𑐣𑐾𑐥𑐵𑐮𑐨𑐵𑐲𑐵 𑐥𑐬𑐶𑐲𑐡𑑂𑐫𑐵 𑐧𑐵𑐏𑑄 𑐐𑑀𑐲𑑂𑐛𑐶


𑐣𑐾𑐥𑐵𑐮𑐨𑐵𑐲𑐵 𑐥𑐬𑐶𑐲𑐡𑑂𑐫𑐵 𑐧𑐵𑐏𑑄 𑐐𑑀𑐲𑑂𑐛𑐶

𑐫𑐮 – 𑐣𑐾𑐥𑐵𑐮𑐨𑐵𑐲𑐵 𑐥𑐬𑐶𑐲𑐡𑑂𑐫𑐵 𑐐𑑂𑐰𑐳𑐵𑐮𑐫𑑂 𑐰𑑄𑐐𑐸 𑐁𑐂𑐟𑐰𑐵𑑅 𑐠𑐣𑐫𑐵 𑐎𑑂𑐰𑐥𑐸𑑄𑐡𑑂𑐰𑑃𑐫𑑂 𑐔𑑂𑐰𑑄𑐐𑐸 𑐳𑐵𑐟𑑀𑐁𑐎𑐷 𑐨𑐰𑐣𑐫𑑂 𑐧𑐵𑐏𑑄 𑐐𑑀𑐲𑑂𑐛𑐶 𑐖𑐸𑐮 𑑋 𑐥𑐬𑐶𑐲𑐡𑑂𑐫𑐵 𑐣𑐵𑐫𑑅 𑐥𑑂𑐬𑐵. 𑐳𑐸𑐰𑐬𑑂𑐞 𑐱𑐵𑐎𑑂𑐫𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐣𑑂𑐴𑑂𑐫𑐵𑑅𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐰𑐬𑐶𑐲𑑂𑐛 𑐧𑐵𑐏𑑄 𑐔𑑂𑐰𑐩𑐶 𑐣𑐵𑐥𑑄 𑐱𑐶𑐎𑑂𑐲𑐵𑐰𑐶𑐡𑑂 𑐴𑐶𑐟𑐎𑐬 𑐰𑐷𑐬 𑐳𑐶𑑄𑐴 𑐎𑑄𑐳𑐵𑐎𑐵𑐬 𑐩𑐹𑐥𑐵𑐴𑐵𑑄𑐎𑐠𑑄 𑐗𑐫𑐵𑐡𑐷𑐐𑐸 𑐏𑑅 𑑋

𑐖𑑂𑐫𑐵𑐗𑑂𑐰𑐮𑐫𑑂 𑐧𑐡𑑂𑐬𑐷 𑐰𑐾𑐡𑐣𑐵, 𑐣𑐬𑐾𑐱 𑐀𑐩𑐵𑐟𑑂𑐫, 𑐩𑐵𑐞𑐶𑐎 𑐄𑐬𑐵𑐫, 𑐱𑑂𑐬𑐷𑐩𑐶𑐮𑐵 𑐳𑐸𑐰𑐵𑐮, 𑐬𑐵𑐎𑐾𑐱 𑐨𑐵𑐖𑐸, 𑐩𑐶𑐣𑐵 𑐰𑐖𑑂𑐬𑐵𑐔𑐵𑐬𑑂𑐫, 𑐖𑑂𑐘𑐵𑐣𑐷𑐬𑐵𑐖𑐵 𑐩𑐵𑐣𑐣𑑂𑐢𑐬, 𑐬𑐵𑐖𑐸𑐬𑐵𑐩 𑐩𑐸𑐣𑑄𑐎𑑅𑐩𑐶, 𑐬𑐾𑐞𑐸 𑐱𑑂𑐬𑐾𑐲𑑂𑐛, 𑐡𑐶𑐥𑐣𑐵 𑐱𑐬𑑂𑐩𑐵𑑄 𑐠𑑅𑐠𑑅𑐐𑐸 𑐧𑐵𑐏𑑄 𑐧𑑂𑐰𑐣𑐵𑑅 𑐣𑑂𑐫𑑄𑐎𑐵𑐡𑐷𑐐𑐸 𑐏𑑅 𑑋

