𑐣𑐾𑐰𑐵: 𑐀𑐣𑐮𑐵𑐂𑐣 𑐣𑑂𑐫𑐸𑐖 – 𑐮𑐮𑐾𑐣𑑂𑐡𑑂𑐬 𑐱𑐵𑐎𑑂𑐫 | 𑑒𑑐𑑗𑑖 𑐁𑐲𑐵𑐝 𑑑𑑘, 𑐧𑐸𑐢𑐧𑐵𑐬 𑑑𑑔:𑑕𑑙:𑑑𑑒

𑐣𑐵𑑄 𑐡𑐬𑑂𑐟𑐵 𑐮𑐶𑐥𑐵𑑄𑐐𑐸 𑐟𑐶𑐠𑐶 𑐀𑐳𑐵𑐬 𑑒𑑕 𑐐𑐟𑐾, 𑐥𑑂𑐬𑐱𑐶𑐎𑑂𑐲𑐞 𑐱𑑂𑐬𑐵𑐰𑐞 𑑒 𑐐𑐟𑐾𑐣𑐶𑐳𑐾𑑄 𑐏𑐸𑐮𑐵𑐟𑐎

𑐧𑑁𑐡𑑂𑐢 𑐰𑐶𑐴𑐵𑐬 𑐳𑑄𑐑 𑐫𑐮𑐫𑐵 𑐐𑑂𑐰𑐳𑐵𑐮𑐫𑑂 𑐔𑐵𑐂𑐣𑐶𑐖 𑐨𑐵𑐲𑐵 𑐥𑑂𑐬𑐱𑐶𑐎𑑂𑐲𑐞 𑐖𑑂𑐫𑐵𑐗𑑂𑐰𑑅 𑐖𑐸𑐂𑐐𑐸 𑐖𑐹𑐐𑐸 𑐡𑐸 𑑋

𑐔𑐵𑐂𑐣𑐶𑐖 𑐨𑐵𑐲𑐵 𑐥𑑂𑐬𑐱𑐶𑐎𑑂𑐲𑐞 𑐖𑑂𑐫𑐵𑐗𑑂𑐰𑑅𑐫𑐵 𑐥𑑂𑐬𑐱𑐶𑐎𑑂𑐲𑐞 𑐄𑐥𑐎𑐩𑐶𑐟𑐶 𑐎𑐖𑐶 𑐮𑐶𑐳𑐾𑑄 𑐳𑑄𑐑𑐫𑐵 𑐣𑑂𑐰𑐎𑐹 𑐬𑐵𑐖𑐸 𑐧𑐖𑑂𑐬𑐵𑐔𑐵𑐬𑑂𑐫𑑄 𑐣𑐾𑐰𑐵𑑅 𑐀𑐣𑐮𑐵𑐃𑐣𑐣𑑂𑐫𑐹𑐖𑐫𑐵𑐟 𑐧𑐶𑐫𑐵𑐡𑐷𑐐𑐸 𑐖𑐵𑐣𑐎𑐵𑐬𑐷 𑐎𑐠𑑄 𑐧𑑁𑐡𑑂𑐢 𑐰𑐶𑐴𑐵𑐬 𑐳𑑄𑐑 𑐫𑐮𑐫𑐵 𑐐𑑂𑐰𑐳𑐵𑐮𑐫𑑂 𑐠𑐷𑐠𑐷 𑐥𑑂𑐬𑐱𑐶𑐎𑑂𑐲𑐞 𑐖𑑂𑐫𑐵𑐗𑑂𑐰𑑅 𑐫𑐵𑐫𑐾𑐐𑐸 𑐗𑑂𑐰𑐮𑐫𑑂 𑐠𑐸𑐐𑐸 𑐔𑐵𑐂𑐣𑐶𑐖 𑐨𑐵𑐲𑐵𑐫𑐵 𑐥𑑂𑐬𑐱𑐶𑐎𑑂𑐲𑐞 𑐖𑑂𑐫𑐵𑐗𑑂𑐰𑑅 𑐖𑐸𑐂𑐟𑑂𑐫𑑄𑐐𑐸 𑐏𑑅 𑑋

