𑐥𑑂𑐬𑐎𑐵𑐱 𑐱𑐵𑐎𑑂𑐫 ‘𑐣𑑅𑐑𑑅’ 𑐧𑐸𑐡𑑂𑐢 𑐢𑐬𑑂‍𑐩𑐫𑑂 𑐡𑐷𑐎𑑂𑐲𑐶𑐟 𑐖𑐸𑐫𑐵𑐔𑑂𑐰𑑄𑐐𑐸 𑐠𑐸𑐐𑐸 𑐖𑐣𑑂𑐩𑐫𑑂 𑐣𑑄 𑐰𑑄𑐐𑐸 𑐖𑐣𑐩𑐫𑑂 𑐣𑑄 𑐳𑐸𑐏 𑐰 𑐱𑐵𑐣𑑂𑐟𑐶 𑐡𑐫𑐾𑐩𑐵𑑅 𑐢𑐎𑐵𑑅 𑐡𑐵𑐣𑐢𑐬𑑂‍𑐩 𑐰 𑐥𑐸𑐖𑐵𑐥𑐵𑐛 𑐫𑐵𑐣𑐵𑑅 𑐥𑐸𑐞𑑂𑐫𑐐𑐸 𑐎𑐬𑑂‍𑐩 𑐫𑐵𑐣𑐵𑐔𑑂𑐰𑐣𑐷 𑑋 𑐰𑐶𑐱𑐾𑐲 𑐫𑐵𑐣𑐵𑑅 𑐠𑐾𑐬𑐧𑐵𑐡𑐫𑐵 𑐧𑐸𑐡𑑂𑐢𑐢𑐬𑑂‍𑐩𑐫𑑂 𑐤𑑂𑐫𑐵𑐐𑐸 𑐢𑐵𑐬𑑂‍𑐩𑐶𑐎 𑐖𑑂𑐫𑐵𑐗𑑂𑐰𑑅𑐫𑐵 𑐀𑐣𑑂𑐟𑐫𑑂 𑐥𑐵𑐮𑐶𑐨𑐵𑐳𑑄 𑐔𑑂𑐰𑐫𑐵𑐟𑑅𑐐𑐸 𑐥𑐸𑐞𑑂𑐫 𑐧𑐣𑑂𑐡𑐣𑐵 𑐳𑐸𑐟𑑂𑐟 𑐧𑑂𑐰𑐣𑐵𑑅 𑐎𑑂𑐰𑐔𑐵𑐫𑐾𑐎𑐷 𑑋 𑐠𑐸𑐎𑐶𑐫𑐵𑐟 𑐥𑐸𑐞𑑂𑐫𑐵𑐣𑐸𑐩𑑀𑐡𑐣 𑐎𑐬𑑂‍𑐩 𑐢𑐵𑐂 𑑋 𑐥𑐸𑐞𑑂𑐫𑐵𑐣𑐸𑐩𑑀𑐡𑐣 𑐀𑐬𑑂‍𑐠 𑐠𑑂𑐰 𑐳𑐩𑑂𑐥𑐣𑑂𑐣 𑐖𑐹𑐐𑐸 𑐥𑐰𑐶𑐟𑑂𑐬𑐐𑐸 𑐎𑐵𑐬𑑂‍𑐫 𑐮𑐵𑐂𑐐𑐸 𑐥𑐸𑐞𑑂𑐫 𑐗𑐷𑐟 𑐖𑐎 𑐩𑐏𑐸 𑐳𑐎𑐮 𑐥𑑂𑐬𑐵𑐞𑐶𑐥𑐶𑑄𑐟 𑐣𑑄 𑐥𑐸𑐞𑑂𑐫 𑐮𑐵𑐣𑐵𑑅 𑐨𑐶𑑄 𑐖𑐸𑐂𑐩𑐵 𑐢𑐎𑐵𑑅 𑐎𑐵𑐩𑐣𑐵 𑐫𑐵𑐫𑐾𑐐𑐸 𑐏𑑅 𑑋 𑐧𑐸𑐡𑑂𑐢 𑐢𑐬𑑂‍𑐩𑐫𑑂 𑐕𑐐𑐹 𑐩𑐹 𑐟𑐵𑐟𑐸𑐣𑐵 𑐠𑑂𑐰 𑐖𑐎 𑐄𑐡𑑂𑐢𑐵𑐬 𑐖𑐸𑐂𑐐𑐸 𑐩𑐏𑐸𑐳𑐾 𑐳𑐎𑐮 𑐥𑑂𑐬𑐵𑐞𑐷𑐥𑐶𑑄𑐟 𑐣𑑄 𑐄𑐡𑑂𑐢𑐵𑐬 𑐫𑐵𑐫𑐾𑐐𑐸 […]

𑐗𑐷𑐳𑑄 𑐥𑐸𑐞𑑂𑐫𑐵𑐣𑐸𑐩𑑀𑐡𑐣 𑐫𑐵𑐫𑐾𑐩𑐵𑑅


𑐣𑐾𑐰𑐵𑑅 𑐦𑐶𑐮𑑂𑐩𑐫𑑂 𑐣𑐾𑐥𑐵𑑅𑐫𑐵 𑐂𑐟𑐶𑐴𑐵𑐳 𑐣𑐾𑐰𑐵𑑅 𑐦𑐶𑐮𑑂𑐩 𑐏𑑂𑐫𑐮𑐫𑑂 𑐠𑑁𑑄𑐎𑐤𑐫𑑂 𑐟𑐳𑐎𑑄 𑐴𑐾 𑐧𑐫𑑂𑐧𑐫𑑂 𑐖𑐸𑐫𑐵 𑐰𑐫𑐵𑐔𑑂𑐰𑑄𑐐𑐸 𑐦𑐶𑐮𑑂𑐩 𑐢𑐫𑐵𑐐𑐸 “𑐖𑐵𑐩𑐣𑑅 𑐐𑐸𑐨𑐵𑐖𑐸” 𑐏𑑅 𑑋 𑐦𑐶𑐮𑑂𑐩 𑐏𑑂𑐫𑐮𑐫𑑂 𑐕𑐪 𑐧𑐵𑑄𑐮𑐵𑑅𑐪 𑐎𑑂𑐫𑐵𑐩𑐾𑐬𑐵𑐩𑑂𑐫𑐵𑐣𑐫𑐵 𑐬𑐸𑐥𑐫𑑂 𑐣𑐵𑑄𑐖𑐵𑑅𑐪 𑐬𑐰𑐶 𑐳𑐵𑐫𑑂𑐩𑐶𑐫𑐵 𑐣𑐶𑐬𑑂‍𑐡𑐾𑐱𑐣𑐫𑑂 𑐟𑐫𑐵𑐬 𑐖𑐹𑐐𑐸 𑐠𑑂𑐰 “𑐖𑐵𑐩𑐣𑑅 𑐐𑐸𑐨𑐵𑐖𑐸” 𑐥𑑂𑐫𑐳𑑅𑐡𑑃𑐟𑐶 𑐤𑑂𑐫𑑅 𑐫𑐾𑑃𑐫𑐵 𑐖𑐸𑐖𑐸 𑐥𑑂𑐬𑐟𑐵𑐥 𑐩𑐮𑑂𑐮𑐮𑐶𑐳𑐾 𑐳𑑂𑐰𑐵𑐥𑐹 𑐡𑐸𑐐𑐸 𑐋𑐟𑐶𑐴𑐵𑐳𑐶𑐎 𑐟𑐠𑑂𑐫𑑄 𑐖𑐵𑑅𑐐𑐸 𑐧𑐵𑐏𑑄 𑐡𑐸𑐐𑐸 𑐦𑐶𑐮𑑂𑐩 𑐏𑑅 𑑋 𑐤𑐵𑐥𑐵 𑐩𑐮𑑂𑐮𑐎𑐵𑐮, 𑐮𑐶𑐔𑑂𑐕𑐰𑐶𑐎𑐵𑐮𑐫𑑂 𑐣𑐾𑐥𑐵𑐮𑐩𑐞𑑂𑐜𑐮𑐫𑑂 𑐟𑐵𑐣𑑂𑐟𑑂𑐬𑐶𑐎 𑐰𑐶𑐢𑐶𑑄 𑐫𑐎𑑂𑐰 𑐴𑐾 𑐠𑐵𑐫𑑂 𑐎𑐫𑐵𑐟𑑅𑐐𑐸 𑐏𑐣𑐾𑐡𑐸 𑑋 𑐄𑐐𑐸 𑐂𑐮𑐫𑑂 𑐖𑐸𑐖𑐸𑐥𑐶𑑄𑐳𑑄 𑐟𑐵𑐣𑑂𑐟𑑂𑐬𑐶𑐎 𑐐𑐸𑐬𑐸𑐖𑐸𑐥𑐶𑐣𑐶𑐐𑐸 𑐳𑐮𑑂𑐮𑐵𑐴 𑐰 𑐐𑑂𑐰𑐵𑐴𑐵𑐮𑐶𑐫𑐵𑐟 𑐠𑑅𑐐𑐸 𑐱𑐵𑐳𑐣𑐫𑐵 𑐩𑐹 𑐁𑐢𑐵𑐬 𑐎𑐠𑑄 𑐎𑐵𑐂𑐐𑐸 𑐏𑑅 𑑋 𑐔𑐵𑐴𑐾 𑐣𑐾𑐥𑐵𑐮𑐩𑐞𑑂𑐜𑐮𑐫𑑂 𑐀𑐣𑐵𑐰𑐺𑐲𑑂𑐚𑐶 𑐖𑐸𑐫𑐵𑑅 𑐴𑐵𑐴𑐵𑐎𑐵𑐬 𑐖𑐸𑐫𑐵𑐔𑑂𑐰𑑄𑐐𑐸 𑐂𑐮𑐫𑑂 𑐎𑐵𑐩𑐵𑐬𑐸𑐎𑐵𑐩𑐵𑐎𑑂𑐲 […]

𑐐𑐸𑐮𑐶 𑐟𑐠𑑂𑐫 𑐐𑐸𑐮𑐶 𑐎𑐵𑐮𑑂𑐥𑐣𑐶𑐎 ?


𑐬𑐵𑐩𑐥𑐸𑐬 𑐕𑐐𑐹 𑐔𑐶𑐎𑐶𑐔𑐵𑐢𑑄𑐐𑐸 𑐐𑐵𑑄 𑐏𑑅 𑑋 𑐀𑐣 𑐳𑑀𑐣𑐸 𑐠𑑅 𑐩𑐵𑑄𑐮𑐶𑐳𑐾 𑐔𑑂𑐰𑐣𑐵𑐔𑑂𑐰𑑄𑐐𑐸 𑐡𑐸 𑑋 𑐳𑑀𑐣𑐸𑐫𑐵 𑐀𑐧𑐸 𑐰 𑐩𑐔𑐵𑐧𑐮𑐫𑑂 𑐴𑐾 𑐳𑐷 𑐢𑐸𑑄𑐎𑐮 𑑋 𑐀𑐠𑐾 𑐖𑐸𑐫𑐵𑑅 𑐂𑐩𑐶 𑐟𑐳𑐎𑑄 𑐠𑐵𑐎𑐸𑐎 𑐩𑑂𑐰𑐵𑐫𑐾 𑐩𑐵𑐮𑐵𑐔𑑂𑐰𑑄𑐐𑐸 𑐡𑐸 𑑋 𑐰𑐫𑐵 𑐥𑐵𑐳𑐵𑐥𑐶𑐣𑐶 𑐤𑐹𑐐𑐸 𑐰𑐳𑑅 𑐥𑐸𑐣𑐵𑐰𑐂𑐧𑐮𑐫𑑂 𑐳𑐵𑑅𑐳𑐵𑑅𑐐𑐸 𑐣𑐫𑐾𑐐𑐸 𑐖𑑂𑐰𑐣𑐵𑐰𑐂𑐧𑐮𑐫𑑂 𑐰𑐫𑐵 𑐣𑐸𑐐𑑅 𑐩𑐕𑐶𑐣𑐷 𑑋 𑐰𑑄 𑐕𑐾“𑐫𑑂 𑐰𑐣𑐵𑑅 𑐠𑑅 𑐩𑐵𑑄𑐮𑐶𑐳𑐾 𑐠𑑅𑐟 𑐣𑑄 𑐀𑐖𑑂𑐫𑐵𑑅𑐐𑐸 𑐩𑐵𑐮 𑐢𑐎𑐵𑑅 𑐗𑐐𑐬𑐵 𑐫𑐵𑑅𑐰𑐣𑐷 𑑋 𑐕𑐤𑐸 𑐀𑐠𑐾 𑐴𑐾 𑐗𑐐𑐬𑐵 𑐫𑐵𑑅𑐰𑑄𑐧𑐮𑐫𑑂 𑐰𑐫𑐵 𑐩𑐵𑑄 ‘𑐖𑐶𑑄 𑐐𑐣 𑐎𑐫𑐵 𑐴𑐫𑐾’ 𑐢𑐎𑐵𑑅 𑐴𑑂𑐰𑐵“𑐫𑑂𑐴𑑂𑐰𑐵“𑐫𑑂 𑐏𑑂𑐰𑐮 𑑋 𑐰𑑄 𑐣𑑂𑐫𑐣, “𑐩𑐵𑑄 𑐗𑐷𑐎𑐾 𑐢𑑂𑐫𑐧𑐵 𑐕𑐵𑐫𑑂 𑐩𑐡𑐸𑐐𑐸 ?” 𑐩𑐵𑐩𑑄 𑐢𑐵𑐮, “𑐨𑐐𑐰𑐵𑐣𑑄 𑐧𑐶𑐄𑐐𑐸 𑐏𑑅𑐳𑐵 𑐥𑐎𑑂𑐎𑐵 𑐣𑑄 𑐡𑐂 𑑋” 𑐰𑑄 𑐣𑑂𑐫𑐣, “𑐨𑐐𑐰𑐵𑐣 […]

𑐨𑐐𑐰𑐵𑐣 𑐐𑐣 𑐡𑐸 ?



