𑐣𑐾𑐥𑐵𑐮𑐫𑑂 𑑒𑑐 𑐐𑐹 𑐨𑐵𑐲𑐵 𑐖𑐎 𑐳𑐸𑐬𑐎𑑂𑐲𑐶𑐟


𑐣𑐾𑐥𑐵𑐮𑐫𑑂 𑑒𑑐 𑐐𑐹 𑐨𑐵𑐲𑐵 𑐖𑐎 𑐳𑐸𑐬𑐎𑑂𑐲𑐶𑐟

𑐣𑐾𑐰𑐵: 𑐀𑐣𑐮𑐵𑐂𑐣 𑐣𑑂𑐫𑐸𑐖 | 𑑒𑑐𑑗𑑖 𑐖𑐾𑐛 𑑒𑑓, 𑐧𑐶𑐴𑐶𑐧𑐵𑐬 𑑒𑑒:𑑒𑑓:𑑑𑑙

𑐣𑐾𑐥𑐵𑐮𑐩𑐵 𑑒𑑐 𑐐𑐹 𑐨𑐵𑐲𑐵 𑐖𑐎 𑐳𑐸𑐬𑐎𑑂𑐲𑐶𑐟 𑐖𑐸𑐐𑐸 𑐟𑐠𑑂𑐫𑐵𑐒𑑂𑐎 𑐰𑐶𑐖𑑂𑐘𑐟𑐫𑑂𑐐𑐸 𑐥𑐵𑐏𑐾𑑄 𑐣𑑂𑐴𑐫𑐧𑑂𑐰𑑅𑐐𑐸 𑐡𑐸 𑑋
𑐢𑑁𑐏𑑂𑐫𑐮𑐫𑑂 𑐨𑐵𑐲𑐵 𑐁𑐫𑑀𑐐𑐡𑑂 𑐠𑑁𑑄 𑐧𑐶𑐴𑐶𑐰𑐵𑑅 𑐫𑐵𑑅𑐐𑐸 𑐥𑑂𑐬𑐵𑐡𑐾𑐱𑐶𑐎 𑐳𑐒𑑂𑐐𑑀𑐲𑑂𑐛𑐷𑐂 𑐨𑐵𑐲𑐵 𑐰𑐶𑐖𑑂𑐘 𑐰 𑐁𑐫𑑀𑐐𑐫𑐞 𑐰𑐶𑐖𑑂𑐘 𑐳𑐩𑐹𑐴 𑐳𑑄𑐫𑑀𑐖𑐎 𑐥𑑂𑐬𑐵 𑐜𑐵. 𑐟𑐾𑐖𑐬𑐟𑑂𑐣 𑐎𑑄𑐳𑐵𑐎𑐵𑐬𑑄 𑑙𑑔 𑐨𑐵𑐲𑐵 𑐀𑐳𑐸𑐬𑐎𑑂𑐲𑐶𑐟 𑐖𑐸𑐐𑐸 𑐏𑑃 𑐎𑐣𑐵𑐡𑐶𑐐𑐸 𑐡𑐸 𑑋 𑐎𑑄𑐳𑐵𑐎𑐵𑐬𑑄 𑐣𑐾𑐥𑐵𑐮𑐫𑑂 𑑑𑑒𑑓 𑐐𑐹 𑐩𑐏𑐳𑐾𑑄 𑑑𑑑𑑔 𑐨𑐵𑐲𑐵 𑐡𑐸𑐐𑐸 𑐡𑐵𑐧𑐷 𑐫𑐵𑐣𑐵𑐡𑐶𑐐𑐸 𑐡𑐸 𑑋
𑐰𑐫𑐎𑐮𑑄 𑐕𑐐𑐹 𑐴𑐾 𑐖𑐵𑐟𑐫𑐵 𑐠𑐷𑐠𑐷 𑐥𑐸𑐔𑑅𑐫𑐵 𑐡𑐠𑐸𑐂 𑐨𑐵𑐲𑐵 𑐧𑐶𑐳𑑂𑐎𑑄 𑐧𑐶𑐳𑑂𑐎𑑄 𑐡𑐸𑐐𑐸 𑐏𑑃 𑐣𑑂𑐴𑐫𑐠𑑄𑐳𑐾𑑄 𑐣𑐾𑐥𑐵𑐮𑐫𑑂 𑐮𑐶𑐥𑐶𑐧𑐡𑑂𑐢 𑐨𑐵𑐲𑐵 𑐖𑐎 𑐳𑐸𑐬𑐎𑑂𑐲𑐶𑐟 𑐨𑐵𑐲𑐵 𑐎𑐠𑑄 𑐎𑐫𑐵𑐟𑑅𑐐𑐸 𑐏𑑃 𑐣𑑂𑐴𑐫𑐠𑑄𑐣𑐵𑐡𑐶𑐐𑐸 𑐡𑐸 𑑋
