𑐟𑐵𑐩𑑂𑐬𑐎𑐵𑐬 𑐳𑐩𑐵𑐖𑐫𑐵 𑐕𑐵𑐟𑑂𑐬𑐰𑐺𑐟𑑂𑐟𑐶 𑐮𑑅𑐯𑐵𑐟


𑐟𑐵𑐩𑑂𑐬𑐎𑐵𑐬 𑐳𑐩𑐵𑐖𑐫𑐵 𑐕𑐵𑐟𑑂𑐬𑐰𑐺𑐟𑑂𑐟𑐶 𑐮𑑅𑐯𑐵𑐟

𑐫𑐮 – 𑐟𑐵𑐩𑑂𑐬𑐎𑐵𑐬 𑐳𑐩𑐵𑐖𑐫𑐵 𑐱𑐶𑐎𑑂𑐲𑐵 𑐄𑐥𑐳𑐩𑐶𑐟𑐶𑐥𑐵𑐏𑐾𑑄 𑐳𑐩𑐵𑐖𑐫𑐵 𑐖𑐾𑐴𑐾𑐣𑑂𑐡𑐵𑐬 𑐰 𑐁𑐬𑑂𑐠𑐶𑐎 𑐳𑐩𑐳𑑂𑐫𑐵𑐫𑑂𑐮𑐵𑐣𑐵𑐔𑑂𑐰𑑄𑐥𑐶𑑄 𑐎𑐎𑑂𑐲𑐵 𑑑 𑐣𑐶𑐳𑐾𑑄 𑐳𑑂𑐣𑐵𑐟𑐎 𑐟𑐴 𑐟𑐎𑐫𑐵 𑐗𑐶𑑄𑐣𑑂𑐫𑐵𑐪 𑐰𑐶𑐡𑑂𑐫𑐵𑐬𑑂𑐠𑐷𑐥𑐶𑑄𑐟 𑐠𑑂𑐫𑑄𑐩𑐠𑑂𑐫𑑄 𑐣𑐶𑐐𑐹 𑐮𑐵𑐏 𑐟𑐎𑐵 𑐧𑐬𑐵𑐧𑐬𑐫𑐵 𑐕𑐵𑐟𑑂𑐬𑐰𑐺𑐟𑑂𑐟𑐶 𑐮𑑅𑐯𑐵𑑅𑐐𑐸 𑐡𑐸 𑑋

𑐕𑐵𑐟𑑂𑐬𑐰𑐺𑐟𑑂𑐟𑐶 𑐮𑑅𑐯𑐵𑐫𑐾𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐣𑑂𑐰𑐰𑐵𑐣𑐵𑐡𑐶𑐳𑐾𑑄 𑐳𑐩𑐵𑐖𑐫𑐵 𑐀𑐢𑑂𑐫𑐎𑑂𑐲 𑐬𑐰𑐶𑐣𑑂𑐡𑑂𑐬𑐬𑐵𑐖 𑐟𑐵𑐩𑑂𑐬𑐎𑐵𑐬𑑄 𑐳𑐩𑐵𑐖𑐫𑐵𑐎𑐾 𑐫𑐎𑑂𑐰 𑐢𑑂𑐫𑐧𑐵 𑐡𑐫𑐵𑑅 𑐕𑐵𑐟𑑂𑐬𑐰𑐺𑐟𑑂𑐟𑐶 𑐧𑐷𑐐𑐸 𑐫𑐵𑐣𑐵𑐔𑑂𑐰𑑄𑐐𑐸 𑐩𑐏𑐳𑐾 𑐁𑐬𑑂𑐠𑐶𑐎 𑐀𑐨𑐵𑐰𑐫𑐵 𑐎𑐵𑐬𑐞𑑄 𑐳𑐸𑑄 𑐣𑑄 𑐟𑐵𑐩𑑂𑐬𑐎𑐵𑐬𑐰𑐬𑑂𑐐 𑐱𑐶𑐎𑑂𑐲𑐵𑐥𑐵𑐏𑐾𑑄 𑐧𑐘𑑂𑐔𑐶𑐟 𑐩𑐖𑐸𑐂𑐩𑐵 𑐢𑐎𑐵𑑅 𑐕𑐵𑐟𑑂𑐬𑐰𑐺𑐟𑑂𑐟𑐶 𑐧𑐶𑐫𑐵 𑐰𑐫𑐵𑐔𑑂𑐰𑐣𑐵𑐐𑐸 𑐏𑑃 𑐎𑐣𑐵𑐡𑐶𑐮 𑑋