𑐩𑐶𑐣𑐵 𑐧𑐖𑑂𑐬𑐵𑐔𑐵𑐬𑑂‍𑐫 𑐖𑐶𑐟 𑐩𑐔𑐵𑑄𑐣𑐶𑐳𑐾𑑄 𑐖𑐵𑐐𑐶𑐬 𑐣𑐫𑐾𑐐𑐸 𑐟𑑅𑐢𑑄𑐐𑐸 𑐱𑑁𑐏 𑐏𑑅 𑑋 𑐕𑐐𑐹 𑐟𑑅𑐢𑑄𑐐𑐸 𑐀𑐦𑐶𑐳𑐫𑑂 𑐖𑑂𑐫𑐵 𑐫𑐵𑐣𑐵𑑅 𑐢𑑂𑐫𑐧𑐵 𑐎𑐩𑐾 𑐫𑐵𑐣𑐵𑑅 𑐩𑐵𑑄𑐀𑐧𑐸 𑐰 𑐟𑐟𑐵𑐥𑐶𑑄𑐟 𑐥𑑂𑐬𑐟𑐶𑐥𑐵𑐮 𑐫𑐵𑐫𑐾𑐐𑐸 𑐴𑐾 𑐖𑐶𑐐𑐸 𑐪𑐐𑐳 𑑋 𑐕𑐵𑐫𑑂𑐢𑐵𑑅𑐳𑐵 𑐖𑐶 𑐕𑐪 𑐩𑐢𑑂𑐫𑐩𑐰𑐬𑑂‍𑐐 𑐀𑐗 𑐢𑐵𑐫𑐾 𑐐𑐬𑐷𑐧 𑐥𑐬𑐶𑐰𑐵𑐬𑐫𑐵 𑐎𑐵𑐫𑑂𑐩𑐔𑐵 𑑋 𑐖𑐶𑐩𑐶 𑐀𑐧𑐸 𑐐𑐬𑐶𑐧𑐷𑐫𑐵 𑐎𑐵𑐬𑐞𑑄 𑐮𑐵𑐳𑐵𑐫𑑂 𑐮𑐵𑐣𑐵𑐔𑑂𑐰𑐣 𑑋 𑐀𑐧𑐸𑐫𑐵𑐟 𑐧𑐵𑑄𑐮𑐵𑐎 𑐰𑐵𑐳𑑅 𑐫𑐵𑐎𑐾𑐟 𑐖𑐶𑐩𑐶𑐎𑐾 𑐩𑐵𑐎𑑂𑐰 𑐢𑑂𑐫𑐧𑐵 𑐩𑐡𑐸 𑑋 𑐎𑐩𑐾𑐫𑐵𑐣𑐵𑑅 𑐣𑐎𑐷𑐪 𑐀𑐧𑐸 𑐴𑐾 𑐮𑐵𑐳𑐵𑐫𑑂 𑐮𑐵𑑅𑐧𑐮𑐫𑑂 𑐖𑐶𑐩𑐶𑐐𑐸 𑐁𑐬𑑂‍𑐠𑐶𑐎 𑐳𑑂𑐟𑐬 𑐗𑐣 𑐗𑐣 𑐳𑑂𑐫𑐣𑐵𑐰𑐣 𑑋 𑐩𑐵𑐩𑑄 𑐥𑐶𑐣𑐾 𑐳𑐵𑐴𑐸𑐟𑐫𑑂𑐠𑐵𑐫𑑂 𑐖𑑂𑐫𑐵 𑐫𑐵𑐣𑐵𑑅 𑐕𑐐𑑅 𑐣𑐶𑐐𑑅 𑐢𑑂𑐫𑐧𑐵 𑐎𑐩𑐾 𑐫𑐵𑐣𑐵𑐴𑐂 𑑋 𑐰 𑐢𑑂𑐫𑐧𑐵𑑄 𑐖𑐶𑐥𑐶𑑄 𑐣𑑂𑐫𑐵𑐪 𑐩𑐳𑑂𑐟𑐫𑑂𑐐𑐸 […]

𑐖𑐵𑐐𑐶𑐬 ( 𑐩𑐶𑐣𑐵 𑐧𑐖𑑂𑐬𑐵𑐔𑐵𑐬𑑂‍𑐫𑐫𑐵 𑐳𑐵𑐴𑐶𑐟𑑂𑐫 ...


𑐣𑐾𑐰𑐵: 𑐀𑐣𑐮𑐵𑐂𑐣 𑐣𑑂𑐫𑐸𑐖 | 𑑒𑑐𑑗𑑕 𑐦𑐵𑐮𑑂𑐐𑐸𑐞 𑑒𑑙, 𑐧𑐸𑐢𑐧𑐵𑐬 𑑑𑑖:𑑓𑑓:𑑑𑑐 𑐫𑐮 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑑄 𑐁𑑅 𑐣𑐾𑐥𑐵𑐮𑐨𑐵𑐲𑐵𑐫𑐵 𑐧𑑂𑐰𑐣𑐾𑐎𑐸𑐠𑐶 (𑐳𑑂𑐎𑐹𑐮) 𑐔𑐵𑐫𑐾𑐎𑐷𑐐𑐸 𑐖𑐹𑐐𑐸 𑐡𑐸 𑑋 𑐫𑐮 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑑄 𑐕𑐸𑑄 𑐡𑑃 𑐤𑑂𑐫𑑅𑐣𑐶𑐳𑐾𑑄 𑐥𑑂𑐬𑐵𑐬𑐩𑑂𑐨𑐶𑐎 𑐂𑐳𑐷𑐜𑐷 (𑐧𑐵𑐮 𑐰𑐶𑐎𑐵𑐳)𑐫𑑂 𑐣𑐾𑐥𑐵𑐮𑐨𑐵𑐲𑐵𑐫𑐵 𑐩𑐵𑐢𑑂𑐫𑐩𑑄 𑐁𑐏𑑅 𑐧𑑂𑐰𑑄𑐎𑐾𑐐𑐸 𑐖𑑂𑐫𑐵𑐫𑐵 𑐠𑐵𑐮𑐣𑐷 𑐫𑐵𑑅𑐐𑐸 𑐏𑑅 𑑋 𑐫𑐮𑐫𑑂 𑐠𑑁𑑄𑐎𑐤𑐫𑑂 𑐗𑐶𑐐𑐹 𑐂𑐳𑐷𑐜𑐷 𑐳𑑄𑐔𑐵𑐮𑐣𑐫𑑂 𑐰𑐫𑐵𑐔𑑂𑐰𑑄𑐐𑐸 𑐡𑐸 𑑋 𑐩𑐳𑑂𑐟𑐫𑑂𑐟 𑐠𑑅𑐐𑐸 𑐩𑐵𑑄𑐨𑐵𑐳𑑄 𑐁𑐏𑑅 𑐧𑑂𑐰𑑄𑐎𑐾𑐐𑐸 𑐣𑐶𑐟𑐶𑑄 𑐣𑐾𑐥𑐵𑐮𑐨𑐵𑐲𑐵𑐫𑐵 𑐩𑐵𑐢𑑂𑐫𑐩𑑄 𑐁𑐏𑑅 𑐧𑑂𑐰𑑄𑐎𑐷𑐐𑐸 𑐧𑑂𑐰𑐣𑐾𑐎𑐸𑐠𑐶 𑐳𑑄𑐔𑐵𑐮𑐣𑐫𑑂 𑐴𑐫𑐾𑐐𑐸 𑐣𑐶𑐟𑐶𑑄 𑐳𑐴𑐮𑐴 𑐖𑐸𑐫𑐵𑐔𑑂𑐰𑑄𑐐𑐸 𑐫𑐮 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑐫𑐵 𑐱𑐶𑐎𑑂𑐲𑐵 𑐀𑐢𑐶𑐎𑐵𑐬𑐷 𑐩𑐴𑐾𑐣𑑂𑐡𑑂𑐬𑐧𑐴𑐵𑐡𑐸𑐬 𑐎𑑂𑐲𑐾𑐟𑑂𑐬𑐷𑑄 𑐖𑐵𑐣𑐎𑐵𑐬𑐷 𑐧𑐶𑐫𑐵𑐡𑐷𑐐𑐸 𑐡𑐸 𑑋 𑐱𑐶𑐎𑑂𑐲𑐵 𑐀𑐢𑐶𑐎𑐵𑐬𑐷 𑐎𑑂𑐲𑐾𑐟𑑂𑐬𑐷𑑄 𑐢𑐫𑐵𑐡𑐷, “𑐳𑑂𑐎𑐹𑐮𑐫𑐵 𑐥𑑂𑐬𑐵𑐬𑐩𑑂𑐨𑐶𑐎 𑐟𑐴𑐣𑐶𑐳𑐾𑑄 𑐄𑐔𑑂𑐔 𑐟𑐴𑐟𑐎 𑐣𑐾𑐥𑐵𑐮𑐨𑐵𑐲𑐵𑐫𑐵 𑐩𑐵𑐢𑑂𑐫𑐩𑑄 […]

𑐁𑑅 𑐫𑐮 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑑄 𑐣𑐾𑐥𑐵𑐮𑐨𑐵𑐲𑐵𑐫𑐵 𑐩𑐵𑐢𑑂𑐫𑐩𑑄 ...


𑐣𑐾𑐰𑐵: 𑐀𑐣𑐮𑐵𑐂𑐣 𑐣𑑂𑐫𑐸𑐖 | 𑑒𑑐𑑗𑑕 𑐦𑐵𑐮𑑂𑐐𑐸𑐞 𑑑𑑐, 𑐱𑐸𑐎𑑂𑐬𑐧𑐵𑐬 𑑑𑑐:𑑓𑑙:𑑓𑑗 𑐮𑐸𑐩𑑂𑐧𑐶𑐣𑐷 𑐧𑑁𑐡𑑂𑐢 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫𑐵 𑐣𑐰𑐣𑐶𑐫𑐸𑐎𑑂𑐟 𑐄𑐥𑐎𑐸𑐮𑐥𑐟𑐶 𑐥𑑂𑐬𑐵.𑐜𑐵. 𑐴𑐺𑐡𑐫𑐬𑐟𑑂𑐣 𑐧𑐖𑑂𑐬𑐵𑐔𑐵𑐬𑑂‍𑐫𑑄 𑐠𑑅𑐐𑐸 𑐥𑐡𑐨𑐵𑐬 𑐐𑑂𑐬𑐴𑐞 𑐫𑐵𑐣𑐵𑐡𑐷𑐐𑐸 𑐡𑐸 𑑋 𑐰𑐫𑑂𑐎𑑅𑐫𑐵𑐟 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫𑐫𑐵 𑐥𑐡𑐵𑐢𑐶𑐎𑐵𑐬𑐷, 𑐥𑑂𑐬𑐵𑐢𑑂𑐫𑐵𑐥𑐎 𑐮𑐶𑐳𑐾𑑄 𑐎𑐬𑑂‍𑐩𑐔𑐵𑐬𑐷𑐥𑐶𑐣𑑂𑐳𑑄 𑐮𑐳𑐎𑐸𑐳 𑐫𑐵𑑅𑐐𑐸 𑐡𑐸 𑑋 𑐥𑐡𑐨𑐵𑐬 𑐐𑑂𑐬𑐴𑐞 𑐖𑑂𑐫𑐵𑐗𑑂𑐰𑐮𑐫𑑂 𑐄𑐥𑐎𑐸𑐮𑐥𑐟𑐶 𑐥𑑂𑐬𑐵.𑐜𑐵. 𑐧𑐖𑑂𑐬𑐵𑐔𑐵𑐬𑑂‍𑐫𑑄 𑐧𑑁𑐡𑑂𑐢𑐫𑐵 𑐩𑐵𑐬𑑂‍𑐐𑐫𑐵𑐟 𑐤𑑂𑐫𑑅𑐣𑐾 𑐫𑑄𑐎𑐹𑐳𑐾𑑄 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫𑐫𑐵𑐟 𑐰𑐶𑐱𑑂𑐰𑐳𑑂𑐟𑐬𑐫𑑂 𑐠𑑂𑐫𑑄𑐎𑐾𑐟 𑐠𑑅 𑐥𑑂𑐬𑐟𑐶𑐧𑐡𑑂𑐢 𑐖𑐹𑐐𑐸 𑐢𑐫𑐵𑐡𑐶𑐮 𑑋 𑐮𑐶𑐳𑐾𑑄 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫𑐫𑐵 𑐐𑐬𑐶𑐩𑐵𑐫𑐵𑐟 𑐎𑐵𑐫𑐩 𑐫𑐵𑐫𑐾𑐟𑐠𑑅 𑐳𑐎𑑂𑐬𑐶𑐫 𑐖𑐸𑐫𑐵𑑅 𑐥𑐮𑐵𑑅 𑐤𑑂𑐫𑐵𑐎𑐾𑐐𑐸 𑐥𑑂𑐬𑐟𑐶𑐧𑐡𑑂𑐢𑐟𑐵 𑐣𑑄 𑐥𑑂𑐬𑐵.𑐜𑐵. 𑐴𑐺𑐡𑐫𑐬𑐟𑑂𑐣 𑐧𑐖𑑂𑐬𑐵𑐔𑐵𑐬𑑂‍𑐫𑑄 𑐥𑑂𑐰𑑄𑐎𑐵𑐡𑐶𑐮 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐣𑑂𑐰𑑅𑐰𑐵𑐳𑐾𑑄 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫𑐵 𑐳𑐩𑐵𑐬𑑀𑐴𑐫𑐵 𑐳𑐨𑐵𑐥𑐟𑐶 𑐰 𑐣𑐶𑐩𑐶𑐟𑑂𑐟 𑐄𑐥𑐎𑐸𑐮𑐥𑐟𑐶 𑐮𑐶𑐳𑐾𑑄 𑐬𑐖𑐶𑐲𑑂𑐚𑑂𑐬𑐵𑐬 𑐟𑐶𑐮𑐎𑐬𑐵𑐩 𑐁𑐔𑐵𑐬𑑂‍𑐫𑑄 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫𑐵𑐟 𑐰𑑂𑐫𑐵𑐥𑐎 𑐫𑐵𑐫𑐾𑐟 […]