𑐎𑑄𑐳𑐵𑐎𑐵𑐬𑑄 𑐐𑐸𑐐𑐹 𑐨𑐵𑐲𑐵 𑐰𑐶𑐡𑐾𑐱𑐷 𑐖𑐸𑐐𑐸 𑐡𑐵𑐧𑐶 𑐫𑐵𑐣𑐵𑐡𑐶𑐳𑐾𑑄 𑐐𑐸𑐐𑐸 𑐨𑐵𑐲𑐵𑐫𑐵 𑐠𑑅𑐐𑐸 𑐮𑐶𑐥𑐶 𑐩𑐡𑐸 𑐮𑐶𑐥𑐶 𑐡𑐸 𑐄𑐐𑐸 𑐨𑐵𑐲𑐵 𑐀𑐳𑐸𑐬𑐎𑑂𑐲𑐶𑐟 𑐨𑐵𑐲𑐵 𑐖𑐸𑐐𑐸 𑐰 𑐣𑐾𑐥𑐵𑐮𑐫𑐵 𑐨𑐵𑐲𑐵𑐫𑐵𑐟 𑐗𑐶𑐐𑐹 𑐳𑐩𑐸𑐴𑐫𑐵 𑐨𑐵𑐲𑐵 𑐡𑐸𑐣𑐾 𑐀𑐢𑑂𑐫𑐣 𑐫𑐵𑐣𑐵𑐔𑑂𑐰𑑄𑐐𑐸 𑐏𑑃 𑐎𑐣𑐵𑐡𑐶𑐐𑐸 𑐡𑐸 𑑋
𑐎𑑄𑐳𑐵𑐎𑐵𑐬𑑄 𑐣𑐾𑐥𑐵𑑅𑐫𑐵 𑐳𑐸𑐬𑐎𑑂𑐲𑐶𑐟 𑐨𑐵𑐲𑐵 𑐁𑑅 𑐟𑐎 𑐳𑐬𑐎𑐵𑐬𑐷, 𑐳𑐵𑐴𑐶𑐟𑑂𑐫 𑐟𑐠𑐵 𑐠𑐷𑐠𑐷 𑐰𑐶𑐢𑐵𑐫𑑂 𑐕𑐫𑐾𑐮𑐵𑐔𑑂𑐰𑑄𑐐𑐸 𑐏𑑃 𑐎𑐣𑐵𑐡𑐶𑐐𑐸 𑐡𑐸 𑑋
𑑓 𑐣𑐩𑑂𑐧𑐬 𑐥𑑂𑐬𑐡𑐾𑐱𑐫𑐵 𑐣𑑂𑐫𑐵𑐐𑐹 𑐖𑐶𑐮𑑂𑐮𑐵𑐫𑐵 𑐳𑑂𑐠𑐵𑐣𑐷𑐫 𑐖𑐣𑐥𑑂𑐬𑐟𑐶𑐣𑐶𑐢𑐶, 𑐨𑐵𑐲𑐶𑐎 𑐳𑑄𑐳𑑂𑐠𑐵𑐳𑐩𑑂𑐧𑐡𑑂𑐢 𑐰𑐶𑐖𑑂𑐘 𑐰 𑐥𑑂𑐬𑐵𑐢𑑂𑐫𑐵𑐥𑐎 𑐣𑐵𑐥 𑐖𑐸𑐐𑐸 𑐀𑐣𑑂𑐟𑐎𑑂𑐬𑑂𑐬𑐶𑐫𑐵 𑐥𑑂𑐬𑐡𑐾𑐱 𑐰 𑐳𑑂𑐠𑐵𑐣𑐷𑐫 𑐟𑐴𑐩𑐵 𑐳𑐬𑐎𑐵𑐬𑐷 𑐎𑐵𑐩𑐎𑐵𑐖𑐫𑐵 𑐨𑐵𑐲𑐵 𑐣𑐶𑐬𑑂𑐢𑐵𑐬𑐞𑐫𑐵 𑐣𑐶𑐟𑐶𑑄 𑐳𑐶𑐦𑐵𑐬𑐶𑐳 𑐫𑐵𑐫𑐾𑐐𑐸 𑐣𑐶𑐟𑐶𑑄 𑐖𑐸𑐐𑐸 𑐳𑐒𑑂𑐐𑑀𑐲𑑂𑐛𑐷𑐫𑐵 𑐖𑑂𑐫𑐵𑐗𑑂𑐰𑐮𑐫𑑂 𑐄𑐐𑐸 𑐏𑑃 𑐟𑐫𑐵𑐡𑐶𑐐𑐸 𑐏𑑅 𑑋