𑐩𑑄𑐎𑐵𑑅 𑐏𑐮𑑅 𑐫𑐮𑐫𑐵 𑐳𑐴𑐮𑐴 𑐩𑐸𑑃𑐖𑑂𑐫𑐵


𑐩𑑄𑐎𑐵𑑅 𑐏𑐮𑑅 𑐫𑐮𑐫𑐵 𑐳𑐴𑐮𑐴 𑐩𑐸𑑃𑐖𑑂𑐫𑐵

𑐫𑐮 – 𑐣𑐾𑐥𑐵𑐮𑐨𑐵𑐲𑐵 𑐩𑑄𑐎𑐵𑑅 𑐏𑐮𑑅 𑐫𑐮𑐫𑐵𑐟 𑐤𑑂𑐫𑐵𑐎𑐾𑐐𑐸 𑐰𑐶𑐲𑐫𑐫𑑂 𑐕𑐐𑐹 𑐳𑐴𑐮𑐴 𑐩𑐸𑑃𑐖𑑂𑐫𑐵 𑐖𑐹𑐐𑐸 𑐡𑐸 𑑋 ‘𑐣𑐾𑐥𑐵𑐮𑐨𑐵𑐲𑐵 𑐩𑑄𑐎𑐵𑑅 𑐏𑐮𑑅 𑐫𑐮 𑐤𑑂𑐫𑐵𑑅𑐰𑐣𑐾𑐐𑐸 𑐮𑑃𑐥𑐸’ 𑐰𑐶𑐲𑐫𑐫𑑂 𑐄𑐐𑐸 𑐳𑐴𑐮𑐴 𑐖𑐹𑐐𑐸 𑐏𑑅 𑑋𑐏𑐮𑑅𑐫𑐵 𑐣𑐵𑐫𑑅 𑐆𑐲𑐶𑐥𑑂𑐬𑐳𑐵𑐡 𑐱𑑂𑐬𑐾𑐲𑑂𑐛𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐖𑐹𑐐𑐸 𑐳𑐴𑐮𑐴 𑐩𑐸𑑃𑐖𑑂𑐫𑐵𑐫𑑂 𑐩𑑄𑐎𑐵𑑅 𑐏𑐮𑑅𑐫𑐵 𑐥𑐸𑐮𑐵𑑄𑐪 𑐣𑐵𑐫𑑅 𑐜𑐵. 𑐥𑐸𑐲𑑂𑐥𑐬𑐵𑐖 𑐬𑐵𑐖𑐎𑐬𑑂𑐞𑐶𑐎𑐵𑐬 𑐕𑐐𑐹 𑐖𑑂𑐫𑐵𑐥𑑁 𑐤𑑂𑐫𑐧𑑂𑐫𑐵𑐡𑐷𑐐𑐸 𑐏𑑅 𑑋

𑐖𑑂𑐫𑐵𑐥𑑁 𑐤𑑂𑐫𑐧𑑂𑐰𑐫𑐵𑐡𑐶𑐳𑐾𑑄 𑐜𑐵. 𑐬𑐵𑐖𑐎𑐬𑑂𑐞𑐶𑐎𑐵𑐬𑑄 𑐣𑐾𑐰𑐵𑑅𑐟𑐫𑑂𑐐𑐸 𑐩𑐹 𑐟𑐵𑐟𑐸𑐣𑐵 𑐢𑐂𑐐𑐸 𑐴𑐾 𑐣𑐾𑐰𑐵𑑅 𑐬𑐵𑐖𑑂𑐫 𑐏𑑅 𑐢𑐵𑐳𑐾𑑄 𑐠𑐸𑐎𑐶𑐫𑐵 𑐣𑐶𑑄𑐟𑐶𑑄 𑐩𑑄𑐎𑐵𑑅 𑐏𑐮𑐎𑑄 𑐳𑐩𑐣𑑂𑐰𑐫𑐎𑐵𑐬𑐷 𑐨𑐹𑐩𑐶𑐎𑐵 𑐪𑐶𑐟𑐾 𑐦𑐫𑐾𑐎𑐾𑐩𑐵𑑅𑐐𑐸 𑐏𑑃𑐫𑑂 𑐧𑑅 𑐧𑐶𑐫𑐵𑐡𑐶𑐮 𑑋 𑐰𑐫𑑂𑐎𑐮𑑄 𑐣𑐾𑐰𑐵𑑅 𑐬𑐵𑐖𑑂𑐫𑐫𑐵 𑐣𑐶𑑄𑐟𑐶𑑄 𑐩𑑄𑐎𑐵𑑅 𑐏𑐮𑐎𑑄 𑐁𑐰𑐱𑑂𑐫𑐎 𑐖𑐸𑐮 𑐢𑐵𑑅𑐳𑐵 𑐴𑐳𑑂𑐟𑐎𑑂𑐲𑐾𑐥𑐎𑐵𑐬𑐷 𑐨𑐹𑐩𑐶𑐎𑐵 𑐪𑐶𑐟𑐾𑐟 𑐟𑐫𑐵𑐬 𑐖𑐸𑐂𑐩𑐵𑑅 𑐢𑐵𑐳𑐾𑑄 𑐩𑑄𑐎𑐵𑑅 𑐏𑐮𑐎𑑄 𑐣𑐾𑐥𑐵𑐮𑐵𑐨𑐵𑐲𑐵 𑐏𑑂𑐫𑐮𑐫𑑂 𑐩𑐾𑐥𑐶𑑄𑐳𑑄 𑐫𑐵𑐣𑐵𑐩𑐔𑑂𑐰𑑄𑐐𑐸 𑐟𑐬, 𑐣𑐾𑐰𑐵𑑅𑐟𑐫𑑂𑐟 𑐣𑐶𑑄𑐟𑐶𑑄 𑐫𑐵𑐫𑐾 𑐴𑐾 𑐩𑐵𑑅𑐐𑐸 𑐖𑑂𑐫𑐵𑐫𑑂 𑐠𑑅𑐐𑐸 𑐎𑑂𑐲𑐩𑐟𑐵𑐎𑐠𑑄 𑐫𑐵𑐣𑐵 𑐰𑐣𑐾𑐩𑐵𑑅𑐐𑐸 𑐳𑐸𑐗𑐵𑐰 𑐣𑑄 𑐧𑐶𑐫𑐵𑐡𑐶𑐮 𑑋

