𑐀𑐩𑐺𑐟𑐫𑐵 “𑐣𑐾𑐥𑐵𑐮𑐎𑐵 𑐨𑐵𑐲𑐵𑐴𑐬𑐹” 𑐥𑐶𑐡𑐣

𑐣𑐾𑐳𑑄 𑑑𑑑𑑔𑑔 𑐘𑐮𑐵𑐠𑑂𑐰 𑑒, 𑐫𑐾𑑃 𑑋 𑐨𑐵𑐲𑐵𑐰𑐶𑐡 𑐀𑐩𑐺𑐟 𑐫𑑀𑐣𑑂𑐖𑐣𑐫𑐵 ”𑐣𑐾𑐥𑐵𑐮𑐎𑐵 𑐨𑐵𑐲𑐵𑐴𑐬𑐹“ 𑐥𑐶𑐡𑑄𑐐𑐸 𑐡𑐸 𑑋 𑐳𑐦𑐸𑐟𑐷 𑐣𑐾𑐥𑐵𑐮𑐫𑐵 𑑑𑑔𑑔 𑐨𑐵𑐲𑐵𑐫𑐵 𑐥𑐬𑐶𑐔𑐫𑐵𑐟𑑂𑐩𑐎 𑐰𑐶𑐰𑐬𑐞 𑐡𑐸𑐠𑑂𑐫𑐵𑐎𑐵𑐟𑑅𑐐𑐸 𑐡𑐸 𑑋 𑐣𑐾𑐥𑐵𑐮𑐫𑐵 𑐩𑐸𑐎𑑂𑐎𑑄 𑐮𑐶𑐥𑐶𑐫𑐵 𑐰𑐶𑐳𑑂𑐟𑐵𑐬𑐶𑐟 𑐔𑐬𑑂𑐔𑐵 𑐡𑐸𑑋 𑐣𑐾𑐥𑐵𑐮𑐫𑐵 𑐠𑐷𑐠𑐷 𑐨𑐵𑐲𑐵𑐫𑐵 𑐳𑐵𑐴𑐶𑐟𑑂𑐫-𑐳𑐶𑐬𑑂𑐖𑐣𑐵𑐫𑐵 𑐰𑐶𑐱𑑂𑐮𑐾𑐲𑐞 𑐡𑐸𑐠𑑂𑐫𑐵𑐎𑐵𑐟𑑅𑐐𑐸 𑐡𑐸 𑑋 𑐨𑐵𑐲𑐵𑐰𑐶𑐖𑑂𑐘𑐵𑐣, 𑐥𑑂𑐬𑐵𑐖𑑂𑐘𑐶𑐎 𑐰 𑐁𑐡𑐶𑐰𑐵𑐳𑐷 𑐖𑐣𑐖𑐵𑐟𑐷𑐟𑐫𑑂‌𑐳𑑄 𑐣𑑂𑐴𑑂𑐫𑐵𑐎𑐵𑐔𑑂𑐰𑑄𑐐𑐸 𑐨𑐵𑐲𑐵 𑐁𑐣𑑂𑐡𑑀𑐮𑐣𑐫𑐵 𑐮𑑂𑐫𑐵𑐏𑑄 𑐳𑐦𑐹 𑐩𑐴𑐟𑑂𑐰𑐥𑐹𑐬𑑂𑐞 𑐖𑐹𑐐𑐸 𑐟𑐵𑐫𑐾𑐎𑐵𑐟𑑅𑐐𑐸 𑐡𑐸 𑑋

𑐔𑑂𑐰𑐩𑐶 𑐫𑑀𑐣𑑂𑐖𑐣 𑐨𑐵𑐲𑐵 𑐁𑐫𑑀𑐐𑐫𑐵 𑑓 𑐣𑑄 𑐥𑑂𑐬𑐡𑐾𑐱𑐫𑐵 𑐣𑐶𑐰𑐬𑑂𑐟𑐩𑐵𑐣 𑐁𑐫𑐸𑐎𑑂𑐟 𑐏𑑅 𑑋 𑐰𑐫𑑂‌𑐎: 𑐨𑐵𑐲𑐵 𑐰𑐶𑐖𑑂𑐘𑐵𑐣 𑐀𑐢𑑂𑐫𑐫𑐣 𑐰 𑐨𑐵𑐲𑐵 𑐁𑐣𑑂𑐡𑑀𑐮𑐣𑐫𑑂 𑐣𑑄 𑐟𑐵𑑅𑐃 𑐣𑑂𑐴𑑂𑐫𑐰𑑄𑐣𑐶𑐳𑐾𑑄 𑐳𑐎𑐺𑐫 𑐖𑐸𑐫𑐵𑐡𑐷 𑑋 𑑓 𑐣𑑄 𑐥𑑂𑐬𑐡𑐾𑐱𑐫𑑂 𑐮𑐵𑐐𑐹 𑐖𑐹𑐐𑐸 𑐥𑑂𑐬𑐵𑐡𑐾𑐱𑐶𑐎 𑐨𑐵𑐲𑐵 𑐋𑐣 𑐡𑐫𑐾𑐎𑐹𑐐𑐸 𑐎𑐵𑐬𑑂𑐫𑐡𑐮𑐫𑑂 𑐫𑑀𑐣𑑂𑐖𑐣𑑄 𑐟𑐵𑐩𑐵𑑄𑐐 𑐳𑐩𑐸𑐡𑐵𑐫𑑄 𑐥𑑂𑐬𑐟𑐶𑐣𑐶𑐢𑐶 𑐫𑐵𑐣𑐵𑑅 𑐣𑐾𑐰𑐵𑑅 𑐳𑐩𑐸𑐡𑐵𑐫𑐫𑐵 𑐥𑑂𑐬𑐟𑐶𑐣𑐶𑐢𑐶𑐟𑑂𑐰 𑐫𑐵𑐣𑐵𑐡𑐷𑐩𑑂𑐴 𑐥𑑂𑐬𑐵. 𑐜𑐵. 𑐌𑐩𑐎𑐵𑐬𑐾𑐱𑑂𑐰𑐬 𑐱𑑂𑐬𑐾𑐲𑑂𑐛𑐮𑐶𑐳𑐾 𑐖𑐵𑐣𑐵𑑅 𑐖𑑂𑐫𑐵 𑐫𑐵𑐣𑐵𑐡𑐷𑐐𑐸 𑐏𑑅 𑑋

”𑐣𑐾𑐥𑐵𑐮𑐎𑐵 𑐨𑐵𑐲𑐵𑐴𑐬𑐹“ 𑐱𑐷𑐬𑑂𑐲𑐎 𑐳𑐦𑐹 𑐫𑐾𑑃𑐫𑐵 𑐥𑐸𑐳𑑂𑐟𑐎 𑐥𑐳𑐮𑐫𑑂 𑐣𑑂𑐫𑐵𑐫𑐾𑐐𑐸 𑐡𑐸 𑐢𑐫𑐵𑐟𑑅𑐐𑐸 𑐡𑐸 𑑋