𑐥𑑂𑐬𑐵.𑐜𑐵 𑐴𑐺𑐡𑐫𑐬𑐟𑑂𑐣 𑐧𑐖𑑂𑐬𑐵𑐔𑐵𑐬𑑂‍𑐫𑑄 𑐮𑐸𑐩𑑂𑐧𑐶𑐣𑐷 𑐧𑑁𑐡𑑂𑐢 ...



𑐣𑐾𑐰𑐵: 𑐀𑐣𑐮𑐵𑐂𑐣 𑐣𑑂𑐫𑐸𑐖 | 𑑒𑑐𑑗𑑕 𑐱𑑂𑐬𑐵𑐰𑐞 𑑑, 𑐩𑑄𑐐𑐮𑐧𑐵𑐬 𑑐𑑙:𑑔𑑓:𑑕𑑔 𑐩𑐣𑑂𑐟𑑂𑐬𑐷 𑐰 𑐩𑐸𑐏𑑂𑐫𑐩𑐣𑑂𑐟𑑂𑐬𑐷𑐥𑐶𑐣𑑂𑐳𑑄 𑐴𑐾 𑐨𑐬𑑂‍𑐣𑐵 𑐫𑐵𑑅𑐥𑐶𑑄 𑐩𑐔𑐵𑐟 𑐳𑑂𑐎𑐹𑐮 𑐩𑐰𑑄𑐐𑐸 𑐏𑐧𑐬 𑐰𑑅𑐐𑐸 𑐡𑐸 𑑋 𑐤𑐹𑐡𑑃𑐫𑐵 𑐮𑐳𑐟𑐵𑐫 𑐮𑐵𑐎𑐵𑑅 𑐐𑑂𑐰𑐳𑐵𑑅 𑐐𑑂𑐰𑑅𑐐𑐸 𑐬𑐵𑐬𑐵 𑐩𑐴𑑀𑐟𑑂𑐳𑐰 𑐄𑐮𑐾𑐖𑑂𑐫𑐵 𑐫𑐵𑐫𑐾𑐟 𑐩𑐸𑐐𑐸 𑐠𑑂𑐫𑑄𑐎𑐹𑐪 𑐥𑑂𑐬𑐢𑐵𑐣𑐩𑐣𑑂𑐟𑑂𑐬𑐷𑐮𑐶𑐳𑐾𑑄 𑐩𑐣𑑂𑐟𑑂𑐬𑐷, 𑐩𑐸𑐏𑑂𑐫𑐩𑐣𑑂𑐟𑑂𑐬𑐷 𑐰 𑐣𑐾𑐟𑐵𑐥𑐶𑐣𑐶𑐐𑐸 𑐁𑐥𑐵𑐮𑑄 𑐄𑐥𑐳𑑂𑐠𑐶𑐟𑐶 𑐡𑐹𑐐𑐸 𑐡𑐸 𑑋 𑐥𑑂𑐬𑐢𑐵𑐣𑐩𑐣𑑂𑐟𑑂𑐬𑐷𑑄 𑐳𑑂𑐠𑐵𑐣𑐷𑐫 𑐛𑐶𑐣𑑂𑐮𑐾 𑐳𑑂𑐫𑐵𑐒𑑂𑐴𑐸 𑐟𑐵𑐩𑐵𑐒𑐫𑐵𑐟 𑐰 𑐠𑑅 𑐖𑐴𑐵𑐣 𑐬𑐵𑐢𑐶𑐎𑐵 𑐱𑐵𑐎𑑂𑐫𑑄 𑐳𑑂𑐠𑐵𑐣𑐷𑐫 𑐕𑐶𑐬𑐶𑐒 𑐕𑐾𑐩𑑂𑐖𑑀𑐒 𑐮𑐵𑐩𑐵𑐫𑐵𑐟 𑐳𑑂𑐠𑐵𑐣𑐷𑐫 𑐧𑐸𑐡𑑂𑐢 𑐩𑐵𑐰𑐶𑐂 𑑑 𑐎𑐎𑑂𑐲𑐵𑐫𑑂 𑐨𑐬𑑂‍𑐣𑐵 𑐫𑐵𑐎𑐹𑐐𑐸 𑐏𑑅 𑑋 𑐣𑐶𑐪𑑄 𑐰𑐶𑐡𑑂𑐫𑐵𑐬𑑂‍𑐠𑐷𑐥𑐶𑐣𑑂𑐳𑑄 𑐁𑑅 𑐧𑑂𑐰𑐣𑐵𑐔𑑂𑐰𑑄𑐐𑐸 𑐡𑐸 𑑋 𑐟𑐬, 𑐥𑑂𑐬𑐢𑐵𑐣𑐩𑐣𑑂𑐟𑑂𑐬𑐷𑐫𑐵 𑐥𑐸𑐔𑑅 𑐫𑐾𑑃𑐫𑑂 𑐮𑐶𑐴𑐵𑑃 𑐰𑐫𑐾𑐢𑐸𑑄𑐎𑐵𑑅 𑐀𑐨𑐶𑐨𑐵𑐰𑐎 𑐰 𑐳𑑂𑐎𑐹𑐮𑐮𑐶𑐳𑐾 𑐕𑐸𑑄 […]

𑐩𑐣𑑂𑐟𑑂𑐬𑐷𑑄 𑐨𑐬𑑂‍𑐣𑐵 𑐮𑐵 𑐫𑐵𑐟, 𑐟𑐬 ...


𑐌𑐩𑐎𑐵𑐬𑐾𑐱𑑂𑐰𑐬 𑐱𑑂𑐬𑐾𑐲𑑂𑐛 𑐳𑐴𑐥𑑂𑐬𑐵𑐢𑑂𑐫𑐵𑐥𑐎 𑐣𑐾𑐥𑐵𑐮𑐨𑐵𑐲𑐵 𑐎𑐾𑐣𑑂𑐡𑑂𑐬𑐷𑐫 𑐰𑐶𑐨𑐵𑐐 (𑐣𑐾𑐥𑐵𑐮𑐨𑐵𑐲𑐵𑐫𑐵 𑐮𑐾𑐏𑐣𑐊 ‘𑐫𑑂’, ‘𑐫𑐾’ 𑐰 ‘𑐊’ 𑐐𑐸𑐐𑐸 𑐖𑐸𑐂 𑐠𑑂𑐰 𑐰𑐶𑐲𑐫𑐳 𑐕𑐐𑐹 𑐀𑐣𑑂𑐟𑐎𑑂𑐬𑑂‍𑐬𑐶𑐫𑐵𑐟𑑂𑐩𑐎 𑐐𑑀𑐲𑑂𑐛𑐷 𑐖𑐹𑐐𑐸 𑐡𑐸 𑑋 𑐊𑐩.𑐊. 𑐟𑐐𑐶𑐩𑐊 𑐣𑐾𑐥𑐵𑐮𑐨𑐵𑐲𑐵𑐫𑐵 𑐣𑐶𑐫𑐩𑐶𑐟 𑐎𑐎𑑂𑐲𑐵 𑐳𑐸𑐬𑐸 𑐖𑐹𑐐𑐸 𑑒𑑐𑑔𑑘 𑐨𑐡𑑁 𑑔 𑐫𑐵 𑐮𑐳𑐟𑐵𑐊 𑐣𑐾𑐥𑐵𑐮𑐨𑐵𑐲𑐵 𑐎𑐾𑐣𑑂𑐡𑑂𑐬𑐷𑐫 𑐰𑐶𑐨𑐵𑐐𑐊 𑐱𑐣𑐶𑐰𑐵𑑅 𑐖𑐹𑐐𑐸 ‘𑐰𑑂𑐫𑐵𑐎𑐬𑐞 𑐐𑑀𑐲𑑂𑐛𑐷’𑐳 𑐳𑐴𑐥𑑂𑐬𑐵 𑐜𑐵. 𑐌𑐩𑐎𑐵𑐬𑐾𑐱𑑂𑐰𑐬 𑐱𑑂𑐬𑐾𑐲𑑂𑐛𑑄 ‘𑐣𑐾𑐥𑐵𑐮𑐨𑐵𑐲𑐵𑐊 ‘𑐫’, ‘𑐫𑑂’, ‘𑐫𑐾’ 𑐰 ‘𑐊’ 𑐫𑐵 𑐳𑐬𑑂‍𑐰𑐾𑐎𑑂𑐲𑐞’ 𑐣𑐵𑑄𑐫𑐵 𑐖𑑂𑐫𑐵𑐥𑑁 𑐤𑐾𑐧𑑀𑐫𑐵𑐡𑐷𑐐𑐸 𑐏𑑅 𑑋 𑐄𑐐𑐸 𑐎𑐵𑐬𑑂‍𑐫𑐥𑐟𑑂𑐬𑐫𑐵𑐟 𑐎𑐫𑐵𑑅 𑐜𑐵. 𑐳𑐸𑐣𑑂𑐡𑐬𑐎𑐺𑐲𑑂𑐞 𑐖𑑀𑐱𑐷, 𑐳𑐴𑐥𑑂𑐬𑐵 𑐎𑐵𑐱𑐷𑐣𑐵𑐠 𑐟𑐩𑑀𑐚, 𑐥𑑂𑐬𑐵𑐜𑐵 𑐟𑐸𑐫𑐸𑐧𑐴𑐵𑐡𑐸𑐬 𑐩𑐴𑐬𑑂‍𑐖𑐣 𑐰 𑐜𑐵. 𑐫𑑀𑐐𑐾𑐱𑐬𑐵𑐖𑐥𑐶𑑄𑐳𑑄 𑐚𑐶𑐥𑑂𑐥𑐞𑐷 𑐫𑐵𑐣𑐵𑐡𑐷𑐐𑐸 𑐏𑑅 𑑋 𑐄𑐐𑐸 𑐎𑐵𑐬𑑂‍𑐫𑐥𑐟𑑂𑐬𑐫𑐵𑐟 𑐠𑐣 𑐤𑑂𑐫𑐧𑑀𑐫𑐵𑐔𑑀𑐣𑐵 𑑋 […]

𑐣𑐾𑐥𑐵𑐮𑐨𑐵𑐲𑐵𑐊 ‘𑐫, 𑐫𑑂, 𑐫𑐾 𑐰 ...


