𑐣𑐾𑐰𑐵: 𑐀𑐣𑐮𑐵𑐂𑐣 𑐣𑑂𑐫𑐸𑐖 | 𑑒𑑐𑑗𑑖 𑐁𑐲𑐵𑐝 𑑑𑑗, 𑐩𑑄𑐐𑐮𑐧𑐵𑐬 𑑑𑑔:𑑔𑑘:𑑓𑑙

𑐥𑑂𑐬𑐡𑐾𑐱 𑑕 𑐳𑐬𑐎𑐵𑐬𑑄 𑐎𑐎𑑂𑐲𑐵 𑑑𑑑 𑐫𑑂 𑐰𑐶𑐖𑑂𑐘𑐵𑐣 𑐰𑐶𑐲𑐫 𑐧𑑂𑐰𑐣𑐷𑐥𑐶𑑄 𑐦𑐸𑐎𑑂𑐎 𑐕𑐵𑐟𑑂𑐬𑐵𑐥𑐶𑐣𑑂𑐟 𑐩𑐵𑐳𑐶𑐎 𑐡𑑂𑐰𑑅𑐕𑐶 𑐟𑐎𑐵𑐫𑐵 𑐡𑐬𑑄 𑐕𑐵𑐟𑑂𑐬𑐰𑐺𑐟𑑂𑐟𑐶 𑐧𑐶𑐂𑐐𑐸 𑐖𑐹𑐐𑐸 𑐡𑐸 𑑋

𑐰𑐶𑐖𑑂𑐘𑐵𑐣 𑐰𑐶𑐲𑐫𑐳 𑐕𑐵𑐟𑑂𑐬𑐵𑐥𑐶𑐣𑐶𑐐𑐸 𑐁𑐎𑐬𑑂𑐲𑐞 𑐀𑐥𑑂𑐰𑐫𑐾𑐎𑐾𑐐𑐸 𑐁𑐖𑑂𑐖𑐸𑑄 𑐕𑐵𑐟𑑂𑐬𑐵𑐥𑐶𑐣𑑂𑐟 𑐩𑐴𑐶𑐣𑐵 𑐥𑐟𑐶𑑄 𑐡𑑂𑐰𑑅𑐕𑐶 𑐟𑐎𑐵 𑐣𑐐𑐡 𑐕𑐵𑐟𑑂𑐬𑐰𑐺𑐟𑑂𑐟𑐶 𑐧𑐶𑐂𑐟 𑑔 𑐎𑐬𑑀𑐜 𑐧𑐖𑐾𑐚 𑐦𑑂𑐫𑐵𑐣𑐵𑐐𑐸 𑐳𑐵𑐩𑐵𑐖𑐶𑐎 𑐰𑐶𑐎𑐵𑐳𑐩𑐣𑑂𑐟𑑂𑐬𑐷 𑐳𑐸𑐡𑐬𑑂𑐱𑐣 𑐧𑐬𑐵𑐮𑑄 𑐢𑐵𑑅𑐐𑐸 𑐡𑐸 𑑋

𑐩𑐸𑐳𑑂𑐮𑐶𑐩 𑐰 𑐀𑐮𑑂𑐥𑐳𑑄𑐏𑑂𑐫𑐎 𑐳𑐩𑐸𑐡𑐵𑐫𑐫𑐵 𑑔𑑐 𑐩𑑂𑐴 𑐕𑐵𑐟𑑂𑐬𑐵𑐥𑐶𑐣𑑂𑐟 𑐀𑐣𑐩𑐷 𑐰 𑐀𑐴𑐾𑐧 𑐀𑐢𑑂𑐫𑐫𑐣𑐫𑐵 𑐣𑐶𑐟𑐶𑑄 𑐣𑑄 𑐕𑐵𑐟𑑂𑐬𑐰𑐺𑐟𑑂𑐟𑐶 𑐧𑐶𑐂𑐟 𑐧𑐖𑐾𑐚 𑐰𑑂𑐫𑐰𑐳𑑂𑐠𑐵 𑐫𑐵𑑅𑐐𑐸 𑐡𑐸 𑑋 𑐩𑐸𑐎𑑂𑐟 𑐎𑐩𑐿𑐫𑐵, 𑐎𑐩𑐮𑐬𑐷, 𑐩𑐸𑐳𑑂𑐮𑐶𑐩 𑐰 𑐡𑐮𑐶𑐟 𑐳𑐩𑐸𑐡𑐵𑐫𑐫𑐵 𑐕𑐵𑐟𑑂𑐬𑐵𑐥𑐶𑐣𑑂𑐳𑑄 𑐣𑑄 𑐕𑐵𑐟𑑂𑐬𑐰𑐺𑐟𑑂𑐟𑐶 𑐎𑐵𑐫𑐾𑐏𑐣𑐷𑐐𑐸 𑐖𑐹𑐐𑐸 𑐡𑐸 𑑋

𑐥𑑂𑐬𑐟𑑂𑐫𑐎 𑐳𑑂𑐠𑐵𑐣𑐷𑐫 𑐟𑐴𑐮𑐫𑑂 𑐎𑐩𑑂𑐟𑐷 𑐣𑑄 𑐕𑐐𑐹 𑐣𑐩𑐹𑐣𑐵 𑐰𑐶𑐡𑑂𑐫𑐵𑐮𑐫 𑐣𑐶𑐬𑑂𑐩𑐵𑐞 𑐫𑐵𑐫𑐾𑐐𑐸, 𑐣𑐩𑐹𑐣𑐵 𑐰𑐶𑐡𑑂𑐫𑐵𑐮𑐫𑐳 𑐩𑐵𑑅𑐎𑐠𑑄 𑐨𑑁𑐟𑐶𑐎 𑐥𑐹𑐬𑑂𑐰𑐵𑐢𑐵𑐬 𑐣𑐶𑐬𑑂𑐩𑐵𑐞 𑐰 𑐕𑐩𑑂𑐴 𑐣𑐬𑑂𑐳 𑐰 𑐏𑐾𑐮𑐎𑐸𑐡 𑐥𑑂𑐬𑐱𑐶𑐎𑑂𑐲𑐎𑐫𑐵 𑐰𑑂𑐫𑐰𑐳𑑂𑐠𑐵 𑐫𑐵𑐫𑐾𑐐𑐸 𑐫𑑀𑐖𑐣𑐵 𑐣𑑄 𑐣𑑂𑐴𑑂𑐫𑑅𑐣𑐾 𑐴𑑅𑐐𑐸 𑐡𑐸 𑑋

𑐱𑐶𑐎𑑂𑐲𑐵 𑐎𑑂𑐲𑐾𑐟𑑂𑐬𑐫𑐵 𑐰𑐶𑐎𑐵𑐳 𑐖𑑂𑐫𑐵𑐗𑑂𑐰𑑅𑐫𑐵 𑐣𑐶𑐟𑐶𑑄 𑐥𑑂𑐬𑐡𑐾𑐱 𑑕 𑐳𑐬𑐎𑐵𑐬𑑄 𑑕𑑗 𑐎𑐬𑑀𑐜 𑐟𑐎𑐵 𑐡𑐵𑑄 𑐰𑐶𑐣𑐶𑐫𑑀𑐖𑐣 𑐫𑐵𑑅𑐐𑐸 𑐡𑐸 𑑋 𑐣𑑂𑐴𑐵𑐥𑐵𑑄𑐐 𑐡𑑃 𑑕𑑕 𑐎𑐬𑑀𑐜 𑐧𑐖𑐾𑐚 𑐡𑐹𑐐𑐸 𑐏𑑅 𑑋