𑐎𑐶𑐥𑐹𑐫𑐵 𑐥𑐵𑐛𑑂𑐫𑐎𑑂𑐬𑐩𑐫𑑂 𑐨𑐵𑐲𑐵, 𑐮𑐶𑐥𑐶 𑐰 𑐳𑑄𑐳𑑂𑐎𑐺𑐟𑐶


𑐎𑐶𑐥𑐹𑐫𑐵 𑐥𑐵𑐛𑑂𑐫𑐎𑑂𑐬𑐩𑐫𑑂 𑐨𑐵𑐲𑐵, 𑐮𑐶𑐥𑐶 𑐰 𑐳𑑄𑐳𑑂𑐎𑐺𑐟𑐶

𑐎𑐶𑐥𑐹 – 𑐎𑐶𑐥𑐹 𑐣𑐐𑐬𑐥𑐵𑐮𑐶𑐎𑐵𑑄 𑐳𑑂𑐠𑐵𑐣𑐷𑐫 𑐥𑐵𑐛𑑂𑐫𑐎𑑂𑐬𑐩𑐫𑑂 𑐣𑐾𑐥𑐵𑐮𑐨𑐵𑐲𑐵, 𑐮𑐶𑐥𑐶 𑐰 𑐳𑑄𑐳𑑂𑐎𑐺𑐟𑐶𑐫𑐵𑐟 𑐡𑐸𑐠𑑂𑐫𑐵𑐎𑐷𑐐𑐸 𑐖𑐹𑐐𑐸 𑐡𑐸𑑋 𑐎𑐶𑐥𑐹 𑐣𑐐𑐬𑐥𑐵𑐮𑐶𑐎𑐵𑐫𑐵 𑐱𑐶𑐎𑑂𑐲𑐵 𑐳𑐩𑐶𑐟𑐶𑐫𑐵 𑐩𑑂𑐴𑐷𑐐 𑐔𑑂𑐰𑑄𑐐𑐸 𑐩𑐸𑑃𑐖𑑂𑐫𑐵𑑄 𑐠𑑂𑐰 𑐳𑐩𑑂𑐧𑐣𑑂𑐢𑐷 𑐣𑐶𑐬𑑂𑐞𑐫 𑐫𑐵𑑅𑐐𑐸 𑐏𑑅 𑑋

𑐄𑐐𑐸 𑐩𑐸𑑃𑐖𑑂𑐫𑐵𑑄 𑐠𑐸𑐐𑐸 𑐴𑐾 𑐡𑑃𑐣𑐶𑐳𑐾𑑄 𑐮𑐵𑐐𑐹 𑐖𑐸𑐂𑐎𑐠𑑄 𑐣𑐐𑐬𑐥𑐵𑐮𑐶𑐎𑐵𑐫𑐵 𑐳𑑂𑐠𑐵𑐣𑐷𑐫 𑐥𑐵𑐛𑑂𑐫𑐎𑑂𑐬𑐩𑐫𑑂 𑐄𑐎𑐠𑑄 𑐣𑐾𑐥𑐵𑐮𑐨𑐵𑐲𑐵, 𑐮𑐶𑐥𑐶 𑐰 𑐳𑑄𑐳𑑂𑐎𑐺𑐟𑐶𑐫𑐵𑐟 𑐡𑐸𑐠𑑂𑐫𑐵𑐎𑐾𑐐𑐸 𑐣𑐶𑐬𑑂𑐞𑐫 𑐫𑐵𑑅𑐐𑐸 𑐏𑑅 𑑋 𑐕𑐐𑐹𑐣𑐶𑐳𑐾𑑄 𑐔𑑂𑐫𑐵𑐐𑐹 𑐟𑐐𑐶𑑄𑐟𑐎 𑐧𑑂𑐰𑑄𑐎𑐷𑐐𑐸 𑐳𑑂𑐠𑐵𑐣𑐷𑐫 𑐥𑐵𑐛𑑂𑐫𑐎𑑂𑐬𑐩𑐫𑑂 𑐠𑐷𑐠𑐷 𑐗𑐶𑑄𑐣𑐶𑐐𑐹 𑐳𑑂𑐠𑐵𑐣𑐷𑐫 𑐰𑐶𑐲𑐫 𑐣𑑄 𑐡𑐸𑐠𑑂𑐫𑐵𑐎𑐷𑐐𑐸 𑐖𑐹𑐐𑐸 𑐡𑐸𑑋 𑐗𑐶𑑄𑐣𑐶𑐐𑐹 𑐰𑐶𑐲𑐫𑐫𑑂 𑐣𑐾𑐥𑐵𑐮𑐨𑐵𑐲𑐵 𑐳𑑂𑐫𑐣𑐾𑐐𑐸, 𑐮𑐶𑐥𑐶 𑐔𑑂𑐰𑐫𑐾𑐐𑐸 𑐰 𑐧𑑂𑐰𑐣𑐾𑐐𑐸, 𑐳𑑄𑐳𑑂𑐎𑐺𑐟𑐶𑐫𑐵 𑐰𑐶𑐲𑐫𑐫𑑂 𑐩𑐵𑐢𑑂𑐫𑐩 𑐨𑐵𑐲𑐵 𑐣𑐾𑐥𑐵𑐮𑐨𑐵𑐲𑐵 𑐖𑐸𑐂𑐐𑐸 𑐰 𑐩𑐾𑐩𑐾𑐐𑐸 𑐰𑐶𑐲𑐫𑐫𑑂 𑐰𑐶𑐟𑑂𑐟𑐷𑐫, 𑐨𑐹𑐐𑑀𑐮, 𑐱𑐿𑐎𑑂𑐲𑐶𑐎, 𑐂𑐟𑐶𑐴𑐵𑐳, 𑐰𑑂𑐫𑐎𑑂𑐟𑐶𑐟𑑂𑐰 𑐁𑐡𑐶 𑐰𑐶𑐲𑐫𑐫𑐵𑐟 𑐣𑑄 𑐡𑐸𑐠𑑂𑐫𑐵𑐎𑐷𑐐𑐸 𑐖𑐹𑐐𑐸 𑐡𑐸𑑋 𑐠𑐸𑐥𑐶𑑄 𑐰𑐶𑐲𑐫𑐟 𑐏𑐳𑑂 𑐨𑐵𑐫𑑂𑐫𑐵𑐟 𑐩𑐵𑐢𑑂𑐫𑐩 𑐨𑐵𑐫𑑂𑐫𑐵 𑐬𑐸𑐥𑐫𑑂 𑐠𑐵𑐫𑑂 𑐧𑐶𑐫𑐵𑐟𑑅𑐳𑐵𑑄 𑐣𑐶𑐐𑐸𑐮𑐶𑑄 𑐨𑐵𑐫𑑂 𑐕𑑂𑐫𑐮𑐾𑐐𑐸 𑐣𑑄 𑐎𑑂𑐰𑑅𑐕𑐶𑐄𑐐𑐸 𑐡𑐸 𑑋

