𑐣𑐾𑐥𑐵𑐮 𑐮𑐶𑐥𑐶 𑐐𑐸𑐠𑐶𑐫𑐵 𑐳𑐸𑐂𑐐𑐸𑐡𑑃 (𑑓𑑙 𑐎𑑂𑐰𑑅𑐐𑐸) 𑐧𑐸𑐡𑐶𑑄 𑐰 𑐮𑐶𑐥𑐶𑐰𑐶𑐖𑑂𑐘𑐣𑐵𑐥 𑐳𑐴𑐮𑐴 𑐖𑑂𑐫𑐵𑐗𑑂𑐰𑑅 𑐖𑐸𑐂𑐐𑐸


𑐣𑐾𑐥𑐵𑐮 𑐮𑐶𑐥𑐶 𑐐𑐸𑐠𑐶𑐫𑐵 𑐳𑐸𑐂𑐐𑐸𑐡𑑃 (𑑓𑑙 𑐎𑑂𑐰𑑅𑐐𑐸) 𑐧𑐸𑐡𑐶𑑄 𑐰 𑐮𑐶𑐥𑐶𑐰𑐶𑐖𑑂𑐘𑐣𑐵𑐥 𑐳𑐴𑐮𑐴 𑐖𑑂𑐫𑐵𑐗𑑂𑐰𑑅 𑐖𑐸𑐂𑐐𑐸

𑐣𑐾𑐰𑐵: 𑐀𑐣𑐮𑐵𑐂𑐣 𑐣𑑂𑐫𑐸𑐖 – 𑐮𑐮𑐾𑐣𑑂𑐡𑑂𑐬 𑐱𑐵𑐎𑑂𑐫 | 𑑒𑑐𑑗𑑖 𑐖𑐾𑐛 𑑑𑑔, 𑐩𑑄𑐐𑐮𑐧𑐵𑐬 𑑑𑑐:𑑔𑑙:𑑐𑑖 𑐣𑐾𑐥𑐵𑐮 𑐮𑐶𑐥𑐶 𑐐𑐸𑐠𑐶 𑐣𑐷𑐳𑑂𑐰𑐣𑐵𑑅 𑐋𑐟𑐶𑐴𑐵𑐳𑐶𑐎 𑐬𑐸𑐥𑑄 𑐣𑐾𑐥𑐵𑑅𑐫𑐵 𑐩𑑂𑐴𑐳𑐷𑐎𑐵 𑐎𑐠𑑄 𑐢𑐳𑑂𑐰𑐵𑐣𑐵𑐔𑑂𑐰𑑄𑐐𑐸 𑐣𑐾𑐥𑐵𑑅𑐫𑐵 𑐩𑑁𑐮𑐶𑐎 𑐮𑐶𑐥𑐶 𑐳𑑄𑐬𑐎𑑂𑐲𑐞 𑐰 𑐥𑑂𑐬𑐰𑐬𑑂𑐡𑑂𑐢𑐣 𑐫𑐵𑐣𑐵𑑅 𑐰𑐫𑐵𑐔𑑂𑐰𑑄𑐐𑐸 𑐳𑐸𑐂𑐐𑐸𑐡𑑃 (𑑓𑑙 𑐡𑑃) 𑐎𑑂𑐰𑐔𑐵𑑅𑐐𑐸 𑐮𑐳𑐟𑐵𑐫𑑂 𑐄𑐐𑐸 𑐐𑐸𑐠𑐶𑑄 𑐠𑐷𑐠𑐷 𑐖𑑂𑐫𑐵𑐗𑑂𑐰𑑅𑐫𑐵 𑐐𑑂𑐰𑐳𑐵𑑅 𑐐𑑂𑐰𑐫𑐵𑑅 𑐟𑑅𑐖𑐶𑐎 𑐧𑐸𑐡𑐶𑑄 𑐴𑐣𑐵𑑅 𑐰𑐫𑐵𑐔𑑂𑐰𑑄𑐐𑐸 𑐡𑐸 𑑋 𑐠𑑂𑐰𑐴𑐾 𑐗𑑂𑐰𑐮𑐫𑑂 𑐣𑐾.𑐳𑑄. 𑑑𑑑𑑓𑑙 𑐧𑐕𑐮𑐵𑐐𑐵 𑐡𑐳𑐩𑐶 (𑐖𑐾𑐛 𑑑𑑕 𑐐𑐟𑐾) 𑐧𑐸𑐢𑐰𑐵𑑅 𑐣𑑂𑐴𑐶𑐣𑐳𑐶𑐫𑐵 𑑒 𑐟𑐵 𑐂𑐮𑐫𑑂 𑐫𑐾𑑃𑐫𑐵 𑐟𑑂𑐫𑑅𑐬𑐫𑐵 𑐳𑐵𑑅𑐣𑐣𑐶𑐂 𑐔𑑂𑐰𑑄𑐐𑐸 𑐣𑐾𑐥𑐵𑐮 𑐮𑐶𑐥𑐶 𑐐𑐸𑐠𑐶𑐂 