𑐣𑐾𑐰𑐵: 𑐀𑐣𑐮𑐵𑐂𑐣 𑐣𑑂𑐫𑐸𑐖 – 𑐮𑐮𑐾𑐣𑑂𑐡𑑂𑐬 𑐱𑐵𑐎𑑂𑐫 | 𑑒𑑐𑑗𑑕 𑐩𑐵𑐑 𑑑𑑗, 𑐧𑐶𑐴𑐶𑐧𑐵𑐬 𑑑𑑑:𑑔𑑐:𑑕𑑗 𑐎𑐶𑐥𑐹 𑐮𑐵𑐐𑐵𑐫𑐵 𑐧𑐬𑐶𑐲𑑂𑐛 𑐳𑑂𑐰𑐵𑐳𑑂𑐠𑑂𑐫𑐳𑐾𑐰𑐷, 𑐱𑐶𑐎𑑂𑐲𑐵𑐥𑑂𑐬𑐾𑐩𑐶, 𑐳𑐩𑐵𑐖𑐳𑐾𑐰𑐷 𑐮𑐶𑐳𑐾𑑄 𑐎𑐶𑐥𑐹𑐫𑐵 𑐳𑐴𑐶𑐡 𑐳𑑂𑐩𑐵𑐬𑐎 𑐎𑐮𑐾𑐖𑐫𑐵 𑐳𑑄𑐳𑑂𑐠𑐵𑐥𑐎 𑐣𑐵𑐫𑑅 𑐩𑐡𑐸𑐪 𑐬𑐸𑐡𑑂𑐬𑐧𑐴𑐵𑐡𑐸𑐬 𑐥𑑂𑐬𑐢𑐵𑐣 (𑐧𑑂𑐬𑐪𑐸𑐎𑐵𑐖𑐷)𑐫𑐵 𑐮𑐸𑐩𑐣𑑂𑐟𑐶𑐂 𑐎𑐶𑐥𑐹 𑐮𑐵𑐐𑐵𑐫𑑂 𑐠𑐷𑐠𑐷 𑐳𑐵𑐩𑐵𑐖𑐶𑐎𑐮𑐶𑐳𑐾𑑄 𑐩𑐾𑐩𑐾𑐐𑐸 𑐔𑑂𑐰𑐕𑐵𑐫𑐾𑐧𑐴𑑅𑐐𑐸 𑐖𑑂𑐫𑐵 𑐫𑐵𑐫𑐾𑐐𑐸 𑐣𑐶𑐟𑐶𑑄 𑐬𑐸𑐡𑑂𑐬𑐧𑐴𑐵𑐡𑐸𑐬 𑐳𑑂𑐩𑐺𑐟𑐶 𑐥𑑂𑐬𑐟𑐶𑐲𑑂𑐛𑐵𑐣 𑐣𑐷𑐳𑑂𑐰𑐣𑐵𑐟𑑅𑐐𑐸 𑐡𑐸 𑑋 𑐠𑐸𑐐𑐸 𑐥𑑂𑐬𑐟𑐶𑐲𑑂𑐛𑐵𑐣𑑄 𑐡𑑃𑐫𑑂 𑐡𑐳𑑄 𑐠𑐷𑐠𑐷 𑐖𑑂𑐫𑐵𑐗𑑂𑐰𑑅 𑐤𑑂𑐫𑐵𑐎𑐵𑑅 𑐰𑐫𑐵𑐔𑑂𑐰𑑄𑐐𑐸 𑐡𑐸 𑑋 𑐠𑑂𑐰𑐴𑐾 𑐗𑑂𑐰𑐮𑐫𑑂 𑐄𑐐𑐸 𑐬𑐸𑐡𑑂𑐬𑐧𑐴𑐵𑐡𑐸𑐬 𑐳𑑂𑐩𑐺𑐟𑐶 𑐥𑑂𑐬𑐟𑐶𑐲𑑂𑐛𑐵𑐣𑑄 𑐱𑐶𑐎𑑂𑐲𑐵 𑐎𑑂𑐲𑐾𑐟𑑂𑐬𑐫𑑂 𑐧𑐶𑐧𑐶𑐊𑐳 𑐳𑑂𑐣𑐵𑐟𑐎 𑐟𑐴 𑐰𑑂𑐫𑐰𑐳𑑂𑐠𑐵𑐥𑐣 𑐳𑑄𑐎𑐵𑐫𑑂 𑐳𑐬𑑂‍𑐰𑑀𑐎𑐺𑐲𑑂𑐚 𑐖𑐹𑐥𑐶𑑄 𑐰𑐶𑐡𑑂𑐫𑐵𑐬𑑂‍𑐠𑐷𑐥𑐶𑐣𑑂𑐟 𑐴𑑅𑐥𑐵𑑅 𑐰 𑐟𑐶𑐧𑑅 𑐧𑐶𑐂𑐐𑐸 𑐣𑐶𑐟𑐶𑑄 𑐥𑐮𑐶𑐳𑑂𑐠𑐵 𑐫𑐵𑐣𑐵𑐟𑑅𑐐𑐸 ‘𑐬𑐸𑐡𑑂𑐬 𑐳𑑂𑐩𑐺𑐟𑐶 𑐥𑐸𑐬𑐳𑑂𑐎𑐵𑐬’ 𑐠𑐸𑐐𑐸𑐳𑐷 […]

𑐎𑐶𑐥𑐸𑐮𑐷 ‘𑐬𑐸𑐡𑑂𑐬𑐧𑐴𑐵𑐡𑐸𑐬 𑐳𑑂𑐩𑐺𑐟𑐶 𑐥𑐸𑐬𑐳𑑂𑐎𑐵𑐬’ 𑐳𑐴𑐶𑐡 ...



𑐣𑐾𑐰𑐵: 𑐀𑐣𑐮𑐵𑐂𑐣 𑐣𑑂𑐫𑐸𑐖 – 𑐬𑐵𑐖𑐷𑐰 𑐬𑐵𑐖𑑀𑐥𑐵𑐢𑑂𑐫𑐵𑐫 | 𑑒𑑐𑑗𑑕 𑐦𑐵𑐮𑑂𑐐𑐸𑐞 𑑑𑑗, 𑐱𑐸𑐎𑑂𑐬𑐧𑐵𑐬 𑑑𑑖:𑑓𑑙:𑑕𑑙 𑐫𑐾𑑃𑐫𑐵 𑐟𑐵𑐩𑑂𑐳𑐶𑐥𑐵𑐏𑐵𑐫𑑂 𑐔𑑂𑐰𑑄𑐐𑐸 𑐣𑑂𑐫𑐹 𑐖𑐾𑐣𑐶𑐠 𑐂𑑄𑐐𑑂𑐮𑐶𑐳 𑐩𑑀𑐜𑐾𑐮 𑐳𑑂𑐎𑐹𑐮𑐫𑐵 𑑒𑑐 𑐎𑑂𑐰𑑅𑐐𑐸 𑐀𑐨𑐶𑐨𑐵𑐰𑐎 𑐡𑐶𑐰𑐳 𑐟𑑅𑐖𑐶𑐎 𑐴𑑄𑐐𑐸 𑐡𑐸 𑑋 𑐧𑐶𑐴𑐶𑐰𑐵𑑅 𑐫𑐾𑑃𑐫𑐵 𑐖𑐩𑐮𑐫𑑂 𑐔𑑂𑐰𑑄𑐐𑐸 𑐬𑐵𑐲𑑂𑐚𑑂𑐬𑐶𑐫 𑐣𑐵𑐔𑐑𑐬𑐫𑐵 𑐴𑐮𑐫𑑂 𑐖𑐹𑐐𑐸 𑐄𑐐𑐸 𑐀𑐨𑐶𑐨𑐵𑐰𑐎 𑐡𑐶𑐰𑐳𑐫𑑂 𑐫𑐾𑑃 𑐩𑐴𑐵𑐣𑐐𑐬𑐥𑐵𑐮𑐶𑐎𑐵 𑑑𑑘 𑐰𑐜𑐵𑐫𑐵 𑐰𑐜𑐵 𑐣𑐵𑐫𑑅 𑐤𑐸𑐔𑑂𑐕𑐾𑐎𑐵𑐖𑐷 𑐩𑐴𑐬𑑂‍𑐖𑐣 𑐩𑐹𑐥𑐵𑐴𑐵𑑃 𑐎𑐠𑑄 𑐗𑐵𑐫𑐵𑐡𑐷𑐐𑐸 𑐏𑑅𑐳𑐵 𑐰𑐫𑑂𑐎𑐮𑑄 𑐟𑑂𑐰𑐵𑑅𑐡𑐾𑐰𑐵𑐫𑑂 𑐩𑐟 𑐔𑑂𑐫𑐵𑐎𑐵𑑅 𑐖𑑂𑐫𑐵𑐗𑑂𑐰𑑅𑐫𑐵 𑐄𑐮𑐾𑐖𑑂𑐫𑐵 𑐫𑐵𑐣𑐵𑐡𑐷𑐐𑐸 𑐏𑑅 𑑋 𑐀𑐠𑐾𑐴𑐾, 𑐄𑐐𑐸 𑐖𑑂𑐫𑐵𑐗𑑂𑐰𑑅 𑐳𑑂𑐎𑐹𑐮 𑐳𑑄𑐔𑐵𑐮𑐎 𑐳𑐩𑐶𑐟𑐶𑐫𑐵 𑐣𑐵𑐫𑑅 𑐥𑐸𑐲𑑂𑐥𑐮𑐵𑐮 𑐱𑑂𑐬𑐾𑐲𑑂𑐛𑐫𑐵𑐫𑐵 𑐳𑐨𑐵𑐣𑐵𑐫𑑅𑐳𑐸𑐂 𑐤𑑂𑐫𑐵𑑅𑐐𑐸 𑐏𑑅 𑑋 𑐀𑐨𑐶𑐨𑐵𑐰𑐎 𑐡𑐶𑐰𑐳𑐫𑑂 𑐳𑑂𑐎𑐹𑐮𑐫𑐵 𑐕𑐐𑐹 𑐟𑐐𑐶𑑄 𑐣𑐶𑐳𑐾𑑄 𑑑𑑒 𑐟𑐐𑐶𑐟𑐎𑐫𑐵 𑐰𑐶𑐡𑑂𑐫𑐵𑐬𑑂‍𑐠𑐷𑐥𑐣𑑂𑐳𑑄 […]

𑐣𑑂𑐫𑐹 𑐖𑐾𑐣𑐶𑐠 𑐳𑑂𑐎𑐹𑐮𑑄 𑐟𑑅𑐖𑐶𑐎 𑐀𑐨𑐶𑐨𑐵𑐰𑐎 ...


𑐣𑐾𑐰𑐵: 𑐀𑐣𑐮𑐵𑐂𑐣 𑐣𑑂𑐫𑐸𑐖 | 𑑒𑑐𑑗𑑕 𑐦𑐵𑐮𑑂𑐐𑐸𑐞 𑑑𑑙, 𑐁𑐂𑐟𑐧𑐵𑐬 𑑑𑑗:𑑔𑑘:𑑐𑑙 𑐎𑑄𑐳 𑐩𑑄𑐐𑐮𑐰𑐵𑑅𑐣𑐶𑐳𑐾𑑄 𑐁𑐣𑑂𑐡𑑀𑐮𑐣𑐬𑐟 𑐀𑐳𑑂𑐠𑐵𑐃 𑐰 𑐬𑐵𑐴𑐟 𑐱𑐶𑐎𑑂𑐲𑐎 𑐳𑑄𑐐𑐛𑐣 𑐎𑐾𑐣𑑂𑐡𑑂𑐬𑐷𑐫 𑐳𑐩𑐶𑐟𑐶𑑄 𑐡𑐾𑐫𑑂 𑐣𑑂𑐫𑑄𑐎𑑄 𑐔𑑂𑐰𑑄𑐐𑐸 𑐳𑐵𑐩𑐸𑐡𑐵𑐫𑐶𑐎 𑐰𑐶𑐡𑑂𑐫𑐵𑐮𑐫𑐫𑐵 𑐥𑐛𑐣–𑐥𑐵𑐛𑐣 𑐧𑐣𑑂𑐡 𑐫𑐵𑐂𑐐𑐸 𑐖𑐹𑐐𑐸 𑐡𑐸 𑑋 𑐫𑐸𑐰𑐵𑐀𑐰𑐳𑑂𑐠𑐵 𑐰 𑐄𑐬𑑂‍𑐖𑐵𑐰𑐵𑐣 𑐃 𑐳𑐵𑐩𑐸𑐡𑐵𑐫𑐶𑐎 𑐰𑐶𑐡𑑂𑐫𑐵𑐮𑐫𑐫𑐵 𑐱𑐿𑐎𑑂𑐲𑐶𑐎 𑐰𑐶𑐎𑐵𑐳𑐫𑐵 𑐣𑐶𑐟𑐶𑑄 𑐃 𑐏𑐬𑑂‍𑐔 𑐫𑐵𑑅𑐐𑐸 𑐰 𑐁𑑅 𑐳𑐬𑐎𑐵𑐬𑑄 𑐏𑐵𑐮𑐶 𑐯𑐵𑑅 𑐮𑐶𑐟𑐕𑑂𑐰𑐫𑐾𑐟𑑂𑐫𑑄𑐐𑐸 𑐢𑐵𑐳𑐾𑑄 𑐀𑐳𑑂𑐠𑐵𑐃 𑐰 𑐬𑐵𑐴𑐟 𑐱𑐶𑐎𑑂𑐲𑐎 𑐁𑐣𑑂𑐡𑑀𑐮𑐣𑐬𑐟 𑐖𑐸𑐫𑐵𑐔𑑂𑐰𑑄𑐐𑐸 𑐏𑑅 𑑋 𑐠𑑅𑐥𑐶𑐣𑐶𑐐𑐸 𑐩𑐵𑐐𑐥𑑂𑐬𑐟𑐶 𑐳𑐬𑐎𑐵𑐬 𑐄𑐟𑑂𑐟𑐬𑐡𑐵𑐫𑐷 𑐩𑐖𑐹𑐐𑐸 𑐢𑐵𑐳𑐾𑑄 𑐳𑐩𑐶𑐟𑐶𑑄 𑐦𑐵𑐐𑐸𑐣 𑑒𑑑 𑐐𑐟𑐾 𑐩𑑄𑐐𑐮𑐰𑐵𑑅𑐣𑐶𑐳𑐾𑑄 𑐳𑐵𑐩𑐸𑐡𑐵𑐫𑐶𑐎 𑐰𑐶𑐡𑑂𑐫𑐵𑐮𑐫𑐫𑐵 𑐥𑐛𑐣–𑐥𑐵𑐛𑐣 𑐧𑐣𑑂𑐡 𑐫𑐵𑐫𑐾𑐐𑐸 𑐑𑑀𑐲𑐞𑐵 𑐫𑐵𑑅𑐐𑐸 𑐏𑑅 𑑋 𑐮𑐶𑐳𑐾𑑄 𑐡𑐾𑐫𑑂 𑐣𑑂𑐫𑑄𑐎𑑄 𑐡𑐹𑐐𑐸 𑑔𑑐 […]

