HelpORG


𑐩𑐔𑐵 𑐔𑐶𑐣𑐵𑐏𑑃 𑐎𑐵𑐳𑐵𑐫𑐵 𑐳𑐶𑐬𑐥𑐵𑑅 𑐮𑑅𑐮𑑂𑐴𑐵𑐟
𑐫𑐾𑑃 – 𑐐𑑂𑐮𑑀𑐧𑐮 𑐣𑐾𑐥𑐵𑐮 𑐣𑐾𑐚𑐰𑐬𑑂𑐎 𑐰 𑐣𑐾𑐰𑐵𑑅 𑐊𑐔𑐜𑐷 𑐚𑐾𑐮𑐶𑐨𑐶𑐖𑐣𑐫𑐵 𑐩𑑄𑐎𑐵𑑅 𑐐𑑂𑐰𑐳𑐵𑐮𑐫𑑂 𑐖𑐹𑐐𑐸 𑐩𑐔𑐵 𑐔𑐶𑐣𑐵𑐏𑑃 𑐢𑐾𑑄𑐢𑐾𑑄𑐧𑐮𑑂𑐮𑐵𑑅 𑐎𑐵𑐳𑐵𑐫𑑂 𑐄𑐟𑑂𑐎𑐺𑐲𑑂𑐚 𑐖𑐹𑐥𑐶𑑄𑐟 𑐰𑑄𑐐𑐸 𑐕𑐸𑑄 𑐡𑐶𑑄 𑐣𑑂𑐴𑑂𑐫𑑅 𑐠𑐣𑐫𑐵 𑐣𑐾𑐥𑐵𑑅 𑐧𑑂𑐫𑐵𑑄𑐎𑑂𑐰𑐾𑐚𑐫𑑂 𑐖𑐹𑐐𑐸 𑐕𑐐𑐹 𑐖𑑂𑐫𑐵𑐗𑑂𑐰𑑅𑐫𑐵 𑐡𑐠𑐸𑐂 𑐳𑐶𑐬𑐥𑐵𑑅 𑐮𑑅𑐮𑑂𑐴𑐵𑐟 𑑋 𑐣𑐾𑐚𑐰𑐎𑐬𑑂𑐚𑐫𑐵 𑐎𑐖𑐶 𑐳𑐸𑐣𑐷𑐮𑐎𑐸𑐩𑐵𑐬 𑐱𑐵𑐎𑑂𑐫𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐖𑐹𑐐𑐸 𑐖𑑂𑐫𑐵𑐗𑑂𑐰𑑅𑐫𑐵 𑐩𑐹𑐥𑐵𑐴𑐵𑑄 𑐖𑐣𑐎𑐰𑐶 𑐡𑐸𑐬𑑂𑐐𑐵𑐮𑐵𑐮 𑐱𑑂𑐬𑐾𑐲𑑂𑐛𑑄 𑐳𑐶𑐬𑐥𑐵𑑅 𑐮𑑅𑐮𑑂𑐴𑐵𑐣𑐵𑐡𑐷𑐐𑐸 𑐏𑑅 𑑋 𑐩𑐹𑐴𑐵𑐥𑐵𑑄 𑐖𑐣𑐎𑐰𑐶 𑐱𑑂𑐬𑐾𑐲𑑂𑐛𑑄 𑐟𑑂𑐰𑐵𑑅𑐡𑐾𑐰𑐵𑐫𑑂 𑐩𑐟 𑐔𑑂𑐫𑐵𑐎𑐵𑑅 𑐄𑐮𑐾𑐖𑑂𑐫𑐵 𑐫𑐵𑐣𑐵𑐡𑐷𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐖𑐐𑐟𑐳𑐸𑐣𑑂𑐡𑐬 𑐧𑑂𑐰𑐣𑐾𑐎𑐸𑐠𑐶𑐫𑐵 𑐧𑑂𑐰𑑃𑐩𑐶𑐥𑐶𑑄𑐳𑑄 𑐣𑐾𑐰𑐵𑑅 𑐬𑐵𑐲𑑂𑐚𑑂𑐬𑐶𑐫 𑐩𑑂𑐫𑐾𑑃 𑐣𑑂𑐴𑑂𑐫𑐧𑑂𑐰𑑅𑐐𑐸 𑐏𑑅 𑑋 𑐣𑐾𑐚𑐰𑐬𑑂𑐎𑐫𑐵 𑐎𑐖𑐶𑐮𑐶𑐳𑐾𑑄 𑐣𑐾𑐰𑐵𑑅 𑐊𑐎𑐟𑐵 𑐀𑐨𑐶𑐫𑐵𑐣𑐫𑐵 𑐣𑑄 𑐎𑐖𑐶 𑐖𑐸𑐫𑐵𑐔𑑂𑐰𑐣𑐵𑐡𑐷𑐩𑑂𑐴 𑐱𑐵𑐎𑑂𑐫𑑄 𑐮𑐳𑐎𑐸𑐳 𑐫𑐵𑐣𑐵𑐡𑐷𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐩𑐔𑐵 𑐔𑐶𑐣𑐵𑐏𑑃 𑐢𑐾𑑄𑐢𑐾𑑄𑐧𑐮𑑂𑐮𑐵𑑅 𑐎𑐵𑐳𑐵𑐫𑐵 𑐮𑑂𑐫𑐖𑑂𑐫𑐵 𑐥𑐸𑐔𑑅𑐫𑐵 𑐎𑐖𑐶 𑐣𑐵𑑄𑐖𑐵𑑅𑐩𑑂𑐴 𑐳𑐵𑐴𑐶𑐟𑑂𑐫𑐎𑐵𑐬 𑐨𑐹𑐲𑐞𑐥𑑂𑐬𑐳𑐵𑐡 𑐱𑑂𑐬𑐾𑐲𑑂𑐛𑑄 𑐎𑐵𑐳𑐵𑐫𑑂 𑐄𑐟𑑂𑐎𑐺𑐲𑑂𑐚 𑐖𑐹𑐥𑐶𑑄 𑐩𑐳𑑂𑐟𑐫𑑂𑐐𑐸 𑐣𑐵𑑄 […]

𑐩𑐔𑐵 𑐔𑐶𑐣𑐵𑐏𑑃 𑐎𑐵𑐳𑐵𑐫𑐵 𑐳𑐶𑐬𑐥𑐵𑑅 𑐮𑑅𑐮𑑂𑐴𑐵𑐟


𑐫𑐾𑑃𑐫𑐵 𑐥𑐸𑐮𑐵𑑄𑐐𑐸 𑐰𑐶𑐡𑑂𑐫𑐵𑐮𑐫𑐫𑐵 𑐫𑑀𑐐𑐡𑐵𑐣
𑐫𑐾𑑃 – 𑐣𑐾𑐥𑐵𑐮𑐫𑑂 𑐱𑐶𑐎𑑂𑐲𑐵 𑐖𑐵𑐐𑐬𑐞𑐫𑐵 𑐖𑐐 𑐟𑐫𑐾𑐟 𑐰𑐶.𑐳𑑄. 𑑒𑑐𑑐𑑗 𑐫𑐵 𑐎𑑂𑐬𑐵𑐣𑑂𑐟𑐶 𑐮𑐶𑐥𑐵 𑐳𑑂𑐠𑐵𑐥𑐣𑐵 𑐫𑐵𑑅𑐐𑐸 𑐫𑐾𑑃𑐫𑐵 𑐥𑐸𑐮𑐵𑑄𑐐𑐸 𑐰𑐶𑐡𑑂𑐫𑐵𑐮𑐫𑐫𑐵 𑐩𑐴𑐟𑑂𑐰𑐥𑐹𑐬𑑂𑐞 𑐫𑑀𑐐𑐡𑐵𑐣 𑐡𑐫𑐵𑐔𑑂𑐰𑑄𑐐𑐸 𑐡𑐸 𑑋 𑐩𑑀𑐴𑐣𑐶, 𑐳𑑂𑐰𑐣𑑂𑐟𑐶, 𑐣𑐾𑐥𑐵𑐮 𑐳𑑄𑐰𑐟𑑂 𑐣𑑂𑐴𑐹𑐡𑑃 𑐰 𑐕𑐛 𑐥𑐬𑑂𑐰𑐫𑐵 𑐮𑐳𑐟𑐵𑐫𑑂 𑐠𑐣𑐫𑐵 𑐠𑑃𑐴𑐶𑐟𑐶𑐂 𑐔𑑂𑐰𑑄𑐐𑐸 𑐱𑐵𑐣𑑂𑐟𑐶 𑐱𑐶𑐎𑑂𑐲𑐵 𑐩𑐣𑑂𑐡𑐶𑐬𑐫𑑂 𑐐𑑂𑐰𑐳𑐵𑑅 𑐐𑑂𑐰𑑅𑐐𑐸 𑐨𑐶𑑄𑐟𑐸𑐣𑐵 𑐎𑐵𑐮𑐧𑐶𑐮 𑐖𑑂𑐫𑐵𑐗𑑂𑐰𑐮𑐫𑑂 𑐣𑐰𑐵𑐣𑐵𑐡𑐷𑐥𑐶𑑄 𑐰𑐎𑑂𑐟𑐵𑐟𑐫𑑂𑐳𑑄 𑐫𑐾𑑃𑐫𑐵 𑐥𑐸𑐮𑐵𑑄𑐐𑐸 𑐰𑐶𑐡𑑂𑐫𑐵𑐮𑐫𑐫𑐵 𑐫𑑀𑐐𑐡𑐵𑐣𑐫𑐵 𑐳𑑂𑐩𑐬𑐞 𑐫𑐵𑐣𑐵𑐡𑐷𑐐𑐸 𑐏𑑅 𑑋 𑐀𑐖𑑂𑐫𑐵𑑅𑐐𑐸 𑐰𑐶𑐡𑑂𑐫𑐵𑐮𑐫 𑐳𑑄𑐬𑐎𑑂𑐲𑐞 𑐫𑐵𑐫𑐾𑐟 𑐳𑐬𑐎𑐵𑐬, 𑐀𑐨𑐶𑐨𑐵𑐰𑐎 𑐰 𑐡𑐎𑑂𑐰𑑄 𑐥𑐎𑑂𑐲𑐫𑐵 𑐀𑐐𑑂𑐬𑐞𑐷 𑐨𑐹𑐩𑐶𑐎𑐵 𑐡𑐫𑐾𑐩𑐵𑑅𑐐𑐸 𑐏𑑃𑐫𑑂 𑐰𑐎𑑂𑐟𑐵𑐟𑐫𑑂𑐳𑑄 𑐧𑑅 𑐧𑐶𑐄𑐐𑐸 𑐡𑐸 𑑋 𑐥𑐸𑐮𑐵𑑄𑐐𑐸 𑐳𑑂𑐠𑐵𑐥𑐶𑐟 𑐰𑐶𑐡𑑂𑐫𑐵𑐮𑐫𑐩𑐢𑑂𑐫𑐾 𑐱𑐵𑐣𑑂𑐟𑐶 𑐱𑐶𑐎𑑂𑐲𑐵 𑐩𑐣𑑂𑐡𑐶𑐬 𑐩𑐵𑐢𑑂𑐫𑐩𑐶𑐎 𑐰𑐶𑐡𑑂𑐫𑐵𑐮𑐫, 𑐥𑐬𑑀𑐥𑐎𑐵𑐬 𑐩𑐵𑐢𑑂𑐫𑐩𑐶𑐎 𑐰𑐶𑐡𑑂𑐫𑐵𑐮𑐫, 𑐣𑐾𑐥𑐵𑐮 𑐁𑐡𑐬𑑂𑐱 𑐩𑐵𑐢𑑂𑐫𑐩𑐶𑐎 𑐰𑐶𑐡𑑂𑐫𑐵𑐮𑐫, 𑐎𑐵𑐣𑑂𑐟𑐶 𑐃𑐱𑑂𑐰𑐬𑐷 𑐩𑐵𑐢𑑂𑐫𑐩𑐶𑐎 𑐰𑐶𑐡𑑂𑐫𑐵𑐮𑐫, 𑐰𑐶𑐱𑑂𑐰 𑐣𑐶𑐎𑐾𑐟𑐣 𑐩𑐵𑐢𑑂𑐫𑐩𑐶𑐎 𑐰𑐶𑐡𑑂𑐫𑐵𑐮𑐫, […]

