𑐫𑐾𑑃 – 𑐀𑐩𑐾𑐬𑐶𑐎𑐵𑐫𑑂 𑐰𑐵𑐳𑑅 𑐫𑐵𑐎𑐵𑐔𑑂𑐰𑑄𑐪 𑐣𑐾𑐥𑐵𑐮𑐨𑐵𑐲𑐵 𑐥𑐬𑐶𑐲𑐡𑑂𑐫𑐵 𑐣𑑂𑐰𑐎𑐸 𑐣𑐰𑐶𑐣 𑐔𑐶𑐟𑑂𑐬𑐎𑐵𑐬𑑄 𑐠𑑅 𑐨𑐬𑑂‍𑐣𑐵 𑐖𑐸𑐫𑐵𑐔𑑂𑐰𑑄𑐐𑐸 𑐀𑐳𑑂𑐥𑐟𑐵𑐮𑐫𑑂 𑐴𑐾 𑐕𑐐𑐹 𑐳𑐵𑐴𑐶𑐟𑑂𑐫 𑐐𑑀𑐲𑑂𑐛𑐷 𑐫𑐵𑐣𑐵𑐡𑐶𑐮 𑑋 𑐀𑐩𑐾𑐬𑐶𑐎𑐵𑐫𑑂 𑐎𑑂𑐬𑐶𑐫𑐵𑐱𑐷𑐮 𑐀𑐩𑐾𑐬𑐶𑐎𑐷 𑐳𑐵𑐴𑐶𑐟𑑂𑐫𑐎𑐵𑐬𑐥𑐶𑑄 𑐩𑐸𑐣𑐵𑑅 𑐀𑐳𑑂𑐥𑐟𑐵𑐮𑐫𑐵 𑐎𑑂𑐰𑐠𑐵𑐫𑑂 𑐴𑐾 𑐖𑐹𑐐𑐸 𑐄𑐐𑐸 𑐳𑐵𑐴𑐶𑐟𑑂𑐫 𑐐𑑀𑐲𑑂𑐛𑐷𑐂 𑐎𑐰𑐶𑐟𑐵 𑐥𑐵𑐛𑐫𑐵 𑐮𑐶𑐳𑐾𑑄 𑐣𑐾𑐥𑐵𑐮𑐨𑐵𑐲𑐵 𑐳𑐵𑐴𑐶𑐟𑑂𑐫 𑐧𑐵𑐬𑐾 𑐣𑑄 𑐔𑐬𑑂‍𑐔𑐵 𑐖𑐹𑐐𑐸 𑐏𑑅 𑑋

𑐄𑐐𑐸 𑐂𑐮𑐫𑑂 𑐳𑐵𑐴𑐶𑐟𑑂𑐫𑐎𑐵𑐬 𑐔𑐶𑐟𑑂𑐬𑐎𑐵𑐬𑑄 𑐣𑐾𑐰𑐵𑑅 𑐳𑐵𑐴𑐶𑐟𑑂𑐫𑐎𑐵𑐬𑐟𑐫𑑂𑐟 𑐬𑐵𑐖𑑂𑐫𑑄 𑐰𑐶𑐨𑐾𑐡 𑐫𑐵𑐣𑐵𑐟𑑅𑐐𑐸 𑐖𑐸𑐫𑐵𑑅 𑐄𑐩𑐶𑐐𑐸 𑐎𑐰𑐶𑐟𑐵𑐫𑑂 𑐰𑐶𑐡𑑂𑐬𑑀𑐴 𑐫𑐎𑑂𑐰 𑐡𑐸𑐐𑐸 𑐏𑑃 𑐎𑐣𑐵𑐡𑐶𑐮 𑑋 𑐰𑐫𑑂𑐎𑐮𑑄 𑐠𑐪𑑄 𑐀𑐣𑐸𑐰𑐵𑐡 𑐫𑐵𑐣𑐵𑐡𑐷𑐐𑐸 𑐣𑐾𑐥𑐵𑐮𑐨𑐵𑐲𑐵𑐫𑐵 𑐣𑑂𑐫𑐵𑐥𑐸 𑐎𑐰𑐶𑐟𑐵 𑐣𑑄 𑐀𑐣 𑐥𑐵𑐛 𑐫𑐵𑐣𑐵𑐡𑐷𑐐𑐸 𑐏𑑅 𑑋

𑐕𑐸𑑄 𑐃 𑐤𑑂𑐫𑑅 𑐩𑐳𑑂𑐟𑐶𑐲𑑂𑐎𑐑𑐵𑐟 𑐖𑐸𑐫𑐵𑑅 𑐄𑐳𑐵𑑃𑐫𑑂 𑐩𑐡𑐸𑐪 𑐨𑐵𑐖𑐸 𑐔𑐶𑐟𑑂𑐬𑐎𑐵𑐬 𑐠𑑁𑑄𑐎𑐤𑐫𑑂 𑐩𑐶𑐣𑑀𑐳𑑀𑐚𑑂𑐚𑐵𑐫𑐵 𑐳𑐣𑐴𑐵𑐂𑐚 𑐀𑐳𑑂𑐥𑐟𑐵𑐮𑐫𑑂 𑐰𑐵𑐳𑑅 𑐫𑐵𑐎𑐵𑐔𑑂𑐰𑐣𑐵𑐡𑐷𑐐𑐸 𑐡𑐸 𑑋 𑐰𑐫𑑂𑐎𑑅𑐫𑐵 𑐳𑑂𑐰𑐵𑐳𑑂𑐠𑑂𑐫𑐫𑑂 𑐟𑐷𑐰𑑂𑐬 𑐳𑐸𑐢𑐵𑐬 𑐖𑐸𑐫𑐵𑐔𑑂𑐰𑑄𑐐𑐸 𑐏𑑃 𑐔𑐶𑐎𑐶𑐟𑑂𑐳𑐎𑐟𑐫𑑂𑐳𑑄 𑐢𑐵𑑅𑐐𑐸 𑐡𑐸 𑑋