𑐩𑑄𑐐𑐮𑐰𑐵𑑅𑐣𑐶𑐳𑐾𑑄 𑐡𑐾𑐫𑑂 𑐣𑑂𑐫𑑄𑐎𑑄 𑐳𑑂𑐎𑐹𑐮 𑐧𑐣𑑂𑐡 ...


𑐣𑐾𑐰𑐵: 𑐀𑐣𑐮𑐵𑐂𑐣 𑐣𑑂𑐫𑐸𑐖 | 𑑒𑑐𑑗𑑕 𑐦𑐵𑐮𑑂𑐐𑐸𑐞 𑑑𑑙, 𑐁𑐂𑐟𑐧𑐵𑐬 𑑑𑑘:𑑑𑑘:𑑑𑑖 𑐬𑐵𑐲𑑂𑐚𑑂𑐬𑐶𑐫 𑐥𑐬𑐷𑐎𑑂𑐲𑐵 𑐧𑑀𑐬𑑂‍𑐜𑑄 𑐰𑐂𑐐𑐸 𑐔𑐿𑐟𑑂𑐬 𑑑𑑐 𑐐𑐟𑐾𑐣𑐶𑐳𑐾𑑄 𑐤𑑂𑐫𑐵𑐫𑐾𑐟𑑂𑐫𑑄𑐐𑐸 𑐊𑐳𑐃𑐃 𑐥𑐬𑐷𑐎𑑂𑐲𑐵 𑐮𑐶𑐕𑑂𑐫𑐵𑐂𑐐𑐸 𑐳𑐩𑑂𑐨𑐵𑐰𑐣𑐵 𑐏𑐣𑐾𑐡𑐹𑐐𑐸 𑐡𑐸 𑑋 𑐣𑐾𑐥𑐵𑑅𑐫𑐵 𑑗 𑐐𑐸𑐮𑐶𑑄 𑐥𑑂𑐬𑐡𑐾𑐱𑐮𑐶𑐳𑐾𑑄 𑑑𑑒 𑐐𑐸𑐮𑐶𑑄 𑐖𑑂𑐫𑐵𑐎𑐸𑐠𑐶𑐂 𑐔𑑂𑐰𑑄𑐐𑐸 𑐥𑑂𑐬𑐩𑐸𑐏 𑐳𑐩𑐵𑐫𑑀𑐖𑐣𑐫𑑂 𑐮𑐵𑐫𑐾𑐢𑐸𑑄𑐎𑐵𑑅 𑐊𑐳𑐃𑐃 𑐮𑐶𑐳𑐾𑑄 𑐎𑐎𑑂𑐲𑐵 𑑑𑑑 𑐰 𑑑𑑒 𑐫𑐵 𑐥𑐬𑐷𑐎𑑂𑐲𑐵 𑐮𑐶𑐔𑑂𑐰𑑅 𑐮𑐵𑐂𑐐𑐸 𑐏𑐣𑐾𑐡𑐹𑐐𑐸 𑐏𑑅 𑑋 𑐮𑐶𑐎𑑂𑐎 𑐰𑐫𑐵𑐔𑑂𑐰𑑄𑐐𑐸 𑐊𑐳𑐃𑐃 𑐥𑐬𑐷𑐎𑑂𑐲𑐵𑐫𑐵 𑐰𑑂𑐫𑐰𑐳𑑂𑐠𑐵𑐥𑐣 𑐫𑐵𑐫𑐾𑐟 𑐳𑐩𑐳𑑂𑐫𑐵 𑐏𑐣𑐾𑐡𑐫𑐾𑐢𑐸𑑄𑐎𑐵𑑅 𑐧𑑀𑐬𑑂‍𑐜𑑄 𑐱𑐶𑐎𑑂𑐲𑐵, 𑐰𑐶𑐖𑑂𑐘𑐵𑐣 𑐰 𑐥𑑂𑐬𑐰𑐶𑐢𑐶𑐩𑐣𑑂𑐟𑑂𑐬𑐷 𑐐𑐶𑐬𑐶𑐬𑐵𑐖𑐩𑐞𑐶 𑐥𑑀𑐏𑐬𑐾𑐮𑐫𑐵𑐟 𑐮𑐶𑐏𑐶𑐟 𑐥𑑁 𑐕𑑂𑐰𑑅𑐐𑐸 𑐢𑐵𑑅𑐐𑐸 𑐡𑐸 𑑋 𑐥𑐬𑐷𑐎𑑂𑐲𑐵 𑐳𑑄𑐔𑐵𑐮𑐣 𑐰 𑐰𑑂𑐫𑐰𑐳𑑂𑐠𑐵𑐥𑐣𑐫𑑂 𑐳𑐩𑐳𑑂𑐫𑐵 𑐰𑐂𑐐𑐸 𑐏𑐣𑐾𑐡𑐫𑐾𑐢𑐸𑑄𑐎𑐵𑑅 𑐧𑑀𑐬𑑂‍𑐜𑑄 𑐥𑐬𑐷𑐎𑑂𑐲𑐵 𑐃 𑐖𑑂𑐰𑑅𑐕𑐶 𑐎𑐬𑑂‍𑐩𑐔𑐵𑐬𑐷𑐥𑐶𑐣𑑂𑐟 𑐳𑐩𑐵𑐫𑑀𑐖𑐣 […]

𑐊𑐳𑐃𑐃 𑐮𑐶𑐳𑐾𑑄 𑑑𑑑 𑐰 𑑑𑑒 ...



𑐣𑐾𑐥𑐵𑐮 𑐳𑑄𑐰𑐟𑑂 𑐤𑐹𑐡𑑃𑐫𑐵 𑐄𑐩𑑄𑐐 𑐳𑐎𑐳𑐶𑐫𑐵𑑄 𑐤𑑂𑐫𑑅𑐣𑐾 𑐰𑐫𑐵𑐔𑑂𑐰𑑄𑐐𑐸 𑐡𑐸 𑑋 𑐣𑐾𑐥𑐵𑐮 𑐳𑑄𑐰𑐟𑑂𑐫𑐵 𑐤𑐹𑐡𑑃 𑐴𑐣𑐾𑐐𑐸 𑐖𑑂𑐫𑐵𑐗𑑂𑐰𑑅 𑐤𑐵𑐥𑐵 𑐣𑐾𑐰𑐵𑑅𑐟𑐫𑑂𑐐𑐸 𑐡𑐠𑐸𑐂 𑐖𑐎 𑐮𑐶𑐎𑐸𑐣𑐵𑐔𑑂𑐰𑑄𑐐𑐸 𑐏𑑅𑐳𑐵 𑐮𑐶𑐥𑐵 𑐣𑐾𑐥𑐵𑐮𑐨𑐵𑐲𑐵 𑐩𑑄𑐎𑐵𑑅 𑐏𑐮𑑅𑐫𑐵 ‘𑐨𑐶𑑄𑐟𑐸𑐣𑐵’ 𑐁𑐣𑑂𑐡𑑀𑐮𑐣𑑄 𑐠𑐸𑐎𑐶𑐫𑐵𑐟 𑐡𑐾𑐱𑐧𑑂𑐫𑐵𑐥𑐷 𑐖𑐎 𑐩𑐏𑐸𑐳𑐾𑑄 𑐀𑐣𑑂𑐟𑐬𑑂‍𑐬𑐵𑐲𑑂𑐚𑑂𑐬𑐶𑐫 𑐳𑑂𑐟𑐬𑐫𑑂 𑐴𑐾 𑐠𑑂𑐫𑑄𑐎𑐵 𑐧𑐷𑐢𑐸𑑄𑐎𑐹𑐐𑐸 𑐡𑐸 𑑋 𑐣𑐾𑐰𑐵𑑅𑐟𑐫𑑂𑐳𑑄 𑐴𑐣𑐷𑐐𑐸 𑐳𑑂𑐰𑐣𑑂𑐟𑐶 𑐣𑐏𑑅𑐫𑐵 𑐡𑐸𑐣𑐾 𑐪𑐥𑐸𑐖𑐵 𑐎𑐸𑐤𑐸 𑐴𑐣𑐷𑐐𑐸 𑐠𑐸𑐐𑐸 𑐣𑐾𑐥𑐵𑐮 𑐳𑑄𑐰𑐟𑑂𑐫𑐵 𑐤𑐹𑐡𑑃𑐫𑐵 𑐮𑐳𑐟𑐵 𑐳𑐎𑐮 𑐣𑐾𑐥𑐵𑑅𑐩𑐶𑐟𑐫𑑂𑐐𑐸 𑐁𑐟𑑂𑐩 𑐐𑑁𑐬𑐰𑐣𑐵𑐥 𑐳𑑂𑐰𑐵𑐣𑐵𑐔𑑂𑐰𑑄𑐐𑐸 𑐣𑐏𑑅 𑐖𑐸𑐫𑐵 𑐧𑐶𑐄𑐐𑐸 𑐡𑐸 𑑋 𑐄𑐩𑑄𑐐 𑐰 𑐄𑐟𑑂𑐳𑐵𑐴𑐫𑐵 𑐥𑐬𑑂‍𑐰 𑐖𑐸𑐫𑐵 𑐧𑐶𑐄𑐐𑐸 𑐡𑐸 𑑋 𑐣𑐾𑐥𑐵𑐮 𑐳𑑄𑐰𑐟𑑂𑐫𑐵 𑐤𑐹𑐡𑑃 𑐴𑐣𑐷𑐥𑐶𑑄 𑐣𑐾𑐰𑐵𑑅𑐟𑐫𑑂𑐟 𑐕𑐐𑐹 𑐂𑐮𑐫𑑂 𑐬𑐵𑐖𑑂𑐫𑑄 ‘𑐰𑐶𑐏𑐞𑑂𑐜𑐣𑐰𑐵𑐡𑐷’ 𑐢𑐎𑐵𑑅 𑐡𑐩𑐣 𑐫𑐵𑐫𑐾𑐐𑐸 𑐫𑐵𑐣𑐵𑐔𑑂𑐰𑑄𑐐𑐸 𑐠𑐵𑐳𑐫𑑂 𑐁𑑅 𑐳𑐬𑐎𑐵𑐬 𑐥𑑂𑐬𑐩𑐸𑐏 𑐴𑐾 […]

𑐣𑐾𑐰𑐵𑑅 𑐪𑐳𑐷𑐎𑐵 𑐳𑑄𑐳𑑂𑐎𑐺𑐟𑐶 𑐖𑐎 𑐩𑐏𑐸 ...