𑐫𑐾𑑃𑐫𑐵 𑐥𑐸𑐮𑐵𑑄𑐐𑐸 𑐰𑐶𑐡𑑂𑐫𑐵𑐮𑐫𑐫𑐵 𑐫𑑀𑐐𑐡𑐵𑐣


𑐴𑐮𑐶𑑄 𑐣𑐾𑐰𑐵𑑅 𑐐𑐸𑐠𑐶𑐫𑐵 𑐣𑐾𑐥𑐵𑐮𑐨𑐵𑐲𑐵 𑐳𑐵𑐴𑐶𑐟𑑂𑐫 𑐐𑑀𑐲𑑂𑐛𑐶
𑐎𑐶𑐥𑐹  – 𑐴𑐮𑐶𑑄 𑐣𑐾𑐰𑐵𑑅 𑐐𑐸𑐠𑐶 𑐐𑑅𑐕𑐾𑑃 𑐎𑐔𑐵 𑐎𑐶𑐥𑐹𑐫𑐵 𑐐𑑂𑐰𑐳𑐵𑐮𑐫𑑂 𑐰𑑄𑐐𑐸 𑐱𑐣𑐶𑐰𑐵𑑅 𑐣𑑂𑐴𑐫𑑂𑐎𑑂𑐰𑑅𑐐𑐸 𑐣𑐾𑐥𑐵𑐮𑐨𑐵𑐐𑐵𑐵 𑐳𑐵𑐴𑐶𑐟𑑂𑐫 𑐐𑑀𑐲𑑂𑐛𑐶 𑐖𑐸𑐮 𑑋 ‘𑐗𑐷𑐐𑐸 𑐐𑐸𑐠𑐶, 𑐗𑐷𑐐𑐸 𑐳𑐩𑑂𑐥𑐡𑐵’ 𑐢𑐂𑐐𑐸 𑐣𑐵𑐬𑐵 𑐧𑐶𑐫𑐵𑑅 𑐐𑑂𑐰𑐳𑐵𑑅 𑐐𑑂𑐰𑑅𑐐𑐸 𑐳𑐵𑐴𑐶𑐟𑑂𑐫 𑐐𑑀𑐲𑑂𑐛𑐶𑑄 𑐳𑑂𑐰𑐷𑐩𑑂𑐴𑑄 𑐩𑐮𑑂𑐫𑐵𑐎 𑐔𑑂𑐰𑐩𑐶𑐥𑐶𑑄𑐳𑑄 𑐠𑑅𑐠𑑅𑐐𑐸 𑐳𑐵𑐴𑐶𑐟𑑂𑐫𑐶𑐎 𑐬𑐔𑐣𑐵 𑐥𑐵𑐛 𑐫𑐵𑐣𑐵𑐡𑐷𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐮𑑀𑐎𑐎𑐰𑐶 𑐬𑐵𑐖𑐨𑐵𑐃 𑐖𑐎𑑅𑐩𑐶, 𑐩𑑀𑐎𑑂𑐲𑐧𑐴𑐵𑐡𑐸𑐬 𑐀𑐩𑐵𑐟𑑂𑐫, 𑐮𑐸𑐩𑐣𑑂𑐟𑐶 𑐔𑐶𑐟𑑂𑐬𑐎𑐵𑐬, 𑐧𑐳𑐣𑑂𑐟 𑐣𑐎𑑅𑐩𑐶, 𑐎𑐰𑐶𑐣𑑂𑐡𑑂𑐬𑐮𑐵𑐮 𑐥𑑂𑐬𑐢𑐵𑐣, 𑐟𑐾𑐖𑐎𑐺𑐲𑑂𑐞 𑐣𑐎𑑅𑐩𑐶, 𑐬𑐸𑐥𑐵 𑐱𑐵𑐴𑐷, 𑐥𑐶.𑐎𑐾. 𑐱𑑂𑐬𑐾𑐲𑑂𑐛, 𑐱𑐩𑑂𑐨𑐹𑐬𑐵𑐩 ‘𑐩𑐵𑐣𑑂𑐕𑐾’, 𑐰𑐶𑐣𑐶𑐟𑐵 𑐏𑐜𑑂𑐐𑐷, 𑐣𑐬𑐾𑐣𑐩𑐵𑐣 𑐩𑐴𑐬𑑂𑐖𑐣, 𑐳𑐸𑐰𑐬𑑂𑐞 𑐩𑐴𑐬𑑂𑐖𑐣, 𑐧𑐸𑐡𑑂𑐢𑐶𑐮𑐵𑐮 𑐖𑑂𑐫𑐵𑐥𑐸 𑐮𑐐𑐵𑐫𑐟𑐫𑐵 𑐔𑑂𑐰𑐩𑐶𑐥𑐶𑑄𑐳𑑄 𑐠𑑅𑐠𑑅𑐐𑐸 𑐬𑐔𑐣𑐵 𑐥𑐵𑐛 𑐫𑐵𑐣𑐵𑐡𑐷𑐐𑐸 𑐏𑑅 𑑋 𑐐𑐸𑐠𑐶𑐫𑐵 𑐐𑑅𑐕𑐾𑑃 𑐎𑐔𑐵𑐫𑐵 𑐣𑐵𑐫𑑅 𑐧𑐸𑐡𑑂𑐢𑐶𑐮𑐵𑐮 𑐖𑑂𑐫𑐵𑐥𑐸𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐖𑐹𑐐𑐸 𑐳𑐵𑐴𑐶𑐟𑑂𑐫 𑐐𑑀𑐲𑑂𑐛𑐶𑐫𑐵 𑐄𑐮𑐾𑐖𑑂𑐫𑐵 𑐮𑑀𑐎𑐎𑐰𑐶 𑐬𑐵𑐖𑐨𑐵𑐃 𑐖𑐎𑑅𑐩𑐶𑑄 𑐟𑑂𑐰𑐵𑑅𑐡𑐾𑐰𑐵𑐫𑑂 𑐩𑐟 𑐔𑑂𑐫𑐵𑐎𑐵𑑅 𑐫𑐵𑐣𑐵𑐡𑐷𑐐𑐸 𑐏𑑅 𑑋 […]

𑐴𑐮𑐶𑑄 𑐣𑐾𑐰𑐵𑑅 𑐐𑐸𑐠𑐶𑐫𑐵 𑐣𑐾𑐥𑐵𑐮𑐨𑐵𑐲𑐵 𑐳𑐵𑐴𑐶𑐟𑑂𑐫 ...



𑐣𑐾𑐰𑐵𑑅𑐟𑐫𑑂𑐳𑑄 𑐫𑐵𑑅𑐐𑐸 𑐱𑐿𑐎𑑂𑐲𑐶𑐎 𑐁𑐣𑑂𑐡𑑀𑐮𑐣
𑐣𑐾𑐰𑐵: 𑐀𑐣𑐮𑐵𑐂𑐣 𑐣𑑂𑐫𑐸𑐖 | 𑑒𑑐𑑗𑑖 𑐨𑐵𑐡𑑂𑐬 𑑒𑑑, 𑐱𑐣𑐶𑐧𑐵𑐬 𑑑𑑒:𑑐𑑒:𑑓𑑗 𑐳𑐵𑐣𑐸𑐬𑐵𑐖𑐵 𑐱𑐵𑐎𑑂𑐫 𑐣𑐾𑐰𑐵𑑅 𑐁𑐣𑑂𑐡𑑀𑐮𑐣𑐫𑐵 𑐥𑑂𑐬𑐵𑐬𑐩𑑂𑐨𑐶𑐎 𑐂𑐮𑑄𑐣𑐶𑐳𑐾𑑄 𑐴𑐾 𑐣𑐾𑐥𑐵𑐮𑐨𑐵𑐲𑐵𑑄 𑐱𑐶𑐎𑑂𑐲𑐵 𑐎𑐵𑐫𑑂𑐡𑐫𑑂𑐩𑐵𑑅𑐐𑐸 𑐏𑑃 𑐠𑑂𑐰𑐮 𑑋 𑐐𑐸𑐐𑐸 𑐖𑐵𑐟𑐶𑐫𑐵 𑐐𑐸𑐐𑐸 𑐨𑐵𑐲𑐵 𑐖𑐸𑐫𑐵𑐔𑑂𑐰𑐣 𑐄𑐐𑐸 𑐴𑐾 𑐨𑐵𑐲𑐵𑑄 𑐖𑑂𑐘𑐵𑐣 𑐧𑑂𑐫𑐹𑐳𑐵 𑐫𑐵𑐎𑐣𑑄 𑐖𑑂𑐘𑐵𑐣 𑐠𑐸𑐂𑐎𑐵 𑐎𑐵𑐂 (𑐴𑐺𑐡𑐫; 𑑑𑑑𑑐𑑒𑑅𑑘𑑗) 𑐢𑐫𑐵𑐐𑐸 𑐣𑐾𑐥𑐵𑐮𑐨𑐵𑐲𑐵𑐫𑐵 𑐥𑑂𑐫𑑄𑐐𑑅 𑐠𑐵𑑄𑐩𑐢𑑂𑐫𑐾 𑐕𑐩𑑂𑐴 𑐩𑐵𑐲𑑂𑐚𑐬 𑐖𑐐𑐟𑐳𑐸𑐣𑑂𑐡𑐬 𑐩𑐮𑑂𑐮𑐫𑐵 𑐳𑐶𑐡𑑂𑐢𑐵𑐣𑑂𑐟 𑐏𑑅 𑑋 𑐠𑐸𑐎𑐠𑑄 𑐣𑐾𑐥𑐵𑐮𑐨𑐵𑐲𑐵𑐫𑐵 𑐥𑐸𑐣𑐬𑑂𑐖𑐵𑐐𑐬𑐞 𑐎𑐵𑐮𑐣𑐶𑐳𑐾𑑄 𑐴𑐾 𑐱𑐶𑐎𑑂𑐲𑐵𑐫𑑂 𑐩𑐵𑑄𑐨𑐵𑐫𑑂𑐫𑐵 𑐁𑐰𑐱𑑂𑐫𑐎𑐟𑐵𑐫𑐵𑐟 𑐎𑐫𑐵𑑅 𑐔𑐾𑐟𑐣𑐵 𑐠𑐣𑐾𑐐𑐸 𑐖𑑂𑐫𑐵 𑐖𑐸𑐮 𑑋 𑐠𑑅𑐐𑐸 𑐩𑐵𑑄𑐨𑐵𑐫𑑂 𑐣𑐾𑐥𑐵𑐮𑐨𑐵𑐲𑐵𑑄 𑐄𑐔𑑂𑐔 𑐱𑐶𑐎𑑂𑐲𑐵𑐫𑑂 𑐟𑐎𑑄 𑐧𑑂𑐰𑐣𑐾 𑐡𑐫𑑂𑐩𑐵𑑅 𑐢𑐿𑐐𑐸 𑐩𑐵𑐐 𑐢𑐬𑑂𑐩𑐵𑐡𑐶𑐟𑑂𑐫 𑐢𑐬𑑂𑐩𑐵𑐔𑐵𑐬𑑂𑐫 𑐰 𑐫𑑀𑐐𑐰𑐷𑐬𑐳𑐶𑑄 𑐎𑐳𑐵𑑅𑐥𑐶𑐳𑑄 𑐫𑐵𑐣𑐵𑐰𑐣 𑑋 𑐬𑐵𑐞𑐵𑐎𑐵𑐮𑐫𑑂 𑐣𑐾𑐥𑐵𑐮𑐫𑑂 𑐄𑐔𑑂𑐔 𑐱𑐶𑐎𑑂𑐲𑐵𑐫𑐵 𑐰𑐶𑐎𑐵𑐳 𑐩𑐖𑐹𑐐𑐸𑐮𑐶𑑄 𑐄𑐧𑐮𑐾 𑐄𑐔𑑂𑐔 𑐱𑐶𑐎𑑂𑐲𑐵𑐫𑐵 𑐣𑐶𑐟𑐶𑑄 […]

𑐣𑐾𑐰𑐵𑑅𑐟𑐫𑑂𑐳𑑄 𑐫𑐵𑑅𑐐𑐸 𑐱𑐿𑐎𑑂𑐲𑐶𑐎 𑐁𑐣𑑂𑐡𑑀𑐮𑐣


𑐥𑑂𑐬𑐾𑐩 𑐩𑑀𑐴𑐣 𑐳𑐶𑐬𑐥𑐵𑑅 𑐩𑐮𑑂𑐮 𑐎𑐾 𑐳𑐸𑐣𑑂𑐡𑐬𑐫𑐵𑐟 𑐮𑑅𑐮𑑂𑐴𑐵𑐟
𑐣𑐾𑐰𑐵: 𑐀𑐣𑐮𑐵𑐂𑐣 𑐣𑑂𑐫𑐸𑐖 | 𑑒𑑐𑑗𑑖 𑐁𑐱𑑂𑐰𑐶𑐣 𑑑, 𑐧𑐸𑐢𑐧𑐵𑐬 𑑒𑑑:𑑐𑑐:𑑒𑑖 𑐨𑐵𑐲𑐵 𑐠𑐸𑐰𑐵𑑅 𑐥𑑂𑐬𑐾𑐩 𑐧𑐴𑐵𑐡𑐸𑐬 𑐎𑐳𑐵𑑅𑐫𑐵 𑐮𑐸𑐩𑐣𑑂𑐟𑐶𑐂 𑐂 𑐩𑑀𑐴𑐣 𑐎𑐺𑐲𑑂𑐞 𑐜𑑄𑐐𑑀𑐮𑑄 𑐣𑐾𑐥𑐵𑐮𑐨𑐵𑐲𑐵 𑐏𑑂𑐫𑐮𑐫𑑂 𑐔𑑂𑐰𑐩𑐶𑐥𑐶𑐣𑑂𑐟 𑐴𑑅𑐥𑐵𑑅 𑐧𑐶𑐂𑐐𑐸 𑐟𑐵𑐟𑐸𑐣𑐵𑑅 𑐠𑐷𑐠𑐷 𑐧𑐶𑐢𑐵𑐫𑑂 𑐣𑐶𑐡𑑃𑐫𑑂 𑐕𑐎𑑂𑐰𑑅 𑐕𑐩𑑂𑐴𑐳𑐶𑐟 𑐳𑐶𑐬𑐥𑐵𑑅 𑐧𑐶𑐂𑐐𑐸 𑐫𑐵𑐣𑐵 𑐰𑐫𑐵𑐔𑑂𑐰𑑄𑐐𑐸 𑐗𑑂𑐰𑐮𑐫𑑂 𑐠𑐸𑐐𑐸𑐳𑐷 𑐄𑐥𑐣𑑂𑐫𑐵𑐳 𑐧𑐶𑐢𑐵𑐫𑑂 𑐩𑐮𑑂𑐮 𑐎𑐾 𑐳𑐸𑐣𑑂𑐡𑐬𑐫𑐵 𑐔𑑂𑐰𑐳𑐵𑑄 𑐥𑐶𑐡𑑄𑐐𑐸 ‘𑐡 𑐥𑑀𑐲𑑂𑐚𑐬’ 𑐣𑐵𑑄𑐐𑐸 𑐄𑐥𑐣𑑂𑐫𑐵𑐳𑐫𑐵𑐟 𑐫𑐾𑑃𑐫𑐵 𑐏𑐸𑐳𑐶𑐧𑐸𑑃𑐂 𑐗𑑅𑐗𑑅 𑐢𑐵𑐫𑐾𑐎 𑐖𑑂𑐫𑐵𑐗𑑂𑐰𑑅 𑐫𑐵𑐳𑐾 𑐔𑑂𑐰𑐩𑐶 𑐩𑐮𑑂𑐮𑐫𑐵𑐟 𑐴𑐣𑐵𑐧𑐣𑐵 𑐫𑐵𑐳𑐾 𑐴𑐣𑐵𑐥𑑁 𑐰 𑐡𑐵𑑄 𑐮𑑅𑐮𑑂𑐴𑐵𑑅𑐐𑐸 𑐡𑐸 𑑋 𑐥𑑂𑐬𑐾𑐩–𑐩𑑀𑐴𑐣 𑐳𑐶𑐬𑐥𑐵𑑅 𑐐𑐸𑐠𑐶𑐫𑐵 𑐐𑑂𑐰𑐳𑐵𑐮𑐫𑑂 𑐧𑑄𑐱𑐷 𑐎𑐺𑐲𑑂𑐞 𑐜𑑄𑐐𑑀𑐮𑐫𑐵 𑐣𑐵𑐫𑑅𑐳𑐸𑐂 𑐥𑐰𑐶𑐟𑑂𑐬 𑐎𑐳𑐵𑐮𑑄 𑐣𑑂𑐴𑑂𑐫𑐵𑐎𑐵𑐡𑐷𑐐𑐸 𑐄𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐩𑐹𑐥𑐵𑐴𑐵𑑃 𑐱𑐟𑐵𑐧𑑂𑐡𑐷 𑐥𑐸𑐬𑐸𑐲 𑐳𑐟𑑂𑐫𑐩𑑀𑐴𑐣 𑐖𑑀𑐱𑐷 𑐳𑐔𑑂𑐕𑐶𑐡𑑃 𑐎𑑂𑐫𑑄𑐐𑐸 𑐮𑐳𑐟𑐵𑐫𑑂 𑐴𑐣𑐵𑐧𑐣𑐵 𑐣𑑄 𑐫𑐵𑑅𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑐮𑐫𑑂 […]

𑐥𑑂𑐬𑐾𑐩 𑐩𑑀𑐴𑐣 𑐳𑐶𑐬𑐥𑐵𑑅 𑐩𑐮𑑂𑐮 𑐎𑐾 ...