𑐎𑐶𑐥𑐹 𑐣𑐐𑐬𑐥𑐵𑐮𑐶𑐎𑐵𑐫𑐵 𑐥𑑂𑐬𑐩𑐸𑐏 𑐬𑐩𑐾𑐱 𑐩𑐴𑐬𑑂𑐖𑐣𑐫𑐵 𑐰𑐶𑐱𑐾𑐲 𑐄𑐥𑐳𑑂𑐠𑐶𑐟𑐶𑐂 𑐔𑑂𑐰𑑄𑐐𑐸 𑐩𑐸𑑃𑐖𑑂𑐫𑐵𑑄 𑐱𑐶𑐎𑑂𑐲𑐵 𑐳𑐩𑐶𑐟𑐶𑐫𑐵 𑐡𑐸𑐖𑑅𑐥𑐶𑑄𑐟 𑐥𑐵𑐛𑑂𑐫𑐎𑑂𑐬𑐩𑐫𑑂 𑐡𑐸𑐠𑑂𑐫𑐵𑐎𑐾𑐐𑐸 𑐰𑐶𑐲𑐫 𑐰𑐳𑑂𑐟𑐸𑐫𑐵 𑐢𑐮𑑅 𑐩𑐸𑐣𑐾𑐐𑐸 𑐨𑐵𑐮𑐵 𑐣𑑄 𑐧𑐶𑐄𑐐𑐸 𑐏𑑅 𑑋 𑐥𑐵𑐛𑑂𑐫 𑐳𑐵𑐩𑐐𑑂𑐬𑐷𑐫𑐵 𑐢𑐮𑑅 𑐰 𑐰𑐶𑐲𑐫𑐰𑐳𑑂𑐟𑐸 𑐎𑑂𑐰𑑅𑐕𑐷𑐐𑐸 𑐣𑐶𑑄𑐟𑐶𑑄 𑐀𑐳𑑀𑐖 𑑗 𑐐𑐟𑐾 𑐔𑑂𑐰𑐣𑐷𑐐𑐸 𑐩𑐸𑑃𑐖𑑂𑐫𑐵𑑄 𑐠𑐥 𑐳𑐴𑐮𑐴 𑐫𑐵𑐂𑐐𑐸 𑐏𑑃 𑐢𑐵𑑅𑐐𑐸 𑐡𑐸 𑑋

Leave a comment