𑐖𑑂𑐫𑐵𑐗𑑂𑐰𑐮𑐫𑑂 𑐣𑐰𑐵𑐳𑐾‌ 𑐩𑐹𑐥𑐵𑐴𑐵𑑄 𑐎𑑄𑐳𑐵𑐎𑐵𑐬‌ 𑐧𑐵𑐏𑑄 𑐖𑐎 𑐢𑐫𑐵𑑄 𑐩𑐖𑐶𑐄 𑐢𑐵𑐳𑐾‌ 𑐧𑐵𑐏𑐣𑐫𑑂 𑐰𑐶𑐲𑐫 𑐡𑐫𑐾𑐩𑐵𑑅 𑐀𑐠𑐾 𑐏𑑅𑐳𑐵𑑄 𑐳𑑄𑐳𑐵𑐬𑐫𑑂 𑐰𑐶𑐲𑐫 𑐩𑐡𑐸𑐐𑐸 𑐧𑐵𑐏𑑄 𑐣𑑄 𑐟𑐳𑐎𑑄 𑐮𑑀𑐎𑑄𑐴𑑂𑐰𑐵𑑅𑐐𑐸 𑐀𑐣𑐸𑐨𑐹𑐟𑐶 𑐣𑑂𑐫𑑄𑐎𑐵𑐡𑐶𑐮 𑑋 𑐰𑐫𑑂𑐎𑐮𑑄 𑐧𑐵𑐏𑑄 𑐔𑑂𑐰𑐫𑐾 𑐧𑐮𑐫𑑂 𑐧𑐵𑐏𑑄𑐫𑐵𑐟 𑐫𑐂𑐥𑐸𑐳𑐾 𑐰 𑐣𑑂𑐫𑐣𑐾 𑐧𑐮𑐫𑑂 𑐣𑑂𑐴𑑂𑐫𑐂𑐥𑐸𑐳𑐾 𑐔𑑂𑐰𑑄𑐎𑐾𑐟 𑐧𑐵𑐏𑐣𑐫𑑂 𑐎𑐮𑐵𑐫𑐵 𑐥𑑂𑐬𑐫𑑀𑐐 𑐫𑐵𑐣𑐵𑑅 𑐁𑐎𑐬𑑂𑐲𑐎 𑐢𑑄𑐐𑑄 𑐏𑑃𑐐𑑂𑐰𑑅𑐟 𑐕𑑂𑐫𑐮𑐾 𑐩𑐵𑑅𑐐𑐸 𑐰 𑐱𑐸𑐬𑐸𑐂 𑐬𑐴𑐳𑑂𑐫𑐫𑐵𑐟 𑐣𑑂𑐴𑑂𑐫𑐧𑑂𑐰𑐫𑐵𑑅 𑐀𑐣𑑂𑐟𑑂𑐫𑐫𑑂 𑐄𑐎𑐶𑐫𑐵𑐟 𑐥𑐶𑐟𑐴𑐫𑐾 𑐦𑐟 𑐢𑐵𑑅𑐳𑐵 𑐧𑐵𑐏𑑄 𑐧𑐵𑑄𑐮𑐵𑐂 𑐢𑐫𑐵𑐡𑐶𑐮 𑑋