𑐩𑐾𑐚𑑂𑐬𑑀𑐫𑐵 𑐬𑐘𑑂𑐖𑐣𑐵 𑐮𑐶𑐥𑐶 𑐔𑑂𑐰𑐖𑑂𑐫𑐵 𑐎𑐵𑐳𑐵
𑐫𑐾𑑃 – 𑐫𑐾𑑃 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑑄 𑐣𑑂𑐴𑑂𑐫𑐵𑐎𑐵 𑐰𑐫𑐵𑐔𑑂𑐰𑑄𑐐𑐸 𑐩𑐾𑐚𑑂𑐬𑑀 𑐊𑐦𑐊𑐩 𑑙𑑔.𑑖 𑐩𑐾𑐐𑐵𑐴𑐬𑑂𑐖𑐫𑐵 𑑒𑑐 𑐎𑑂𑐰𑑅𑐐𑐸 𑐧𑐸𑐣𑑂𑐴𑐶𑐫𑐵 𑐮𑐳𑐟𑐵𑐫𑑂 𑐖𑐹𑐐𑐸 𑐬𑐘𑑂𑐖𑐣𑐵 𑐮𑐶𑐥𑐶 𑐔𑑂𑐰𑐖𑑂𑐫𑐵 𑐢𑐾𑑄𑐢𑐾𑑄𑐧𑐮𑑂𑐮𑐵𑑅 𑐎𑐵𑐳𑐵 𑐎𑑂𑐰𑐔𑐵𑐮 𑑋 𑐠𑐣𑐫𑐵 𑐧𑐳𑐣𑑂𑐟𑐥𑐸𑐮𑐷 𑐔𑑂𑐰𑑄𑐐𑐸 𑐣𑐰 𑐁𑐡𑐬𑑂𑐱 𑐩𑐵.𑐰𑐶.𑐂 𑐖𑐹𑐐𑐸 𑐮𑐶𑐥𑐶 𑐔𑑂𑐰𑐖𑑂𑐫𑐵 𑐎𑐵𑐳𑐵𑐫𑑂 𑐔𑐫𑑂𑐣𑑂𑐴𑐫𑑂𑐩𑑂𑐴𑐾𑐳𑐶𑐣𑑄 𑐧𑑂𑐰𑐟𑐶 𑐎𑐵𑑅𑐐𑐸 𑐏𑑅 𑑋 𑐄𑐐𑐸 𑐮𑐶𑐥𑐶 𑐔𑑂𑐰𑐖𑑂𑐫𑐵 𑐎𑐵𑐳𑐵𑐫𑑂 𑐫𑐾𑑃, 𑐫𑐮, 𑐏𑑂𑐰𑐥, 𑐟𑑀𑐏𑐵, 𑐩𑐣𑐩𑐫𑑂𑐖𑐸, 𑐠𑐳𑐶, 𑐠𑐾𑐔𑑂𑐰, 𑐳𑐎𑑂𑐰, 𑐠𑐶𑐩𑐶, 𑐣𑐿𑐎𑐵𑐥 𑐁𑐡𑐶 𑐠𑐵𑐳𑑄 𑐧𑑂𑐰𑐟𑐶 𑐎𑐵𑑅𑐐𑐸 𑐏𑑅 𑑋 𑐫𑐾𑑃 𑐩𑐴𑐵𑐣𑐐𑐬𑐥𑐵𑐮𑐶𑐎𑐵 𑐳𑐹𑐔𑐣𑐵 𑐥𑑂𑐬𑐰𑐶𑐢𑐶 𑐰𑐶𑐨𑐵𑐐𑐫𑐵 𑐥𑑂𑐬𑐩𑐸𑐏 𑐬𑐵𑐖𑑂𑐫𑐥𑑂𑐬𑐎𑐵𑐱 𑐥𑑂𑐬𑐢𑐵𑐣𑐵𑑄𑐐 𑐮𑐶𑐥𑐶 𑐔𑑂𑐰𑐖𑑂𑐫𑐵 𑐎𑐵𑐳𑐵𑐫𑐵 𑐣𑑂𑐴𑑂𑐫𑐳𑑅𑐥𑑁 𑐳𑐵𑐬𑑂𑐰𑐖𑐣𑐶𑐎 𑐄𑐮𑐾𑐖𑑂𑐫𑐵 𑐫𑐵𑐣𑐵𑐡𑐷𑐐𑐸 𑐏𑑅𑑋 𑐮𑐶𑐥𑐶 𑐔𑑂𑐰𑐖𑑂𑐫𑐵 𑐎𑐵𑐳𑐵𑐫𑐵 𑐄𑐮𑐾𑐖𑑂𑐫𑐵 𑐫𑐵𑐳𑐾𑑄 𑐰𑐫𑑂𑐎𑐮𑑄 𑐫𑐾𑑃 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑑄 𑐔𑐵𑐮𑐸 𑐁𑐬𑑂𑐠𑐶𑐎 𑐡𑑃𑐫𑑂 𑐎𑐵𑑅𑐐𑐸 𑐨𑐵𑐲𑐵, 𑐎𑐮𑐵, 𑐳𑑄𑐳𑑂𑐎𑐺𑐟𑐶 𑐰 𑐳𑐩𑑂𑐥𑐡𑐵𑐫𑐵 𑐳𑑄𑐬𑐎𑑂𑐲𑐞 𑐫𑐵𑐫𑐾𑐐𑐸 𑐣𑐷𑐟𑐶𑐎𑐠𑑄 […]

𑐩𑐾𑐚𑑂𑐬𑑀𑐫𑐵 𑐬𑐘𑑂𑐖𑐣𑐵 𑐮𑐶𑐥𑐶 𑐔𑑂𑐰𑐖𑑂𑐫𑐵 𑐎𑐵𑐳𑐵



𑐩𑐖𑐶𑐥𑐵𑑅 𑐮𑐵𑐏𑐾𑐫𑐵 𑐧𑐵𑐏𑑄
    𑐣𑐾𑐰𑐵𑑅 𑐧𑐳𑑂𑐟𑐷 𑐡𑐸𑐐𑐸 𑐮𑐵𑐐𑐵𑐫𑑂 𑐫𑐾𑑃𑐫𑑂 𑐖𑐎 𑐩𑐏𑐸 𑐫𑐾𑑃𑐣𑑄 𑐥𑐶𑐣𑐾 𑐣𑑄 𑐫𑐎𑑂𑐰 𑐠𑐵𑐳𑐫𑑂 𑐠𑐷𑐠𑐷 𑐖𑐵𑐟𑑂𑐬𑐵, 𑐣𑐏𑑅𑐔𑐏𑑅𑐫𑐵 𑐂𑐮𑐫𑑂 𑐠𑐷𑐠𑐷 𑐮𑐵𑐏𑐾 𑐥𑐶𑐴𑐵𑑄 𑐰𑐂𑐐𑐸 𑐖𑐸𑐫𑐵𑐔𑑂𑐰𑑄𑐐𑐸 𑐡𑐸 𑑋 𑐫𑐾𑑃𑐫𑐵𑑅 𑐖𑐵𑐟𑑂𑐬𑐵 𑐳𑐸𑐬𑐸 𑐖𑐸𑐂 𑐣𑑂𑐴𑑂𑐫𑑅 𑐨𑐵𑐡𑑂𑐬 𑐡𑑂𑐰𑐵𑐡𑐱𑐷𑐎𑐸𑐣𑑂𑐴𑐸 𑐫𑑅𑐳𑐶𑑄 𑐠𑐣𑐾𑐢𑐸𑑄𑐎𑐵𑑅 𑐣𑐶𑐳𑐾𑑄 𑐔𑑂𑐫𑐵𑐣𑑂𑐴𑐸 𑐟𑐎 𑐩𑐖𑐶𑐥𑐵𑑅 𑐟𑑂𑐰𑐵𑐮𑑄 𑐮𑐵𑐏𑐾 𑐥𑐶𑐴𑐵𑑄𑐰𑐂 𑑋 𑐴𑑂𑐫𑐵𑐄𑑃𑐐𑐸 𑐰𑐬𑑂𑐞𑐫𑐵, 𑐟𑐵𑐟𑐵𑐴𑐵𑐎𑑅𑐐𑐸 𑐳𑑃, 𑐢𑑄𑐰𑐵 𑐣𑐶𑐥𑐸 𑐥𑐶𑐴𑐵𑑄 𑐰𑑅𑐩𑑂𑐴 𑐐𑑂𑐫𑐵𑐣𑐵𑐥𑐸𑐳𑐾 𑐔𑑂𑐰𑑄𑐩𑑂𑐴 𑐮𑐵𑐏𑐾 (𑐬𑐵𑐎𑑂𑐲𑐳) 𑐥𑑂𑐬𑐎𑐺𑐟𑐶𑐫𑐵𑐩𑑂𑐴 𑐖𑐹𑐳𑐵𑑄 𑐠𑑂𑐰 𑐮𑐵𑐏𑐾𑐫𑐵 𑐥𑑂𑐬𑐰𑐺𑐟𑐶 𑐢𑐵𑑅𑐳𑐵 𑐩𑐣𑐹𑐟𑐫𑑂𑐟 𑐴𑐵𑐣𑐷 𑐣𑑀𑐎𑑂𑐳𑐵𑐣𑐷 𑐫𑐵𑐫𑐾𑐐𑐸 𑐩𑐏𑐸𑐎𑐶 𑐀𑑅𑐏𑐧𑐟𑑄 𑐩𑐣𑐹𑐟𑐫𑑂𑐟 𑐐𑑂𑐰𑐵𑐴𑐵𑐮𑐶 𑐰 𑐬𑐎𑑂𑐲𑐵 𑐫𑐵𑐫𑐾𑐐𑐸 𑐏𑑅 𑑋 𑐀𑐠𑐾 𑐴𑐾 𑐥𑑂𑐫𑐵𑐏𑑄 𑐮𑑂𑐴𑐸𑐫𑐵𑑅 𑐩𑐳𑑂𑐟𑐫𑑂𑐟 𑐣𑑂𑐴𑑂𑐫𑐂𑐥𑐸𑐎𑐵 𑐧𑐷𑐩𑑂𑐴 𑐖𑐹𑐐𑐸𑐮𑐶𑑄 𑐮𑐵𑐏𑐾𑐫𑐵𑐟 𑐱𑐵𑐣𑑂𑐟 𑐨𑐿𑐬𑐧 𑐣𑑄 𑐢𑐵𑐫𑐾𑐐𑐸 𑐫𑐵𑑅 𑑋 𑐫𑐾𑑃𑐫𑐵 𑐖𑐵𑐟𑑂𑐬𑐵𑐧𑐮𑐫𑑂 𑐎𑐸𑐩𑐵𑐬𑐷 𑐩𑐵𑐖𑐸𑐫𑐵𑐟 𑐮𑑄 𑐎𑑂𑐫𑐣𑐾𑐟 […]

