑐶𑐩𑐶𑐳𑑄 𑐩𑑂𑐴𑐶𑐐𑑅 𑐠𑐷𑐠𑐷 𑐎𑐠𑑄𑐫𑐵 𑐰𑐳𑑅 𑐥𑐸𑐣𑐵 𑑋 𑐳𑑂𑐰𑐫𑐵𑐡𑐶𑐳𑑃 𑐳𑐵, 𑐰𑑄 𑐖𑐶𑐐𑐸 𑐰𑐳𑑅 𑐥𑐸𑐣𑐵𑐟𑑅𑐐𑐸 𑐡𑐸 ! 𑐐𑐸𑐮𑐶 𑐮𑑂𑐰𑑅 𑐴𑐮𑐵 𑑋

 

Brought to you by
Let’s Read! is an initiative of The Asia Foundation’s Books for Asia
program that fosters young readers in Asia. booksforasia.org
To read more books like this and get further information about
this book, visit letsreadasia.org
Original Story
अȳशला, author: शाÊता दɟȴ³त. Released under CC BY-NC 4.0.
This work is a modified version of the original story. © The Asia
Foundation, 2019. Some rights reserved. Released under CC
BY-NC 4.0.
For full terms of use and attribution,
http://creativecommons.org/licenses/by-nc/4.0/
Contributing translators: Anil Sthapit, Bipin Kapali, and Sharad
Kasa