𑐣𑐵𑑄𑐖𑐵𑑅𑐩𑑂𑐴 𑐳𑐵𑐴𑐶𑐟𑑂𑐫𑐎𑐵𑐬 𑐐𑑀𑐰𑐶𑐣𑑂𑐡𑐩𑐵𑐣 𑐱𑑂𑐬𑐾𑐲𑑂𑐛𑑄 𑐖𑑂𑐫𑐵𑐗𑑂𑐰𑐮𑐫𑑂 𑐣𑑂𑐴𑑂𑐫𑐧𑑂𑐰𑑅𑐐𑐸 𑐡𑐎𑑂𑐰𑑄 𑐧𑐵𑐏𑑄 𑐧𑐵𑑄𑐮𑐵𑑅 𑐖𑐹 𑐢𑐵𑐳𑐾‌ 𑐧𑐵𑐏𑑄 𑐔𑑂𑐰𑐫𑐾 𑐧𑐮𑐫𑑂 𑐴𑐠𑐵𑐳𑑄 𑐔𑑂𑐰𑐫𑐾𑐐𑐸 𑐩𑐏𑐳𑐾 𑐕𑐳𑐶𑐎𑐠𑑄 𑐣𑑂𑐴𑑂𑐫𑐵𑐎𑐵𑑅 𑐫𑑄𑐎𑐾𑐟 𑐳𑑂𑐰𑐫𑐾𑐐𑐸 𑐰 𑐠𑐠𑐾 𑐫𑐵𑐫𑐾 𑐧𑐮𑐫𑑂 𑐟𑑅𑐐𑐹 𑐰𑐶𑐲𑐫𑐫𑑂 𑐟𑐟𑑅𑐩𑐟𑑅 𑐎𑑂𑐫𑐣𑐷𑐎𑐠𑑄 𑐔𑑂𑐰𑐫𑐵𑑅 𑐎𑑂𑐰𑐔𑐵𑐫𑐾 𑐎𑐾𑐐𑐸 𑐳𑑂𑐰𑐫𑐾 𑐩𑐖𑐶𑐄 𑐢𑐫𑐵𑐡𑐶𑐮 𑑋

𑐖𑑂𑐫𑐵𑐗𑑂𑐰𑑅𑐫𑐵 𑐳𑐨𑐵𑐥𑐟𑐶𑐫𑐵 𑐠𑐵𑐳𑑄 𑐥𑐬𑐶𑐲𑐡𑑂𑐫𑐵 𑐣𑐵𑐫𑑅 𑐥𑑂𑐬𑐵. 𑐱𑐵𑐎𑑂𑐫𑑄 𑐡𑐎𑑂𑐰𑑄 𑐠𑐵𑐳𑐫𑑂 𑐩𑐾𑐩𑐾𑐐𑐸 𑐨𑐵𑐫𑑂 𑐔𑐮𑐾 𑐖𑐸𑐂𑐢𑐸𑑄𑐎𑐮 𑐢𑐂𑐐𑐸 𑐳𑑀𑐔 𑐟𑐫𑐵 𑐰𑐣 𑐢𑐵𑑅𑐳𑐵 𑐗𑐷𑐐𑐸 𑐨𑐵𑐲𑐵𑐫𑑂 𑐀𑐰𑐱𑑂𑐫 𑐣𑑄 𑐐𑐟𑐶𑐬𑐵𑐾𑐢 𑐰𑐂 𑐢𑐵𑐳𑐾‌ 𑐣𑐾𑐥𑐵𑐮𑐨𑐵𑐲𑐵𑐫𑐵𑐟 𑐩𑑂𑐰𑐵𑐎𑐵 𑐟𑐫𑐾𑐫𑐵 𑐣𑐶𑑄𑐟𑐶‌ 𑐗𑐷𑐳𑑄 𑐠𑑅𑐐𑐸 𑐩𑐵𑑄𑐨𑐵𑐫𑑂𑐫𑐵 𑐕𑑂𑐫𑐮𑐵𑐧𑐸𑐮𑐵 𑐫𑐵𑐫𑐾 𑐐𑐸 𑐟𑑂𑐰𑑅𑐟𑐾 𑐩𑐖𑐶𑐄 𑐢𑐫𑐵𑐡𑐶𑐮 𑑋

𑐖𑑂𑐫𑐵𑐗𑑂𑐰𑐮𑐫𑑂 𑐥𑐬𑐶𑐲𑐡𑑂𑐫𑐵 𑐕𑑂𑐫𑐵𑐘𑑂𑐖𑐾 𑐳𑐵𑐴𑐶𑐟𑑂𑐫𑐎𑐵𑐬 𑐢𑐸𑑂𑐬𑑂𑐰 𑐩𑐢𑐶𑐎𑑅𑐩𑐶𑑄 𑐮𑐳𑐎𑐸𑐳 𑐫𑐵𑐣𑐵𑐡𑐷𑐐𑐸 𑐏𑑅 𑑋