𑐩𑐖𑐶𑐥𑐵𑑅 𑐮𑐵𑐏𑐾𑐫𑐵 𑐧𑐵𑐏𑑄


𑐎𑐶𑐥𑐹𑐫𑐵 𑐥𑐵𑐛𑑂𑐫𑐎𑑂𑐬𑐩𑐫𑑂 𑐨𑐵𑐲𑐵, 𑐮𑐶𑐥𑐶 𑐰 𑐳𑑄𑐳𑑂𑐎𑐺𑐟𑐶
𑐎𑐶𑐥𑐹 – 𑐎𑐶𑐥𑐹 𑐣𑐐𑐬𑐥𑐵𑐮𑐶𑐎𑐵𑑄 𑐳𑑂𑐠𑐵𑐣𑐷𑐫 𑐥𑐵𑐛𑑂𑐫𑐎𑑂𑐬𑐩𑐫𑑂 𑐣𑐾𑐥𑐵𑐮𑐨𑐵𑐲𑐵, 𑐮𑐶𑐥𑐶 𑐰 𑐳𑑄𑐳𑑂𑐎𑐺𑐟𑐶𑐫𑐵𑐟 𑐡𑐸𑐠𑑂𑐫𑐵𑐎𑐷𑐐𑐸 𑐖𑐹𑐐𑐸 𑐡𑐸𑑋 𑐎𑐶𑐥𑐹 𑐣𑐐𑐬𑐥𑐵𑐮𑐶𑐎𑐵𑐫𑐵 𑐱𑐶𑐎𑑂𑐲𑐵 𑐳𑐩𑐶𑐟𑐶𑐫𑐵 𑐩𑑂𑐴𑐷𑐐 𑐔𑑂𑐰𑑄𑐐𑐸 𑐩𑐸𑑃𑐖𑑂𑐫𑐵𑑄 𑐠𑑂𑐰 𑐳𑐩𑑂𑐧𑐣𑑂𑐢𑐷 𑐣𑐶𑐬𑑂𑐞𑐫 𑐫𑐵𑑅𑐐𑐸 𑐏𑑅 𑑋 𑐄𑐐𑐸 𑐩𑐸𑑃𑐖𑑂𑐫𑐵𑑄 𑐠𑐸𑐐𑐸 𑐴𑐾 𑐡𑑃𑐣𑐶𑐳𑐾𑑄 𑐮𑐵𑐐𑐹 𑐖𑐸𑐂𑐎𑐠𑑄 𑐣𑐐𑐬𑐥𑐵𑐮𑐶𑐎𑐵𑐫𑐵 𑐳𑑂𑐠𑐵𑐣𑐷𑐫 𑐥𑐵𑐛𑑂𑐫𑐎𑑂𑐬𑐩𑐫𑑂 𑐄𑐎𑐠𑑄 𑐣𑐾𑐥𑐵𑐮𑐨𑐵𑐲𑐵, 𑐮𑐶𑐥𑐶 𑐰 𑐳𑑄𑐳𑑂𑐎𑐺𑐟𑐶𑐫𑐵𑐟 𑐡𑐸𑐠𑑂𑐫𑐵𑐎𑐾𑐐𑐸 𑐣𑐶𑐬𑑂𑐞𑐫 𑐫𑐵𑑅𑐐𑐸 𑐏𑑅 𑑋 𑐕𑐐𑐹𑐣𑐶𑐳𑐾𑑄 𑐔𑑂𑐫𑐵𑐐𑐹 𑐟𑐐𑐶𑑄𑐟𑐎 𑐧𑑂𑐰𑑄𑐎𑐷𑐐𑐸 𑐳𑑂𑐠𑐵𑐣𑐷𑐫 𑐥𑐵𑐛𑑂𑐫𑐎𑑂𑐬𑐩𑐫𑑂 𑐠𑐷𑐠𑐷 𑐗𑐶𑑄𑐣𑐶𑐐𑐹 𑐳𑑂𑐠𑐵𑐣𑐷𑐫 𑐰𑐶𑐲𑐫 𑐣𑑄 𑐡𑐸𑐠𑑂𑐫𑐵𑐎𑐷𑐐𑐸 𑐖𑐹𑐐𑐸 𑐡𑐸𑑋 𑐗𑐶𑑄𑐣𑐶𑐐𑐹 𑐰𑐶𑐲𑐫𑐫𑑂 𑐣𑐾𑐥𑐵𑐮𑐨𑐵𑐲𑐵 𑐳𑑂𑐫𑐣𑐾𑐐𑐸, 𑐮𑐶𑐥𑐶 𑐔𑑂𑐰𑐫𑐾𑐐𑐸 𑐰 𑐧𑑂𑐰𑐣𑐾𑐐𑐸, 𑐳𑑄𑐳𑑂𑐎𑐺𑐟𑐶𑐫𑐵 𑐰𑐶𑐲𑐫𑐫𑑂 𑐩𑐵𑐢𑑂𑐫𑐩 𑐨𑐵𑐲𑐵 𑐣𑐾𑐥𑐵𑐮𑐨𑐵𑐲𑐵 𑐖𑐸𑐂𑐐𑐸 𑐰 𑐩𑐾𑐩𑐾𑐐𑐸 𑐰𑐶𑐲𑐫𑐫𑑂 𑐰𑐶𑐟𑑂𑐟𑐷𑐫, 𑐨𑐹𑐐𑑀𑐮, 𑐱𑐿𑐎𑑂𑐲𑐶𑐎, 𑐂𑐟𑐶𑐴𑐵𑐳, 𑐰𑑂𑐫𑐎𑑂𑐟𑐶𑐟𑑂𑐰 𑐁𑐡𑐶 𑐰𑐶𑐲𑐫𑐫𑐵𑐟 𑐣𑑄 𑐡𑐸𑐠𑑂𑐫𑐵𑐎𑐷𑐐𑐸 𑐖𑐹𑐐𑐸 𑐡𑐸𑑋 𑐠𑐸𑐥𑐶𑑄 𑐰𑐶𑐲𑐫𑐟 […]

𑐎𑐶𑐥𑐹𑐫𑐵 𑐥𑐵𑐛𑑂𑐫𑐎𑑂𑐬𑐩𑐫𑑂 𑐨𑐵𑐲𑐵, 𑐮𑐶𑐥𑐶 𑐰 ...


𑐖𑐵𑐥𑐵𑐣𑐫𑑂 𑐬𑐘𑑂𑐖𑐣𑐵𑐫𑐵 𑐥𑑂𑐬𑐔𑐵𑐬
𑐀𑐣𑑂𑐟𑐬𑑂𑐬𑐵𑐲𑑂𑐚𑑂𑐬𑐶𑐫 𑐮𑐶𑐥𑐶 𑐳𑐩𑑂𑐩𑐾𑐮𑐣𑐫𑑂 𑐬𑐘𑑂𑐖𑐣𑐵 𑐧𑐵𑐬𑐾 𑐣𑑂𑐴𑐵𑐥𑐵𑑄𑐏𑐸𑐳𑐷 𑐔𑐬𑑂𑐔𑐵 𑐫𑐾𑑃 – 𑐠𑑁𑑄𑐎𑐣𑑂𑐴𑐫𑑂 𑐡𑐾𑐫𑑂𑐫𑐵 𑐠𑐷𑐠𑐷 𑐠𑐵𑐳𑐫𑑂 𑐎𑐮𑐵𑐟𑑂𑐩𑐎 𑐁𑐏𑑅 𑐔𑑂𑐰𑐫𑐵𑑅 𑐥𑑂𑐬𑐔𑐵𑐬 𑐖𑐸𑐫𑐵𑐔𑑂𑐰𑑄𑐐𑐸 𑐬𑐘𑑂𑐖𑐣𑐵 𑐮𑐶𑐥𑐶 𑐖𑐵𑐥𑐵𑐣𑐫𑑂 𑐖𑐹𑐐𑐸 𑐰𑐶𑐱𑑂𑐰 𑐎𑑂𑐫𑐵𑐮𑐶𑐐𑑂𑐬𑐵𑐦𑐷 𑐳𑐩𑑂𑐩𑐾𑐮𑐣𑐫𑑂 𑐳𑐎𑐳𑑂𑐫𑐵𑑄 𑐟𑐵𑐬𑐶𑐦𑐫𑐵 𑐰𑐶𑐲𑐫 𑐖𑐹𑐐𑐸 𑐡𑐸 𑑋 𑐖𑐵𑐥𑐵𑐣𑐫𑑂 𑐣𑐎𑐟𑐶𑐣𑐶 𑐎𑑂𑐰𑐔𑐵𑑅𑐐𑐸 𑐰𑐶𑐱𑑂𑐰𑐫𑐵 𑐠𑐷𑐠𑐷 𑐁𑐏𑑅𑐫𑐵 𑐎𑑂𑐫𑐵𑐮𑐶𑐐𑑂𑐬𑐵𑐦𑐷 𑐫𑐵𑐂𑐥𑐶𑐣𑐶 𑐳𑐩𑑂𑐩𑐾𑐮𑐣𑐫𑑂 𑐣𑐾𑐥𑐵𑑅𑐥𑐵𑐏𑐾𑑄 𑐧𑑂𑐰𑐟𑐶 𑐎𑐵𑑅 𑐰𑑄𑐥𑐶𑑄 𑐁𑐣𑐣𑑂𑐡𑐎𑐸𑐩𑐵𑐬 𑐩𑐴𑐬𑑂𑐖𑐣 𑐰 𑐳𑐸𑐣𑐶𑐟𑐵 𑐜𑑄𑐐𑑀𑐮𑑄 𑐬𑐘𑑂𑐖𑐣𑐵 𑐮𑐶𑐥𑐶 𑐧𑐵𑐬𑐾 𑐠𑑅𑐥𑐶𑐣𑐶 𑐥𑑂𑐬𑐳𑑂𑐟𑐸𑐟𑐷𑐎𑐬𑐞 𑐫𑐵𑐣𑐵𑐡𑐷𑐐𑐸 𑐏𑑅 𑑋 𑐰𑐫𑑂𑐎𑑅𑐥𑐶𑑄𑐳𑑄 𑐬𑐘𑑂𑐖𑐣𑐵 𑐮𑐶𑐥𑐶𑐫𑐵 𑐎𑐮𑐵𑐟𑑂𑐩𑐎 𑐥𑐎𑑂𑐲, 𑐠𑐸𑐎𑐶𑐫𑐵 𑐩𑐴𑐟𑑂𑐰, 𑐠𑑂𑐰 𑐁𑐏𑑅 𑐔𑑂𑐰𑐫𑐾𑐐𑐸 𑐟𑐬𑐶𑐎𑐵 𑐰 𑐠𑑁𑑄𑐎𑐣𑑂𑐴𑐫𑑂 𑐮𑑂𑐫𑐵𑐫𑑂𑐩𑑂𑐴𑐟𑐫𑑂 𑐡𑐠𑐸𑐂 𑐖𑐸𑐫𑐵𑐔𑑂𑐰𑑄𑐐𑐸 𑐬𑐘𑑂𑐖𑐣𑐵 𑐮𑐶𑐥𑐶𑐫𑐵 𑐥𑐸𑐣𑐬𑑂𑐖𑐵𑐐𑐬𑐞 𑐧𑐵𑐬𑐾 𑐀𑐣 𑐔𑐬𑑂𑐔𑐵 𑐫𑐵𑐣𑐵𑐡𑐷𑐐𑐸 𑐏𑑅 𑑋𑐰𑐫𑑂𑐎𑑅𑐥𑐶𑐣𑐶 𑐥𑑂𑐬𑐳𑑂𑐟𑐸𑐟𑐷𑐎𑐬𑐞 𑐮𑐶𑐥𑐵 𑐀𑐣 𑐧𑑂𑐰𑐟𑐶 𑐎𑐵𑑅 𑐰𑐫𑐵𑐔𑑂𑐰𑑄𑐥𑐶𑑄 𑐁𑐥𑐵𑐮𑑄 𑐳𑐴𑐨𑐵𑐐𑐷𑐟𑐫𑑂𑐳𑑄 𑐠𑑂𑐰 𑐧𑐵𑐬𑐾 𑐳𑐷𑐎𑐾 […]

𑐖𑐵𑐥𑐵𑐣𑐫𑑂 𑐬𑐘𑑂𑐖𑐣𑐵𑐫𑐵 𑐥𑑂𑐬𑐔𑐵𑐬



𑐮𑐶𑐥𑐶 𑐐𑐸𑐠𑐶𑐫𑐵 𑐣𑐵𑐫𑑅 𑐥𑐡𑐫𑑂 𑐥𑐸𑐮𑐵𑑄𑐩𑑂𑐴 𑐴𑐾 𑐣𑐵𑐫𑑅 𑐣𑐶𑐬𑐘𑑂𑐖𑐣 𑐟𑐧𑑅𑐫𑐵𑐟 𑐮𑑂𑐫𑐮
𑐣𑐾𑐰𑐵: 𑐀𑐣𑐮𑐵𑐂𑐣 𑐣𑑂𑐫𑐸𑐖 | 𑑒𑑐𑑗𑑖 𑐨𑐵𑐡𑑂𑐬 𑑒𑑒, 𑐁𑐂𑐟𑐧𑐵𑐬 𑑑𑑖:𑑔𑑘:𑑑𑑔 𑐣𑐾𑐥𑐵𑐮 𑐮𑐶𑐥𑐶𑐫𑐵 𑐣𑑂𑐴𑐹𑐐𑐸 𑐖𑑂𑐫𑐵𑐳𑐣𑐵 𑐥𑐸𑐔𑑅𑐫𑐵 𑐮𑑂𑐫𑐖𑑂𑐫𑐵 𑐫𑐵𑐫𑐾𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐥𑐸𑐮𑐵𑑄𑐩𑑂𑐴 𑐣𑐵𑐫𑑅 𑐣𑐶𑐬𑐘𑑂𑐖𑐣 𑐟𑐧𑑅𑐫𑐵𑐟 𑐴𑐾 𑐴𑐵𑐎𑐣𑑄 𑐥𑐡𑐫𑑂 𑐮𑑂𑐫𑑅𑐐𑐸 𑐡𑐸 𑑋 𑐣𑐾𑐥𑐵𑐮 𑐮𑐶𑐥𑐶 𑐐𑐸𑐠𑐶𑐫𑐵 𑑑𑑗 𑐎𑑂𑐰𑑅𑐐𑐸 𑐟𑑅𑐩𑐸𑑃𑐖𑑂𑐫𑐵 𑐖𑑂𑐫𑐵𑐗𑑂𑐰𑐮𑐫𑑂 𑐠𑐸𑐎𑐠𑑄 𑐖𑑂𑐫𑐵𑐳𑐣𑐵 𑐥𑐸𑐔𑑅 𑐮𑑂𑐫𑐫𑐾𑐐𑐸 𑐖𑑂𑐫𑐵 𑐖𑐹𑐐𑐸 𑐏𑑅𑐳𑐵 𑐖𑑂𑐫𑐵𑐗𑑂𑐰𑑅 𑐐𑐸𑐠𑐶𑐫𑐵 𑐖𑑂𑐫𑐵𑐎𑐹 𑐫𑐾𑑃𑐫𑐵 𑐟𑑂𑐫𑑅𑐬𑐫𑑂 𑐔𑑂𑐰𑑄𑐐𑐸 𑐳𑐵𑑅𑐣𑐣𑐷𑐂 𑐖𑐹𑐐𑐸 𑐏𑑅𑐳𑐵 𑐖𑑂𑐫𑐵𑐗𑑂𑐰𑑅 𑐣𑑄 𑐐𑐸𑐠𑐶𑐫𑐵 𑐣𑐵𑐫𑑅 𑐣𑐶𑐬𑐘𑑂𑐖𑐣 𑐟𑐧𑑅𑐫𑐵 𑐴𑐾 𑐳𑐨𑐵𑐥𑐟𑐶𑐟𑑂𑐰𑐫𑑂 𑐣𑑂𑐴𑑂𑐫𑐵𑑅𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐐𑐸𑐠𑐶𑐫𑐵 𑐕𑑂𑐫𑐵𑐘𑑂𑐖𑐾 𑐥𑐰𑐶𑐟𑑂𑐬 𑐎𑐳𑐵𑑅 𑐣𑑄 𑐰𑐵𑐬𑑂𑐲𑐶𑐎 𑐥𑑂𑐬𑐟𑐶𑐰𑐾𑐡𑐣 𑐣𑑂𑐴𑑂𑐫𑐧𑑂𑐰𑑅𑐐𑐸 𑐏𑑅𑐳𑐵 𑐡𑐵𑑄𑐨𑐬𑐷 𑐄𑐟𑑂𑐟𑐩 𑐳𑐵𑐫𑐩𑐶𑑄 𑐁𑐬𑑂𑐠𑐶𑐎 𑐮𑑂𑐫𑐵𑑅𑐔𑑅 𑐣𑑂𑐴𑑂𑐫𑐧𑑂𑐰𑑅𑐐𑐸 𑐏𑑅 𑑋 𑐀𑐠𑐾𑐴𑐾, 𑐣𑐾𑐥𑐵𑐮 𑐮𑐶𑐥𑐶 𑐐𑐸𑐠𑐶𑑄 𑐣𑐾𑐥𑐵𑐮 𑐮𑐶𑐥𑐶𑐫𑐵 𑐥𑑂𑐬𑐔𑐵𑐬𑐥𑑂𑐬𑐳𑐵𑐬 𑐰 𑐥𑑂𑐬𑐧𑐡𑑂𑐬𑑂𑐢𑐣𑐫𑐵 𑐣𑐶𑐟𑐶𑑄 𑐣𑑂𑐴𑑂𑐫𑐵𑐎𑐾𑐐𑐸 […]

𑐮𑐶𑐥𑐶 𑐐𑐸𑐠𑐶𑐫𑐵 𑐣𑐵𑐫𑑅 𑐥𑐡𑐫𑑂 𑐥𑐸𑐮𑐵𑑄𑐩𑑂𑐴 ...