𑐣𑐾𑐰𑐵𑑅 𑐁𑐣𑑂𑐡𑑀𑐮𑐣 𑐰𑐵 𑐕𑐸𑑄 𑐣𑑄 𑐖𑑂𑐫𑐵𑐗𑑂𑐰𑐮𑐫𑑂 𑐮𑑂𑐫𑐵𑐫𑑂 𑐥𑐸𑐳𑑂𑐟𑐵𑐫𑐵 𑐳𑐴𑐨𑐵𑐐𑐶𑐟𑐵 𑐀𑐥𑑂𑐰𑐫𑐾𑐎𑐵 𑐫𑑄𑐎𑐵𑑅 𑐣𑐾𑐰𑐵𑑅 𑐁𑐣𑑂𑐡𑑀𑐮𑐣𑐫𑐵𑐟 𑐥𑐸𑐳𑑂𑐟𑐵𑐣𑑂𑐟𑐬𑐞 𑐫𑐵𑐣𑐵 𑐫𑑄𑐎𑐾𑐩𑐵𑑅𑐐𑐸, 𑐣𑐾𑐰𑐵𑑅 𑐐𑐟𑐶𑐰𑐶𑐢𑐶𑐫𑐵𑐟 𑐳𑑄𑐔𑐵𑐬𑐩𑐵𑐢𑑂𑐫𑐩𑐫𑑂 𑐰𑑂𑐫𑐵𑐥𑐎 𑐫𑐵𑐣𑐵 𑐫𑑄𑐎𑐾𑐩𑐵𑑅𑐐𑐸, 𑐬𑐶𑐥𑑀𑐬𑑂𑐚𑐳𑑂 𑐎𑑂𑐮𑐧 𑐠𑐾𑑄𑐖𑑂𑐫𑐵𑑅𑐐𑐸 𑐣𑐾𑐰𑐵𑑅𑐟𑐫𑑂 𑐣𑐶𑑄𑐟𑐶𑑄 𑐕𑐐𑐹 𑐧𑐶𑐳𑑂𑐎𑑄𑐎𑐠𑑄𑐫𑐵 𑐳𑑄𑐳𑑂𑐠𑐵 𑐔𑐵𑐫𑐾𑐎𑐾𑐩𑐵𑑅𑐐𑐸 𑐮𑐐𑐵𑐫𑐟𑐫𑐵 𑐰𑐶𑐔𑐵𑑅 𑐩𑐸𑑃𑐖𑑂𑐫𑐵𑐫𑑂 𑐳𑐴𑐨𑐵𑐐𑐶𑐥𑐶𑑄𑐳𑑄 𑐥𑑂𑐰𑑄𑐎𑐵𑐡𑐷𑐐𑐸 𑐏𑑅 𑑋

