𑐫𑐾𑑃 – 𑐎𑐟𑐵𑐬𑐫𑑂 𑐔𑑂𑐰𑐣𑐵𑐔𑑂𑐰𑑄𑐥𑐶𑑄 𑐣𑐾𑐰𑐵𑑅𑐟𑐫𑑂 𑐳𑑄𑐐𑐛𑐣 𑐣𑐾𑐰𑐵𑑅 𑐥𑐸𑐔𑑅 𑐎𑐟𑐵𑐬𑐫𑐵 𑐔𑑂𑐫𑐵𑐎𑑂𑐰𑑅𑐐𑐸 𑐰𑐵𑐬𑑂𑐲𑐶𑐎𑑀𑐟𑑂𑐳𑐰 𑐕𑐐𑐹 𑐰𑐶𑐱𑐾𑐲 𑐖𑑂𑐫𑐵𑐗𑑂𑐰𑑅 𑐫𑐵𑐳𑐾𑑄 𑐴𑐣 𑑋 𑐥𑐸𑐔𑑅𑐫𑐵 𑐎𑐵𑐬𑑂𑐫𑐰𑐵𑐴𑐎 𑐣𑐵𑐫𑑅 𑐬𑐵𑐖𑐸 𑐩𑐴𑐬𑑂𑐖𑐣𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐖𑐹𑐐𑐸 𑐖𑑂𑐫𑐵𑐗𑑂𑐰𑑅 𑐳𑐮𑐸𑐰𑐵 𑐬𑑀𑐜 𑐀𑐂𑐣 𑐏𑐵𑐮𑐶𑐡𑐫𑑂 𑐖𑐹𑐐𑐸 𑐏𑑅 𑑋

𑐣𑐾𑐰𑐵𑑅 𑐥𑐸𑐔𑑅 𑐎𑐟𑐵𑐬𑐫𑐵 𑐳𑑄𑐬𑐎𑑂𑐲𑐎𑐣𑐵𑐥𑑄 𑐰𑐶𑐱𑐾𑐲 𑐳𑐮𑑂𑐮𑐵𑐴𑐎𑐵𑐬 𑐜𑐵. 𑐡𑐾𑐰𑐎𑐵𑐖𑐷 𑐜𑑄𑐐𑑀𑐮 𑐩𑐹𑐥𑐵𑐴𑐵𑑄𑐎𑐠𑑄 𑐗𑐵𑐫𑐵𑐡𑐷𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐥𑑂𑐬𑐩𑐸𑐏 𑐳𑐮𑑂𑐮𑐵𑐴𑐎𑐵𑐬 𑐎𑐶𑐱𑑀𑐬 𑐩𑐴𑐬𑑂𑐖𑐣, 𑐳𑑄𑐳𑑂𑐠𑐵𑐥𑐎 𑐣𑐵𑐫𑑅 𑐣𑐵𑐥𑑄 𑐰𑐶𑐱𑐾𑐲 𑐳𑐮𑑂𑐮𑐵𑐴𑐎𑐵𑐬 𑐬𑐵𑐢𑐾𑐱𑑂𑐫𑐵𑐩 𑐩𑐴𑐬𑑂𑐖𑐣, 𑐳𑐮𑑂𑐮𑐵𑐴𑐎𑐵𑐬𑐡𑑂𑐰𑐫 𑐃𑐱𑑂𑐰𑐬 𑐩𑐴𑐬𑑂𑐖𑐣 𑐰 𑐩𑐣 𑐱𑑂𑐬𑐾𑐲𑑂𑐛 𑐮𑐐𑐵𑐫𑐟𑐥𑐶𑐣𑐶𑐐𑐸 𑐰𑐶𑐱𑐾𑐲 𑐄𑐥𑐳𑑂𑐠𑐶𑐟𑐶 𑐡𑐸𑐐𑐸 𑐏𑑅 𑑋