Saving Nepal Heritage
केही दिनअघि अस्ट्रियाकी २३ वर्षीया फ्रान्जेस्का मारिनोभिक ललितपुर पाटनस्थित भीमसेन मन्दिरको गजुर सरसफाइ गर्दै थिइन्। मन्दिर सफा गर्न उनले हातमा कपास र पानी बोकेकी थिइन्। ‘मन्दिरको छानाको सौन्दर्य नबिगारी काम गरिरहेकी छु,’ उनले भनिन्। उनी मात्र होइन, अष्ट्रियाका आठ शिक्षक–विद्यार्थीको समूह नेपालका ऐतिहासिक सांस्कृतिक सम्पदाको जर्गेना गर्न नेपाल आएको छ। अस्ट्रियाको इन्स्टिच्युट अफ कन्जरभेसन एण्ड एप्लाइड आर्टस्का शिक्षक–विद्यार्थी समूह नेपाल आएको हो। इन्स्टिच्युटले हरेक वर्ष नेपालका सम्पदा संरक्षणका लागि विद्यार्थी पठाउने गरेको छ। यस वर्ष उनीहरू भीमसेन मन्दिर जीर्णोद्वार र सफाइका लागि आएका हुन्। इन्स्च्यिुटकी शिक्षिका क्याटरिना पछिल्ला दस वर्षदेखि […]

नेपाली सम्पदा जोगाउँदै विदेशी विद्यार्थी


𑐏𑑂𑐰𑐥𑐫𑐵 𑐩𑐾𑐢𑐵 𑐩𑐵𑐰𑐶 𑐄𑐟𑑂𑐎𑐺𑐲𑑂𑐚 𑐳𑐵𑐩𑐸𑐡𑐵𑐫𑐶𑐎 𑐰𑐶𑐡𑑂𑐫𑐵𑐮𑐫
𑐏𑑂𑐰𑐥 – 𑐱𑐶𑐎𑑂𑐲𑐵 𑐰𑐶𑐖𑑂𑐘𑐵𑐣 𑐟𑐠𑐵 𑐥𑑂𑐬𑐰𑐶𑐢𑐶 𑐩𑐣𑑂𑐟𑑂𑐬𑐵𑐮𑐫𑐫𑐵 𑐰𑐵𑐬𑑂𑐲𑐶𑐎 𑐩𑐹𑐮𑑂𑐫𑐵𑑄𑐎𑐣𑐫𑑂 𑐠𑐣𑐫𑐵 𑐟𑐾𑐏𑐵𑐥𑐸𑐮𑐶𑐂 𑐔𑑂𑐰𑑄𑐐𑐸 𑐩𑐾𑐢𑐵 𑐩𑐵𑐢𑑂𑐫𑐩𑐶𑐎 𑐰𑐶𑐡𑑂𑐫𑐵𑐮𑐫 𑐡𑐾𑐫𑑂𑐫𑐵 𑐴𑐾 𑐄𑐟𑑂𑐎𑐺𑐲𑑂𑐚 𑐰𑐶𑐡𑑂𑐫𑐵𑐮𑐫 𑐖𑐸𑐂𑐟 𑐳𑐦𑐮 𑐖𑐹𑐐𑐸 𑐡𑐸 𑑋 𑐩𑐣𑑂𑐟𑑂𑐬𑐵𑐮𑐫𑑄 𑐫𑐵𑑅𑐐𑐸 𑐰𑐵𑐬𑑂𑐲𑐶𑐎 𑐩𑐹𑐮𑑂𑐫𑐵𑑄𑐎𑐣𑐫𑑂 𑐩𑐾𑐢𑐵 𑐩𑐵𑐰𑐶 𑐳𑐵𑐩𑐸𑐡𑐵𑐫𑐶𑐎 𑐰𑐶𑐡𑑂𑐫𑐵𑐮𑐫𑐥𑐵𑐏𑐾 𑐡𑐾𑐫𑑂𑐣𑑂𑐫𑑄𑐎𑑄𑐫𑐵 𑐰𑐶𑐡𑑂𑐫𑐵𑐮𑐫𑐩𑐢𑑂𑐫𑐾 𑐄𑐟𑑂𑐎𑐺𑐲𑑂𑐚 𑐖𑐸𑐂𑐟 𑐳𑐦𑐮 𑐖𑐹𑐐𑐸 𑐏𑑅 𑑋 𑐱𑐶𑐎𑑂𑐲𑐵 𑐩𑐣𑑂𑐟𑑂𑐬𑐵𑐮𑐫 𑐀𑐣𑑂𑐟𑐬𑑂𑐐𑐟𑐫𑐵 𑐱𑐶𑐎𑑂𑐲𑐵 𑐟𑐠𑐵 𑐩𑐵𑐣𑐰 𑐱𑑂𑐬𑑀𑐟 𑐰𑐶𑐎𑐵𑐳 𑐎𑐾𑐣𑑂𑐡𑑂𑐬 𑐳𑐵𑐣𑑀 𑐠𑐶𑐩𑐶𑐫𑐵𑐎𑐠𑑄 𑐡𑐾𑐫𑑂𑐫𑐵 𑐴𑐾 𑐄𑐟𑑂𑐎𑐺𑐲𑑂𑐚 𑐰𑐶𑐡𑑂𑐫𑐵𑐮𑐫 𑐖𑐸𑐂𑐟 𑐳𑐦𑐮 𑐩𑐾𑐢𑐵 𑐩𑐵𑐢𑑂𑐫𑐩𑐶𑐎 𑐰𑐶𑐡𑑂𑐫𑐵𑐮𑐫𑐫𑐵𑐟 𑑔𑑐 𑐎𑑂𑐰𑑅𑐐𑐸 𑐬𑐵𑐲𑑂𑐚𑑂𑐬𑐶𑐫 𑐱𑐶𑐎𑑂𑐲𑐵 𑐡𑐶𑐰𑐳 𑐰 𑑕𑑓 𑐎𑑂𑐰𑑅𑐐𑐸 𑐀𑐣𑑂𑐟𑐬𑑂𑐬𑐵𑐲𑑂𑐚𑑂𑐬𑐶𑐫 𑐳𑐵𑐎𑑂𑐲𑐬𑐟𑐵 𑐡𑐶𑐰𑐳𑐫𑐵 𑐮𑐳𑐟𑐵𑐫𑑂 𑐮𑐵𑐎𑐵𑑅 𑐥𑐸𑐬𑐳𑑂𑐎𑐺𑐟 𑐫𑐵𑐂𑐐𑐸 𑐖𑐹𑐐𑐸 𑐡𑐸 𑑋 𑐩𑐣𑑂𑐟𑑂𑐬𑐵𑐮𑐫𑑄 𑐫𑐵𑑅𑐐𑐸 𑐩𑐹𑐮𑑂𑐫𑐵𑑄𑐎𑐣𑐫𑑂 𑐩𑐾𑐢𑐵 𑐩𑐵𑐰𑐶𑑄 𑐎𑐸𑐮 𑑙𑑐 𑐡𑐱𑐩𑐮𑐰 𑑑 𑐀𑑄𑐎 𑐴𑐫𑐵𑑅 𑐣𑑂𑐴𑐵𑐥𑐵𑑄𑐐𑐸 𑐠𑐵𑐳𑐫𑑂 𑐮𑐵𑐫𑐾𑐟 𑐳𑐦𑐮 […]

𑐏𑑂𑐰𑐥𑐫𑐵 𑐩𑐾𑐢𑐵 𑐩𑐵𑐰𑐶 𑐄𑐟𑑂𑐎𑐺𑐲𑑂𑐚 𑐳𑐵𑐩𑐸𑐡𑐵𑐫𑐶𑐎 ...



𑐫𑐾𑑃 – 𑐣𑐾𑐥𑐵𑐮 𑐮𑐶𑐥𑐶 𑐐𑐸𑐠𑐶𑐫𑐵 𑐗𑐶𑑄𑐣𑑂𑐴𑐫𑑂𑐎𑑂𑐰𑑅𑐐𑐸 𑐟𑑅𑐩𑐸𑑃𑐖𑑂𑐫𑐵 𑐐𑐸𑐠𑐶𑐫𑐵 𑐠𑑅𑐐𑐸 𑐴𑐾 𑐖𑑂𑐫𑐵𑐎𑐹 𑐳𑐵𑑅𑐣𑐣𑐶 𑐟𑑂𑐫𑑅𑐬𑐫𑑂 𑐖𑐸𑐮 𑑋 𑐐𑐸𑐠𑐶𑐫𑐵 𑐣𑐵𑐫𑑅 𑐣𑐶𑐬𑐘𑑂𑐖𑐣 𑐟𑐧𑑅𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐖𑐹𑐐𑐸 𑐟𑑅𑐩𑐸𑑃𑐖𑑂𑐫𑐵𑐫𑑂 𑐕𑑂𑐫𑐵𑐖𑑂𑐫𑐾 𑐥𑐰𑐶𑐟𑑂𑐬 𑐎𑐳𑐵𑑄 𑐰𑐵𑐬𑑂𑐲𑐶𑐎 𑐥𑑂𑐬𑐟𑐶𑐰𑐾𑐡𑐣 𑐰 𑐡𑐵𑑄𑐨𑐬𑐶𑑄 𑐄𑐟𑑂𑐟𑐩 𑐳𑐵𑐫𑑂𑐩𑐶𑑄 𑐁𑐬𑑂𑐠𑐶𑐎 𑐮𑑂𑐫𑐵𑑅𑐔𑐵𑑅 𑐣𑑂𑐴𑑂𑐫𑐧𑑂𑐰𑐫𑐵𑐡𑐷𑐐𑐸 𑐏𑑅 𑑋 𑐣𑑂𑐰𑐎𑐸 𑐀𑐣𑐶𑐮 𑐳𑑂𑐠𑐵𑐥𑐶𑐟𑑄 𑐐𑐸𑐠𑐶𑑄 𑐣𑐾𑐥𑐵𑐮 𑐮𑐶𑐥𑐶𑐫𑐵 𑐥𑑂𑐬𑐔𑐵𑐬 𑐥𑑂𑐬𑐳𑐵𑐬 𑐰 𑐥𑑂𑐬𑐰𑐡𑑂𑐬𑑂𑐢𑐣𑐫𑐵 𑐣𑐶𑑄𑐟𑐶𑑄 𑐣𑑂𑐴𑑂𑐫𑐵𑐎𑐾𑐐𑐸 𑐖𑑂𑐫𑐵𑐗𑑂𑐰𑑅 𑐧𑐵𑐬𑐾 𑐖𑐵𑐣𑐎𑐵𑐬𑐷 𑐧𑐶𑐫𑐵𑐡𑐶𑐮 𑑋 𑐰𑐫𑐵𑑄 𑐮𑐶𑐥𑐵 𑐣𑐶𑐐𑐹𑐐𑐸 𑐳𑐟𑑂𑐬𑐫𑑂 𑐐𑐸𑐠𑐶𑐫𑐵 𑐣𑑂𑐴𑐹𑐐𑐸 𑐖𑑂𑐫𑐵𑐳𑐣𑐵 𑐥𑐸𑐔𑑅𑐫𑐵 𑐮𑑂𑐫𑐖𑑂𑐫𑐵 𑐫𑐵𑑅𑐐𑐸 𑐏𑑅 𑑋 𑐣𑑂𑐴𑐹𑐐𑐸 𑐖𑑂𑐫𑐵𑐳𑐣𑐵 𑐥𑐸𑐔𑐮𑐫𑑂 𑐣𑐶𑐬𑐘𑑂𑐖𑐣 𑐟𑐧𑑅𑐫𑐵𑐟 𑐴𑐾 𑐴𑐵𑐎𑐣𑑄 𑐣𑐵𑐫𑑅 𑐮𑑂𑐫𑑅𑐐𑐸 𑐡𑐸𑐳𑐵 𑐀𑐣𑐶𑐮 𑐳𑑂𑐠𑐵𑐥𑐶𑐟, 𑐥𑐰𑐶𑐟𑑂𑐬 𑐎𑐳𑐵𑑅 𑐰 𑐄𑐟𑑂𑐟𑐩 𑐳𑐵𑐫𑑂𑐩𑐶𑐫𑐵𑐟 𑐕𑐳𑐶𑐎𑐠𑑄 𑐣𑑂𑐰𑐎𑐸, 𑐕𑑂𑐫𑐵𑑄𑐖𑑂𑐫𑐾 𑐰 𑐡𑐵𑑄𑐨𑐬𑐶𑑄 𑐮𑑂𑐫𑑅𑐐𑐸 𑐡𑐸 𑑋 𑐖𑑂𑐫𑐵𑐳𑐣𑐵 𑐥𑐸𑐔𑑅𑐫𑐵 𑐡𑐸𑐖𑐮𑐫𑑂 𑐬𑐩𑐾𑐱𑐩𑐵𑐣 𑐥𑐶𑐫𑐵, […]