𑐧𑐾𑐮𑐵𑐫𑐟𑐫𑑂 𑐣𑑄 𑐬𑐘𑑂𑐖𑐣𑐵 𑐮𑐶𑐥𑐶 𑐳𑑂𑐫𑐣𑐾𑐐𑐸 𑐖𑑂𑐫𑐵 𑐖𑐸𑐮 𑑋 𑐣𑐾𑐥𑐵𑐮𑐨𑐵𑐲𑐵𑐫𑐵 𑐕𑐐𑐹 𑐳𑐸𑐣𑑂𑐡𑐬 𑐮𑐶𑐥𑐶 𑐎𑐠𑑄 𑐣𑐵𑑄𑐖𑐵𑑅𑐐𑐸 𑐬𑐘𑑂𑐖𑐣𑐵 𑐮𑐶𑐥𑐶 𑐧𑐵𑐬𑐾 𑐖𑐵𑐣𑐎𑐵𑐬𑐷 𑐫𑐵𑐫𑐾𑐐𑐸 𑐰 𑐠𑐸𑐎𑐶𑐫𑐵 𑐳𑐵𑐩𑐵𑐣𑑂𑐫 𑐖𑑂𑐘𑐵𑐣 𑐧𑐷𑐟 𑐧𑐾𑐮𑐵𑐫𑐟𑐫𑐵 𑐮𑐞𑑂𑐜𑐣𑐫𑑂 𑐣𑐎𑐟𑐶𑐣𑐶 𑐕𑐐𑐹 𑐎𑐵𑐬𑑂‍𑐫𑐱𑐵𑐮𑐵 𑐐𑑀𑐲𑑂𑐛𑐷 𑐖𑐹𑐐𑐸 𑐏𑑅 𑑋 𑐰𑐮𑑂𑐬𑑂‍𑐜 𑐣𑐾𑐰𑐵𑑅 𑐀𑐬𑑂‍𑐐𑐣𑐵𑐂𑐖𑐾𑐱𑐣 (𑐜𑐧𑑂𑐮𑐸𑐊𑐣𑐌) 𑐫𑐸𑐎𑐾 𑐔𑑂𑐫𑐵𑐥𑑂𑐚𑐬𑐫𑐵 𑐐𑑂𑐰𑐳𑐵𑐮𑐫𑑂 𑐖𑐹𑐐𑐸 𑐄𑐐𑐸 𑐎𑐵𑐬𑑂‍𑐫𑐱𑐵𑐮𑐵𑐫𑑂 𑐣𑐾𑐥𑐵𑑅𑐩𑐶 𑐳𑑂𑐰𑐫𑐵𑑄 𑐣𑑄 𑐧𑐾𑐮𑐵𑐫𑐟𑐷𑐟𑐫𑑂𑐳𑑄 𑐀𑐥𑑂𑐰𑑅 𑐬𑐸𑐔𑐷 𑐎𑑂𑐫𑑄𑐐𑐸 𑐏𑑅 𑑋 𑐜𑐧𑑂𑐮𑐸𑐊𑐣𑐌 𑐫𑐸𑐎𑐾𑐫𑐵 𑐎𑐖𑐶 𑐳𑑄𑐫𑐸𑐎𑑂𑐟 𑐱𑑂𑐬𑐾𑐲𑑂𑐛𑑄 𑐣𑐶𑐑𑑁 𑐎𑐎𑑂𑐲𑐵 𑐎𑐫𑐵𑑅 𑐬𑐘𑑂𑐖𑐣𑐵 𑐮𑐶𑐥𑐶 𑐔𑑂𑐰𑐫𑐾𑐐𑐸 𑐰𑐶𑐢𑐶 𑐳𑑂𑐫𑐣𑐵𑐡𑐷𑐐𑐸 𑐏𑑅 𑑋 𑐄𑐐𑐸 𑐂𑐮𑐫𑑂 𑐳𑐴𑐨𑐵𑐐𑐷𑐟𑐫𑑂𑐳𑑄 𑐬𑐘𑑂𑐖𑐣𑐵 𑐮𑐶𑐥𑐶𑐫𑐵 𑐐𑐬𑐶𑐩𑐵 𑐰 𑐂𑐟𑐶𑐴𑐵𑐳 𑐧𑐵𑐬𑐾 𑐳𑐷𑐎𑐾𑐐𑐸 𑐮𑐶𑐳𑐾𑑄 𑐠𑑂𑐰 𑐮𑐶𑐥𑐶𑑄 𑐠𑑅𑐠𑑅𑐐𑐸 𑐣𑐵𑑄 𑐔𑑂𑐰𑐫𑐾 𑐳𑐫𑐾𑐎𑐹𑐐𑐸 𑐏𑑅 𑑋 𑐄𑐐𑐸 […]

𑐮𑐞𑑂𑐜𑐣𑐫𑑂 𑐬𑐘𑑂𑐖𑐣𑐵 𑐮𑐶𑐥𑐶


-𑐳𑐸𑐬𑐾𑐱 𑐩𑐵𑐣𑐣𑑂𑐢𑐬 𑐳𑑂𑐰𑐣𑐶𑐐𑐮𑐫𑑂 𑐥𑑂𑐬𑐶–𑐳𑑂𑐎𑐹𑐮 𑐳𑐩𑐵𑐖𑐫𑑂 𑐖𑐸𑐫𑐵𑐔𑑂𑐰𑑄𑐐𑐸 𑐰𑐶𑐎𑐵𑐳𑐫𑐵 𑐐𑐟𑐶𑑄 𑐩𑐣𑐹𑐟𑐫𑑂𑐟 𑐱𑐶𑐎𑑂𑐲𑐵 𑐰 𑐳𑑂𑐰𑐵𑐳𑑂𑐠𑑂𑐫𑐥𑑂𑐬𑐟𑐶 𑐀𑐟𑐶𑐎𑑄 𑐖𑐵𑐐𑐬𑐸𑐎 𑐫𑐵𑐫𑐵𑑄 𑐴𑐫𑐵𑐔𑑂𑐰𑑄𑐐𑐸 𑐡𑐸 𑑋 𑐠𑑅 𑐩𑐳𑑂𑐟𑐫𑑂 𑐱𑐶𑐎𑑂𑐲𑐵𑐡𑐷𑐎𑑂𑐲𑐵 𑐧𑐵𑑄𑐮𑐵𑐎 𑐖𑐸𑐂𑐩𑐵𑑅 𑐢𑐂𑐐𑐸 𑐏𑑃𑐫𑑂 𑐁𑑅 𑐴𑐬𑐾𑐎 𑐀𑐨𑐶𑐨𑐵𑐰𑐎 𑐳𑐔𑐾𑐟 𑐖𑐸𑐂𑐢𑐸𑑄𑐎𑐮 𑑋 𑐄𑐎𑐶𑐫𑐵 𑐴𑐾 𑐮𑐶𑐔𑑂𑐰𑑅 𑐎𑐠𑑄 𑐠𑑁𑑄𑐎𑐤𑐫𑑂 𑐩𑐳𑑂𑐟𑐫𑑂𑐟 𑐳𑑂𑐎𑐹𑐮 𑐰𑐣𑐾 𑐤𑑂𑐫𑑅 𑐴𑐾 𑐳𑑂𑐎𑐹𑐮𑐫𑐵 𑐮𑐵𑐐𑐶𑑄 𑐟𑐫𑐵𑐬 𑐫𑐵𑐂𑐐𑐸 ‘𑐥𑑂𑐬𑐶–𑐳𑑂𑐎𑐹𑐮’ 𑐟𑐐𑐶𑐩𑐫𑑂 𑐟𑐫𑐵𑑅 𑐁𑐏𑑅 𑐧𑑂𑐰𑑄𑐎𑐾𑐐𑐸 𑐔𑐮𑐣 𑐱𑐸𑐬𑐸 𑐖𑐸𑐫𑐵 𑐰𑑅𑐐𑐸 𑐡𑐸 𑑋 𑐠𑑁𑑄𑐎𑐤𑐫𑑂 𑐀𑐨𑐶𑐨𑐵𑐰𑐎𑐟𑐫𑑂 𑐦𑐸𑐬𑑂‍𑐳𑐡 𑐟𑐳𑐎𑑄 𑐎𑐩 𑑋 𑐟𑐬 𑐀𑐠𑐾 𑐮𑐶𑐩𑐮𑐵𑑅𑐐𑐸 𑐂𑐮𑐫𑑂 𑐣𑑄 𑐠𑑅 𑐩𑐳𑑂𑐟𑐫𑑂𑐳𑑄 𑐁𑐏𑑅 𑐧𑑂𑐰𑐣𑐾𑐐𑐸 𑐖𑐎 𑐩𑐏𑐸 𑐠𑑅𑐥𑐶𑑄𑐳𑑄 𑐳𑑂𑐫𑐣𑐾 𑐩𑐮𑐵𑑅𑐐𑐸 𑐩𑐾𑐩𑐾𑐐𑐸 𑐣𑑄 𑐁𑐥𑐵𑐮𑑄 𑐳𑐵𑐩𑐵𑐖𑐶𑐎–𑐳𑐵𑑄𑐳𑑂𑐎𑐺𑐟𑐶𑐎 𑐖𑑂𑐫𑐵𑐏𑑃𑐟 𑐳𑑂𑐫𑐣𑐵 𑐎𑐵𑐫𑐾𑐩𑐵 𑐢𑐎𑐵𑑅 𑐩𑐵𑑄𑐀𑐧𑐸𑐥𑐶𑑄 𑐦𑐫𑐵𑑄𑐦𑐕𑐶 […]

𑐩𑐔𑐵 𑐨𑐬𑑂‍𑐣𑐵 𑐖𑐸𑐮 𑐎𑐶 𑐩𑐵𑑄𑐧𑑁 ...



𑐫𑐾𑑃 – 𑐐𑑄𑐎𑐷 𑐢𑐸𑐳𑑂𑐰𑐵𑑄 𑐧𑐳𑐸𑐣𑑂𑐢𑐬𑐵 𑐥𑑂𑐬𑐟𑐶𑐲𑑂𑐛𑐵𑐣𑐥𑐵𑐏𑐾𑑄 𑐣𑐶𑐡𑑃𑐫𑑂 𑐕𑐎𑑂𑐰𑑅 𑐧𑐶𑐫𑐵 𑐰𑐫𑐵𑐔𑑂𑐰𑑄𑐐𑐸 𑐐𑑄𑐎𑐷–𑐢𑐸𑐳𑑂𑐰𑐵𑑄 𑐧𑐳𑐸𑐣𑑂𑐢𑐬𑐵 𑐳𑐶𑐬𑐥𑐵𑑅 𑐠𑐸𑐐𑐸𑐳𑐷 𑐄𑐥𑐣𑑂𑐫𑐵𑐳𑐎𑐵𑐬 𑐩𑐮𑑂𑐮 𑐎𑐾. 𑐳𑐸𑐣𑑂𑐡𑐬𑐫𑐵𑐟 𑐮𑑅𑐯𑐵𑑅𑐐𑐸 𑐡𑐸 𑑋 𑐥𑑂𑐬𑐟𑐶𑐲𑑂𑐛𑐵𑐣𑐫𑐵 𑐐𑑂𑐰𑐳𑐵𑐮𑐫𑑂 𑐪𑐶𑐐𑑅 𑐖𑐹𑐐𑐸 𑐕𑐐𑐹 𑐳𑐩𑐵𑐬𑑀𑐴𑐫𑑂 𑐖𑐣𑐎𑐰𑐶 𑐡𑐸𑐬𑑂‍𑐐𑐵𑐮𑐵𑐮 𑐱𑑂𑐬𑐾𑐲𑑂𑐛𑑄 𑑕𑑐 𑐡𑑂𑐰𑑅 𑐟𑐎𑐵𑐫𑐵 𑐄𑐐𑐸 𑐳𑐶𑐬𑐥𑐵𑑅 𑐮𑑅𑐯𑐵𑐣𑐵𑐡𑐷𑐐𑐸 𑐏𑑅 𑑋 𑐄𑐐𑐸 𑐴𑐾 𑐳𑐩𑐵𑐬𑑀𑐴𑐫𑑂 𑐖𑐣𑐐𑐵𑐫𑐎 𑐬𑐵𑐩𑐾𑐱𑐫𑐵𑐟 𑐠𑐸𑐐𑐸𑐳𑐷𑐫𑐵 𑐢𑐸𑐳𑑂𑐰𑐵𑑄 𑐳𑐵𑐫𑑂𑐩𑐶 𑐳𑐶𑐬𑑂‍𑐖𑐣𑐵 𑐳𑐩𑑂𑐩𑐵𑐣𑑄 𑐕𑐵𑐫𑑂𑐥𑐶𑐄𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐖𑐣𑐎𑐰𑐶 𑐡𑐸𑐬𑑂‍𑐐𑐵𑐮𑐵𑐮 𑐱𑑂𑐬𑐾𑐲𑑂𑐛𑑄 𑐠𑑅𑐐𑐸 𑐤𑐵𑐥𑐵𑑄𑐐𑐸 𑐎𑐺𑐟𑐶 𑐥𑐶𑐠𑐣𑐾𑐐𑐸 𑐣𑐶𑑄𑐟𑐶 𑐢𑐸𑐳𑑂𑐰𑐵𑑄 𑐳𑐵𑐫𑑂𑐩𑐶𑑄 𑐁𑐬𑑂‍𑐠𑐶𑐎 𑐐𑑂𑐰𑐵𑐴𑐵𑐮𑐶 𑐫𑐵𑐣𑐵𑐡𑐷𑐐𑐸 𑐏𑑃 𑐎𑐣𑐵𑐡𑐶𑐮 𑑋 𑐰𑐫𑑂𑐎𑐮𑑄 𑐕𑐪 𑐳𑐦𑐮 𑐔𑑂𑐰𑐩𑐶𑐫𑐵 𑐮𑐶𑐳𑐾𑑄 𑐢𑐸𑐳𑑂𑐰𑐵𑑄 𑐳𑐵𑐫𑑂𑐩𑐶 𑐟𑑅𑐦𑐵𑐐𑐸 𑐣𑐸𑐐𑑅 𑐡𑐸𑐪 𑐣𑐾𑐰𑐵𑑅 𑐰𑑂𑐫𑐎𑑂𑐟𑐶𑐟𑑂𑐰 𑐏𑑅 𑐢𑐎𑐵𑑅 𑐣𑑄 𑐢𑐫𑐵𑐡𑐶𑐮 𑑋 𑐳𑐩𑑂𑐩𑐵𑐣𑐶𑐟 𑐰𑑂𑐫𑐎𑑂𑐟𑐶𑐟𑑂𑐰 […]