𑐳𑐴𑐮𑐴 𑐩𑐸𑑃𑐖𑑂𑐫𑐵𑐫𑑂 𑐩𑑄𑐎𑐵𑑅 𑐏𑐮𑑅𑐫𑐵 𑐥𑐸𑐮𑐵𑑄𑐥𑐶𑑄 𑐣𑐵𑐫𑑅 𑐖𑐸𑐮𑐸𑐩𑐮𑐵𑐮 𑐔𑐶𑐟𑑂𑐬𑐎𑐵𑐬, 𑐳𑐸𑐬𑐾𑐱 𑐥𑑂𑐬𑐢𑐵𑐣 𑐰 𑐎𑐶𑐬𑐞 𑐱𑐵𑐎𑑂𑐫𑐮𑐶𑐳𑐾𑑄 𑐰𑐶𑐥𑐶𑐣 𑐔𑐶𑐟𑑂𑐬𑐎𑐵𑐬, 𑐱𑐵𑐣𑑂𑐟𑐬𑐵𑐖 𑐱𑐵𑐎𑑂𑐫, 𑐨𑐸𑐰𑐣𑐾𑐱𑑂𑐰𑐬 𑐖𑑀𑐱𑐷, 𑐔𑐣𑑂𑐡𑑂𑐬 𑐩𑐴𑐬𑑂𑐖𑐣, 𑐬𑐸𑐥𑐬𑐟𑑂𑐣 𑐱𑐵𑐎𑑂𑐫, 𑐴𑐶𑐬𑐵𑐬𑐟𑑂𑐣 𑐱𑐵𑐎𑑂𑐫, 𑐱𑐬𑐞𑐐𑑀𑐥𑐵𑐮 𑐩𑐴𑐬𑑂𑐖𑐣, 𑐬𑐵𑐩𑐴𑐬𑐶 𑐎𑐥𑐵𑐮𑐷, 𑐎𑐾𑐡𑐵𑐬 𑐱𑑂𑐬𑐾𑐲𑑂𑐛, 𑐩𑑀𑐟𑐶𑐮𑐵𑐮 𑐱𑐶𑐮𑑂𑐥𑐎𑐵𑐬, 𑐣𑐶𑐬𑑂𑐩𑐮 𑐱𑐵𑐎𑑂𑐫 𑐳𑐬𑐶𑐟𑐵 𑐩𑐴𑐬𑑂𑐖𑐣, 𑐳𑐶𑐮𑑂𑐨𑐶𑐫𑐵 𑐬𑐵𑐖𑑀𑐥𑐵𑐢𑑂𑐫𑐵𑐫, 𑐰𑐡𑐣 𑐱𑐬𑑂𑐩𑐵, 𑐱𑐵𑐎𑑂𑐫 𑐳𑐸𑐬𑐾𑐣, 𑐡𑐶𑐥𑐎𑐣𑐬𑑂𑐳𑐶𑑄𑐴 𑐱𑑂𑐬𑐾𑐲𑑂𑐛, 𑐖𑑂𑐘𑐵𑐣𑐾𑐣𑑂𑐡𑑂𑐬 𑐱𑐵𑐎𑑂𑐫, 𑐣𑐬𑐾𑐣𑑂𑐡𑑂𑐬 𑐱𑑂𑐬𑐾𑐲𑑂𑐛 𑐮𑐐𑐵𑐫𑐟𑑄 𑐠𑑅𑐠𑑅𑐐𑐸 𑐰𑐶𑐔𑐵𑑅 𑐥𑑂𑐰𑑄𑐎𑐵𑐡𑐷𑐐𑐸 𑐏𑑅 𑑋

𑐖𑑂𑐫𑐵𑐗𑑂𑐰𑐮𑐫𑑂 𑐏𑐮𑑅𑐫𑐵 𑐣𑐵𑐫𑑅 𑐱𑑂𑐬𑐾𑐲𑑂𑐛𑑄 𑐠𑑅𑐐𑐸 𑐮𑑂𑐫𑑄 𑐡𑐸𑐐𑐸 𑐎𑐵𑐬𑑂𑐫𑐎𑐵𑐮𑐫𑑂 𑐠𑐸𑐎𑐠𑑄𑐫𑐵 𑐴𑐾 𑐳𑐴𑐮𑐴 𑐰 𑐩𑐸𑑃𑐖𑑂𑐫𑐵𑐥𑐵𑐏𑐾𑑄 𑐰𑑅𑐐𑐸 𑐳𑐮𑑂𑐮𑐵𑐴 𑐰 𑐳𑐸𑐗𑐵𑐰𑐫𑐵𑐟 𑐁𑐟𑑂𑐩𑐳𑐵𑐟 𑐫𑐵𑐣𑐵𑑅 𑐤𑑂𑐫𑐵𑑅 𑐰𑐣𑐾𑐐𑐸 𑐥𑑂𑐬𑐟𑐶𑐰𑐡𑑂𑐢𑐟𑐵 𑐥𑑂𑐰𑑄𑐎𑐵𑐡𑐷𑐐𑐸 𑐏𑑅 𑑋