𑐮𑐶𑐥𑐶 𑐐𑐸𑐠𑐶 𑐣𑑂𑐴𑐹𑐢𑐵𑑅


𑐄𑐡𑐵𑐫𑑂 𑐳𑐩𑐵𑐖 𑐫𑐾𑑃 𑐣𑐾𑐥𑐵𑑅𑐥𑐵𑐏𑐾𑑄 𑐰𑑄𑐐𑐸 𑐐𑐸𑑄𑐮𑐵𑐫𑐵 𑐗𑑂𑐰𑐮𑐫𑑂 𑐠𑐸𑐐𑐸𑐳𑐷 𑐣𑐶𑐰𑐵𑑅 𑐫𑑄𑐎𑑄 𑐄𑐡𑐵𑐫𑑂 𑐳𑐩𑐵𑐖𑑄 𑐔𑐮𑐾 𑐫𑐵𑐣𑐵𑐟𑑅𑐐𑐸 𑐄𑐡𑐵𑐫𑑂 𑐩𑑂𑐫𑐸𑐖𑐶𑐫𑐩𑐫𑑂 𑐐𑐸𑑄𑐮𑐵 𑐢𑐬𑑂𑐩 𑐳𑐩𑑂𑐰𑐧𑐣𑑂𑐢𑐷 𑐠𑐷𑐠𑐷 𑐎𑐠𑑄𑐫𑐵 𑐧𑑂𑐰𑐖𑑂𑐫𑐵 𑐖𑐸𑐮 𑑋 𑐕𑐰𑐵𑑅 𑐧𑑂𑐰𑐖𑑂𑐫𑐵 𑐫𑐵𑐫𑐾𑐐𑐸 𑐢𑐵𑑅𑐳𑐵𑑄 𑐄𑐐𑐸 𑐧𑑂𑐰𑐖𑑂𑐫𑐵𑐫𑐵 𑐩𑐴𑐟𑑂𑐰 𑐰 𑐠𑐷𑐠𑐷 𑐳𑑂𑐎𑐸𑐮 𑐎𑐮𑐾𑐖𑑄 𑐣𑑄 𑐧𑑂𑐰𑐖𑑂𑐫𑐵 𑐳𑑂𑐰𑐫𑐾𑐟 𑐰𑑅𑐥𑐶𑑄 𑐰 𑐰𑐂𑐥𑐶𑑄 𑐩𑐳𑑂𑐟 𑐀𑐥𑑂𑐰𑐫𑐵 𑐰𑐣𑐾𑐰𑑄 𑐠𑑂𑐰 𑐧𑑂𑐰𑐖𑑂𑐫𑐵 𑐣𑐶𑐰𑐵𑑅 𑐟𑐵𑑅𑐴𑐵𑐎 𑐖𑐹𑐰𑑄𑐐𑐸 𑐏𑑅 𑑋 𑐠𑑂𑐰 𑐩𑑂𑐫𑐸𑐖𑐶𑐫𑐩 𑐄𑐡𑐵𑐫𑑂 𑐳𑐩𑐵𑐖𑐫𑐵 𑐳𑑂𑐠𑐵𑐥𑐣𑐵 𑐳𑑂𑐰𑐫𑐵𑑄 𑐫𑐎𑑂𑐰 𑐮𑐶𑐥𑐵 𑐳𑐸𑐬𑐸 𑐖𑐹𑐐𑐸 𑐏𑑅 𑑋 𑐄𑐡𑐵𑐫𑑂 𑐳𑐩𑐵𑐖 𑐢𑐎𑐵𑑅 𑑒𑑐𑑑𑑔 𑐳𑐵𑐮𑑄 𑐴𑐾 𑐳𑑂𑐠𑐵𑐥𑐣𑐵 𑐖𑐹𑐐𑐸 𑐏𑑅 𑑋 𑐟𑐬 𑐄𑐡𑐵𑐫𑑂 𑐳𑐩𑐵𑐖𑑄 𑐩𑑂𑐫𑐸𑐖𑐶𑐫𑐩 𑐢𑐵𑑅𑐳𑐵 𑑒𑑐𑑗𑑑 𑐳𑐵𑐮𑐥𑐵𑐏𑐾𑑄 𑐳𑐸𑐬𑐸 𑐫𑐵𑑅𑐐𑐸 𑐏𑑅 𑑋 𑐣𑑂𑐴𑐵𑐥𑐵𑑄 𑐄𑐡𑐵𑐫𑑂 𑐳𑐩𑐵𑐖𑐫𑐵 𑐕𑐐𑐹 𑐳𑐎𑑂𑐬𑐶𑐫 𑐥𑐸𑐔𑑅 𑐩𑐶𑐳𑐵 𑐥𑐸𑐔𑑅𑐫𑐵 𑐠𑐷𑐠𑐷 𑐳𑐵𑐩𑐵𑐣 𑐧𑑂𑐰𑐫𑐾𑐐𑐸 […]

𑐄𑐡𑐵𑐫𑑂 𑐩𑑂𑐫𑐸𑐖𑐶𑐫𑐩


𑐣𑐾𑐰𑐵: 𑐀𑐣𑐮𑐵𑐂𑐣 𑐣𑑂𑐫𑐸𑐖 | 𑑒𑑐𑑗𑑖 𑐨𑐵𑐡𑑂𑐬 𑑒𑑑, 𑐱𑐣𑐶𑐧𑐵𑐬 𑑑𑑒:𑑐𑑒:𑑓𑑗 𑐳𑐵𑐣𑐸𑐬𑐵𑐖𑐵 𑐱𑐵𑐎𑑂𑐫 𑐣𑐾𑐰𑐵𑑅 𑐁𑐣𑑂𑐡𑑀𑐮𑐣𑐫𑐵 𑐥𑑂𑐬𑐵𑐬𑐩𑑂𑐨𑐶𑐎 𑐂𑐮𑑄𑐣𑐶𑐳𑐾𑑄 𑐴𑐾 𑐣𑐾𑐥𑐵𑐮𑐨𑐵𑐲𑐵𑑄 𑐱𑐶𑐎𑑂𑐲𑐵 𑐎𑐵𑐫𑑂𑐡𑐫𑑂𑐩𑐵𑑅𑐐𑐸 𑐏𑑃 𑐠𑑂𑐰𑐮 𑑋 𑐐𑐸𑐐𑐸 𑐖𑐵𑐟𑐶𑐫𑐵 𑐐𑐸𑐐𑐸 𑐨𑐵𑐲𑐵 𑐖𑐸𑐫𑐵𑐔𑑂𑐰𑐣 𑐄𑐐𑐸 𑐴𑐾 𑐨𑐵𑐲𑐵𑑄 𑐖𑑂𑐘𑐵𑐣 𑐧𑑂𑐫𑐹𑐳𑐵 𑐫𑐵𑐎𑐣𑑄 𑐖𑑂𑐘𑐵𑐣 𑐠𑐸𑐂𑐎𑐵 𑐎𑐵𑐂 (𑐴𑐺𑐡𑐫; 𑑑𑑑𑑐𑑒𑑅𑑘𑑗) 𑐢𑐫𑐵𑐐𑐸 𑐣𑐾𑐥𑐵𑐮𑐨𑐵𑐲𑐵𑐫𑐵 𑐥𑑂𑐫𑑄𑐐𑑅 𑐠𑐵𑑄𑐩𑐢𑑂𑐫𑐾 𑐕𑐩𑑂𑐴 𑐩𑐵𑐲𑑂𑐚𑐬 𑐖𑐐𑐟𑐳𑐸𑐣𑑂𑐡𑐬 𑐩𑐮𑑂𑐮𑐫𑐵 𑐳𑐶𑐡𑑂𑐢𑐵𑐣𑑂𑐟 𑐏𑑅 𑑋 𑐠𑐸𑐎𑐠𑑄 𑐣𑐾𑐥𑐵𑐮𑐨𑐵𑐲𑐵𑐫𑐵 𑐥𑐸𑐣𑐬𑑂𑐖𑐵𑐐𑐬𑐞 𑐎𑐵𑐮𑐣𑐶𑐳𑐾𑑄 𑐴𑐾 𑐱𑐶𑐎𑑂𑐲𑐵𑐫𑑂 𑐩𑐵𑑄𑐨𑐵𑐫𑑂𑐫𑐵 𑐁𑐰𑐱𑑂𑐫𑐎𑐟𑐵𑐫𑐵𑐟 𑐎𑐫𑐵𑑅 𑐔𑐾𑐟𑐣𑐵 𑐠𑐣𑐾𑐐𑐸 𑐖𑑂𑐫𑐵 𑐖𑐸𑐮 𑑋 𑐠𑑅𑐐𑐸 𑐩𑐵𑑄𑐨𑐵𑐫𑑂 𑐣𑐾𑐥𑐵𑐮𑐨𑐵𑐲𑐵𑑄 𑐄𑐔𑑂𑐔 𑐱𑐶𑐎𑑂𑐲𑐵𑐫𑑂 𑐟𑐎𑑄 𑐧𑑂𑐰𑐣𑐾 𑐡𑐫𑑂𑐩𑐵𑑅 𑐢𑐿𑐐𑐸 𑐩𑐵𑐐 𑐢𑐬𑑂𑐩𑐵𑐡𑐶𑐟𑑂𑐫 𑐢𑐬𑑂𑐩𑐵𑐔𑐵𑐬𑑂𑐫 𑐰 𑐫𑑀𑐐𑐰𑐷𑐬𑐳𑐶𑑄 𑐎𑐳𑐵𑑅𑐥𑐶𑐳𑑄 𑐫𑐵𑐣𑐵𑐰𑐣 𑑋 𑐬𑐵𑐞𑐵𑐎𑐵𑐮𑐫𑑂 𑐣𑐾𑐥𑐵𑐮𑐫𑑂 𑐄𑐔𑑂𑐔 𑐱𑐶𑐎𑑂𑐲𑐵𑐫𑐵 𑐰𑐶𑐎𑐵𑐳 𑐩𑐖𑐹𑐐𑐸𑐮𑐶𑑄 𑐄𑐧𑐮𑐾 𑐄𑐔𑑂𑐔 𑐱𑐶𑐎𑑂𑐲𑐵𑐫𑐵 𑐣𑐶𑐟𑐶𑑄 […]

𑐣𑐾𑐰𑐵𑑅𑐟𑐫𑑂𑐳𑑄 𑐫𑐵𑑅𑐐𑐸 𑐱𑐿𑐎𑑂𑐲𑐶𑐎 𑐁𑐣𑑂𑐡𑑀𑐮𑐣



𑐮𑐵𑐏𑐾 𑐥𑑂𑐫𑐵𑐏𑑄 𑐮𑑂𑐴𑐸𑐂𑐩𑑂𑐴 𑐮𑑅𑐳𑐶𑑄 !
𑐣𑐾𑐰𑐵: 𑐀𑐣𑐮𑐵𑐂𑐣 𑐣𑑂𑐫𑐸𑐖 | 𑑒𑑐𑑗𑑖 𑐨𑐵𑐡𑑂𑐬 𑑑𑑘, 𑐧𑐸𑐢𑐧𑐵𑐬 𑑑𑑓:𑑓𑑐:𑑒𑑑 𑐮𑐵𑐏𑐾 𑐢𑐵𑐫𑐾𑐰𑑄 𑐴𑐾 𑐗𑐷𑐐𑐸 𑐩𑐶𑐏𑐵𑐫𑑂 𑐩𑐶𑐖𑑄𑐫𑐵 𑐬𑐸𑐥 𑐡𑑃 𑐰𑐂 𑑋 𑐮𑐵𑐏𑐾 𑐥𑑂𑐫𑐵𑐏𑑄 𑐮𑑂𑐴𑐸𑐂𑐐𑐸 𑐣𑐶𑐟𑐶𑑄 𑐱𑐎𑑂𑐟𑐶𑐫𑐵 𑐁𑐰𑐱𑑂𑐫𑐎𑐟𑐵 𑐣𑑄 𑐄𑐟𑑂𑐟𑐶𑐎𑑄 𑐴𑐾 𑐡𑐸 𑑋 𑐮𑐵𑐏𑐾 𑐏𑑃𑐐𑑂𑐰𑑅 𑐥𑐸𑐬𑐸𑐲𑐰𑐵𑐔𑐎 𑐏𑑅, 𑐠𑑂𑐰 𑐳𑐎𑐳𑐶𑐣𑑄 𑐳𑑂𑐫𑐹𑐐𑐸 𑐏𑑃 𑐏𑑅 𑑋 𑐮𑐵𑐏𑐾𑐫𑐵 𑐂𑐟𑐶𑐴𑐵𑐳 𑐰 𑐎𑐶𑑄𑐰𑐡𑐣𑑂𑐟𑐷𑐂 𑐣𑑄 𑐕𑐩𑑂𑐴 𑐩𑐶𑐖𑑄 𑐴𑐾 𑐏𑑅 𑑋 𑐮𑐵𑐏𑐾𑐫𑐵𑐟 𑐱𑐵𑐣𑑂𑐟 𑐨𑐿𑐬𑐰 𑐎𑐠𑑄 𑐣𑑄 𑐎𑐵𑐫𑐾𑐐𑐸 𑐫𑐵𑑅 𑑋 𑐕𑐸𑑄 𑐡𑑃 𑐣𑑂𑐴𑑂𑐫𑑅𑐣𑐶𑐳𑐾𑑄 𑐮𑐵𑐏𑐾 𑐰 𑐮𑐵𑐏𑐾 𑐥𑑂𑐫𑐵𑐏𑑄𑐫𑐵 𑐮𑑀𑐎𑐥𑑂𑐬𑐶𑐫𑐟𑐵𑐫𑐵𑐟 𑐩𑐏𑐸𑐐𑐸 𑐎𑐠𑑄 𑐕𑑂𑐫𑐮𑐵𑐔𑑂𑐰𑑄𑐐𑐸𑐮𑐶𑑄 𑐳𑑄𑐳𑑂𑐎𑐺𑐟𑐶𑐴𑑂𑐫𑑅𑐩𑐶𑐥𑐶𑐣𑑂𑐳𑑄 𑐔𑑂𑐫𑐹𑐟𑐵𑑅 𑐥𑑂𑐰𑑄𑐎𑐵𑑅 𑐴𑐫𑐵𑐔𑑂𑐰𑑄𑐐𑐸 𑐡𑐸 𑑋 𑐣𑐾𑐰𑐵𑑅 𑐳𑑄𑐳𑑂𑐎𑐺𑐟𑐶𑐂 𑐩𑐹 𑐮𑐵𑐏𑐾 𑐫𑐾𑑃𑐫𑐵 𑐩𑐖𑐶𑐥𑐵𑑅 𑐮𑐵𑐏𑐾 𑐏𑑅 𑑋 𑐐𑐸𑐩𑑂𑐴 𑐮𑐵𑐏𑐾 𑐫𑐾𑑃𑐫𑐵𑑅𑐫𑐵 𑐣𑐶𑐟𑐶𑑄 𑐔𑑂𑐫𑐵𑐣𑑂𑐴𑐸 𑐖𑐎 […]

𑐮𑐵𑐏𑐾 𑐥𑑂𑐫𑐵𑐏𑑄 𑐮𑑂𑐴𑐸𑐂𑐩𑑂𑐴 𑐮𑑅𑐳𑐶𑑄 !