𑐥𑐸𑐔𑑅𑐫𑐵 𑐥𑑂𑐬𑐩𑐸𑐏 𑐳𑐮𑑂𑐮𑐵𑐴𑐎𑐵𑐬𑐮𑐶𑐳𑐾𑑄 𑐩𑐴𑐬𑑂𑐖𑐣𑑄 𑐮𑐳𑐎𑐸𑐳 𑐫𑐵𑐣𑐵𑐡𑐷𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐳𑑄𑐳𑑂𑐠𑐵𑐥𑐎 𑐣𑐵𑐫𑑅𑐮𑐶𑐳𑐾𑑄 𑐰𑐶𑐱𑐾𑐲 𑐳𑐮𑑂𑐮𑐵𑐴𑐎𑐵𑐬 𑐩𑐴𑐬𑑂𑐖𑐣𑑄 𑐥𑐸𑐔𑑅 𑐳𑑂𑐠𑐵𑐥𑐣𑐵𑐮𑐶𑐳𑐾𑑄 𑐄𑐡𑑂𑐡𑐾𑐱𑑂𑐫𑐵𑐫𑐵 𑐧𑐵𑐬𑐾 𑐎𑐣𑐵𑐡𑐷𑐐𑐸 𑐏𑑅 𑑋 𑐳𑐮𑑂𑐮𑐵𑐴𑐎𑐵𑐬𑐡𑑂𑐰𑐫𑑄 𑐣𑑄 𑐨𑐶𑑄𑐟𑐸𑐣𑐵 𑐣𑑂𑐰𑐔𑐸 𑐧𑐶𑐫𑐵𑐡𑐷𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐩𑐹𑐥𑐵𑐴𑐵𑑄 𑐜𑑄𑐐𑑀𑐮𑑄 𑐎𑐟𑐵𑐬𑐫𑑂 𑐔𑑂𑐰𑐣𑐵𑐔𑑂𑐰𑑄𑐥𑐶𑑄 𑐳𑐎𑐮 𑐣𑐾𑐰𑐵𑑅𑐟𑐫𑑂𑐟 𑐥𑐸𑐔𑐮𑐫𑑂 𑐁𑐰𑐡𑑂𑐢 𑐖𑐸𑐫𑐵𑐡𑐷𑐟 𑐂𑐣𑐵𑐥 𑐫𑐵𑐣𑐵𑐡𑐶𑐮 𑑋

𑐖𑑂𑐫𑐵𑐗𑑂𑐰𑑅𑐫𑐵 𑐳𑐨𑐵𑐢𑑂𑐫𑐎𑑂𑐲𑐮𑐶𑐳𑐾𑑄 𑐥𑐸𑐔𑑅𑐫𑐵 𑐎𑐵𑐬𑑂𑐫𑐰𑐵𑐴𑐎 𑐣𑐵𑐫𑑅 𑐩𑐴𑐬𑑂𑐖𑐣𑑄 𑐳𑑄𑐳𑑂𑐠𑐵𑐫𑐵 𑐨𑐵𑐰𑐶 𑐖𑑂𑐫𑐵𑐗𑑂𑐰𑑅𑐫𑐵 𑐧𑐵𑐬𑐾 𑐖𑐵𑐣𑐎𑐵𑐬𑐷 𑐧𑐶𑐫𑐵𑐡𑐶𑐳𑐾𑑄 𑐎𑐟𑐵𑐬𑐫𑑂 𑐔𑑂𑐰𑐣𑐵𑐔𑑂𑐰𑑄𑐥𑐶𑑄 𑐳𑐎𑐳𑐶𑐟𑑄 𑐥𑐸𑐔𑐮𑐫𑑂 𑐡𑐸𑐴𑐵𑑄 𑐰𑐫𑐾𑐟 𑐂𑐣𑐵𑐥 𑐫𑐵𑐣𑐵𑐡𑐶𑐮 𑑋