𑐎𑐖𑐶 𑐨𑐵𑐖𑐸 𑐧𑐖𑑂𑐬𑐵𑐔𑐵𑐬𑑂𑐫𑑄 𑐄𑐐𑐸 𑐔𑐵𑐂𑐣𑐶𑐖 𑐨𑐵𑐲𑐵𑐫𑐵 𑐥𑑂𑐬𑐱𑐶𑐎𑑂𑐲𑐞 𑐖𑑂𑐫𑐵𑐗𑑂𑐰𑑅 𑑒𑑐𑑗𑑖 𑐱𑑂𑐬𑐵𑐰𑐞 𑑒 𑐐𑐟𑐾𑐣𑐶𑐳𑐾𑑄 𑐏𑐸𑐮𑐵𑐫𑐵 𑐃𑐟𑐎 𑐣𑑂𑐴𑑂𑐫𑐵𑐂𑐐𑐸 𑐖𑐵𑐣𑐎𑐵𑐬𑐷 𑐣𑑄 𑐧𑐶𑐫𑐵𑐡𑐷𑐐𑐸 𑐡𑐸 𑑋

𑑖 𑐩𑐴𑐶𑐣𑐵𑐟𑐎 𑐥𑑂𑐬𑐵𑐬𑐩𑑂𑐨𑐶𑐎 (𑐧𑐾𑐳𑐶𑐎) 𑐔𑐵𑐂𑐣𑐶𑐖 𑐨𑐵𑐲𑐵 𑐥𑑂𑐬𑐱𑐶𑐎𑑂𑐲𑐞 𑐖𑐸𑐂𑐳𑐵 𑐄𑐐𑐸 𑐔𑐵𑐂𑐣𑐶𑐖 𑐨𑐵𑐲𑐵 𑐥𑑂𑐬𑐱𑐶𑐎𑑂𑐲𑐞 𑐖𑑂𑐫𑐵𑐗𑑂𑐰𑐮𑐫𑑂 𑐳𑐴𑐨𑐵𑐐𑐷 𑐖𑐸𑐂𑐐𑐸 𑐣𑐶𑐟𑐶𑑄 𑐮𑑂𑐴𑐵𑐥𑑄 𑐣𑑂𑐫𑐵𑐡𑑂𑐰𑑅 𑐟𑐎𑐵 (𑑕 𑐴𑐖𑐵𑐬) 𑐟𑐫𑐵𑐟𑑅𑐐𑐸 𑐡𑐸 𑑋

𑐐𑑂𑐰𑐳𑐵𑑅 𑐏𑐮𑑅 𑐧𑑁𑐡𑑂𑐢 𑐰𑐶𑐴𑐵𑐬 𑐳𑑄𑐑 𑐫𑐮𑑄 𑐄𑐐𑐸 𑐔𑐵𑐂𑐣𑐶𑐖 𑐨𑐵𑐲𑐵 𑐳𑐫𑐾𑐎𑐾 𑐩𑑄𑐡𑐸𑐥𑐶𑐣𑑂𑐳𑑄 𑐠𑑂𑐰𑐴𑐾 𑐰𑐂𑐐𑐸 𑐀𑐳𑐵𑐬 𑑒𑑕 𑐐𑐟𑐾 𑐡𑐸𑐣𑐾 𑐠𑑅𑐐𑐸 𑐣𑐵𑑄 𑐡𑐬𑑂𑐟𑐵 𑐫𑐵𑐫𑐾𑐟 𑐂𑐣𑐵𑐥 𑐫𑐵𑑅𑐐𑐸 𑐡𑐸 𑑋

𑐀𑐠𑐾𑐴𑐾, 𑐐𑑂𑐰𑐳𑐵𑑅 𑐏𑐮𑐎𑑄 𑐣𑐵𑑄 𑐡𑐬𑑂𑐟𑐵 𑐫𑐵𑐫𑐾𑐐𑐸 𑐣𑐶𑐟𑐶𑑄 𑐳𑐸𑐠𑐳𑐶𑐫𑐵 𑑑𑑑 𑐟𑐵 𑐃𑐣𑐶𑐳𑐾𑑄 𑐣𑑂𑐴𑐶𑐣𑐳𑐶𑐫𑐵 𑑔 𑐟𑐵 𑐃𑐟𑐎𑐃 𑐧𑐶𑐫𑐵𑐟𑑅𑐐𑐸 𑐡𑐸𑐳𑐵 𑐦𑑀𑐣 𑐮𑑂𑐫𑐵𑑅 𑑕𑑕𑑒𑑗𑑖𑑗𑑐 𑐫𑑂 𑐳𑑂𑐰𑐵𑐥𑐹 𑐟𑐫𑐾𑐟 𑐣𑑄 𑐂𑐣𑐵𑐥 𑐫𑐵𑑅𑐐𑐸 𑐡𑐸 𑑋