𑐮𑐶𑐳𑑂𑐣𑐬𑑂𑐳 𑐎𑑂𑐮𑐧 𑐣𑐾𑐥𑐵𑐮𑑄 𑐥𑑂𑐫𑐩𑑂𑐴 𑐩𑐶𑐳𑐵𑐥𑐶𑑄𑐟 𑐴𑐣
𑐫𑐾𑑃 – 𑐮𑐶𑐳𑑂𑐣𑐬𑑂𑐳 𑐎𑑂𑐮𑐧 𑐣𑐾𑐥𑐵𑐮𑑄 𑐳𑐩𑐵𑐖 𑐬𑐸𑐥𑐵𑐣𑑂𑐟𑐬𑐞𑐫𑑂 𑐰𑐶𑐱𑐾𑐲 𑐫𑑀𑐐𑐡𑐵𑐣 𑐧𑐶𑐫𑐵𑐡𑐷𑐥𑐶𑑄 𑐥𑑂𑐫𑐩𑑂𑐴 𑐩𑐶𑐳𑐵 𑐳𑑂𑐬𑐲𑑂𑐚𑐵𑐥𑐶𑑄𑐟 𑐟𑐷𑐖 𑐥𑐬𑑂𑐰𑐫𑐵 𑐮𑐳𑐟𑐵𑐫𑑂 𑐴𑐣𑐾𑐐𑐸 𑐖𑑂𑐫𑐵 𑐫𑐵𑐟 𑑋 𑐎𑑂𑐮𑐧𑑄 𑐣𑐵𑑄𑐖𑐵𑑅𑐩𑑂𑐴 𑐐𑐵𑐫𑐶𑐎𑐵 𑐡𑐾𑐰𑐶𑐎𑐵 𑐧𑐣𑑂𑐡𑐣𑐵, 𑐳𑐘𑑂𑐔𑐵𑐬𑐎𑑅𑐩𑐶 𑐁𑐬𑐟𑐷 𑐔𑐚𑑁𑐟, 𑐳𑐵𑐴𑐶𑐟𑑂𑐫𑐎𑐵𑐬 𑐳𑐸𑐨𑐡𑑂𑐬𑐵 𑐨𑐚𑑂𑐚𑐬𑐵𑐃 𑐰 𑐥𑐟𑑂𑐬𑐎𑐵𑐬 𑐣𑐵𑐥𑑄 𑐳𑐩𑐵𑐖𑐳𑐾𑐰𑐷 𑐰𑐶𑐩𑐮𑐵 𑐩𑐵𑐣𑐣𑑂𑐢𑐬𑐥𑐶𑑄𑐟 𑐡𑑀𑐳𑐮𑑂𑐮𑐵𑑄 𑐣𑑂𑐫𑐫𑐾𑐎𑐵𑑅 𑐳𑐩𑑂𑐩𑐵𑐣 𑐫𑐵𑑅𑐐𑐸 𑐏𑑅 𑑋 𑐥𑑂𑐬𑐵𑐖𑑂𑐘 𑐮𑐎𑑂𑐲𑑂𑐩𑐷 𑐩𑐵𑐮𑐷 𑐩𑐹𑐥𑐵𑐴𑐵𑑄 𑐎𑐠𑑄 𑐗𑐵𑑅𑐐𑐸 𑐄𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐳𑐵𑐴𑐶𑐟𑑂𑐫𑐎𑐵𑐬 𑐫𑐸𑐰𑐬𑐵𑐖 𑐣𑐫𑐵𑑃𑐑𑐬𑐾, 𑐎𑑂𑐮𑐧𑐫𑐵 𑐣𑐵𑐫𑑅 𑐖𑐣𑐎 𑐔𑐣𑑂𑐡𑐥𑐶𑑄𑐳𑑄 𑐳𑐩𑑂𑐩𑐵𑐣𑐶𑐟 𑐳𑑂𑐬𑐲𑑂𑐚𑐵𑐥𑐶𑑄𑐟 𑐧𑐢𑐵𑐃 𑐧𑐶𑐳𑐾 𑐰𑐫𑑂𑐎𑑅𑐥𑐶𑑄𑐳𑑄 𑐳𑐩𑐵𑐖𑐫𑑂 𑐰𑐶𑐡𑑂𑐫𑐩𑐵𑐣 𑐰𑐶𑐨𑐾𑐡𑐫𑐵 𑐀𑐣𑑂𑐟𑑂𑐫 𑐫𑐵𑐫𑐾𑐐𑐸 𑐰 𑐳𑐎𑐵𑐬𑐵𑐟𑑂𑐩𑐎 𑐣𑐵𑐥𑑄 𑐳𑐶𑐬𑑂𑐖𑐣𑐵𑐟𑑂𑐩𑐎 𑐳𑑀𑐔 𑐀𑐨𑐶𑐰𑐺𑐡𑑂𑐢𑐶𑐫𑐵 𑐣𑐶𑑄𑐟𑐶𑑄 𑐫𑑀𑐐𑐡𑐵𑐣 𑐫𑐵𑐣𑐵𑐡𑐷𑐐𑐸 𑐏𑑃𑐫𑑂 𑐁𑐱𑐵𑐰𑐵𑐡𑐷 𑐖𑐸𑐫𑐵𑐐𑐸 𑐏𑑃 𑐎𑐣𑐵𑐡𑐶𑐮 𑑋 𑐎𑑂𑐮𑐧𑑄 𑐥𑑂𑐫𑐡𑑃 𑐣𑑂𑐴𑑂𑐫𑐰𑑄𑐣𑐶𑐳𑐾𑑄 𑐳𑐩𑐵𑐖𑐫𑑂 𑐰𑐶𑐱𑐾𑐲 𑐫𑑀𑐐𑐡𑐵𑐣 𑐧𑐶𑐫𑐵 […]

𑐮𑐶𑐳𑑂𑐣𑐬𑑂𑐳 𑐎𑑂𑐮𑐧 𑐣𑐾𑐥𑐵𑐮𑑄 𑐥𑑂𑐫𑐩𑑂𑐴 𑐩𑐶𑐳𑐵𑐥𑐶𑑄𑐟 ...


𑐣𑐾𑐥𑐵𑐮𑐨𑐵𑐲𑐵 𑐥𑐬𑐶𑐲𑐡𑑂𑐫𑐵 𑐧𑐵𑐏𑑄 𑐐𑑀𑐲𑑂𑐛𑐶
𑐫𑐮 – 𑐣𑐾𑐥𑐵𑐮𑐨𑐵𑐲𑐵 𑐥𑐬𑐶𑐲𑐡𑑂𑐫𑐵 𑐐𑑂𑐰𑐳𑐵𑐮𑐫𑑂 𑐰𑑄𑐐𑐸 𑐁𑐂𑐟𑐰𑐵𑑅 𑐠𑐣𑐫𑐵 𑐎𑑂𑐰𑐥𑐸𑑄𑐡𑑂𑐰𑑃𑐫𑑂 𑐔𑑂𑐰𑑄𑐐𑐸 𑐳𑐵𑐟𑑀𑐁𑐎𑐷 𑐨𑐰𑐣𑐫𑑂 𑐧𑐵𑐏𑑄 𑐐𑑀𑐲𑑂𑐛𑐶 𑐖𑐸𑐮 𑑋 𑐥𑐬𑐶𑐲𑐡𑑂𑐫𑐵 𑐣𑐵𑐫𑑅 𑐥𑑂𑐬𑐵. 𑐳𑐸𑐰𑐬𑑂𑐞 𑐱𑐵𑐎𑑂𑐫𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐣𑑂𑐴𑑂𑐫𑐵𑑅𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐰𑐬𑐶𑐲𑑂𑐛 𑐧𑐵𑐏𑑄 𑐔𑑂𑐰𑐩𑐶 𑐣𑐵𑐥𑑄 𑐱𑐶𑐎𑑂𑐲𑐵𑐰𑐶𑐡𑑂 𑐴𑐶𑐟𑐎𑐬 𑐰𑐷𑐬 𑐳𑐶𑑄𑐴 𑐎𑑄𑐳𑐵𑐎𑐵𑐬 𑐩𑐹𑐥𑐵𑐴𑐵𑑄𑐎𑐠𑑄 𑐗𑐫𑐵𑐡𑐷𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐧𑐡𑑂𑐬𑐷 𑐰𑐾𑐡𑐣𑐵, 𑐣𑐬𑐾𑐱 𑐀𑐩𑐵𑐟𑑂𑐫, 𑐩𑐵𑐞𑐶𑐎 𑐄𑐬𑐵𑐫, 𑐱𑑂𑐬𑐷𑐩𑐶𑐮𑐵 𑐳𑐸𑐰𑐵𑐮, 𑐬𑐵𑐎𑐾𑐱 𑐨𑐵𑐖𑐸, 𑐩𑐶𑐣𑐵 𑐰𑐖𑑂𑐬𑐵𑐔𑐵𑐬𑑂𑐫, 𑐖𑑂𑐘𑐵𑐣𑐷𑐬𑐵𑐖𑐵 𑐩𑐵𑐣𑐣𑑂𑐢𑐬, 𑐬𑐵𑐖𑐸𑐬𑐵𑐩 𑐩𑐸𑐣𑑄𑐎𑑅𑐩𑐶, 𑐬𑐾𑐞𑐸 𑐱𑑂𑐬𑐾𑐲𑑂𑐛, 𑐡𑐶𑐥𑐣𑐵 𑐱𑐬𑑂𑐩𑐵𑑄 𑐠𑑅𑐠𑑅𑐐𑐸 𑐧𑐵𑐏𑑄 𑐧𑑂𑐰𑐣𑐵𑑅 𑐣𑑂𑐫𑑄𑐎𑐵𑐡𑐷𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐣𑐰𑐵𑐳𑐾‌ 𑐩𑐹𑐥𑐵𑐴𑐵𑑄 𑐎𑑄𑐳𑐵𑐎𑐵𑐬‌ 𑐧𑐵𑐏𑑄 𑐖𑐎 𑐢𑐫𑐵𑑄 𑐩𑐖𑐶𑐄 𑐢𑐵𑐳𑐾‌ 𑐧𑐵𑐏𑐣𑐫𑑂 𑐰𑐶𑐲𑐫 𑐡𑐫𑐾𑐩𑐵𑑅 𑐀𑐠𑐾 𑐏𑑅𑐳𑐵𑑄 𑐳𑑄𑐳𑐵𑐬𑐫𑑂 𑐰𑐶𑐲𑐫 𑐩𑐡𑐸𑐐𑐸 𑐧𑐵𑐏𑑄 𑐣𑑄 𑐟𑐳𑐎𑑄 𑐮𑑀𑐎𑑄𑐴𑑂𑐰𑐵𑑅𑐐𑐸 𑐀𑐣𑐸𑐨𑐹𑐟𑐶 𑐣𑑂𑐫𑑄𑐎𑐵𑐡𑐶𑐮 𑑋 𑐰𑐫𑑂𑐎𑐮𑑄 𑐧𑐵𑐏𑑄 […]