𑐴𑐬𑐾𑐎 𑐕𑐵𑐟𑑂𑐬𑐰𑐺𑐟𑑂𑐟𑐶𑐂 𑐡𑐵𑐟𑐵𑐫𑐵 𑐴𑐶𑐔𑑅𑐟𑐶𑐫𑐵 𑐎𑐩𑐵𑐂 𑐡𑐸𑐐𑐸𑐮𑐶𑑄 𑐰𑐶𑐡𑑂𑐫𑐵𑐬𑑂𑐠𑐷 𑐰 𑐀𑐨𑐶𑐨𑐵𑐰𑐎𑐥𑐶𑑄𑐳𑑄 𑐳𑐩𑐵𑐖𑑄 𑐧𑐶𑐄𑐐𑐸 𑐠𑐖𑑂𑐫𑐵𑑅𑐐𑐸 𑐕𑐵𑐟𑑂𑐬𑐰𑐺𑐟𑑂𑐟𑐶𑐫𑐵 𑐄𑐔𑐶𑐟 𑐳𑐡𑐸𑐥𑐫𑑀𑐐 𑐫𑐵𑐫𑐾𑐦𑐟 𑐢𑐵𑑅𑐳𑐵 𑐖𑐎 𑐠𑐖𑑂𑐫𑐵𑑅𑐐𑐸 𑐖𑑂𑐫𑐵𑐗𑑂𑐰𑑅𑐫𑐵 𑐄𑐔𑐶𑐟 𑐩𑐹𑐮𑑂𑐫𑐵𑑄𑐎𑐣 𑐖𑐸𑐂𑐐𑐸 𑐏𑑃 𑐣𑑄 𑐰𑐫𑑂𑐎𑐮𑑄 𑐢𑐫𑐵𑐡𑐶𑐮 𑑋 𑐳𑐩𑐵𑐖𑐥𑐵𑐏𑐾𑑄 𑐣𑐶𑐪 𑐰𑐶𑐡𑑂𑐫𑐵𑐬𑑂𑐠𑐷𑐟𑐫𑑂𑐟 𑐥𑐹𑐬𑑂𑐞 𑐕𑐵𑐟𑑂𑐬𑐰𑐺𑐟𑑂𑐟𑐶 𑐮𑑅𑐯𑐵𑑅𑐐𑐸 𑐏𑑅 𑑋

𑐄𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐄𑐥𑐳𑐩𑐶𑐟𑐶𑐫𑐵 𑐳𑑄𑐫𑑀𑐖𑐎 𑐥𑑂𑐬𑐰𑐮 𑐟𑐵𑐩𑑂𑐬𑐎𑐵𑐬𑑄 𑐰𑐂𑐐𑐸 𑐡𑑃 𑐣𑐶𑐳𑐾𑑄 𑐥𑐹𑐬𑑂𑐞 𑐕𑐵𑐟𑑂𑐬𑐰𑐺𑐟𑑂𑐟𑐶𑐫𑐵 𑐮𑑂𑐫𑐵𑑅 𑐀𑐗 𑐀𑐥𑑂𑐰𑐫𑐾𑐎𑐵 𑐫𑑄𑐎𑐾𑐐𑐸 𑐏𑑃 𑐎𑐣𑐵𑐡𑐶𑐮 𑑋 𑐀𑐠𑐾𑐴𑐾 𑐳𑐴𑐳𑑄𑐫𑑀𑐖𑐎 𑐀𑐩𑐶𑐟𑐵 𑐟𑐵𑐩𑑂𑐬𑐎𑐵𑐬𑑄 𑐳𑐩𑐵𑐖𑐫𑐵 𑐄𑐡𑐵𑐬 𑐩𑐣 𑐡𑐸𑐥𑐶𑑄 𑐡𑐵𑐟𑐵𑐟𑐫𑑂 𑐎𑐵𑐬𑐞𑑄 𑐕𑐵𑐟𑑂𑐬𑐰𑐺𑐟𑑂𑐟𑐶 𑐧𑐷𑐐𑐸 𑐦𑐫𑐵𑐔𑑂𑐰𑑄𑐐𑐸 𑐏𑑃 𑐢𑐫𑐵𑐡𑐶𑐮 𑑋