𑐩𑐮𑑂𑐮 𑐰 𑐬𑐵𑐩𑐾𑐱𑐫𑐵𑐟 𑐐𑑄𑐎𑐷–𑐢𑐸𑐳𑑂𑐰𑐵𑑄 𑐳𑐶𑐬𑐥𑐵𑑅


𑐫𑐾𑑃 – 𑐣𑐾𑐥𑐵𑐮 𑐮𑐮𑐶𑐟𑐎𑐮𑐵 𑐥𑑂𑐬𑐖𑑂𑐘𑐵 𑐥𑑂𑐬𑐟𑐶𑐲𑑂𑐛𑐵𑐣𑐫𑑂 𑐰𑑄𑐐𑐸 𑐕𑐸𑑄 𑐡𑐶𑑄 𑐤𑑂𑐫𑑅 ‘𑐣𑐾𑐥𑐵𑐮𑐷 𑐥𑐬𑐩𑑂𑐥𑐬𑐵𑐐𑐟 𑐥𑑁𑐨𑐵 𑐰 𑐠𑐵𑑄𑐎𑐵 𑐔𑐶𑐟𑑂𑐬𑐎𑐮𑐵𑐫𑑂 𑐱𑐶𑐮𑑂𑐥𑐫𑐵 𑐰𑐬𑑂‍𑐟𑐩𑐵𑐣 𑐔𑐸𑐣𑑁𑐟𑐶’ 𑐰𑐶𑐲𑐫𑐫𑐵𑐟 𑐎𑐫𑐵𑑅 𑐕𑐐𑐹 𑐐𑑀𑐲𑑂𑐛𑐶 𑐖𑐸𑐮 𑑋 𑐥𑑂𑐬𑐟𑐶𑐲𑑂𑐛𑐵𑐣𑐫𑐵 𑐥𑐬𑐩𑑂𑐥𑐬𑐵𑐐𑐟 𑐔𑐶𑐟𑑂𑐬𑐎𑐮𑐵 𑐰 𑐱𑐶𑐮𑑂𑐥𑐎𑐮𑐵 𑐰𑐶𑐨𑐵𑐐𑐫𑐵 𑐐𑑂𑐰𑐳𑐵𑐮𑐫𑑂 𑐄𑐐𑐸 𑐐𑑀𑐲𑑂𑐛𑐶 𑐖𑐹𑐐𑐸 𑐏𑑅 𑑋 𑐐𑑀𑐲𑑂𑐛𑐶𑐂 𑐱𑐶𑐮𑑂𑐥𑐎𑐮𑐵𑐫𑑂 𑐁𑐰𑐱𑑂𑐫𑐎 𑐱𑐵𑐳𑑂𑐟𑑂𑐬𑐷𑐫 𑐖𑑂𑐘𑐵𑐣𑐫𑐵 𑐥𑑂𑐬𑐱𑐶𑐎𑑂𑐲𑐞 𑐧𑐷𑐐𑐸 𑐳𑑄𑐳𑑂𑐠𑐵𑐫𑐵 𑐪𑑀𑐟𑐶 𑐡𑐸𑐐𑐸𑐮𑐶𑑄 𑐠𑐸𑐐𑐸 𑐰𑑂𑐫𑐰𑐳𑐵𑐫 𑐴𑐾 𑐳𑑄𑐎𑐚𑐫𑑂 𑐮𑐵𑐣𑐵𑐔𑑂𑐰𑑄𑐐𑐸 𑐏𑑃𑐫𑑂 𑐰𑐎𑑂𑐟𑐵𑐟𑐫𑑂𑐳𑑄 𑐔𑐶𑐄𑐟𑐵𑑅 𑐥𑑂𑐰𑑄𑐎𑐹𑐐𑐸 𑐡𑐸 𑑋 𑐮𑐶𑐳𑐾𑑄 𑐥𑐬𑐩𑑂𑐥𑐬𑐵𑐐𑐟 𑐱𑐶𑐮𑑂𑐥𑐎𑐮𑐵 𑐳𑑄𑐬𑐎𑑂𑐲𑐞𑐫𑐵 𑐣𑐶𑑄𑐟𑐶𑑄 𑐠𑑂𑐰 𑐳𑐩𑑂𑐧𑐣𑑂𑐢𑐷 𑐖𑑂𑐘𑐵𑐣𑐫𑐵𑐟 𑐥𑐸𑐮𑐵𑑄𑐐𑐸 𑐥𑐸𑐳𑑂𑐟𑐵𑑄 𑐤𑐹 𑐥𑐸𑐳𑑂𑐟𑐵𑐫𑐵𑐟 𑐮𑑅𑐯𑐵𑐣𑐵 𑐰𑐣𑐾𑐩𑐵𑑅𑐐𑐸 𑐏𑑃𑐫𑑂 𑐣𑑄 𑐳𑐬𑑀𑐎𑐵𑐬𑐵𑐰𑐵𑐮𑐵𑐟𑐫𑑂𑐳𑑄 𑐧𑑅 𑐧𑐶𑐄𑐐𑐸 𑐡𑐸 𑑋 𑐥𑑂𑐬𑐟𑐶𑐲𑑂𑐛𑐵𑐣𑐫𑐵 𑐎𑐸𑐮𑐥𑐟𑐶 𑐎𑐾𑐎𑐾 𑐎𑐬𑑂‍𑐩𑐵𑐔𑐵𑐬𑑂‍𑐫𑑄 𑐥𑐬𑐩𑑂𑐥𑐬𑐵𑐐𑐟 𑐬𑐸𑐥𑑄 𑐡𑐫𑐾𑐎𑐵𑐟𑑅𑐐𑐸 […]

𑐮𑐮𑐶𑐟𑐎𑐮𑐵 𑐥𑑂𑐬𑐟𑐶𑐲𑑂𑐛𑐵𑐣𑐫𑑂 𑐥𑑁𑐨𑐵𑑅 𑐔𑐶𑐟𑑂𑐬𑐎𑐮𑐵 𑐰𑐶𑐲𑐫𑐫𑑂 ...


Photo Credit :Xinhua/Sunil Sharma ?????????? ????? ???????? ????????? ??????. ???????? ?????????‍? ????????? ????????? ?????, ???????? ??????? ????? ???? ???? ????? ?????? ?????? ???????? ??????? ????? ?????? ????????? ???? ??? ? ????????? ???? ??????, ?????, ???????, ?????????, ??????? ?????? ??????? ?? ? ?????????? ?????? ?? ??????? ???? ??? ???? ????????? ?????? ?????? ???????? ???? ???????? ???? ??? ?????, ?????? ???????? ??????, ?????? ????? ??????? ????? ???? ????? ??????? ?? ??????? ?? ? ?????? ????? ??????? ?????? ?? ?????? ???????? ??? ????? ????? ???? […]

?????????? ????? ???????? ?????????



𑐫𑐾𑑃 – 𑐨𑐵𑐬𑐟𑐫𑐵 𑐳𑐶𑐎𑑂𑐎𑐶𑐩𑐫𑑂 𑐮𑐕𑐶𑐫𑑄𑐎𑑄 𑐣𑐾𑐰𑐵𑑅 𑐨𑐵𑐫𑑂 𑐳𑑂𑐫𑐣𑐾𑐐𑐸 𑐥𑑂𑐬𑐱𑐶𑐎𑑂𑐲𑐞 𑐱𑐸𑐬𑐸 𑐖𑐹𑐐𑐸 𑐡𑐸 𑑋 𑐳𑐶𑐎𑑂𑐎𑐶𑐩𑐫𑐵 𑐳𑐶𑐒𑑂𑐟𑐵𑐩𑐫𑑂 𑐳𑑂𑐠𑐵𑐣𑐷𑐫 𑐣𑐾𑐰𑐵𑑅𑐟𑐫𑑂 𑐡𑐠𑐸𑐂 𑐠𑑂𑐰 𑐎𑐎𑑂𑐲𑐵 𑐱𑐸𑐬𑐸 𑐫𑐵𑑅𑐐𑐸 𑐏𑑅 𑑋 𑐳𑐶𑐒𑑂𑐟𑐵𑐩𑐫𑐵 𑐣𑐾𑐰𑐵𑑅 𑐨𑐵𑐫𑑂 𑐧𑑂𑐰𑐣𑐾𑐎𑐸𑐠𑐶𑐫𑐵 𑐐𑑂𑐰𑐳𑐵𑐮𑐫𑑂 𑐖𑐹𑐐𑐸 𑐄𑐐𑐸 𑐣𑐾𑐰𑐵𑑅 𑐨𑐵𑐫𑑂𑐫𑐵 𑐎𑐎𑑂𑐲𑐵𑐫𑑂 𑐳𑐶𑐒𑑂𑐟𑐵𑐩 𑐰 𑐖𑑅𑐏𑑅 𑐔𑑂𑐰𑑄𑐥𑐶𑑄 𑐣𑐵𑐥𑑄 𑐫𑐵𑐣𑐵𑑅 𑑔𑑖 𑐪 𑐧𑑂𑐰𑑃𑐩𑐶𑐟𑐫𑑂𑐳𑑄 𑐧𑑂𑐰𑐟𑐶 𑐎𑐫𑐵𑐔𑑂𑐰𑑄𑐐𑐸 𑐡𑐸 𑑋 𑐠𑑂𑐰 𑐎𑐎𑑂𑐲𑐵 𑐖𑑂𑐫𑐵𑐫𑑂 𑐰𑐣𑐾𑐩𑐵𑑅𑐥𑐶𑑄 𑐩𑐣𑐹𑐟𑐫𑑂 𑐮𑐵𑐐𑐶𑑄 𑐳𑐣𑐶𑐮𑐫𑑂 𑐰 𑐩𑐾𑐥𑐶𑐣𑐶 𑐮𑐵𑐐𑐶𑑄 𑐳𑐸𑐠𑐫𑑂 𑐫𑐵𑐣𑐵𑑅 𑐣𑐶𑐐𑐹 𑐱𑐶𑐦𑑂𑐚 𑐳𑐘𑑂𑐔𑐵𑐮𑐣 𑐫𑐵𑐣𑐵𑐔𑑂𑐰𑑄𑐐𑐸 𑐡𑐸 𑑋 𑐎𑐎𑑂𑐲𑐵𑐫𑐵 𑐄𑐮𑐾𑐖𑑂𑐫𑐵 𑐳𑐩𑐵𑐬𑑀𑐴𑐫𑑂 𑐰𑐬𑐶𑐲𑑂𑐛 𑐳𑐩𑐵𑐖𑐳𑐾𑐰𑐷 𑐡𑐾𑐰𑐎𑐸𑐩𑐵𑐬𑐷 𑐥𑑂𑐬𑐢𑐵𑐣 𑐩𑐹𑐥𑐵𑐴𑐵𑑄 𑐎𑐠𑑄 𑐗𑐵𑑅𑐐𑐸 𑐏𑑅𑐳𑐵 𑐱𑐵𑐣𑑂𑐟𑐶𑐣𑐐𑐬 𑐐𑐵𑐄𑑃 𑐳𑐸𑐢𑐵𑐬 𑐳𑐩𑐶𑐟𑐶𑐫𑐵 𑐣𑐵𑐫𑑅 𑐎𑐺𑐲𑑂𑐞 𑐎𑑂𑐲𑐾𑐟𑑂𑐬𑐷 𑐰𑐶𑐱𑐾𑐲 𑐥𑐵𑐴𑐵𑑄 𑐎𑐠𑑄 […]