𑐣𑐾𑐥𑐵𑐮𑐨𑐵𑐲𑐵 𑐥𑐬𑐶𑐲𑐡𑑂𑐫𑐵 𑐧𑐵𑐏𑑄 𑐐𑑀𑐲𑑂𑐛𑐶



𑐮𑐶𑐥𑐶 𑐥𑑂𑐬𑐰𑐬𑑂𑐡𑑂𑐢𑐣 𑐀𑐨𑐶𑐫𑐵𑐣 𑐎𑑂𑐰𑐔𑐵𑐮
𑐫𑐾𑑃 – 𑐣𑐾𑐥𑐵𑐮 𑐮𑐶𑐥𑐶 𑐐𑐸𑐠𑐶𑐫𑐵 𑐐𑑂𑐰𑐳𑐵𑐮𑐫𑑂 𑐣𑑂𑐴𑑂𑐫𑐵𑐣𑐵𑐔𑑂𑐰𑑄𑐐𑐸 𑐬𑐘𑑂𑐖𑐣𑐵 𑐮𑐶𑐥𑐶 𑐥𑑂𑐬𑐰𑐬𑑂𑐡𑑂𑐨𑐣 𑐀𑐨𑐶𑐫𑐵𑐣 𑐎𑑂𑐰𑐔𑐵𑑅𑐐𑐸 𑐡𑐸 𑑋 𑐳𑑂𑐰𑐮𑐵𑐫𑑄𑐎𑑄 𑐣𑑂𑐴𑑂𑐫𑐵𑑅𑐐𑐸 𑐀𑐨𑐶𑐫𑐵𑐣 𑐳𑐩𑐵𑐥𑐣 𑐖𑑂𑐫𑐵𑐗𑑂𑐰𑐮𑐫𑑂 𑐠𑐸𑐐𑐸 𑐀𑐨𑐶𑐫𑐵𑐣𑐫𑐵𑐟 𑐐𑑂𑐰𑐵𑐴𑐵𑐮𑐶 𑐫𑐵𑐣𑐵𑐡𑐷𑐩𑑂𑐴 𑐥𑑂𑐬𑐡𑐾𑐱 𑑓 𑐫𑐵 𑐳𑐵𑑄𑐳𑐡 𑐬𑐵𑐖𑐾𑐱 𑐱𑐵𑐎𑑂𑐫𑐫𑐵𑐟 𑐴𑐣𑐵𑐥𑑁 𑐣𑑄 𑐮𑑅𑐮𑑂𑐴𑐵𑑅𑐐𑐸 𑐏𑑅 𑑋 𑐐𑐸𑐠𑐶𑐫𑐵 𑐣𑐵𑐫𑑅 𑐣𑐶𑐬𑐘𑑂𑐖𑐣 𑐟𑐵𑐩𑑂𑐬𑐵𑐎𑐵𑐬𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐣𑑂𑐴𑑂𑐫𑐵𑑅𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐩𑐹𑐥𑐵𑐴𑐵𑑄 𑐐𑐸𑐠𑐶𑐫𑐵 𑐳𑑄𑐬𑐎𑑂𑐲𑐎𑐣𑐵𑐥𑑄 𑐖𑐣𑐎𑐰𑐶 𑐡𑐸𑐬𑑂𑐐𑐵𑐮𑐵𑐮 𑐱𑑂𑐬𑐾𑐲𑑂𑐛𑑄 𑐥𑑂𑐬𑐡𑐾𑐱 𑐳𑐵𑑄𑐳𑐡 𑐱𑐵𑐎𑑂𑐫𑐮𑐶𑐳𑐾‌ 𑐀𑐨𑐶𑐫𑐵𑐣𑐫𑑂 𑐐𑑂𑐰𑐵𑐴𑐵𑐮𑐶 𑐫𑐵𑐣𑐵𑐡𑐷𑐥𑐶𑑄 𑐳𑐸𑐨𑐵𑐫𑑂 𑐥𑑁 𑐮𑑅𑐮𑑂𑐴𑐵𑐣𑐵𑐡𑐷𑐐𑐸 𑐏𑑅 𑑋 𑐠𑐸𑐎𑐠𑑄 𑐴𑐾 𑐣𑐾𑐥𑐵𑐮 𑐮𑐶𑐥𑐶 𑐰 𑐬𑐘𑑂𑐖𑐣𑐵 𑐮𑐶𑐥𑐶𑐫𑐵 𑐊𑐥𑑂𑐳 𑐡𑐫𑐾𑐎𑐾𑐟 𑐐𑑂𑐰𑐵𑐴𑐵𑐮𑐶 𑐫𑐵𑐣𑐵𑐡𑐷𑐥𑐶𑑄 𑐣𑐵𑐥𑑄 𑐐𑐸𑐠𑐶𑐥𑐵𑐏𑐾‌ 𑐣𑑂𑐴𑑂𑐫𑐵𑐎𑐵𑐔𑑂𑐰𑑄𑐐𑐸 𑐎𑑂𑐫𑐵𑐮𑐶𑐖𑐵𑐟𑑂𑐬𑐵𑐫𑑂 𑐐𑑂𑐰𑐵𑐴𑐵𑐮𑐶 𑐫𑐵𑐣𑐵𑐡𑐷𑐥𑐶𑑄𑐟 𑐣𑑄 𑐳𑐸𑐨𑐵𑐫𑑂 𑐥𑑁 𑐮𑑅𑐮𑑂𑐴𑐵𑑅𑐐𑐸 𑐏𑑅 𑑋 𑐥𑑂𑐬𑐡𑐾𑐱 𑐳𑐵𑑄𑐳𑐡 𑐱𑐵𑐎𑑂𑐫𑐫𑐵 𑐳𑐵𑑄𑐳𑐡 𑐰𑐶𑐎𑐵𑐳 𑐎𑑀𑐲𑐥𑐵𑐏𑐾‌ 𑐣𑑂𑐴𑑂𑐫𑐵𑑅𑐐𑐸 𑐣𑐾𑐥𑐵𑐮 𑐮𑐶𑐥𑐶 […]

𑐮𑐶𑐥𑐶 𑐥𑑂𑐬𑐰𑐬𑑂𑐡𑑂𑐢𑐣 𑐀𑐨𑐶𑐫𑐵𑐣 𑐎𑑂𑐰𑐔𑐵𑐮


𑐦𑑀𑐚𑑀 𑐥𑐟𑑂𑐬𑐎𑐵𑐬 𑐩𑐴𑐬𑑂𑐖𑐣𑑄 𑐰𑐶𑐲𑑂𑐞𑐸–𑐣𑐵𑐟𑐶 𑐦𑑀𑐚𑑀 𑐥𑐟𑑂𑐬𑐎𑐵𑐬𑐶𑐟𑐵 𑐳𑐶𑐬𑐥𑐵 𑐎𑑀𑐲𑐫𑐵𑐟 𑐕𑐐𑐹 𑐮𑐏 𑐰 𑐣𑐷𑐣𑑂𑐫𑐵𑐰𑑂𑐡 𑐡𑐵𑑄 𑐮𑑅𑐮𑑂𑐴𑐵𑐟
𑐣𑐾𑐰𑐵: 𑐀𑐣𑐮𑐵𑐂𑐣 𑐣𑑂𑐫𑐸𑐖 | 𑑒𑑐𑑗𑑖 𑐨𑐵𑐡𑑂𑐬 𑑘, 𑐁𑐂𑐟𑐧𑐵𑐬 𑑑𑑖:𑑑𑑗:𑑔𑑔 𑐡𑐫𑑂𑑃𑐡𑐳𑑃 𑐧𑐴𑐶𑐡𑑂𑐫𑑅 𑐧𑑂𑐰𑐂𑐐𑐸 𑐣𑑂𑐴𑐶 𑐏𑐸𑐣𑑂𑐴𑐹 𑐣𑑂𑐴𑐵𑐥, 𑐮𑑂𑐫𑐸, 𑐮𑐶𑐫𑐵𑑃𑐮𑑂𑐫𑐸 𑐰 𑐳𑐵𑐣𑑂𑐟𑑂𑐰𑐣𑐵 𑐫𑐵𑐣𑐵𑑅 𑐥𑑂𑐫𑐩𑑂𑐴 𑐦𑑀𑐚𑑀 𑐥𑐟𑑂𑐬𑐎𑐵𑐬𑐫𑐵𑐟 𑐴𑐣𑐷𑐐𑐸 𑐣𑐾𑐰𑐵𑑅 𑐟𑐖𑐶𑐮𑐖𑐶 𑐳𑑄𑐬𑐎𑑂𑐲𑐞, 𑐳𑑄𑐰𑐡𑑂𑐬𑑂𑐢𑐣 𑐰 𑐥𑑂𑐬𑐰𑐡𑑂𑐬𑑂𑐢𑐣 𑐫𑐵𑐫𑐾𑐐𑐸 𑐟𑐵𑐟𑐸𑐣𑐵𑑅 𑐦𑑀𑐚𑑀 𑐥𑐟𑑂𑐬𑐎𑐵𑐬𑐫𑐵 𑐣𑐾𑐰𑐵𑑅 𑐟𑐖𑐶𑐮𑐖𑐶 𑐎𑐶𑐥𑐵𑑅𑐫𑐵𑐟 𑐳𑐶𑐬𑐥𑐵 𑐡𑐾𑐕𑐵𑐫𑐾𑐐𑐸 𑐁𑐖𑐸 𑐟𑐫𑐵𑑅 𑐰𑐬𑐶𑐲𑑂𑐛 𑐦𑑀𑐚𑑀 𑐥𑐟𑑂𑐬𑐎𑐵𑐬 𑐊𑐰𑐩𑑂 𑐣𑐾𑐰𑐵𑑅 𑐥𑐟𑑂𑐬𑐎𑐵𑐬 𑐬𑐵𑐲𑑂𑐚𑑂𑐬𑑂𑐫𑐶 𑐡𑐧𑐹 𑐫𑐾 𑐎𑐔𑐵𑐫𑐵 𑐥𑐸𑐮𑐵𑐩𑑂𑐴 𑐣𑐵𑐫𑑅 𑐣𑐵𑐟𑐶𑐎𑐵𑐖𑐷 𑐩𑐴𑐬𑑂𑐖𑐣𑑄 𑐀𑐎𑑂𑐲𑐫 𑐎𑑀𑐲𑐫𑐵 𑐣𑐶𑐟𑐶𑑄 𑐕𑐐𑐹 𑐮𑐏 𑐰 𑐣𑐷𑐣𑑂𑐫𑐵𑐰𑑂𑐡 𑐡𑐵𑑃 𑐮𑑅𑐮𑑂𑐴𑐵𑐣𑐵 𑐡𑐷𑐐𑐸 𑐡𑐸 𑑋 𑐰𑐬𑐶𑐲𑑂𑐛 𑐦𑑀𑐚𑑀 𑐥𑐟𑑂𑐬𑐎𑐵𑐬 𑐩𑐴𑐬𑑂𑐖𑐣𑑄 𑐀𑐎𑑂𑐲𑐫 𑐎𑑀𑐲𑐫𑐵 𑐣𑐶𑐟𑐶𑑄 𑐄𑐐𑐸 𑐡𑐵𑑃 𑐣𑐎𑐟𑐶𑐣𑐶 𑐣𑐷𑐳𑑂𑐰𑑄𑐐𑐸 𑐰𑐶𑐲𑑂𑐞𑐸–𑐣𑐵𑐟𑐶 𑐳𑐶𑐬𑐥𑐵 𑐎𑑀𑐲𑐫𑐵 𑐣𑐵𑐫𑑅 𑐳𑐘𑑂𑐔𑐵𑐬𑐎𑐬𑑂𑐩𑐷 𑐡𑐵𑐣𑐡𑐵𑐳 𑐱𑑂𑐬𑐾𑐲𑑂𑐛𑐫𑐵𑐟 𑐣𑐾𑐰𑐵𑑅 𑐥𑐟𑑂𑐬𑐎𑐵𑐬 𑐬𑐵𑐲𑑂𑐚𑑂𑐬𑑂𑐫𑐶 𑐡𑐧𑐹 𑐫𑐾𑑃 […]

𑐦𑑀𑐚𑑀 𑐥𑐟𑑂𑐬𑐎𑐵𑐬 𑐩𑐴𑐬𑑂𑐖𑐣𑑄 𑐰𑐶𑐲𑑂𑐞𑐸–𑐣𑐵𑐟𑐶 𑐦𑑀𑐚𑑀 ...


𑐰𑐶𑐖𑐫𑐎𑐺𑐲𑑂𑐞 𑐱𑑂𑐬𑐾𑐲𑑂𑐛
𑐰𑐶𑐖𑐫𑐎𑐺𑐲𑑂𑐞 𑐱𑑂𑐬𑐾𑐲𑑂𑐛 𑐣𑐾𑐥𑐵𑐮 𑐳𑑄𑐰𑐟𑑂 𑐢𑐂𑐐𑐸 𑐣𑐾𑐰𑐵𑑅𑐟𑐫𑑂𑐐𑐸 𑐖𑐎 𑐳𑑄𑐰𑐟𑑂 𑐩𑐏𑐸𑑋 𑐠𑐠𑐾 𑐢𑐎𑐵𑑅 𑐣𑑂𑐴𑑂𑐫𑐵𑐎𑑂𑐰 𑐨𑐵𑐲𑐞 𑐧𑐶𑐄𑐳𑐵 𑐣𑐾𑐰𑐵𑑅 𑐖𑐣𑐩𑐵𑐣𑐳𑐫𑑂 𑐖𑐎 𑐩𑐏𑐸, 𑐐𑐿𑐬 𑐣𑐾𑐰𑐵𑑅 𑐖𑐣𑐩𑐵𑐣𑐳𑐫𑑂 𑐣𑑄 𑐠𑑂𑐰 𑐣𑐾𑐰𑐵𑑅𑐟𑐫𑑂𑐐𑐸 𑐖𑐎 𑐳𑑄𑐰𑐟𑑂 𑐏𑑅 𑐢𑐎𑐵𑑅 𑐡𑐂𑐔𑑂𑐰𑐣 𑑋 𑐄𑐎𑐠𑑄 𑐴𑐾 𑐢𑐵𑐥𑐹 𑐥𑐶𑐴𑐵𑑃 𑐰𑐂𑐐𑐸 𑐰 𑐎𑑂𑐬𑐶𑐫𑐵 𑐥𑑂𑐬𑐟𑐶𑐎𑑂𑐬𑐶𑐫𑐵 𑐖𑐸𑐂𑐐𑐸 𑐖𑐸𑐫𑐵 𑐔𑑂𑐰𑑄𑐐𑐸 𑐡𑐸𑑋 𑐀𑐠𑐾 𑐴𑐾 𑐁𑑅 𑐳𑐵𑐫𑐵𑑅, 𑐩𑐟𑐫𑐵𑑅, 𑐫𑑃𑐫𑐵𑑅 𑐣𑑄 𑐣𑐾𑐰𑐵𑑅𑐟𑐫𑑂𑐐𑐸 𑐖𑐎 𑐏𑑅 𑐢𑐂𑐐𑐸 𑐀𑐨𑐶𑐰𑑂𑐫𑐎𑑂𑐟𑐶 𑐠𑐷𑐠𑐷 𑐳𑐘𑑂𑐔𑐵𑐬 𑐩𑐵𑐢𑑂𑐫𑐩𑐫𑑂 𑐏𑐣𑐾𑐡𑐸𑐐𑐸 𑐡𑐸 𑑋 𑐗𑐷𑐳𑑄 𑐣𑐾𑐥𑐵𑐮 𑐨𑐵𑐲𑐵, 𑐣𑐾𑐥𑐵𑐮 𑐳𑑄𑐰𑐟𑑂, 𑐣𑐾𑐥𑐵𑐮 𑐮𑐶𑐥𑐶 𑐢𑐂𑐐𑐸 𑐏𑑃𑐐𑑂𑐰𑑅 𑐴𑐾 𑐕𑑂𑐫𑐮𑐵 𑐰𑐫𑐵𑐔𑑂𑐰𑐣𑐵𑐐𑐸 𑐡𑐸𑑋 𑐗𑐷 𑐀𑐐𑑂𑐬𑐖𑐥𑐶𑐳𑑄 𑐣𑑄 𑐄𑐎𑐠𑑄 𑐴𑐾 𑐕𑑂𑐫𑐮𑐵 𑐰𑐫𑐵𑐔𑑂𑐰𑑄𑐐𑐸 𑐏𑑅 𑑋 𑐬𑐵𑐖𑑂𑐫 𑐥𑐎𑑂𑐲𑐫𑐵 𑐡𑐺𑐲𑑂𑐚𑐶𑐎𑑀𑐞 𑐳𑑂𑐰𑐫𑐾𑐐𑐸 𑐏𑑅𑐳𑐵𑑄 𑐥𑐘𑑂𑐔𑐵𑐫𑐟 𑐎𑐵𑐮𑐫𑑂 𑐳𑐵𑐫𑐵𑑅, […]

𑐣𑐾𑐥𑐵𑐮 𑐳𑑄𑐳𑑂𑐎𑐺𑐟𑐶 𑐏𑑅𑐎𑐶 𑐣𑐾𑐰𑐵𑑅 𑐳𑑄𑐳𑑂𑐎𑐺𑐟𑐶?