𑐟𑑅𑐖𑐶𑐎 𑐖𑑂𑐫𑐵𑐗𑑂𑐰𑑅 𑐖𑐸𑐂𑐐𑐸 𑐖𑐵𑐣𑐎𑐵𑐬𑐷 𑐐𑐸𑐠𑐶𑐫𑐵 𑐣𑐵𑐫𑑅 𑐣𑐶𑐬𑐘𑑂𑐖𑐣 𑐟𑐵𑐩𑑂𑐬𑐵𑐎𑐵𑐬𑑄 𑐣𑐾𑐰𑐵𑑅 𑐀𑐣𑐮𑐵𑐃𑐣𑐣𑑂𑐫𑐹𑐖𑐫𑐵𑐟 𑐖𑐵𑐣𑐎𑐵𑐬𑐷 𑐧𑐶𑐫𑐵𑐡𑐷𑐐𑐸 𑐡𑐸 𑑋 𑐣𑐵𑐫𑑅 𑐨𑐵𑐖𑐸 𑐟𑐵𑐩𑑂𑐬𑐵𑐎𑐵𑐬𑑄 𑐧𑐶𑐫𑐵𑐡𑐷𑐐𑐸 𑐖𑐵𑐣𑐎𑐵𑐬𑐷 𑐎𑐠𑑄 𑐎𑐣𑑂𑐴𑐫𑑂 𑐧𑐸𑐢𑐰𑐵𑑅 𑐣𑑂𑐴𑐶𑐣𑐳𑐶𑐫𑐵 𑑒 𑐟𑐵 𑐂𑐮𑐫𑑂 𑐮𑐶𑐥𑐶 𑐐𑐸𑐠𑐶𑐫𑐵 𑐳𑐸𑐂𑐐𑐸𑐡𑑃 𑐧𑐸𑐡𑐶𑑄 𑐴𑐣𑐵 𑐖𑑂𑐫𑐵𑐗𑑂𑐰𑑅 𑐰 𑐮𑐶𑐥𑐶𑐰𑐶𑐖𑑂𑐘𑐣𑐵𑐥 𑐳𑐴𑐮𑐴 𑐖𑑂𑐫𑐵𑐗𑑂𑐰𑑅 𑐖𑐸𑐂𑐐𑐸 𑐖𑐹𑐐𑐸 𑐡𑐸 𑑋 𑐨𑐵𑐖𑐸 𑐟𑐵𑐩𑑂𑐬𑐵𑐎𑐵𑐬𑑄 𑐄𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐧𑑂𑐰𑐟𑐶 𑐎𑐵𑐫𑐾𑐟 𑐳𑐎𑐮𑐳𑐶𑐟 𑐂𑐣𑐵𑐥 𑐫𑐵𑐣𑐵𑐡𑐷𑐐𑐸 𑐡𑐸 𑑋 𑐀𑐠𑐾𑐴𑐾, 𑐐𑑂𑐰𑐳𑐵𑑅 𑐏𑐮𑑅𑐫𑐵𑐟 𑐐𑑂𑐰𑐳𑐵𑑅 𑐐𑑂𑐰𑐫𑐾𑐟 𑐀𑑅𑐥𑐸𑐎𑑂𑐎 𑐥𑐮𑐵𑑅 𑐣𑑂𑐴𑑂𑐫𑐵𑐎𑐾𑐐𑐸 𑐣𑐶𑐟𑐶𑑄 𑐄𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐧𑑂𑐰𑐟𑐶 𑐎𑐵𑐫𑐾𑐐𑐸 𑐏𑑅 𑐧𑐵𑐫𑑂 𑐩𑐎𑐵𑐫𑐾𑐐𑐸 𑐏𑑅 𑐳𑐸𑐔𑑄 𑐧𑐶𑐂𑐟 𑐣𑑄 𑐐𑑂𑐰𑐳𑐵𑑅 𑐏𑐮𑑅 𑐣𑐾𑐥𑐵𑐮 𑐮𑐶𑐥𑐶 𑐐𑐸𑐠𑐶𑑄 𑐂𑐣𑐵𑐥 𑐫𑐵𑑅𑐐𑐸 𑐡𑐸 𑑋