𑐳𑐶𑐎𑑂𑐎𑐶𑐩𑐫𑑂 𑐮𑐕𑐶𑐫𑑄𑐎𑑄 𑐣𑐾𑐰𑐵𑑅𑐨𑐵𑐫𑑂𑐫𑐵 𑐎𑐎𑑂𑐲𑐵


𑐀𑐨𑐶𑐲𑐾𑐎 𑐥𑐵𑐛𑐎 𑐣𑑂𑐫𑐵𑐤𑐸𑐟𑐎 𑐠𑑅𑐕𑐾𑑃𑐫𑑂 𑐔𑑂𑐰𑐣𑐵𑑅 𑐧𑐶𑐡𑐵 𑐣𑑂𑐫𑐵𑐫𑐾𑐎𑐾𑐢𑐸𑑄𑐎𑐵𑑅 𑐕𑐾𑑃𑐫𑑂 𑐮𑐶𑐴𑐵𑑄 𑐰𑐫𑐵𑐧𑐮𑐫𑑂 𑐖𑐶𑐩𑐶 𑐧𑐸𑐬𑐵 𑐖𑐶𑐟𑑅 𑐮𑐳𑐎𑐸𑐳 𑐫𑐵𑐫𑐾𑐟 𑐕𑐾𑑃𑐫𑐵 𑐤𑑂𑐫𑑅𑐣𑐾 𑐥𑐶𑐴𑐵𑑄 𑐰𑐫𑐵𑐔𑑂𑐰𑐣 𑑋 𑐕𑐾𑑃𑐫𑑂 𑐰𑐣𑐾𑐟 𑐩𑐹 𑐐𑐾𑐚𑑄 𑐡𑐸𑐴𑐵𑑄 𑐰𑐣𑐾𑐰𑑄 𑐐𑑂𑐫𑐵𑐬𑐾𑐖𑐫𑑂 𑐕𑐐𑑅 𑐥𑑂𑐰𑐵𑐮𑐵𑐥𑑂𑐰𑐵𑐮𑐵𑐠𑐷𑐐𑐸 𑐐𑐵𑐜𑐷 𑐡𑐶𑐎𑐵𑐟𑐮– 𑐳𑑂𑐰𑐶𑐦𑑂𑐚 𑐜𑐶𑐖𑐵𑐫𑐬 𑑋 𑐖𑐶𑑄 𑐩𑐶𑐏𑐵𑑄 𑐩𑐶𑐏𑐵𑑄 𑐟𑐸𑑄 𑐧𑐸𑐬𑐵𑐫𑐵𑐟 ‘𑐕𑐸 𑐏𑑅 𑐠𑑂𑐰’ 𑐢𑐫𑐵𑐠𑐾𑑄 𑐤𑑂𑐫𑐳𑑅 𑐟𑐫𑐵𑐧𑐮𑐫𑑂 𑐧𑐸𑐬𑐵𑑄 𑐐𑐵𑐜𑐷𑐫𑐵 𑐟𑐵𑑅𑐔𑐵𑑅 𑐴𑐾 𑐖𑐶𑐐𑐸 𑐯𑐵𑐟𑐫𑑂 𑐖𑑂𑐰𑑄𑐎𑐵𑑅 𑐢𑐵𑐮, ‘𑐎𑐤𑐫𑑂𑐣𑐶𑐳𑐾𑑄 𑐕 𑐠𑑂𑐰 𑐴𑐾 𑐐𑐵𑐜𑐷𑐂 𑐔𑑂𑐰𑐣𑐵𑑅 𑐎𑐮𑐾𑐖 𑐰𑐣𑐾𑐐𑐸 𑐎𑐵 𑐥𑑂𑐬𑑀𑐦𑐾𑐳𑐬 𑐳𑐵𑐴𑐶𑐧𑐵 𑑋’ ‘𑐌 𑐩𑐵𑐂 𑐐𑐜 𑑋𑑋’ 𑐖𑐶𑐟𑑅 𑐠𑐸𑐮𑐶 𑐮𑐫𑑂𑐟𑐵 𑐰𑐮𑐎𑐶 𑐖𑐶𑐐𑐸 𑐪𑐸𑐟𑐸𑑄 𑐠𑐸𑐮𑐶𑑄 𑐀𑐥𑑂𑐰𑑅 𑐩𑐾𑐐𑐸 𑐕𑐸𑑄 𑐥𑐶𑐴𑐵𑑄 𑐴𑐾 𑐰𑐫𑐾𑐩𑐦𑐸𑐟 […]

𑐖𑐶𑐩𑐶 𑐀𑐧𑐸𑐫𑐵 ‘𑐍𑐎𑐵𑐟’


-𑐴𑐶𑐩𑐾𑐱 𑐧𑐖𑑂𑐬𑐵𑐔𑐵𑐬𑑂‍𑐫 𑐖𑐶 𑐡𑐎𑐮𑐫𑑂 𑐀𑐥𑑂𑐰𑑅 𑐠𑑂𑐫𑑄𑐐𑐸 𑐡𑐾𑐫𑑂 𑐏𑑅, 𑐧𑑄𑐐𑐮𑐵𑐡𑐾𑐱 𑑋 𑐥𑑂𑐫𑐎𑑂𑐰𑑅 𑐖𑐶 𑐀𑐣 𑐰𑐣𑐾 𑐢𑐸𑐣 𑑋 𑐧𑑄𑐐𑐮𑐵𑐡𑐾𑐱 𑐠𑑂𑐫𑐣 𑐎𑐶 𑐕𑐐𑐹 𑐠𑐵𑐳𑐫𑑂 𑐖𑐶 𑐤𑑂𑐫𑐵𑐧𑑂𑐮𑐾𑑄 𑐰𑐣𑐵, 𑐀𑐮𑐾 𑐰 𑐏𑑅– 𑐝𑐵𑐎𑐵 𑐩𑐾𑐜𑐶𑐎𑐮 𑐎𑐮𑐾𑐖 𑐎𑑂𑐫𑐵𑐩𑑂𑐥𑐳 𑑋 𑐤𑐵𑐥𑐵𑑄𑐐𑐸 𑐥𑐵𑐮𑐫𑑂 𑐝𑐵𑐎𑐵𑐫𑑂 𑐰𑐣𑐵𑐧𑐮𑐫𑑂 𑐀𑐣𑐫𑐵 𑐥𑐟𑑂𑐬𑐎𑐵𑐬 𑐥𑐵𑐳𑐵𑐥𑐶𑑄𑐳𑑄 𑐫𑑄𑐎𑐹𑐐𑐸 𑐏𑑅, 𑐀𑐣 𑐰𑐣𑐾 𑐴𑐾 𑐩𑐵𑑅 𑐢𑐎𑐵𑑅 𑑋 𑐮𑐶𑐥𑐵 𑐖𑐶 𑐠𑑅 𑐴𑐾 𑐰𑐣𑐾𑐐𑐸 𑐫𑐵𑐣𑐵 𑑋 𑐄𑐐𑐸 𑐎𑑂𑐫𑐵𑐩𑑂𑐥𑐳𑐫𑑂 𑐳𑑂𑐩𑐵𑐬𑐎 𑐡𑐫𑐾𑐎𑐵 𑐟𑑅𑐐𑐸 𑐡𑐸, 𑐐𑐸𑐎𑐷𑐫𑐵𑐟 𑐳𑐴𑐷𑐡 𑐳𑑂𑐩𑐵𑐬𑐎 𑐢𑐵𑐫𑐾𑐐𑐸 𑐫𑐵𑑅 𑑋 𑐀𑐮𑐾 𑐠𑑂𑐰 𑐏𑑅, 𑐠𑑅𑐐𑐸 𑐩𑐵𑑄 𑐨𑐵𑐫𑑂𑐫𑐵 𑐣𑐶𑐟𑐶𑑄 𑐧𑐮𑐶𑐡𑐵𑐣 𑐫𑐵𑑅𑐥𑐶𑑄 𑐳𑐴𑐷𑐡𑐟𑐫𑑂𑐟 𑐮𑐸𑐩𑑄𑐎𑐵𑑅 𑐡𑐫𑐾𑐎𑐵𑑅 𑐟𑑅𑐐𑐸 𑐳𑑂𑐩𑐵𑐬𑐎 𑑋 𑐠𑐣 𑐠𑑂𑐫𑐣 𑐎𑐶 𑐖𑐶𑑄 𑐠𑑅𑐟 𑐀𑐮𑐐 𑐴𑐾 𑐀𑐣𑐸𑐨𑐰 […]

𑐡𑐎𑐮𑐫𑑂 𑐫𑑅𑐐𑐸 𑐩𑐵𑑄 𑐨𑐵𑐫𑑂



-𑐀𑐳𑑂𑐩𑐷𑐟 𑐩𑐮𑑂𑐮 ‘𑐨𑐵𑐫𑑂𑐫𑐵 𑐣𑐶𑑄𑐟𑐶𑑄 𑐕𑐶𑐩𑐶𑐳𑑄 𑐠𑑅𑐐𑐸 𑐖𑑂𑐫𑐵𑐣 𑐥𑐵𑐟 𑐬𑐩𑐣𑐵𑐫𑐵 𑐡𑐸𑐰𑐵𑐟𑐫𑑂 𑐴𑐶𑐧𑐵𑑅 𑐰𑐫𑐾𑐎𑐮 𑐳𑐷𑐩𑐵 𑐰𑐵 𑐩𑑂𑐰𑐵𑐫𑐾𑐩𑐵 𑐧𑑄𑐐𑐵𑐮𑐷 𑐨𑐵𑐫𑑂 𑐧𑑄𑐐𑐵𑐮𑐷 𑐳𑐩𑐸𑐡𑐵𑐫𑐫𑐵 𑐣𑐶𑑄𑐟𑐶𑑄 𑐏𑑅 𑐩𑐵𑑄 𑐨𑐵𑐫𑑂 𑐧𑐶𑐣𑐵 𑐖𑐷𑐰𑐣 𑐩𑐺𑐟𑑂𑐫𑐸 𑐳𑐩𑐵𑐣 𑐏𑑅 𑑋’ 𑐟𑐟𑑂𑐎𑐵𑐮𑐷𑐣 𑐥𑐵𑐎𑐶𑐳𑑂𑐟𑐵𑐣𑐫𑐵 𑐥𑐹𑐬𑑂‍𑐰𑐷 𑐧𑑄𑐐𑐵𑐮 𑐎𑑂𑐲𑐾𑐟𑑂𑐬𑐫𑑂 𑐨𑐵𑐲𑐵 𑐁𑐣𑑂𑐡𑑀𑐮𑐣 𑐖𑐹𑐐𑐸 𑐂𑐮𑐫𑑂 𑐠𑑂𑐰𑑅𑐐𑐸 𑐳𑑅 𑐏𑑅, 𑐠𑑂𑐰 𑑋 𑐠𑑅𑐐𑐸 𑐩𑐵𑑄𑐨𑐵𑐫𑑂 𑐥𑑂𑐬𑐟𑐶 𑐖𑐹𑐐𑐸 𑐀𑐣𑑂𑐫𑐵𑐫 𑐰 𑐡𑐩𑐣𑐫𑐵 𑐰𑐶𑐬𑐸𑐡𑑂𑐢 𑐁𑐣𑑂𑐡𑑀𑐮𑐶𑐟 𑐧𑑄𑐐𑐵𑐮𑐷 𑐰𑐶𑐡𑑂𑐫𑐵𑐬𑑂‍𑐠𑐷 𑐰 𑐧𑐸𑐡𑑂𑐢𑐶𑐖𑐷𑐰𑐶𑐟𑐫𑑂𑐳𑑄 𑐥𑐵𑐎𑐶𑐳𑑂𑐟𑐵𑐣 𑐳𑐬𑐎𑐵𑐬𑐫𑐵 𑐰𑐶𑐬𑑀𑐢𑐫𑑂 𑐐𑐸𑐧𑐮𑐫𑑂 𑐳𑑅 𑐠𑑂𑐰𑐫𑐾𑐎𑐮, 𑐄𑐧𑐮𑐫𑑂 𑐱𑐴𑐵𑐡𑐟 𑐥𑑂𑐬𑐵𑐥𑑂𑐟 𑐱𑐴𑐶𑐡𑐫𑐵 𑐳𑐩𑑂𑐩𑐵𑐣𑐫𑑂 𑐳𑐟𑐎𑐫𑑂 𑐥𑑂𑐰𑑄𑐎𑐹𑐐𑐸 𑐀𑐨𑐶𑐰𑑂𑐫𑐎𑑂𑐟𑐶 𑐏𑑅 𑐠𑑂𑐰 𑑋 𑐬𑐵𑐖𑑂𑐫𑐫𑐵 𑐨𑐵𑐲𑐶𑐎 𑐣𑐷𑐟𑐶 𑐥𑑂𑐬𑐟𑐶𑐫𑐵 𑐀𑐳𑐴𑐩𑐟𑐶 𑐰 𑐠𑑅𑐐𑐸 𑐩𑐵𑑄𑐨𑐵𑐫𑑂 𑐥𑑂𑐬𑐟𑐶𑐫𑐵 𑐳𑐩𑑂𑐩𑐵𑐣𑐫𑑂 𑐧𑑄𑐐𑐵𑐮𑐷 𑐖𑐣𑐟𑐵𑑄 […]

𑐩𑐵𑑄𑐨𑐵𑐫𑑂𑐫𑐵 𑐣𑐶𑑄𑐟𑐶𑑄 𑐖𑐹𑐐𑐸 𑐁𑐣𑑂𑐡𑑀𑐮𑐣